وجعتي💔

10"

#البارت دا ح يكون بتكلم عن شهد بس..
_/_/_/_/_/_/_/_/_/_/_/_/_/_/_/_/_/_/_/_/_/_/

اول م امي قالت كدا طوالي وقفتا على حيلي ،،قلتا ليها بلهفه احلفيييي😂❤،والله م مصدقه،،ياخخ  احلى خبر😍❤
امي دي وقفت وادتني كفف،،قالت لي تضحكي،؟
يعني مبسوطه صح؟؟مبسوطه لانو انتي عروس وقبل م تتمي شهر رجعك صح؟؟،،قلتا ليها قال ح يديني الورقه متين؟،،امي دي اتعصببت ورببب جات واقعه💔،،انا حيلي برد،كنت عارفه عادي ممكن امي تروح فيها..مشيت جررري الشارع وانا بنبز ف روحي الخلاني اضحك شنو عشان تقع  ،،وقفتا لي بتاع امجاد قلتا ليهو تعال ساعدني امي وقعت،،مشينا سندناها ورفعناها ف العربية واتحركنا ع المستشفى،،
وصلنا المستشفى وبديت اكوروك للممرضين ،،جا دكتور وجو ورواهو اتنين تانين شالوها بالنقاله وددخلوها وانا قعدتا ابكي💔،،الدكتور قا ل لي م بتجيها شي م تبكي💔..
مشى وجاني راجع قال لي هاك دا تلفون لقيناهو مع المريضه جوا..قمتا شلتو لقيتو تلفونا..فتحتو وضربتا لي حمودي اخوي،،رد لي ااي ي امي،،قلتا ليهو وانا ببكي حمودي انا م امي انا شهد،،قال لي بخلعه شهد مالك ف شنو؟حاصله ليك حاجه؟امي كويسه؟؟،،قلتا ليهو ف المستشفى،، قال لي ف ياتو مستشفى قلتا ليهو ف ال...،،طوالي قفل الخط ،،ربع ساعه كدا حمودي جا طوالي اترميت فيهو وقعدنا ابكييي دا كلو بسبب الحيوان داا💔💔هسى لو كلمني انا اول م كان راحت فيها كنت بعرف بفهما بطريقتي بس هو عايز يأذيني💔💔،،حمودي طبطب علي قال لي م تبكي م بتجيها شي انشاء الله،، اقعدي احكي لي حصل شنو،،قلتا ليهو وانا بتنهد،،جاتني ف البيت وقالت لي راجلك قال عايز يطلقك وانا ضحكتا بس،،شاكلتني وجات واقعه..
حمودي صرر وشنو،،قال لي يطلقك لي؟؟ ،،قلاا ليهو م عندي بيهو شغله ف ستين بس المهم امي😭😭💔،،قال لي اقعدي انا بمشي واجي،،قلتا ليهو كويس،،
حمودي مشى وساعه كامله م جا..
بعد شويه اشوف ليك مهند جاي علي وشكلوا كان تعبان،،قال لي شهد،،شهد ولله م كان قصدي البحصل دا،،وقفتا على حيلي قلتا ليهو استفدتا شنو كدا هسى؟؟ورييني ح تستفيد شنو؟؟ انت قايلني كنت بلعب معاك لمن قلتا ليك ممكن تروح فيها؟؟
اكيييد م بفرق معاك لانو زي م قلتا عجزت وكدا كدا ميته،،على الاقل كان تجيني وتقول لي عايز اطلقك بعدها انا بعرف اتصرف مع امي موش تجيها وتكلمها قبليني معرسها هي ولا انا؟ دفرتو وقعدتا ابكي تاني💔💔،،جاني تاني قال لي دا شنو الكلام القلتيهو دا؟؟،،انا لمن قلتا ليك م كان قصدي ،،كنت قاصد انو خليتك ف البيت براك وم كنت عارف انو امك وقعت،،لكن منو القال ليك انا مشيت كلمتها انو عايز اطلقك؟واصلا انا م جبتا ليك سيره طلاق لاني م قنعان منك،،
قعدتا اضحك😂صراحه والله م عندي وقت عشان اشاهد افلامك دي وشوف ليك مخرج يزبطها ليك ويجي يرويها لي بي فهم كويس؟،،
اداااني كفف💔،،قال لي بنهره،،انا لو كنت عايز اطلق كان طلقتك بدون علمك زاتو ،،خلي كمان انا امشي لي امك واقول ليها م عايز بتك وح اطلقا ليك؟؟،،حتى لو انتي بتكرهيني بس م لدرجه تشكي فيني وتتهميني،قلتا ليهو هسى م فات شي طلقني هسى وين المشكله،،، قال لي شوفتي الليله ي شهد.طلاق ليك ماافف امشي سوي الدايره تسويهو وقام مشى،،ف اللحظه دي الدكتور طلع،،جريت ليهو جري قلتا ليهو امي كيف؟،قال لي لسه وضعها خطر شكلها اتعرضت لصدمه،،قلتا ليهو ممكن اخش ليها ؟ قال لي لا ممنوع،،
تاني جا حمودي واتكلم مع الدكتور مسافه بعيد مني،،وجاني ،،قال لي مهند جا؟؟ قلتا ليهو اااي😒،،قال لي سمعتيهو عايز يقول شنو،،قلتا ليهو م عايزه اسمع م بفرق معاي،،قال لي انا فهمتا القصه بس انتي اديهو فرصه يشرح ليك بعدها قرري م تكوين ظالمه ☺💔،،قلتا ليهو حمودي اقفل الموضوع خلاص م وقتو،،قال لي طيب...