العِشقُ الصامِتْ

🐑 معكم الخاروفه ود 🐑

اقولكم عاد ..

خذيت جوال ضي وحرقت امه غيرت الرمز ونسيته ومع ذلك مصره ان الغلط غلط ضي مو غلطي لان هي كانت تسولف وقت ماغيرته ونسيته بسببها 🤦🏻‍♀️

بعدين اشترا لي اخوي جوال ✌🏻

اول ما حطيت الشريحه تعرفون ان الارقام الي اكون حاظرتها ينفتح عنها الحظر!!

ف....

وانا قاعده في امان الله والله مامرت ربع ساعه على ما حطيت الشريحه ترسل لي عهد وانا كنت اراسل خلود عاد منكثر ما رزلتوني وبهدلتوني عليها قلت خلني اعطيها فرصه واناقشها في الموضوع🥰

ود :
نعم؟!

عهد :
بجيك

ود :
على اي اساس؟

عهد :
ااااا
يمكن عشان نتكلم 🤔

(كنت بسكرها بوجهها بس تذكرتكم)

ود :
تعالي

عهد :
صدق 😳

ود :
خلاص انقلعي

عهد :
لا والله بجيك
دقيقه دقيقه
جايش جايش

بعد مرور ١٠ دقائق >>>>

كنت متجهزه وانتظرها بالحوش وفاتحه الباب نص واقفه قريب من عند باب الصاله ومعي نعل 👞

(طبعا عشان انحاش بسرعه)

المهم انها فتحت الباب تضحك المسكينه وانا ارميها عليها واعطيها وضعية التراجع عبالي بتركض وراي عاد انا احب لعبه الملاحق بس مسكتها وتسكر الباب وتكمل تضحك واعصابها ثلج وبيني وبينكم الشوق لاعب فيني ف صرت اضحك معها والحياه حلوه 🌝

عاد الي يشوفني اضحك يقول مو توني حاذفه نعال عليها وتكمل الاخت تمسي علي وانا أشرلها يعني امشي برا ونطلع ونركب السياره ومن قعدنا نطالع ببعض ماعندنا سالفه ومحد عارف يبدي فينا!

ود : شغلي المكيف حر
عهد : شغال
ود : ارفعيه
عهد : فين تبين نروح؟
ود : امشي عند الصيدليه
عهد: الصيدليه؟!
ود : بشتري ..
فجاه، عهد : سايق ابوك انا؟ عشان كذا تناديني؟
ود: اولاً تاج راسك انا ثانياً انتي الي جيتي ماناديتك
عهد : طيب!! *تحرك*
ود : لا تروحين من الشارع العام الحين يمسكونك حتى رخصه ماعندك يالقاصر
عهد : ايش؟؟ قاصرر؟؟
ود : اص ولا كلمه *اشغل اغاني*

هي مصدومه على استغراب ما تدري شسالفه ..
وانا ناويلك على نيه انت بس اصبر شويه!!!