#المهمه٢. ٢٣&٢٤&٢٥ الاخيره
الحلقه٢٣
بسم الله الرحمن الرحيم
(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ)
صدق الله العظيم
ياسين دخل الفيلا وكان سرحان وطلع علي الاوضه
اميره : مالك ياقلبي
ياسين بصلها وساكت بيفكر هيقولها ازاي
اميره : قول عايز ايه من غير تفكير
ياسين ابتسم : عندي استدعاء علي الحدود
اميره بخضه : الحدود
ياسين : اه . مالك انتي عارفه شغلي
اميره : بس الحدود خطر
ياسين : يا سلام . ما انا كل شغلي خطر
اميره : مش عارفه يا ياسين . انا مش مطمنه وخايفه عليك
ياسين : قل لن يصيبنا إلا ما كتبه الله لنا
اميره : ونعم بالله . طيب قولهم مش رايح
ياسين : لا طبعاً انا مش جبان . يرضيك حد يقول عليا جبان
اميره بدموع : طيب انا اعمل ايه دلوقتي .
ياسين مسح دموعها وضمها ليه : متعمليش . حضري الشنطه ووداعيني
اميره : اودعك .. انت مش هتمشي من هنا
ياسين لسه حضنها : وبعدين معاكي . انتي عارفه انا بحب شغلي وبحب بلدي ولازم احميها .
اميره : وانا بحبك اعمل ايه خايفه عليك .. قول لقلبي ميخفش
ياسين : يا مجنونه انا بحبك اكتر بس عشان خطري متصعبيش الموضوع عليا .. وطمني قلبك اني بحبه وبحبك . بس لازم امشي
اميره بدموع اكتر : خليك معايا وانا مش هضايقك . متروحش وتبعد عني . انا قلبي مقبوض .وخايفه . مش عارفه ليه
ياسين : انا غلطان إن قولتلك الحقيقه . كده همشي وانا زعلان منك . وبعدين اطمني ربنا معايا . انتي بقيتي خوافه اوي كده ليه . ده انتي علي طول بتبقي واقفه في ضهري . فاكره اما سافرنا امريكا وكنت خايف عليكي من المهمه وانتي قولتي متخفش انا اسد . الاسد بقي ده راح فين . عيب عليكي ده انا دربتك وتعبت فيكي . تعملي كده في الاخر
اميره : انا مش اسد . انا طفله وخايفه عليك
ياسين : انتي بنت قلبي . يا عمر ياسين وياروح ياسين . بطلي عياط بقي . قلبي واجعني .. يرضيكي قلب ياسين حبيبك يوجعه. لو يرضيكي كملي عياط
اميره بتمسح دموعها بحركه طفوليه : اهو . بس هي عيني الا مش راضيه تسكت . اعملك ايه
ياسين بابتسامه باس عيونها : ياعني عيونك مش بتحبني عشان كده بتعيط . بتعذبني
اميره : لا . انا كل حاجه فيا بتحبك عيوني وقلبي وعقلي وكلي
ياسين : كلك . كلك
اميره : ههههههههه . اه
ياسين : شوفتي بقي اما بتضحكي الدنيا بتضحك ازاي
اميره بحزن : ياسين . مفيش امل انك تقعد معايا
ياسين : والله غصب عني ده شغلي
اميره : طيب هتمشي امتي
ياسين : بعد الفجر .. هصلي وامشي
اميره ساكته مش عارفه تقول لياسين ايه كده كده هيمشي بس هي هتختار يمشي وهو حزين وله وهو مطمن عليهم
ياسين : ها بتفكري في ايه .. متحوليش ده استدعاء وانا مطلوب بالاسم يعني مش هينفع اقعد . ريحي دماغك الجميله دي
