ثاني يوم سويده طابخه جدرين دولمه للناس بفلوس وتوهه مخلصه خبز ويه الغروب شالت الجدر وناويه تطلع اندكت الباب سويده على بالها اهل الدولمه
سويده اي اي شوراكم جلب احول لو شنهي فتحت الباب اخرست وره مشهكت عزه بعين ابوي لج يمه وربي راحت رجيلاتي اشو مايشيلني كان مبتسم صفن
ليث ويه روحه اعوذ بالله كمت اشوفه مثل الكابوس بكل مكان بلا متنتبه ركضت تريد تصيح ابوهه شكله يضحك تركض وجدر الدولمه على راسه
ياسه شبلاج يسويده تخبلتي لاتحتركين
سويده لج هوه انه احتركت شلون بيه لاكاله لابوي تبوك اكلي
ياسه يااا يمه اسم الله شبيج دوهستي
طلع ابو نعمان ياهلا بالاستاذ والله فرحتني تفضل ٠ام نعماااان تعالي اجه استاذ ليث
ليث السلام عليكم
ام نعمان كل الهلا وليدي الك الدار والنه العتبه محروس بالله ورسوله
ليث تسلمين خاله ٠ويه نفسه الله ياطيبة اهل الريف
دخلو الليوان
ابو نعمان ساعة المباركه يالغالي
ليث واني كاعد ريحة الدولمه ترد الروح وريحة خبز تنور
ابو نعمان بويه مرت عمك تحبك اليوم طابخين اجل بغداد
سويده ولك زيد تعال يمدهرب روح شوف ابويه شيحجي وتعال كلي
زيد وتنطيني من هاي الدولمه
سويده عزه بعينك ابوكرش وك هاي مال بيت نصيره
زيد هيج دروحي ماحجي
سويده انه الك دروح عود اكطفلك من راس الجدر
زيد دخل كعد كبال ليث
ليث هلو عمو شلونك
زيد انه بخير
ليث شافه مدبدب وابيض كله مبين عليك بطل هاي شسوي وصرت هيج بطل
زيد هيج انه عود اكعد من فجرية ربنه اجل واطلع اخذلي خيزرانه واوكف بالباب ياهو اليمشي من يم بابنه الكطه بخيزرانه كله تخاف مني
ضحك ليث واني هم تلكطني
زيد لاوروح جدي ما اصل يمك تذكر كلام سويده وضحك
ليث مادام احلفت بروح جدك راح اصدك
ابو نعمان زيد بويه كلهم يزهبون العشه
زيد اي بويه ركض وهو يصيح راحت عليج يسويده
سويده خايب شجرالك شصار
زيد اول اطيني ماعوني
سويده دهاك احجي مو لوعتني
زيد ابويه يكول صبو عشى
مال بغداد راحة الدولمه على نصيره
سويده عزه شراح اكله يله فدوه لعيون الدختور صبن الدولمه وخبز ابو السمسم وروبه وزلاطه نصبو العذه وكعد زيد بعد ماضم الماعون مالته تعشو
ليث عمي شكد ماكل ببغداد دولمه ماواصله الهذا الطعم ٠وركض لج سويده يكول مماكل من هاي الدولمه سويده فرحت ويه روحه
بوسته روح يبعد اختك اسمع شيكلون
