الشيخ & العشگ

بارت 26

مساء الخير ياحلوين قراءه ممتعه

# الشيخ & العشگ

° بسبس

. . . . . . . . .

سجى جنت كاعده وينه امي والجدة بالمطبخ نسولف احنه ونحجي فات علينه جاسر هذا شرجعه

مو عساس مسافر شو رجع

وسن . . هاا وليدي شو رجعت ناسي شي

جاسر . . لا شيخه تأجلت السفره على غير مره

وسن . . اي بيه خير

الحجية . . يمه جويسر من جد انت متسافر جا ليش متعرس بهل يومين وتفرحنه

سجى . . اي والله جدة خوش فكرة

جاسر . . ماشي حجية الي تشوفي مناسب سوي اني صاعد انام

وسن . . اي يمه ارتاح . . . حجية لازم من هسه نحضر للعرس

الحجية . . جا شلون هذا عرس البكر لازم يكون جميل وزين

كعدن يتفقن على الغراض الي لازم يشتروهن للعرس وتجهيزات الحفل وكلشي شو ماكو

نص ساعة ونزل جاسر مستعجل كلش وبسرعة طلع مفتهمنه منه شي

وسن . . ياه ياه شبيه توه جا شبسرعة لحك يطلع

سجى . . هو هيج دائما ميلحك يطب للبيت عمود يطلع

وسن . . روحي روحي للغرفة مالته تلكين الجنطة مال سفر بعده ممرتبه روحي تربيه وتعال نسويه الغده

سجى ماكلت لا صعدت لغرفة جاسر رتبت لهدوم وخليت كل حاجة بمكانه كملت دنزل سمعت صوت

ياسر جاي يحجي ويه امي مافتهمت على شنو دحجون وصلت الباب المطبخ اسمع امي دكول

. . لا خطية فهيدان ميستاهل وهسه شلونه

ياسر . . زين الحمدلله يومين انشالله ويطلعو

سجى كلبي نكمش على شنو ديحجون شبي فهد سويت نفسي ممهتمه طبيت

سجى . . شكو منو يومين ويطلع

وسن . . هذا فهد صديق اخوج المكرود البارحة باليل جان بمهمة ومتصاوب بطلقتين

سجى خنكتني العبرة بس لازم ابين لهم كلشي مبيه وشي عادي ممتأثره بيه بس شلون واني كلبي جاي

ينعصر من الوجع عليه طلعت من المطبخ بدون مينتبهون رحت اركض على الدرج اريد اوصل لغرفتي

احس دموعي على دقيقة يخونني وينزلن وصلت للغرفة بس فتت بيه وسديت الباب عيوني من وحدهن

يصبن دموع كمت اناشك بصوت عالي خليت ايدي على حلكي خاف احد يفوت من كدام الغرفة ويسمع صوتي

يربي احمي فهد وعافية والله ماكدر اعيش ضليت ابجي لحد ما جفن دموعي واني كلبي نار شلون اشوفة اريد