الشيخ & العشگ

بارت 44

السلام عليكم

الشيخ & العشگ

قراءة ممتعة

. . . . . . . . . . . .

جاسر . . السلام عليكم

سما . . طلكني

جاسر بصدمة و عدم فهم . . شنو

سما . . كتلك طلكني

جاسر وهو يتقرب عليه مد ايده على جتفه نترته حيل

. . ايدك رجاءا لتلمسني . .

. . شنو ما لمسج ؟ ولج شبيج فهميني شجاج

. . مابيه شي و طلكني

. . ياااا الله هي غير تبطل متنطقه . . استغفر الله ربي
بوية اليوم جيت من السفر و شحلاتج جنتي الصبح شجاج هسه شنو الي صار

. . تعرف كلش زين الي صار و لا تحاول تنكر شفتك بعيني

. . غير افتهم شنو الي شفتي

. . لتسوي نفسك بريء و متعرف

. . سمااا تحجين لو شلون

سما دموعه نزلن. . اذا تحبه و تريده ليش تزوجتني

جاسر عقد حاجبة . . ياهو عن منو تحجين

. . مريم بت عمك حبيبتك جنت مشتاقله مو

. . استغفر الله منين جيبين هل حجي انتي

. . مجبته من احد شفتكم بعيني

جاسر عيونه صارت بكصته من العصبية . . شنو شفتي ولج شنو

. . من جيتو من وره البيت

. . شنوو

. . لتنكر شفتكم هي طلعت و انت طلعت وراها و عود هي الادبسزز تضم بركبته عود تستحي من اعمالك بيه

جاسر بعصبية . . لج شجاي تخربطين احجي عدل و فهميني شمسوية هل نعال بت عمي

. . لتسوي نفسك متع

بعده ممكمله زكح بيه . . سمااا تحجين عدل لو اطيح حظج

سما بخوف من عياطه و عصبيته . . جنت نازله من الدرج رايحة للمطبخ قبل لا افوت طبت مريم و هي مبتسمه من شافتني سوت نفسه مصدومه و خايفة و كامت تغطي بركبته بس شفته ركبته مطكعه فاتت راستن للحمام امداريت للمطبخ شفتك من الشباك اجيت من المنور الي وره البيت و حالتك حاله و شوف دكم دشداشتك مفتوحه و شعرك حته غترتك ملابسه بعد شتريدني اشوف اكثر

هي تحجي و متدري جاي تحط حطب على النار جاسر عصبيه صعدت فول عاط بيه . . طاح حظج و حظ الكلبه بت عمي من شتعلت عشرتجن بنار و نفط . .

يحجي ويفتح بأكمام الدشداشة ذب الساعة و راد يطلع من الغرفة اندار عليه

. . تكعدين هنا و تنجبين حسج ماسمعه اروح اشوف العار الجوا شني مصخمه و اجيج لتستعجلين يجيج السره