العِشقُ الصامِتْ

منو سلوى ؟؟؟ + انفطر ئلبي💔

💩 هنا الغيره والعقل الصغير 💩

ادعو يعتمدون درجات الترم الاول ولا ينجحونا بليز😭
_______________

رن جوالي وانا نايمه قمت وانا نص وجهي مخدر ارد عليه

ود : هلوو🧟‍♀️🧟‍♀️🧟‍♀️
*صوت غريب* : الو هلا .. انتي ود صح؟
ود ، تو تستوعب : اأاا.. هلا هلا اي انا ود !!
: طيب انا مندوب ممكن تفتحي لي الباب معي لك هديه ☺️
ود *مفهيه* : هاا هديه ؟؟ ايي باب ؟ لحظه انت منو؟؟
: *ماسك ضحكته* قلت لك انا مندوب ومعي لك هديه تبغيها ولا ترفضينها ارجعها لصاحبها؟
ود : هديه شنو بضبط مافهمت ؟؟ 🧟‍♀️🧟‍♀️🧟‍♀️
: يا اختي هديه مغلفه ماعرف ايش فيها احد حاب يهيديها لك اذا تبغينها افتحي لي الباب لان عندي هدايه اخرى وماعندي..
ود : منو ارسلها زين ؟؟ انا ماطلبت من احد هديه (قالك كونان)
: افهم من كلامك انك ماتبغينها ؟ طيب انا ماشي !
ود ، بتلعثم : لااا للـ.. لاا لحظه الحين افتح *فضول*

بعد ما افرجت عن المسكين راح يركض حتى ما قال عفواً !

وانا رحت اركض لغرفتي حطيت الهديه وقعدت اتفقدها لي ساعه وحركات تحري نظام بصيد الي ارسله ولما فتحتها لقيت بطاقه مكتوب عليها "كل عام وانتي بخير" -من اجوان- ..

غير اني انصدمت من غبائي صارلي ساعه اخز البطاقه استغربت منو اجوان انا ماعرف احد اسمه اجوان بحياتي كلها وفجأه تذكرت اني بمدرسه وفي فوق الالف طالبه معاي ! 💁🏻‍♀️ (🦓)

داومت ثاني يوم كلي سعاده وفرح لابسه السواره الي هي هدية امس ولقيت بوجهي خلود تضحك معها هديه !!

خلود ، مبتسمه : تفضلي !
ود ، فاهيه : هاا! يعمري شكراً بس شدراك ؟
خلود : سنابك !!
ود : ااااههاااااااااا

ضحكنا على غبائي شوي وبعدين صعدنا للصف وهي كانت تسبقني بسنه ف انا رحت صفي وهي راحت صفها بعدين رجعت لي بنص الحصص ونادتني ؟؟

طلعت من الصف وهي برا تنطرني والمفاجأه كانت ...

: مرحبا انا سلوى !
ود ، مستغربه : اهلين *اطالع لخلود*

خلود وجهها يعطي الوان🌞

سلوى : اشبك ؟ *تسألني*

*رجعت طالعت لها*

ود ، تضيع السالفه : لاا بس ماعرفتك ! ☺️
سلوى : اي انا جديده هنا وقديمه بنفس الوقت *تضحك*

طبعاً هي تنقط عسل وتخرفن بس انا ماهضمتها من البدايه كني كنت حاسه 💔💔

وفجأه صار الي انا للحين ماني مستوعبته !!!!

قربت مني سلوى ووجهها في قمة البرود شدت قميصي لها وهمست بأذني ...
ووقتها عيوني طلعو من راسي من الصدمه !