وجعتي💔

8"

قفلتا الكتاب وحسيت بروحي عطشانه،،مشيت طلعتا م لقيت مهند،،طوالي مشيت المطبخ شربتا مويه وجيت قعدتا جمب التلفزيون ،،قريب لي تلاته ساعات بحضر ومهند مافيش،،قلتا ف نفسي(مشيه بلا جيه انشاء الله😒)،،قمتا احضر الغداء،،دخلتا المطبخ وبقيت بسخن فيهو بس فجاءه احس ليك بي زول وراي،،طوالي اتلفتا لقيتو مهند😒،،قلتا ليهو على فكره الزول بقوم احم ولا بقول حاجه م بخش توشك كدا😒قال لي لو ناسيه انك مرتي احب اذكرك☺،،وجا علي بقى بقرب وبقرب،،قمتا دفرتو،،قلتا ليهو هييي هاا😏مرتك على الورق بسس ماف شي بينا تاني،،واياك تتخطى حدودك معاي تاني 😒،،حسيت بيهو شويه كدا ويجي يلطشني كف😂،،رما الكوز حق المويه ومشى،،(هسى الكوز زنبو شنو؟ ولا الجيران ديل ناقصين ازعاج😒)،،بعد انتهيت من الغداء،،شلتو ف صينيه ومشيت قعدتا جمبو قلتا ليهو الغدا😒،،قال لي م عايز(عنك انشاء الله م اكلتا سم هاري انشاء الله😒)
طوالي بقيت باكل براي وبحضر ف التلفزيون بعد شويه جا مد يدو واكل،،(اجييي ي اخواني هسى م قلتا م داير😳)،،سكتتا م اتكلمتاا معاهو ،،قال لي العملو منو الاكل دا؟،،قلتا ليهو الجيران 😒قال لي متين جو؟ قلتا ليهو لمن انت كنت ماف،،قال لي اهااا،،تاني قال لي عليك الله الاكل السمح دا عملو الجيران مستحيل؟،،قلتا ليهو ياخ عملتو انا😒،،بقى منطط عيونو ورفع لي اصبعو وقال لي انتي؟ (بطريقه استفزاز)،،قلتا ليهو ااي،،قال لي سبحان الله يستفيدوا منك والله☺،،قلتا ليهو خير م قصرتا😒،،
قام سكت مسافهه وتاني قال لي قلتي لي نتطلق متين؟،،قلتا ليهو انا كان علي اطلقك انا م انت وهسى كمان بس خايفه على امي تروح فيها☺،،قعد يضحك،،قال لي اماني دي كدا كدا ميته م تتعشمي ساي عجزت زاتو هي،،(اتخيلو بتكلم عن امي كدا؟)
وحات الله صمتوو ليك كففف لمن يدي وجعتني،،رفعتا ليهو اصبعي قلتا ليهو هووي امي دي م قرت معاك ف الروضه عشان تقول ليها اماني،،تاني حاجه،،انت مكتوب ليك انو تشيل ارواح الناس وانا م عارفه؟،،امي دي بتلداك ي اخوي ف م تقل ادبك وهي زي امك برضو☺وقت انت الكلام القلتو هسى دا بترضاه ف امك يبقى حبابو اديك الكف التاني😏،،شلتا الصينيه ودخلتا المطبخ سمعتا صوت كبايه تتكسر ،،جاني جوا المطبخ،،مسك لي يدي حسيتها ح تتكسر،،قال لي م انا البتديني بت كف؟،،انا كنت خايفه شديد بس م بيّنتا ليهو،،قلتا ليهو هههههه انت منو؟،،وكونو اني لوّثتا يديني بيك يبقى ليك عظيم الشرف وفك يدي دي م مستواك اصلا😒،،فكيتها ودخلتا غرفتي وانفجرتا بالبكاء💔💔،،
تاني قمتا واتوضيت وصليت لي ركعتين ودعيت ربنا كتير💜،،
انا لازم اخلي قلبي دا قوي م يهزمني نهائي،،وزي م قالت ريم لو اتمسكنتا ليهو بطلع ف راسي،،ف احسن شي ابقى قويه 💜،،
ك العاده كل م ازهج بشيل كتابي وبقرا"
يا قلبي لا تحزن ولا تغرق في الظلام.. فالنّور هناك..✨💙

