الشيخ & العشگ

بارت 36

الشيخ & العشگ

°بسبس

. . . . . . . . . . . . .

سما . . شنو لا و الله و الله معلية ما لبس يعني ما لبس

كملت حجيه جان تندك الباب راحت سجى تفتحه جاسر

. . شبيه سما تعيط

سجى . . تعال شوفه

اندارت سجى . . بنان ممكن تطلعن بقن بس سما جاسر يريد يحجي وياها

سما . . ما معليه ماريد احجي

مها . . لج شوفي شيريد

رادن يطلعن جلبت سما بيهن

سما . . لتطلعن و تعوفني

راحن و عافنه وحده كعدت على السرير سجى و خلت الشال على متونه لان الفستان جان مخلع و مدلع

فات جاسر استغرب من كعدته راح يمه ضل واكف كدامه يباوع عليه هي منزله راسه

جاسر . . كومي

ماردت عليه
جاسر بصوت عالي و عصبية . . كوومي

من الخوف راستن كامت على حيله تقرب عليه و خر الشال من على متونه و بتعد عنه شوية

وكام يباوع عليه من راسه لحد اطراف رجلية تنهد و بعد نظرة عنه

جاسر . . ليش ما عجبج شوفي شحلاته عليج طالعة جكليته

سما بخجل . . لا عاجبني

جاسر . . جا لعياط و الصوت العالي من ساع على شنو

سما . . سرى تكول ألبس وياه حجاب

جاسر . . اي صح

سما . . بس اني ماريد ألبس حجاب بعرسي

جاسر . . جا شتريدين

سما و رفعت راسه تباوع عليه . . بدون حجاب و الله حلو

جاسر و رجع يباوع عليه من فوك ليجوه و يأثر بصبعه . . هيج تطلعين

سما . . اي مو توك كلت جكليته طالعة بي

جاسر . . سما شكلولج عليه مكرن ما عندي غيرة على عرضي اطلعج هيج كدام خلق الله و بعدين اذا انتي جكليته تقبلين ياهو اليجي يأخذ عضه

سما و ضلت صافنه بوجهه

جاسر . . بوية قصدي الجكليته شحلاته مغلفة ما مبين شي منه تخلي الناس كله تتمناها قابل مثل الجكليته المفتوحه الذبان متلم عليه و بالأخير محد له نفس ياكله

سما دنكت مستحيه منه تقرب عليه رفع راسه بيده باوع بعيونه

جاسر . . اريد هاي الجكليته بس الي هسه شراح تستفادين من تنزعين لحجاب بيوم العرس بس ذنوب لج و  تراج متشيلين ذنب نفسج لا ذنوب الناس الي راح تشوفج هم و هذا كله لان تردين بالعرس تذبين لحجاب