ولأني امرأه

ج 12

ولاني امراة

ج 12
ابراهيم ..ليال شبيج مجرد سؤال ..
جاوبت بكل طاقه..
انت مين طلعت الي شتريد مني ..

معليك بيه تفهم لو لا ..

وسديته منه جنت امشي سريع ..

واتلفت شفت ..احمد ورايه بسيارة ..

مشيت اسرع بعد
جنت لابسه كعب ..الحذاء ..دخل بين الكاع المحفرة ..وانشلع  الكعب واحد من منهم ..

باوعت ع رجلي..شلت الكعب شمرته ..بعصبيه
عفيه فهد مجرد ذكر اسمك. .
خرب يومي ....

باوعت يمنه يسرى ..
كمت كوة امشي منا احمد ورايه ومنا مكالمه
ابراهيم ..

وكفت ع شارع ..
وكف احمد تعاي اوصلج ..
ووكف وراه ابو تكسي ..

بسرعه صعدت بسيارة بدون ..كلمه ..

كتله اطلع ..
عدلت نفسي ..كتله اطلع كبل ..عفيه هاي السيارة العاليه ماريدة ورانه..

كال ضوجج مجاوبت ..
باوعت ع الجامه البصفي ..
انرسمت الي صورة شبل ..
الي شفته بالفون ..

ضحكته خدودة ..رصعاته ..
انهاريت بجي ..
بصوت ..شكد حاولت اكتم صوتي مكدرت ..

كال تحبين اساعدج بشي ..

شي عفوي نابع من جرح ..

هزيت راسي ..
اريد ابني ..اريد ابني ..صوتي يكطع اشهك اكثر مما انطق كلمه ابني ..

كال ابنج وين ..
رفعت راسي عليه كتله يم ابو ..
كال استغفر الله والله دزيني عليهم ..
وبالكي اساعدج بشي ..
لا تبجين اختي ..

مكدرت اجاوب بعد..

كال اختي هسة لا انتي دليتيني مكانج
ولا انتي تجاوبني..خليني اساعدج والله
الله اكبر اكو واحد يحرم ام من ابنها ..

انتبهت ع الطريق طالع هوايه بعيد
بالاثناء دكت امي تسال ليش اتاخرت..

كتلها جايه ..

بعد ما اتنفست شويه...
رجعت للبيت ..
وبقى ابو التكسي يعرض عليه المساعدى
انطيته كروة ونزلت
اول مادخلت ..ذبيت جنطتي ..
كعدت ..

امي وابويه ديحضرون بالغدة ..
واخويه يمهم ..

امي شبيج شكلج مو طبيعي .
ليال صاير شي ..

نزعت الشال ..
كتلها تعبانه ..من الدوام راح اصعد ابدل ..
ابويه اوكفي فهمينا شصاير ..
حجيت الهم شفت احمد ..
وباقي التفاصيل ..

كال ..لعد صار شهر اكثر اتصل وادز عالم اريد بس الزم فهد يكولولي ماكو مسافر وطلع هو بغداد ..

بعدنا دنحجي اندكت الباب ..
سمعت صوت بابا يحجي ..
بصوت عالي..

مديت راسي احمد ..