رجعت سويده للبيت منامت للصبح خلصت الاعذار هوه انه شسوي غير بس ادحج على خلقته بس شنهي هوه مايريد يشوفني جا هوه شايف وعايف الى انه شلون اروح اشوفنه اريدلي عذر الصبح نايم ميسمع الى صوت سويده ولج ردي لانعل اهل اهلج وج لايكعد الدختور والله الى اذبحج
كعد ليث على السرير فرك راسه يربي شراح يخلصني منه طلع من البلكونه انتجه الشمس بضهره صاح بيه شعندج هنا حطت ايده على عينه ويه روحه عزه بعين امك شلون جابتك ماخافت على بنات الناس وك انته لو الشمس تضوي
ليث شتردين موكلتي بعد لو اموت مااجي
سويده اي وروح جدي كلت ولا اصل يمك بلاكت الصخله كطع يومه شردت مني وجت لهنا لاتزعل الى اذبح الك حتى ماتعيده
ليث لا اله الى الله تدرين شنو اكره وسمي بالدنيه من اشوف مره ومن واحد لزكه اخذي صخلتج وروحي
سويده اي تامر دختور انته شنو تحتاج انه بالرعي يلا انه مسلم عليكم راحت رجع نزل للمطبخ دور ملكه لاخبز ولا صمون لو طالب منه خبزه طيب خبزهم يلا اليوم اتريك بض وجبن بلا خبز لما يجيبون الغده
سويده طبت للبيت كملت شغله وراحت كعدت يم ابوهه هله بالشايب ابونعمان ضحك هله بام لسان
سويده اكول يابه اصبلك جاي ا
ابو نعمان اي والله يابه مشتاك الجاي المهيل من ايدج
سويده مو تدلل اكول يابه البيت القديم مال القطاعيين شفتهم فتحو
ابو نعمان شوكت
سويده يابه صار اسبوع بس شنو قصته
ابو نعمان اني جنت بعمرج لو اصغر اشتغل ويه الفلح بحديقتهم جانو يكرمون العامل عدهم من صار حكم التمليك مال الفلاحين وزعو اراضيهم للفلاحين ومبقالهم غير اربع دوانم وهذا البيت من صار هيج ابو البيت استاد رجب اخذ ابنه بكدي وسافر البغداد زوجه هناك واستاد رجب كل مره يجي بيوم اجوي الخدم نزلو الاثاث بالسرداب ووصاني استاد رجب اجي كل وكت اخم الغراض وانضفهن محد يعرف مكان باب السرداب غير انه واستاد رجب حتى ابنه ميعرفه
سويده ويه روحه واني اكول ليش ينشدني مين طبيتي اي يابه كمل
ابونعمان راح استاد رجب و ره مده اجه ابنه نطاني المفاتيح وسلم عليه عنده ولد صغير بوكته كال راح اعيش ببغداد يم اهل زوجتي واستاد رجب توفه قبل كم سنه سمعت رايحين بالخارج يم الاجانب
سويده ها اي بويه يمكن ابنهم الصغير جاي يعيش هنا
ابو نعمان لزوم اروح احييه واطي المفاتيح مال البيت
سويده بويه غيرو كل البوب مايحتاجوهن الى انته دير بالك تكله على السرداب
ابو نعمان ليش
سويده بويه خاف والده ميرضى من يجي ابو يله احجي خاطر يحترموك
ابو نعمان حجي عدل اني اروح الصبح اسلم عليه
سويده اي بويه روح
ثاني يوم ابو نعمان توجه البيت ليث
ابو نعمان السلام عليكم
ليث وعليكم السلام
ابو نعمان اضن انته ليث جدك يصير استاذ رجب
ليث اي وصلت اني ماعرفك ولا صغرا بيك
اني عمك ابو نعمان
ليث كل الهلا حضنه شلونك يالطيب كبران وصاير عجوز
ابو نعمان والله يعمي الوكت يحكم
ليث عمي ياريت يوميه اشوفك ماعرف احد هنا
ابو نعمان على راسي يبن الغوالي قبل كلشي عشاك يمنه ادزلك واحد من الولد
ليث اندل بيتكم ميحتاج بشرط اجيكم غفل حتى اكعد وياكم براحتي بلا متتكلفون وصدك عمي بعد اريد خدمه
ابو نعمان اامر بويه
ليث هاذا الاسبوع راح يجون فلح يرتبون الحديقه واريدك على راسهم يعني تصير رئيس الفلح لان انته تعرف طراز الحديقه بوكت جدي واريده نفس الشي ليث كلش حب ابو نعمان لان يذكره بزمن جده وابو
رجع ابو نعمان
سويده ها بويه رحت للبيت القديم
ابو نعمان اي
سويده تربعت احجيلي بالتفصيل الممل من دشيت يمهم لحد مارديت
ابو نعمان تربع كباله وجر ضفيرته شلج بحجي زلم يايوم حاجيلج كومي من وجهي لاغطه بالفحم واشوهه وجهج دفره ولف راسه ونام
حكت ششعره اني الك يالشايب ركضت كملت
شغله
