العِشقُ الصامِتْ

انا انتهيت :)

احم احم بسم الله يارب محد يعرفني منكم بالحياة الواقعيه ويلا نبدي !

بكمل بشكل متقطع لان مر وقت طويل على اخر مره كتبت فيها ووين وقفت بالضبط ونسيت بعض الاشياء ف...

بتقرون كلمة "اذكر" كثير على ما اوصل للوقت الي انا فيه حالياً لاني انسانه انسى بسرعه بس بدش بصلب المواضيع 🌝

___________________

نرجع بالاحداث انا كنت زعلانه على بو اني زعلانه يعني💩
وخلود ساقتها علي ان عهد بتموت وافلام هنديه واخذتني لها بالمستشفى وعهد كانت تحارشني واخت عهد احشرتني وياها والحلوا عهد نالت مني 👶🏻💔
ونكمل ..

كنا انا وعهد شسمه هذا 🌞🌈
وبعدين تعمقنا بشكل انا خفت منه فدفيتها عني وكنت بطيح على وجهي وانا احاول انزل من السرير بس نزلت بشكل يفشل طبعا ومن دون اي تردد قمت فتحت باب الغرفه وطلعت وجهي وجهه وحده شافت عفريت مفصخ يرقص على اغنيه سودانيه :)

مما اثار الريبه عند الممرضه الي ملقوفه اكثر مني مسكتني وقعدت تسألني شفيني وانا اشاهق وفيني صيحه مدري شسوي واذكر ان في عجوز كانت على كرسي متحرك تدورعلى نفسها لليوم مدري شسالفتها قلت للممرضه اني اوك بس بطلع وسحبت على عهد ذاك اليوم وانحشت للبيت ويومها ما ن م ت ابداً طول الليل وعيوني مبققه

مدري شصار لعهد بس كنت مقرره بشكل صارم اني راح اسحب من المدرسه وانقل ف..

خلص الويكند وداومت مثل الكلبه الحماره البهيمه لان امي كانت معلقه الخيزرانه بنص الصاله بس الحمدلله شالتها لما داومنا ☺️

وانا من كنت صغيره اذا عصبت من احد ما اروح واكلمه لاني ام دميعه وبقعد اصحي من اول حرف ف اكتب لهم رساله مو ضروري تعرفون شنو فيها من خطابات لطيفه ومهذبه 🌛✨

لكن صار وكتبت وحده لعهد وكانت جملتين محددتين ومع ثلاث كلمات على الظرف من برا

من برا كتبت "اقريها وانتي لحالك"
ومن داخل كتبت الجمله الاولى كانت "اذا ما تركتيني بنقل من المدرسه" والجمله الثانيه كانت "وانسي كلشي واذا بيكون شي بيننا بالحياه فهي الزماله فقط"

اول شي سويته من دشيت المدرسه كنت ادورها وما اخذ مني مجهود لانها هي كانت تنتظرني اساساً عند باب بالضبط!!!!
يعني ما يمديني حتى اقول دعاء الدخول 💁🏻‍♀️

كانت بتتكلم هي وكشرتها الغبيه بس انا كنت محدده ومصممه اني اعطيها الرساله وامشي واعطيتها الرساله ومشيت وهي ضلت مصدومه مفهيه وخلود ماكانت معاها وقتها مما ادى لحركتها السخيفه انها فكت الظرف وقرتها بوقتها 💁🏻‍♀️🔥

طبعا بالنسبه لها هي كانت لحالها يعني ماتشوف احد حتى🧠❌

اخذوا عاد الدراما كوين الي من شافت الرساله قعدت تصيح وانا ماقدرت اتحمل ورحت لها وسحبتها من بين الي كانو عندها مع اني قايله اقريهاااا ووواانننتتتيييي لححاااللكككك
🤬🤬🤬

هي قعدت تصيح مثل البزر وانا ابتلشت فيها كنت باخذها ورا المدرسه اتفاهم معاها بس ام روج احمر من صباح الله خير ماخلتنا طبعا المشرفه 😑

(برجع بأسلوب كتابتي لسيناريو لاني غيرته حالياً)

عهد ، وهي ماسكه الصيحه غصب : لـ..للييشش ؟؟
ود، ماسكتها احاول اسكتها على ما القى مكان : لحظه شوي ..

كانت ماسكه الظرف بقوه كنها حاطه حرتها كلها فيه وانا كنت احاول قد ما اقدر ما احط عيني بعينها لاني ببلع العافيه 💩

لين ما دخلتنا وسحبتها فوق للدور الثالث الي ماكان فيه احد حرفياً فاضي بس غرفة المرسم شغاله ودشينه احد الصفوف

بتلعثم ، عهد : آااأ.. انا انناا
وعيونها كانت غرقانه ووقتها انا كنت بصيح وياها هي ووجهها الكيوت مقدرت اتحمل وانسى ام الرساله والعزم والاصرار والكلام الي كنت مرتبته اذا عارضت حتى خيزرانة امي ماعترفت فيها 🌛

واعطيها ذيك البوسه الي لليوم تذكرني فيها 😭🌝💔💔

طبعا الحين انا الي صرت الحق وراها ام المقالب ف خلوني ما اطولها عليكم الرساله انسحب عليها لاني من اشوفها انقلب فوق تحت خصوصا لما مايكون احد عندنا وتحتك وانا خفيفه الصراحه 🐑+🐩

بس الصدمه الي خلتني اخذ قراري واكمل وياها لان كل خوفي كان اني انفضح وانفصل يعني بس لما بستها هي الي دفتني هالمره

عهد ، بوجهه احمر : انتي مريضه !!!

تركتني وراحت وانا مصدومه وفاهيه فاجأتني يعني كنت اتوقع بيكون عندنا بيبي من ذاك اليوم بس تركتني وراحت 😳

وقتها حسيت في شي انكسر بداخلي وجداً زعلت تقريبا تحطمت وبديت احزن عليها وحسيت نفسي صدق مريضه بس الي صار اني نزلت للصف وضليت اهناك لين خلص اليوم 😔😔😔

ومرت الايام وهي من تشوفني تصد وتعصب وانا احاول اتأسف منها وكنت مقهوره لان خلصت الدراسه وهي ماكلمتني يعني تغيرت فجأه وأسوأ ايام مرت عليه بذيك الفتره وحتى خلود ما صارت تطالع لي كنها تتجنبني بعد يعني صدق حزنت عليها

حسيت انا انتهيت بالنسبه لها ..
😣💔

___________________________

كنت بصيح وانا اكتبت بس يلا باي 😭♥️♥️

لين استرجع اسلوب الكتابه الي كنت اكتب فيه واكمل لان في اشيا بتصدم بتصير🌝🌝🌝