مرحبا ..✋🏻
حبيت ابدي على طول عشان ألحق ع الاحداث الصايره الحين ليكون كلشي واضح وضوح النظرات الي بينا 🌝🌚
راح يكون كلشي تحت الحقائق والبراهين🧐 عشان بشوف هو انا الي فيني شي ولا الناس تقرا ع جبهتي شي ولاشسالفه بالضبط ؟😩
بكتب كلشي ع ماهو بس بغيير بالاسامي عشان اذا انكشفت بعدين اقدر انكر انها مو انا ولا لي شغل بهالشي 😈
__________________
انا "ود" واختي بتكون "ضي" لانها تكرهه هالاسم بحطها فيه :)
والي هي سبب كتابتي لهالفضيحه بتكون "عهد" وبس !
كان بداية فصل الشتا وكنت مزكمه ومالي خلق نفسي وداومت غصب عشان الامتحان بما اني ادرس منازل ولازم أللحق ع الدروس ف دشيت انا واختي دشه وحده وانا صدمت تاريخ طالبات المنازل بكل ارجاء المجره دفرت بالامتحانات طلعت حرت عمتي فيها لين صرت من العشره الاوائل وطبعا اختي كانت ما تاخذ الامور بجديه وكل وقتها تمشى مع البنات ف درجاتها نفس وجهها !
المهم اني اول ما دخلت المدرسه طبعا ع طول للمديره وماكنت متعرفه عليها فكنت افهي وماخذه راحتي وانا بالمكتب وصراحة كنت برسلها ع المقصف لان عبالي انها الحارسه ف لما قامت من القنفه وقعدت ورا مكتب المديره فتحت عيوني وقعدت اتذكر شكلي وانا اتسيمج مع اختي جدامها وشلون اكسر بكلامها واكمل سالفتي !!
بهاللحظه حسيت بصيح بس مسكت نفسي وبلعة العافيه
ودشت الي اعتقدت انها المديره كانت الوكيله ونظراتها تحرق!!
واسألتني المديره : ايش قلتي لي اسمك ؟
جاوبتها وانا متبلعمه : ااادد ادد ااددد ووود ود اسمي ود !!
وطبعا لما اتوتر اقعد اتأتأ
وبما اني في مدرسه ناموذجيه وكلشي منظم صراحه قلت بتفصلني قبل لا تسجلني حتى .. قمت واعتذرت لها وقعدت تضحك علي !
كانت متواضعه لدرجه حسيتها وحده من المعلمات الكل ميانه معاها،
قالت لي الوكيله : انتي مره عفويه حبيت كونك ع طبيعتك بس ياليت تتحليت بشوية انضباط لانه مره ح يساعدك تكملين هنا!
انا حسيت بالدق الي وصلني بكلامها بس من قلب طيب وناصح ..
او هذا الي ظنيته😞
المهم صعدت انا واختي عند المعلمات وكان الكل بصفوفهم وحسنا المعلمات حوس ما ضل شي ما سألنا عنا حرفياً صارو يحذفونا ع بعض بيفتكون😂
عبيت النوت حقي واختي خلصت سوالفها فنزلنا ونبي نطلع ع ما لبسنا العبايات دشت بنت قاعده تأفف وتشتم بالحارس وبشكل عفوي يعني ألتفت بشوف الي وراي الا بووووممم انصفقت ع وجهي 😳
ت
خ
ر
ف
ن
بمعنى الكلمه !!
مدري انا ألقاها من نظرة عيونها ولا ابتسامتها فهيت وياها وهي داشه وعينها علي عاد اختي تمسح نظاراتي
ضي: هييهه!! يلا صارت ثمانيه!!
ومشيت وانا اتخبط
ومنها لين حطيت راسي ع المخده وهي بين عيوني 🐑
___
المهم كان هذا يومي الاول عاد م ودي اتكلم عن حياتي الشخصيه لانها بإختصار تحت مسمى "خرا" بس بتكلم عن الاحداث الي بينا!
وبس للحين ان شاء الله اكملها لاني كسوله حد النخاع ومااظن بانتظم 🥊💩
♥️♥️
أنت تقرأ
العِشقُ الصامِتْ
Romance"لما تكون العيون حديثها اعمق من اللسان .. هذه هي لحظة الحب" هنا منبع الفضايح!!!!!!!!! - المهم ياقوم انا كنت متعوده اكتب قصص خياليه واحط فيها شوي من نفسي لكن ماتوقعت ان الاكشن الي ألفها راح تصير لي في الحياه الواقعيه واحط نفسي بين القصص هذي ف.. -قررت...
