العِشقُ الصامِتْ

الي ماتقدر عليه خلك معاه .

عاد ما اطولها عليكم داومت اسبوع الامتحانات وانا كلي شوق وحنين اشوفها ومن دشيت قعدت قريب من لجنتي لان لجنتنا لحال

وهمس بداخلي يقولي طالعي لجهة اليسار طالعييي!! ولما طالعت ..

عهد مفهيه معاي بين شلتها الخمه بعيده شوي بس عيوننا من شافت بعض ماعاد تفك !!! 😅

نفس البوستر بالضبط انا اخز فيها ع برود وهي لافه علي ومفهيه !

طبعاً باليومين الي راحوا كنت اتصارع "صراع الجبابرة" مع نفسي اذا اقطعها من اساسها ولا اكمل لكن "اكمل" فازت لان كلما احاول ارفض ازيد اكثر وهذا شي تو متش علي وبكل صراحه انا ابيها🐑

ف

هي

قامت

وانا

قمت

هي

جت

وانا

انحشت..

(ذكروني منو كانت تهايط انها تبيها؟؟؟)

المهم عاد امشي لاتجاه لجتنا بدشها والاستاذه الي عندها تقولي "لع!ممنوع" وتقريباً كان عندي اقل من ثلاثين ثانيه ع ما ألاقي لي حل قبل ما توصل لكن تلفت تلفت "ولكن لاشيء" ف اتجهت عشوائياً وبديت امشي اهم شي ما اكون قاعده وهي تلصق !

وصارت تمشي وراي وانا ارجولي يتربطون ببعض م عرفت امشي مثل البشر حسيتها تاكلني خفت لا تمسكني والبنات حولنا وتفضحني ف.. صرت امشي وهي وراي لين ما صرنا ع زاويه قريبه من الدرج مافيها بنات كثير وتزبن وراي ..

لصقت بالجدار اطالع فيها وهي جايه انفاسي ونبضات قلبي تتسارع

قربت وهي تتلفت وصارت تضحك بخبث الا تقولي : خضعتي؟

باللحظه هذي عيوني برق ورعد واصفقها بالكتاب مدري هي غثتني ولا خفت ولا شسالفه مافهمت نفسي حتى اني ندمت بس طاح ع الارض وواقفه تخز فيني وحواجبها صكوا ببعض فلم رعب 🐓!

طبعاً انا بالعه العافيه مسبقاً بس مدري ليش احب اورط نفسي 🥰

البنات الي تشهق والي قاعده تتراجع تبي تركض تعلم والمصدومه عبالهم نبي نتهاوش عهد تتقدم وانا انزل على الارض تتقدم وانا انزل رافعه ايديني تحسباً لأي هجوم صار شكلنا يضحك تذكرت وقتها توم وجيري 😂😂

ومن دون مقدمات ضحكت اي وربي بنفس هالموقف وضحكت مدري هل كنت احاول ألطف الاجواء ولا الخوف هستر فيني ؟؟💔

عاد اطالع للبنت الي تتراجع ابيها تروح بسرعه الخرا تصنمت !!

وعهد وجهها محمر وعروقها طلعوا صراحه من عذرها الرياضيات ثقيل شوي وانا عطيتها ع اخر الكتاب القوي🌝

وفجأه اصارخ باسم اختي المعفنه الي كانت تبلع مع الحريم بالجهه الثانيه من الكوكب 😑