*صحيت الصباح عملتا حاجاتي االروتينيه ،،نزلت صبحتا على حبوبه وخالتي سهى ورنيم💜،،شربنا الشاي و بقينا نتونس،،فجاءه رنيم قالت لي الليله ماشى لناس خالتي لانو ولدهم جا وكان مغترب،،قلتا ليها تمام سلمي عليهم،،قالت لي لا ارح معاي،،قلتا ليها لالا م بقدر ،،قعدت تحنس فيني قالت لي امي قالت ماشى ليهم بكره وانا عايزه امشي هسى ارح معاي،،وخالتي سهى صاره وشها وم عاجبها الوضع،،ف النهاية قلتا ليها طيب تمام بمشي معاك💜،،البت فرحت فرح😂مشيت لبستا عبايه سوداء وفيها  باللحمي واسبورت لحمي وساعه وطرحه لحميه😍❤وعملتا كحل وحبه روج كبدي،،اما رنيم لبست فستان مع الجسم لونو تركوازي وفيهو ورد باللون الاخضر زرعي،،ومعاهو طرحه  ف نص الراس لون الورد الفي الفستان(اخضر زرعي) ،،والاسبورت لون الفستان تركوازي ،،كانت اللبسه انيقه بس ضيقه وم حبيتها واتسرحت احلى تسريحه وعملت فل ميكب ،،اتهجمتا عديل،،سكتا ساي م سالتها بس كانت متحمسه للطلعه ،،اتحركنا ووقفنا ف دكان شلنا بكتة بارد وحلاوة ،،ووصلنا البيت كان فخم عمري م شفتا بيت زي دا😍،،دخلنا جوا وكان ف حرص وحدييقه عدييل ،،بيت رهيب😍دخلنا جوه واستقبلتا ليك مره سلمت علينا سلام حار قلتا ليها حمد لله على سلامه ولدك ي خالتو،،قالت لي الله يسلمك ي بتي❤ وكانت بشوشه وعرفتا انو دي امو،،وقلتا هسى دي خاله رنيم اخت خالتو سهى😒،،المره ظريفه ظرافه،،
قعدتنا وجابت لينا العصير،،والعصير دا اول مره اشربو😂قعدنا شويه كدا ،،رنيم قالت ليها بخجل،،وينو احمد؟،،قالت ليها والله طلع هسى مشى يوصل صحبو، قالت ليها اهااا،،سالتني قالت لي انتي بتم عم رنيم؟قلتا ليها ايوه،،قالت لي ماشاء الله حلاتك،،قلتا ليها تسلمي💜اتونسنا تلاته ساعات😂،،قامت دخلت خالتو نوره المطبخ،،ورنيم شغاله تطبز ف التلفون سااي،،قمتا دخلتا معاها المطبخ قلتا ليها عايزه مساعده ي خالتو؟،،قالت لي تسلمي بس تعالي اعملي معاي الغداء والله ي بتي انتي ضيفه وم مف..قاطعتها قلتا ليها خالتي دا كلام شنو انا زي بتك واحد ،،قالت لي الله يديك العافية❤،،عملتا ملاح رووب ❤،،وكفته بطاطس😍❤،،وبطاطس باللحمه المفرومه،،واخيرا عملتا ليها سلطه بيضاء وسودا❤،
قالت لي تسلم يدك ي بتي💜بس فضل امشي اجيب الكسره واجي ،،قلتا ليها تجيبيها من وين؟،،قالت لي مره بتبيع الكسره بنشتري منها طوالي عشان احمد يحبها شديد،،قمتا قلتا ليها عندك صاج؟،،قالت لي اي ليه؟،قلتا ليها جيبي بعملها ليك،،المره اتخلعت قالت لي بتعرفي 😳قلتا ليها ااي😂،،مشت جابتو وعملتا مكونات االكسره وعستها ليها وطلعت رهييبه😍قالت لي خلاص انا بسوي ملاح النعيميه عشان بيحبو❤
