ولأني امرأه

ج 11

صباح الورد

ولاني امراة
ج 11
لليل كله مكدرت انام ..وقلق شلون راح ..
ابدي اول يوم شغلي،..
وشلون ..
راح احجي ..
اوف ..كمت افتر بالغرفه ..
بهاي الفترة امي جانت اجيب الي ملابس ..
هي واختي ..
وجانو دائما يطلعوني ..

ويحاولون ..
انسى كل شي مر بحياتي ..
الشغل ..بشركه اهليه ..
اسجل مواعيد ..اكتب ملاحظات يعني شغل بسيط ع كد الي درسته ..
ابويه سعى الية ..

حتى اطلع من جو الكابه ..الي جنت عايشه بي ..

بس هذا الخوف الي بداخلي اتغلبني لابعد الحدود ..

خلاني اخاف من حياتي الجديدة
واخاف من كل شي ..

كمت فتحت الكنتور ..

طلعت هدومي بقيت اباوع عليها ..

لا ماروح ..احسن ..

هناك واكول لا لازم اتحدى نفسي
اني وعدت نفسي اكون قوية ..
لخاطر ابني ..

فرق شاسع بين حياتنا وحياتهم ..

بكل شي ..
يمكن السبب فهد ..
زرع داخلي الخوف وعدم الثقه ..

مرات ويا اهلي ..اريد اشتري شي اكولها

لامي انت احجي ..

سلب مني كل ما املك ..
وداحاول استرجع ...ماتبقى مني ..

اصعب شي من اخلي راسي ع المخدة ..
وامد ايدي اتلمس ..فراشي بارد مابي ..
نفس دافي ..واصابيع صغيرة ..

هاي عقبتي الكبرى ..

اتمنى اجتازها ..

كمت ..نزلت جوة ..

كعدت بالمطبخ ..

اباوع الساعه 3/20دقيقه ..
حسيت احد طلع ..

من غرفه امي هذا وقت الصلاه ..
كمت دارجع

شفت ابويه ..

كال ها بابا شو كاعدة..

كتله ها نزلت اشرب مي ..

داروح رجعت كتله بابا ..ماريد اشتغل

اكعدي احجي وياج ..

شغلتين مو اكثر ..
اولا رجعتي تحملينا ذنب زواجج وخسارة ابنج ماكول ..غيرها ..

وثانيا ..
شغلج بي نفع الج ..
اولا ..اطلعين الصبح تجين العصر تعبانه ..

باقي اليوم تلتهين ويانه
هنا يومج راح ينترس ..

وهسة راح اجاوبج ..

من جيت ووكعت فصلج ..
كلتي لا بابا احبه وازوجهه صح لو لا ..

هزيت راسي اي ..

كال ..عفتج ..

رغم مامقتنع عفتج ..وانت سحبتي نفسج كليا منا ..