وجعتي💔

3"

صحاني ابوي الصباح وقال لي قومي عايز اتكلم معاك،،انا قمتا مخلوعه وزي الطاقاني كهربا،،قلتا المات منو،،المات منو،،ابوي قال لي استهدي بالله ماف زول مات اقعدي خليني اتكلم معاك،،قعتا وانا م فاهمه شي،،قال لي نفسي اسالك انتي لمن تقومي من النوم لي بتقومي مخلوعه بتشوفي كوابيس ولا شنو😂،،وقعدت يضحك فيني وف منظري،،طبعا انا ساكته لسه م مستوعبه😂،،قال لي انتي عايزه تتزوجي بارادتك ؟،،قلتا ليهو زواج منو دا؟،،ابوي ضربني ف راسي قال لي انتي ي هبله،، بعد  دا انا ي داب رجعت لي ذاكرتي😂،،اتذكرتا نظرات مهند وكلماتو،،قلتا ليهو م عارفه لسه،،قال لي يعني لسه م فكرتي ف الزواج،،قلتا ليهو لسه محتاجه وقت الزواج دا م لعبه،،قال لي صح كلامك،،قلتا ليهو انت رايك فيهو شنو ي ابوي،،قال لي انا اللان م شفتا منو شي كعب زول كويس والله ،،قلتا ليهو امممم😐،،قال لي قومي اتسوكي وصلي واشربي الشاي ،،امك عايزاك،،طيب،،
اتسوكتا واستحميت وصليت ونزلتا لي امي تحت،،صبحتا عليها وقالت لي اخوك جبيل ضرب،،قلتا ليها حمووودي😻😻❤،،قالت لي امشي اضربي ليهو لانو جبيل قلتا ليهو نايمه،،قلتا ليها طيب قبل م اطلع تلفون امي ضرب قالت لي تعالي ياهو ضرب،،شلتا منها التلفون ورديت ،،ابن الحلال على ذكرو ببان😂😂❤قال قطعتي فيني صح انا بعرفك😂،،قلتا ليهو حمودي مشتاقين شديد شديد😭💜💜،،قال لي بالاكتر ياخي شوق شديد❤،،تاني م تقولي لي حمودي مرتي بتغير😌،،قلتا ليهو انا كنت قبل م مرتك تكون ي معفن ي خائن العُشره😥،،قعد يضحك قال لي م اتغيرتي نهائي،،اها قلتي لي عايزه تعرسي وفكاها ضحكه،،قلتا ليهو بتضحك مالك😒قال لي فرحان عشان البوره فكت،،قلتا ليهو يفك راسك دا😒،،قال لي امشي ي شينه ي مسيخه يلا مرتي بتناديني😛،،قلتا ليهو امشي اصلك حيوان م تعملني حجه لي مرتك😂😂😂،،قعد يضحك😂،،انا اخوي لمن يضحك بحس الدنيا بتضحك لي لانو ضحكتو بترد الروح ولا العجب صوتو العذب♥(ااي اخوي مالكم😒)،،من غير م احس قلتا ليهو ضحكتك ترد الروح😻❤،،سكت مسااافه وفجأه فكاها ضحكه باعلى صوت،،قال لي لا كدا كتير كمان جاب ليها غزل😂قال لي اقطعي وشك خلاص مرتي مشت تجيب السكين وجايه😂😂غيره شديده غيرتو على البريدا😂♥،،قلتا ليهو اصلك م بتتصلح تفو حيوان😂😂♥قال لي بس الحيوان دا بحبك♥،،قمتا ضحكنا قلتا ليهو راجلي بغير😌،،قال لي خطيبك ي شفقانه متين بقيتيهو راجلك وقعد يضحك😒،،قال لي شكلك سخنتي يلا برجع ليك بعدين😻❤قلتا ليهو تمام وسلم على زهور(مرتو)❤،،قفلتا منو وانا بضحك على هبالتنا،،اديت التلفون لي امي وقالت لي عمرك انتي واخوك م بتعقلو البشوفكم يقول ف الروضه😒،،
طلعتا غرفتي سريع سريع😂😂،،شلتا تلفوني لقيت رساله من مهند"صباح الخير كيف اصبحتي" رديت ليهو وقفلتا التلفون وحاسه بزهج شديد،،شلتا روايتي وقعدتا ف السرير اقرا": *جميلٌ ان تتناسۍ حزناً عميقاً بداخلك وتبتسم* 💔
