# الشيخ & العشگ
° بسبس
السلام عليكم
و صباح الفل حبايب قلبي
شلونكم اليوم
عود هم لحد يجاوب غلسو مرت ابوكم اني 😭✌
يله نبدي بالبارت قراءة ممتعة
. . . . . . . . . . . . .
سما . . اخذني وياك
جاسر . . وين بوية صدك جذب رايح اتونس انه الولد يتعالج و انه وياه انطي دافع معنوي و انتي ابقي هينه يم سجى هل خبلة اكيد راح تضل تبجي دير بالج عليه وراها امتحانات
سما . . شوكت تروح
جاسر . . الفجر نتوكل ان شاء الله
سما . . بهل سرعة الفيزه و جواز شوكت سوتوهن جنت تدري مو
جاسر . . اي ادري جا اروح على عمى عيوني
سما . . و ليش مكتلي
جاسر . . جنتي ملتهيه شغلة السبعة وراها سجى و المهر مجان اكو وكت اكلج
سما . . بس و الله شهر هواي
جاسر اتقرب عليه و لزم وجهه بيده لثنين . . شبيدي يبعد حيلي هذا صاحبي و عضيدي و اني واعد اكف وياه و حتلو ما واعده فـ اني رايح هو شهر و تلكيني يمج
سما و دموعه تنزل على ايده لجاسر . . هو انت زعلت مني يوم و محجيت وياي ختنكت و روحي طلعت جا شلون اذا شهر كامل
جاسر و باسه بخده و مسح دموعه . . اروح فدوه لـ جا مالتج بوية انتي هاي جنت زعلان بس هسه لا و كل يوم راح احجي وياج و نفتح كاميره هم بعد
سما و حضنته . . شسوي بالكاميره و انت بعيد عليه
جاسر . . هههه لج طفلة انتي لازم تتعودين
سما و رفعت راسه . . ليش
جاسر لزم حنجه بإيده . . نسيتي اني ضابط و لازم اداوم صارلي هواي ماخذ إجازه كافي عاد من ارجع من الهند بإسبوع ابدي دوام يومين ابات بي و باقي الاسبوع اروح الصبح ارجع المغرب
سما و كامت تبجي اكثر . . اي اقهرني اكثر اقهرني
جاسر . . هههه جا قابل اجذب عليج غير اكلج عمود يكون عندج علم
سما . . لو ماكايل احسن
جاسر . . و هسه
سما . . لتروح
جاسر . . حبيبي و الله ماكدر و هسه اني نازل بعد الزلم موجوده . . باسه و طلع شوية و دخل نوب . . سما من تنزلين خلي شي على متنج ظهرج كله طالع
سما . . ماشي يا شيخ
نزل جاسر و عافه كعدت على السرير تعبانه من الشغل و الركص الي ركصته هي و سجى تمددت و اخذته النومه بدون متحس على روحه
للمغرب حست على حركة يمه احد يحط ايده على كصته فتحت عيونه لكت جاسر كاعد على السرير و مبين عليه خايفة عليه
أنت تقرأ
الشيخ & العشگ
Storie d'amoreانت الشيخ و العشگ مالتي أول شخابيط الكاتبة حقيقية و بيه من خيال بقلم بسمل علوان
