ولأني امرأه

ج 15

صباحكم ياس ..

ولاني امراة
ج 15

يابني ادم ..ولدت وحدك ..وعشت وحدك
وسوف تموت وحدك ...

اصعب احساس الكل يتخلى عنك .
وتبقى وحدك ..

المشكله حتى قرار ..صح ماعرف اخذ وحدي ...

كلمه والدي ..ارجعي جانت طعنه الي ..

وكل شي ..جنت متمسكه بي انهار ..

من شاف عيوني انترست دموع ..

كال ليال ..

ترة فهد يحبج وماكو رجال يحب مرته ميلح عليها هالكد ..

يعني كل العروض ..بصالحج .

اني دانصحج ..ارجعي افضل ..

وانتي حرة بقرارج ..
لا متعاجز منج ولا شي ..

نزلت دموعي ..
شلون افهمه هذا الرجل رغم حبه بس قاسي وياية ...
ضرب ابراهيم مرة وكع من طوله

واني شبعانه ضرب منه ..
شلون افهم والدي حتى الحب عندة انانيه ..

حتى علاقه الحميمه بقوة ..وعنف ..

شلون افهمك ..

شلون اشرح ..

بكد حبي اله اكرهه ..

اذاني ..واني عفت الكل علمودة ..

طردني تهمني ضربني ..

معقولة هذا عادي بمسمى الحب معقولة

كل المزوجين مثلي بس اني مصعبه الامور..

يعني يطردني بهدومي الي لابستها عادي ؟

ويرجع يضرب ..
ولازم اسامح ..

كمت من يمه ..

عفته ..
وصعدت فوك ..

جنون اذا اكول احجي ويا المرايا ..

واسولف ..
وابجي ..
وانفعل ..

وصلت ضربت نفسي راجدي ..كافي بجي كافي ..

كرهت نفسي ..

شلون راح ارجع ..
اله جنت احجي ويا نفسي ..

راح ارجع ..لنفس الحياه ..

اختنكت ..

فكرت بالموت يكون راحه الي ..

وسيطرت عليه فكرة الانتحار والخلاص ..

فكرة سيطرت ع كل عقلي ..

وحواسي ..

اي اموت افضل حل ماريد ارجع اله ماريد ..

لو ادخل بداخل نفسي اني ماكرهه ..

بس اكرهه حياتي وياه
الهوى ممنوع
الطلعه ممنوع ..
والبس ..
الفون ..
الحياه كل شي ممنوع ..

شنو اني عبدة لو جاريه عندة ..

شلون اموت نفسي ..

لا هالمرة خيانه وياها ..
لا حيل متاثر ..وكله كاضيها بالملاهي ..