ولأني امرأه

ج 10

ولاني امراة
ج 10

احيانا يكون الحب ..تذكرة الى المنفى ..
وحنينه سكرات الموت ..
ومابين السكرات المنفى  ..
انا ..اعالح ..
للبقاء ..

ومثل يوسف ..البير احن عليه من اخوانه ..

اسمع..هجمتي بيت كامل وعائلة الله لا يوفقج كون ..
واحد وكف بسدي ..

رفعت راسي ..غواش ..

كالت وحك هو علي ابو الشدات ان مديت ايدك عليها لا اضربك ..
لا تشوف طولك وحسبالك كبرت ..

حبوبة عوفيها..
ماعوف ..
كومي يمه كومي ..
كون كسر بيك الله لا يوفقك
توني ازمط بي واكول عليك زلمه ..

اسمع ..ام عامر تكول هجامه بيوت الله لا يعديها كون تلحكج الحوبه ..

جروني مثل الخركة ..بايدهم ..

وطببوتي للحمام غسلو وجهي..
ومحد اكو بس ام حيدر وام عامر ..
الكل كاعد بالغرف وممنوع يطلع ..

واسمع صيااح فهد ..
لحد يدخل ..
وام حيدر ..تصيح انجب ..

ووسم ..كون..

اندريت فدوة اريد شبل ..

ام عامر عاطت بيه ..انعل ابو ابنج ..
روحي ترة هذني امهات سحورة ..
وامهات مصايب هالشيب مطك من فراغ ..
ام حيدر ..يومه لاع جبدي ماتحمل بعد ..
جيبها ليمنة ..

كعدت واني .ماحس بوجع ..
نظفت جرح كصتي ..

اكولهم ياعالم ابني ..ابني محد يسمعني ..
ماريد لا ابقى ولا اريد اهلي اريد ابني ..

يحجون ..عليه متوقعنه منج هيج
كالت ترضيها ولد العمه غدو دم من وراج..
احمد وفهد اتضاربو ..
يايمه ..

ام حيدر ..جا شتردون يذبحها واحنا نتفرج
شنو هذا فهد وحش ..
حتى فليساته مال زيارة ايران ماريدنها ..

والله ..
خاب روحي نسحلت انطيني حبايه الضغط ..

سكتت ومددت ..
شكد ضعيفه لا حول ولا قوةياربي هيج البشر ينتهي ..بلحظه ..

كمت اغفى وافز ع صوتهم ..
هناك واسمع فهد يحجي ..
هو واخوانه ...

فهد ..ماريدها بعد
ضياء ..دومك متعرف،تصرف طيحت حظنا
كلنا نحجي وياك وانت انت متغيرت ..
مغمضه عيني ..
كال لو ممجاوب الجلب اكول مو هي لبعبه نسوان بس جاوب .
كله ديلا اسكت ..
شوفها يمكن ماتت ..

كال طبها مرض واريد رجال يطلع من وراها ..

ام حيدر ..اخاف الله كيد النسا غلب كيد ابليس والي ديار مدايرك حياية 
ماسمع ماسمع ..
كالت عساك لا سمعت ..انه مابقة هنا ع هالظلم
وهل مظلومه تردها لاهلها وحك الله
ان سمعت ماذيها ..
لا افضحك بين العرب واكول عليك لاتخاف من الله ولا عبدة
طحت بيها دك ..شنو جتاله اهلك ..