رنيم ي دووب جات داخله(جايه بعد شنو؟)،،قالت لينا بتسوو ف شنو؟خالتو نوره قالت ليها والله البت دي ست بيت وما شاء الله عليها اعرسا لي ولدي دا،عملت الاكل دا كلوو هي ،ويدها طاعمه وعندها اخلاق ماشاء الله عليها تاني دايره شنو؟، طوالي نطتت ليك رنيم وقالت ليها لالا😠،،لمن انتبهت لي نفسها قالت ليها احم والله ي خالتي انا ورنيم قررنا نعرس سوا،ف عشان كدا م عايز اها تفوتني😌(كضاابه ي انا)،،خالتو نوره ضحكت قالت ليها عاد تمام❤،،بعد شويه جا زول اسمر طوييل ومعضل وعندو لحيه ماشاء الله ❤،،قال السلام عليكم،،خالتو نوره قالت ليهو هيا  احمد جيت؟،،تعال سلم ،،جانا وسلم على رنيم،،وهي تشيل وتتخجل وتتراشق شميتها غايتو الخفه كعبه،،😒،،جا وسلم علي قال لي اهلين كيفك،،قلتا ايهو االحمدلله وانت؟ قال لي الحمدلله قلتا ليهو حمدلله على سلامتك،،قال لي الله يسلمك،،خالتو نوره قالت لي ارح نرص الغدا ،،مشيت معاها،،رصيناهو وقعدنا ناكل،،احمد قال ليها الله الاكل الليله رهيييب❤،،رنيم طوالي قالت لي دي انا،،اانا استغربتا فيها😳،،خالتو نوره قالت ليها (بهظار)هاا بطلي كضبك دا،،دي رنا بتي العملت الاكل دا،،قالي ماشاء الله يديك طاعمه،،قلتا ليهو تسلم☺ورنيم دي عايزه تتشلا،،احمد قال ليها رنيم مالك فصلتي الجماعه احرجوك😂😂لكن يدك انتي برضو طاعمه شديد كمان 😍❤،،رنيم فكت الصره والابتسامه للاضنين😂،،،
تمينا القعده وكانت حلوه،،قامت رنيم قالت ليهو رايك شنو نعمل قروب فيهو اولاد خالاتنا وبنات خالاتنا ونضيف رنا ،،لانو م عندنا،،قال ليها طواالي،،وفعلا عملوهو وضافوني،،
بعدها رجعنا البيت استحميت وصليت ،،جيت فتحتا تلفون ولقيت القروب م دخلتا فيهو لسه،،رسلتا لي جود" وينك من الصباح خير انشاء الله"وم كانت داخله وقلتا الوقت م مناسب عشان اضرب ليها،،
طلعتا من ال واتس ومشيت الفيس بقيت بحضر فيهو وتاني مشيت الماسنجر لقيت boss مرسل لي ،،وين الليله انتي؟،،رديت ليهو مشغوله والله وانت كيفك؟ م كان داخل ،،قفلتا الشبكه ورقدتا نمتا❤

اقتباسهه..

#ﻗﺎﻝ ﻟيها : ﻣﺎ ﺗﺸﻔﻘﻲ .. ﻣﻮﺝ ﺍﻟﻐﺮﺍﻡ ﻟﻮ ﻫﺎﺝ ﻋﻠﻴــﻚ .. ﺑﻲ ﺣﺒﻲ ﻟﻴﻚ ﺇﺗﻌﻠﻘﻲ .. ﻭﻣﺎ ﺗﺨﺎﻓﻲ ﻣﻦ ﺑﺤﺮ ﺍﻟﻬﻮﻯ ﺃﻧﺎ ﻣُﺶ ﻣﻌﺎﻙ ؟؟ ﻣﺎﺍﺍ ﺑﺘﻐﺮﻗﻲ ♥; ♡

#نتلاقى..