العِشقُ الصامِتْ

♥️هوشه من صباح الله خير♥️

صار الويكند الي بين الفتره الاولى والثانيه وانا بالي مشغول بعهد يعني من جهه احس هذا الاحسن لنا ان هي الي رفضت بس من جهه ثانيه احسن جرحتها لو على الاقل تخليني اعتذرعشان ضميري 😣

ف بسحب على الويكند واكمل من لما كملنا الترم الثاني ....

الترم الثاني ، الفصول متغيره ، في بنات جدد ماعرفهم بالصف ،

دخلت في اخر ايام الترم وكان كلشي داخل في بعضه وحوسه والابلات مشغولات يعني محد فاضي لي ولازم اروح اتمصلح مع البنات عشان يعطوني شي يفيدني 🌝✨

دخلت المدرسه كان تو ماصار الطابور والبنات حوسه الي طالعه والي نازله واختي ضي سحبت علي كالعاده وما اكذب عليكم كنت ادور عهد وخايفه انها للحين منفسه علي 👶🏻

وانا واقفه عند الدرج ارتب اغراضي فجأه وسمعت بنات وهم نازلين يسولفون وحده منهم قالت : هيهه !! شوفو ذي الي اسمها ود !!
ووحده ثانيه قالت : خليها تولي شايفه نفسها !!!

انا انغثيت الصراحه يعني ماعرف ليش يقولون لي هذا الكلام 😑

(انا حالي من حالي ماحب اتدخل بامور الناس والعكس صحيح)

بس الي غثني اكثر لما نزلو ضربت كتفي وحده منهم شكلها الثانيه!

رفعت راسي اطالع لها *يعني شسالفه؟*

وهي وقفت تطالع لي بنظرات استصغار يعني غير اني اكبر منها هي الي دافتني وغلطانه وتطالع لي بنظرات وسخه؟
بيتشش وذافاكك؟؟

المهم

طنشت فيها وبصعد الا تمسك ايدي وتلفني بقوه عفيه حيل🌝💔

انا عصبت على قمطت مدري ؟ 👶🏻

قالت بوجهه مستصغرني : على وين ؟؟

اطالع في البنات واطالع فيها مصدومه يعني شتبي هذي؟؟؟

قالت وحده من البنات : خليها خلاص امشيي *تسحب فيها*
قالت الي دفتني : ذي المره بطوفها لك مره ثانيه ادعسك !!

انا كنت برد عليها لاني عصبت بس شفت المشرفه توها تطلع من مكتبها ترددت وخفت اتسبب بمشكله

ود : اقول انقلعي يالبزر! *لفيت بصعد الدرج*

وتدف البنت الي كانت ماسكتها وتجيني يعني بتضربني اصلا انا عارفه انها تبي تتهاوش من شفت وجهها

هي صعدت الدرج كنها بغل تركض💩
انا رفعت رجلي ورفسنتها بوجهها 🐒

وتصرخ المشرفه : هيييييييههه !!!!!!

وانا اقمط ! 😭

البنات مسكو البغله هذي وانا صعدت شوي ع اساس ابعد عنها

المشرفه جت بسرعه والبنات بدوا يلتمون علينا وانا عيني بعين المشرفه وهي عيونها شرار علي عبالها انا الي مسويه المشكله :)