ولأني امرأه

ج 4

صباح الورد

ولاني امراة ..
ج 4

جرني وكعدني ع الجربايه ..
لزم وجهي ..اخذت نفس وحد بعد الثاني وابتسمت اله وبداخلي اكول مراح استسلم ولا اودع احلامي هنا ..
رغم لزمته توجع
كال ..اخوي مات ..
واني السبب ..
لا فهد مو انت ..
اسمعي .عدل

داكولج مااات واني السبب ..
مو انت ..
ليش ؟ انت ..
من وراج ست لليال .
دفعني ..
فهد شدتحجي اني شعلية فدوة ..
اسمعي لليله باجر تجي سيارة وترحين للاهلج
كعدة هنا ماكو وماريد اشوفج
راح اذكرج بشي ..
الكل كارهج ..
.ومتحجين وي اي احد الكل كارهج
ولخاطر ابنج ساكتين عنج .. ..
كلمته جانت رصاص واستقرت بنص قلبي

معرفت شرد
ولا شجاوب ..
مداصدك
كتله نرووح هي مو ذله ..بس طلكني ..
ضحك
كال اروح مو نروح شبل يبقى هنا ..
واصلا اني من زمان المفروض اتركج
بس ماعرف شبقاني عليج

اريد احجي الكلام وكف بالساني
كمت وكفت كبالة تشاقه انت ..اي حبيبي تشاقه ..كولي اشاقه ..

مو اني فهد تسوي بيه هيج اني اكثر وحدة احبك وتاذت وياك وتعبت حييل من كل شي دتعرف شدتحجي فههد

شنو انتي السبب وانتي وانتي

اني مالي ذنب بشي وتعرف كلش زين
حسيت نفسي اختنكت ودموعي كمت ماحس بيها كد البجي
بس احس جمر بعيوني نار ..

فهد حبيبي اسمع حقك انت اخوك ميت وتعبان بس مالي ذنب بشي والله ..ولا انت ..
واني هم صوجي لحيت وياك ..

كعد ..بااكاع ..
كعدت بصفه ..افتريت صرت ورة ظهرة ..
كمت افرك اجتافه ..
تقربت ع ركبته ..بستها وخليت راسي ..
مشتاقتلك ..

لليال كافي اريد انام تعبان .
تعباان ..؟؟؟
واني ..؟؟ فهد لا تعاملني هيج
رجع مدد وخله ايدة جوة راسه ..
والثانيه ع عينه ..
بقيت اباوع عليه ..
كتله لا تصدمني بيك ..
عايفنه هناك وحدنا متسال وتكولي تعبان منو الي تعبان بينا
لا تخليني ..باختيار صعب ..هذا ابني ماعوفه ابد .ولا اكدر اعوفك
.مالي،ذنب بشي انت متعرف تصرف ..
جاوب بحديه
كولي ..ايي يلا طلعي لسانج ..
كتله ذنبي ..ردتك الي وحدي ..
ممنوع اريدك الي وحدي ممنوع ..
كولي ..
اذا اني غلطه بحياتك ليش استمريت بيها ..
كولي فهمني احجي ..
شووف ايدي ..محركه من الخبز ..شوف وجهي شاحب من تعب لخاطر منو كولي
عالم ماانتمي اله ..ورضيت بي علمودك
مخلصت من كلمه انت فصليه هسة انتي

السبب ..

لليال ..كافي ..

اخذ الغطا. ..ودار راسة عني..عوفيني تعباان
كل شي بيه تعبان خلي ارتاح ..
ابتعدت عنه ..
ورحت اخذت ايد ابني وابوس بيها ..

ونمت بصفها ..
احس حتى الدموع ..متفيد بعد ولا تبرد النار الي بداخلي ولا تشفي جزء من جروحي ..