حالتي بقت لاتسر حبيب ولا عدو💔،،الليله ديك كانت من اصعب الليالي ف حياتي،،بقيت قاعده تحت الشجره وبتذكر امي،،نمتا تحت الشجره من البكاء،،صحيت تاني يوم،،سبحان الله ماف زول جا صحاني ولا قال اشوف البت دي مالا ولا اي شي رامني زي البهيمه،،فجاءه احس بي زول مسكني من كتفي ولفتني،،انا هنا اعصابي باظت وكوركت باعلى صوت💔،،ف النهايه اكتشفتا دي بت عمي اسمها رنيم ،،احنا قدر بعض،،لمن ولدوني ابوي قال يسموني رنا وبت عمي رنيم❤،،انا م صدقتاا لقيتها وقعدتا ابكي وهي بكت معاي بعد مسااافه من البكاء،،قلتا ليها انتي الجابك من الخرطوم شنو؟،،قالت لي عمي اتوفى كيف م اجي💔،،انا دموعي نزلت بالجد حسيت انا المذنبه وربنا م ح يسامحني💔،،قالت لي م تبكي وحاليا انا فاهمه كل شي وانا متاكده انهم فاهمين غلط وانتي م بتعملي كدا وفهمتا انو اخوك طردك لكن م مشكله ح تمشي معاي الخرطوم،،قلتا ليها م ح اجادلك وح امشي معاك لانو اصلا م عندي مكان اقعد فيهو،،قالت لي ارح انا وامي قاعدين برانا(عمي برا السودان)،،قلتا ليها طيب،،وطوالي قطعنا تذكره ومشينا،،وصلنا الخرطوم بعد ساعتين،،ركبنا مواصلات ومشينا لحد بيتهم،،دخلتا البيت جات مرت عمي سهى سلمت علي بطرف يدها وبتعاين لي من فوق لي تحت وكانت معاهم حبوبتهم سلمتا عليها ظريفه شديد وحبيتها💜💔 ،،رنيم دخلتني غرفه كدا وقالت لي ارقدي ارتاحي انا يجيب ليك اكل اظنك م اكلتي كلو كلو،،قلتا ليها م نفسي،،م اشتغلت بي قفلت الباب وطلعت،،انا طلعتا توبي،،ورقدتا،،م اخدتا وقت طويل ونمتا💔♥
صحيت بصوت رنا قالت لي قومي انتي م اكلتي نمتي كتير مالك حاسه بشي واجعك؟،،قلتا ليها لا،،قالت لي خلاص اكلي وانا هسى بجيك،،هزيت ليها راسي بمعني كويس،،طلعت وانا قعدتا اكل،، رغم انو لي كم يوم م اكلتا الا انو م حسيت بالجوع واصلا م كان نفسي،،بس باكل عشان اصبر بيها نفسي،،بعد شويه جات رنيم ادتني عصير شربتا حبه بس ،،قلتا ليها عايزه حاجه تروح لي الصداع دا،،،مشت وجات جابت لي بندول،،قالت لي بتقدري تحكي؟،،انا سكتا،،قالت لي عادي انا زي اختك ،،احكي لي عشان ترتاحي وتزحي الهم شويه وافهم معاك الحاصل،،،انا دموعي جرو عشرين عشرين وقعدتا احكي ليها وانا ابكي لمن بتنهد،،لمن خلصتا قالت لي م تبكي وضمتني عليها قالت لي كلها ابتلاءت من ربنا وانتي م كتلتي امك وابوك اصلا دا يومهم م تبكي💔والمظلوم ربنا برجع ليهو حقو بس انتي صلي وادعي وما فات شي انا معاك ف اي حاجه♥،،وانا لسه ببكي وهي بكت معاي ،،قلتا ليها انا حاليا فقدتا الثقه ف اي زول بقيت بشوف الناس دي كلها واحد،،بقيت يشوف انو انا لو اتعلقتا بي زول ح يخذلني وم ح يقيف معاي ف الحاره زي رامي،،رامي يمكن اي راجل ف محلو كان ح يعمل كدا بس على الاقل يفهم مني الحاصل واذا اتاكد منو يخليني بس م يسمع كلام الناس ويجي يلومني💔،،وتاني قعدتا ابكي ،،رنيم جابت لي مويه وادتني حبه منومه،،قالت لي انا معاك خليك واثق فيني م ح اخذلك♥
‏  *إنك لن #تفهم أبداً ماذا يعني أن#يثق
بك #شخص خائف دائماً من #الخذلان💔"*

غمضتا عيوني والدموع م دايره تقيف💔،،حاولتا انوم وانسى الهم شويه بس النوم ابا يجي رغم انو رنيم ادتني حبه منومه،،مشيت ليها قلتا ليها عايزه حبه تاني،،ادتني حبه تانيه،،بلعتها ورقدتا ،،شويه كدا نمتا،،

#اقتباسهه..

"‏حتى النوم لم يعد ملجأ للهروب، كل شيء باتَ صعباً.💔"

#نتلاقى..