الشيخ & العشگ

بارت 22

مساء الخير ياحلوين قراءه ممتعه

# الشيخ & العشگ 

جان عندي حالة وفاه بالبيت لهذا تاخر بالتنزيل 

° بسبس 

ياسر اخذت لمى من المدرسة حبيت ابين كدامه عصبي بعدين فجاه بقرار عقدنه ركبنه السيارة 

اباوع عليه ترجف وخايفة 

ياسر . . لمى شبيج ليش خايفة 

لمى . . عفية ياسر نزلني 

ياسر . . شنو 

لمى . . نزلني لاحد يشوفني وياك 

ياسر بعصبيه . . لج انه خطيبج مو صاحبج و تخافين من الناس تشوفنه 

لمى . . ياسر و الله مو متعوده اركب ويه رجال وحدي

ياسر بصوت هادئ . . بس انه مو اي رجال انه خطيبج وبعد كم شهر ابو بيتج وبعد كم سنة ابو جهالج

لمى خجلانه وصايره حمره . .

ياسر اباوع عليه خجلت وخدوده صارن طماطه . . احتركو عشيرتج ولج 

لمى . . شكو

ياسر . . لتخجلين كدامي خدودج يصيرن طماطه ويكون بودي اضوكهن 

لمى بشوه خجل . . انت لتباوع عليه وتحجي هيج كلام اني ماخجل

ياسر . . اذا ما باوع على مرتي واتغزل بيه جا عليمن اباوع وتغزل بنات العالم

لمى . . دفكر تسويه و شوف شسوي بيك 

ياسر . . هههه شسوين مثلا

لمى . . افصخ الخطبة 

ياسر بعصبية مكتومه . . انه من الاساس ما سويه مو لان احبج وكذا لا لان اخاف على عرض العالم 

واذا جبتي سيره فصخ خطبة ومن هل سوالف يا لمى متلومين الا نفسج 

لمى بخوف . . ياسر و الله مقصدي هيج 

ياسر . . بقصدج او بدون قصدج ميهمني بس اذا سمعت مره ثانية السانج ينطق بهيج حجي اشوفج شي ميعجبج فاهمه 

لمى . . اي فاهمة 

ياسر ضجت من حجيه رغم اعرف كالته بدون قصده طلعت بشقة بس لازم اصير صارم شويه وياها اذا هسه 

اطيه عين وره زواج على اقل شغلة تكلي طلكني عصب عليه عمود بعد تفكر بكلامه كبل لا تكوله وصلنه 

للمحكمة سئلتني شنو سوي هنا مرديت عليه نزلت وعفته تنزل وراي لكيت عمي قاسم وعلي ابو لمى واكفين

ينتظرونه سلمت عليهم وطبينه للمحكمه نعقد خلصنه باركولنه رحت عليه بسته من كصته كتله مبروك وتريد

ترد عليه دك تفلوني عفته و طلعت جاني اتصال من سرمد  يكلي فهد متصاوب جاسر وين 

ياسر . . جاسر هسه بالمطار اليوم يسافر