البيت هوسه كل واحد ملتهي يرتب صفحه وسويده ثابره الدنيه تنضيف وطبخ وكل شويه داكه ياسه وفريحه وياهن التمن الكل ابو نعمان بويه نعمان روح اعزم الدكتور
نعمان تامر بويه
صلاح سويده عوفي الشغل تحضري اريدج ويايه ندخل سحر للصالون
سويده تهوس
الحاكم كال هاذا المعرس مين
عمامه شيوخ وخواله سلاطين
٠
عمامه هواي والشارع يسدون
ضحك ديله ولج امشي
سويده جا موعرس الغالي اليوم احرك الدنيه اركص حتى بنص الزلم
صلاح ضحك لاهاي هيه لاحبيبتي يكفي تركصين يم النسوان
بدلت وطلعت وياها صلاح اشكر عيونه صفر رياضي اله هيبه دخل كومه خطار من اهل العروس نبهرو بحسنه كرصته سويده وتهمس قريتلك القرعان كله خايفه من عيونهن يعاينوهه صدك لبس فلاح بس اله هيبه حبوهه
صلاح عمه تريدين تجين ويه سحر انه جبت سويده
ام سحر لو مسميهه قمر مراهم البنيه تضوي والاسم سويده بس لايمه عندي كومه شغل انته اخذه تكملون بالصالون واخذه للمصور سوو البوم وعود جيبه
صلاح تدللين عمه جهزت سحر كعدو بسياره
سحر تهمس قبل منروح للصالون وديني المحل ملابس
صلاح ليش
سحر اليوم فرحة سويده بيك وانته ملبسه كودري هاي اخت العريس ضحك صلاح يله اخذكم سويده ملتهيه فاكه حلكه وتحسب شوارع
دخلو المحل اختارتله فستان برنسيسه بردن طويله لونه ارجواني وحذاء بلونه اشترتله شال شيفون وردي وطلعو بالصالون اتفقت سحر ويه البنات اخذوهه القسم العرائس واخذو سويده الغير قسم العادي لن البنات حلن شعر سويده داخن بلونه المميز شعره ذهبي وشعره بني واصل للخصر كملو طلعت العروس بالصاله وجابو سويده سحر من شافته شهكت
سحر صلي على محمد وال محمد طالع تخبلين
سويده لاعيني انتي الحلوه وطكته بهلهوله بهرت الكل حتى من صعدت للسياره حتى الي بالشارع بهت صلاح فرح بعروسته واخته صلاح لج سويده مال اشلع خدودج من الكرص شنو هالجمال٠٠ العرس بالكهوه وليث ميعرف العرس وين اضطر يدك الباب سويده توهه جايه والشال نازل على راسه كذلته وشعره طالعات وعيونه مكحله شايله لفه وتدردم كطيعه معايفين ولا ماعون تمن تعلس بالخبزه فتحت الباب صار كدامه هيه ممنتبه هوه انصدم ساله وين سويده فتحت كل عيونه عرفه رادت تركض جر ايده ابتسم همس هسه اني راح اموت من صدك لج الى اخطبج اليوم الى اسهر وياج هيه مصفوفه جنه تمثال من راح صحت مخلت وحده مبوسته ركضت لامه شلوني حلوه لو لا
ام نعمان حلوه شلون مو حلوه بنيتي عسل
