العِشقُ الصامِتْ

العاجوز وبنتها + تحريات نجم

سالفتن هه وهه>>يوم غثيث>>ماتهنينا بالطلعه>>
_________________

طبعا من سمعنا ان الحجز وقف والدنيا صارت بخير عهد نطت علينا بالبيت بنص الليل وسحبتني ، هو واقعياً انا الي قلتلها تجي بس من تحت لتحت 🥴

قبل فتره قصيره طلعنا لمكتبة جرير نظام مسوين مثقفين وحنا نتهرب من الزحمه ولان نجم تشتغل فيها واكيد من دخلنا وشفناها وعهد تطقطق عليها ونضحك وفجاه من دون اي مقدمات تمر من ورانا عاجوز معها بنتها الي عيونها شوي ويطيحون وهي تخز فينا طبعا انا شفتهم وصديت لكن عهد..💁🏻‍♀️

سيدة المصائب لازم تسوي لنا مشكله ضلت تخزهم وهم مستمرين يخزون وتتكلم العاجوز

العاجوز : عيب عليكم عيب كيف لبسكن ومظهركن غير لائق ..

هي قالت "غير لائق" ونجم تضحك وتصد عننا ...؟

عهد : اقولك سري ركبي مرقوقك بعيد عنا ..

انا مت ضحك وقسم ماقد مسكت ضحكه بقوه مثل ذاك اليوم ونجم تضحك وتسكت بعهد !

طبعا عهد نظامها كبير صغير محد له شغل بالثاني والي يتدخل باحد يتحمل الي يجيه ، اوافقها 🐑

البنت تتقدم علينا صارت بيننا وبين امها ..

البنت : احترمي نفسك ياقليلة الادب تتكلمي مع الي كبر امك حتى اكبر من امك كذا؟؟؟ اهلك ماربوك؟!!!

ومن كلام الادب هذا ..

ركزت ان وجهه عهد انقلب لما ذكرت امها 🙁

وانا ونجم توترنا هي خافت تصير مشكله وتنفصل وانا خايفه تمسكني العاجوز 🐵

عهد ، بعصبيه : شوفيي..🤬🤬🤬
ود : عهد !!
نجم : وقسمبالله اذا انفصلت انتي بتصرفين علي
البنت ، تكلم نجم : ذا مكان محترم ..
ود : خلاص حصل خير 😅
البنت ، فوق الشين قواة العين : اي خير؟ قلة ادب لا ذوق ولا اخلاق ..

كنت بحاول اقولها كليزق انتو الباديين بعد زعلانين؟! بس عهد ماتعرف تقعد ثواني ساكته..

عهد : تمشين بكرامتك ولا ا*رقها لك

انا شهقت من الصدمه والبنت اخترعت هي وامها قامت تستغفر حق ذنوب عهد

العاجوز : لاحول ولاقوة الا بالله 5x
البنت : انتي الكلام معك ضايع *تمسك امها وتمشي* قلة ادب ..

نجم تجر عهد ورا ، طبعا البنت كبيره مو كبرنا ابداً

محاولة تلطيف اجواء ، ود : ياجماعه مايخالف حصل خير حصل خير *اروح عند عهد* وربي كفو !!

عهد وجهها احمر بس ستل تنفخ بريشها بعد ماقلت لها كفو عكس نجم الي ....

نجم : انقلعو *تدفدفنا* انقلعو يابناتال*<٪؜@#^
عهد : شفيكككك!!!
نجم : شفينييييييييي؟! تبيني انفصل ؟؟🤬
ود ، على ضحكه : لحظه بس.. شسالفة المرقوق 😂
نجم : تذكرت جيراننا قبل 😂😂😂
عهد : وربي ودي اخنقها بشيلتها 😡
فجاه ، نجم : باقي ساعه بالكثير ويخلص دوامي..
ود : شنسويلك ؟
عهد : حنا نبي نطلع نتعشا .. بس شكلك عندك موعد مع العاجوز وبنتها ... يلا باي *تسحبني*
نجم ، تسمكها : والله بتعشوني ثنينكم 👿
عهد : اصلا حنا جايين نبغى كتب مادرينا عنك!
*انا اضحك*
نجم : واضح والله