ليث واختك ليش مطبخت
زيد عمو لا طبخت دولمه وطبخت دجاج الخبله تسمي مندي وطبخت تتبسي وسوت كبه لحم ملفلف بالتمن
ليث وليش دازيلي هاذا الاكل
زيد مو شنهي سويده تطبخ للسلف بفلوس
ليث بعصبيه امشي صيحلي اختك
زيد اي عمو ركض طب للبيت لج سويده الدختور يكول خل تجي بسرعه
سويده ليش
زيد اشو عصبي يكول صيحلي اختك
سويده لا هاذا انهبل رسمي الى اروح اهد علي شنو ششايفني يهد ويعد ويطرد ومن يصيحني لازم اركضله راحت لكته كاعد بالهول يحك بلحيته ويعاين على الاكل طبت على اساس تهد عليه من شافه وكف كدامه اقترب بعصبيه هاذا شنو عاينت
سويده هذا اجل انته طلبت
ليث ناطي نوه لو فلوس
سويده فلوس
ليث وتطبخين بيهن للناس واني تزيلي لوبيه سلك اسمعي لج مو متعلمه على البوك عاينته بغضب اول مره يشوف هيج نضره
اسمع يدختور انه غلطت وتعذرت وجبتلك بدل الاكل عشر وجبات بس انته ردت طباخ امي وكتلي ماريدج تلزمين اكلي امي ماتعرف اكل الحضر
حس بروحه ضلمه بس يكابر وانتي مين تعلمتي وراح كعد ياكل عاينته هاي شبي يحجي عدل يجوز غير واحد عاينه ضايجه شنو السالفه ليث تقشمرت بكلمتين شبيه اني تعلمت على هوسته
ليث كعدي كعدت بالكع عاينه ابتسم
سويده ويه روحه حضرت كومه رزاله اله اشو من شفته اخرسيت امداني عاينه صافنه كومي كبل وكفت كعدي على القنفه كعدت
سويده هسه اني شسوي
ليث احجيلي شنو سالفة الطبخ الي تطبخي بفلوس
سويده مو شنهي انه من دشيت اول مره هنا واشوفلك دجاجه الى شنهي تهبل ومدري شلون عبرت من زرابيدي ليجوه
ليث غص الكلمه تضحك شنو شنو عيدي
سويده وداعتك دختور دشت زرابيدي بعضامه ولا حسيت
ليث دقيقه كل عقله زرابيده جيوبه ساله وين صايره زرابيدج
سويده يا انجان ماعدك زرابيد جا شلون تبلع اشرت على بلاعيمه ماسامع يكطو من زرابيده هنا عاف الاكل فسري
ها انتم ماتعرفون حسجتنه
ليث اويلي هوه اني فهمت الاولى حتى تطلع الثانيه
سويده شراح يعلمه يربي وانه عبالي الدختور كلشي يعرف اسمع دختور انته بس لاتضحك حتى افهمك انته عرفت الزرابيد عدكم بلاعيم مدري شنهي والحسجه انتم سمونه لكنه ذبه طور احنه نسمي حسجه ابتسم حجيه يضحك ومعدل وفصوته يدخل القلب
ليث كملي ا
سويده اي دكتور وانه يوم الثاني شفت الدولمه حسبالي تمن مكمط بدت تشرحله وهوه كل شويه يطكه بضحكه كل شويه يتيه بعينه ويصحه على كلمه مسامعه قبل حست خلص الكلام كلتله دختور اني اروح
ليث دقيقه مدام انتي موجوده عندي اتفاق وياج
سويده حست بروحه تقدمت خطوه ويه روحه فدواتك ابو فريخاتي العشره بصوت عالي تامر استاد
ليث اول خدريلي جاي وبعدين افهمج هيه دخلت المطبخ وهوه كل شويه يضحك على مصطلحاتها العجيبه جابت الجاي اخذ الجاي كله تركضين فوك الغرفتي هيه صخنت هوه كمل تلكين على الكومدي محفضه جيبيه وتعالي
سويده ها اي ركضت شافت غرفته بيه عطره كلشي مرتب ويه نفسه تحجي لا هيج يطلكني بيومي انه غرفتي كل راس سنه انضفه مره وهاي راح تطك من النضافه رجعت تركض نطته المحفضه سحب المحفضه وطلع فلوس
ليث اسمعي سويده هاي اكل مال اسبوع اريد انتي تطبخين وتشكريلي من خاله ام نعمان اخذت الفلوس كلتله وتطمن وروح جدي ماوصل لهنا ابد ادز اخويه زيد حاول يكتم ابتسامته مكدر
ليث الله يساعد جدج شكد تسلتين بروحه دخلي راكد بكبره راحت حس بفراغ عود مري ويه ابوج سويلنه ريوك ميدري ليش حجه هيج
سويده ويه روحه يمه فدوه الضحكتك اويليي بويااااي لو ربي يخرسك يدكتور لان كل ماتحجي اني اذوبن واموعن ودربي ماندله بالطريق وهيه راجعه تلكاها خضر هله بالكمر عاينته
