بعد قمتا من شهد،،قلتا ليها عايني انا بجيك بكره تمام؟؟،،هزت لي راسها ب طيب،،
قمتا مرقتا،،كورك لي محمود،،وقفتا ليهو قال لي بعتزر ليك شديد ي ريم على كلامي الجارح ،،قلتا ليهو ايي كلام؟؟قال لي حق المره الفاتت لمن قلتا ليك انتي عايزه تشيلي مهند من شهد وانا كنت غلطان وانتي عايزه سعادة اختي 💜وشكرا ليك تاني وان شاء الله أقدر ارد ليك جميلك دا💜،،قلتا ليهو محمود اختك ياها اختي ماف بينا شكر وللمره التانيه انا سعادة شهد يتهمني شديد💜💞،،قال لي تسلمي م قصرتي❤،،
قمتا رجعتا البيت اخدتا لي دش ورقدتا نمتا..
صحيت صلاة العشاء،،صليت وقعدتا افكر ف حل ل شهد دي،،
طيب انا ح احكي ل شهد بي قصة مهند من الاول واشوف رايها شنو،،..خلاص ياخ م تفكري كتير ي ريم باكر بتعرفي تتصرفي💜
مشيت الدرج حقي وطلعتا الكتاب..
قعدتا ف السرير وبقيت بعاين ليهو،،حاسه اني بعرف القصة دي وقبل كدا زول حكاها لي،،يمكن شهد؟؟
شهد عارفاني م بحب القصص،،طيب لي انا لمن اقراها بتوقع البحصل زي كانو انا الكاتبه؟؟،،انا بتذكر قبل كدا شهد سالتني وقالت لي انتي بتحبي الروايات؟؟قلتا ليها لاا،،قالت لييي اجييي من متين؟؟،،
افف يااخ بكون بتخيل ليك ساي ي ريم ،،
فتحتا الكتاب وعاينتا محل الكاتب،،
لقيت شهد شارطاهو😂😂😂
فتحتو وبقيت اقرا محل وقفتا،،
"
ولأنك شديد التحمل ظنوا أنك لا تشعر🥀
ولأنك صادق بمشاعرگ ‘سيتفننون بخذلانگ... !!👏💜🌸
كم انتم بارعون بالكذب...👌"
•وصلنا بورتسودان الحب😍💜،،البيوت الجميله ،،الحلة المتداخله ف بعض❤الناس البسيطين الحلوين💜💜،،
وصلنا بيت خالة رنيم واللّهي خالتو ايمان❤💞،،
استقبلتااحلى استقبال💕،،والبيت كان ظاهر عليهو الجوطه والناس كتيره،،والبيت وااسسعع والحوش كبييييير❤،والبيت زاتو كبير وفيهو غرف كتيره ماشاء الله💜،
العرس كان بعد اسبوع،،
خالتو ايمان ودتنا انا ورنيم غرفه براانا،،رتبنا حاجاتنا ورقدتا نمنا للعشاء😂👌،،صحينا انا ورنيم بنضحك الاتنين على النوم😂😂❤،،مشينا اتوضينا وصلينا سوا❤،،طلعنا برا الغرفه بعد لبسنا العبايات لانو ف شباب وكدا،،لقتنا خالتو ايمان قالت لينا دا كلوو نوم😂😂قلتا ليها اي طولنا والله،،قالت لينا نوم العوافي حبيبتي😘💜،،،(انا لو كفّتوني وضربوني م بصدق انو دي اخت خالتو سهى😒يعني خالتو نوره وخالتو ايمان ف الشرق،،وخالتو سهى ف الجنوب الشمالي الغربي🐸)،،قلتا ليها نساعدتكم ف شنو ي خالتو،،
قالت تعالي ي رنيم سوي الشاي وخلي رنا توديهو للناس،،رنيم مشت سوت الشاي وانا بعبيهو ف السيرمس وبشيل الكبابي وبكب للناس،،
والناس شغاله تعلق ساييي😪،،
جاتني خالتو ايمان قالت لي شيلي السيرمس دا وامشي بورا بهناك وكوركي ي جاسم اديهو السيرمس دا يوديهو للرجال،،قلتا ليها جاسم منو؟،،قالت لي ولدي😂😂قلتا ليه اااا تمام،،
فعلا شلتا السيرمس ولمن وصلتا غلبني اكورك😂😂بعد منازعات وضغط حتى كوركتا ي جاسم،،ناديت ستين مره وم جا😒 ف النهايه لمن زهجتا قلتا خلاص اخليهو ،،ولمن اتلفتا سمعتا صوت زول بقول نعم! ف شنو؟
قلتا ليهو انت جاسم؟ قال لي ااي ف شنو😒،،
(الله يصبرني🐸)،،هاك دا الشاي خالتو ايمان قالت ليك وديهو للرجال بهناك😒،،
قعد يتأفأف،،ويقول ياخ امي دي لمن تجي ترسل لي زول ترسل لي حبشيه ونباحه اتكلمي برّاحه ياخ😒،،قلتا ليهو هييي ألزم حدكك انا م حبشيه،،دا الشاي عايز تشيلو شيلو م عايزو ف سكستي🐸👌،،قال لي والله لكن حبشيه وكمان بتتلامضي😒،،قلتا ليهو حبشيه اايي ف كلام تاني😒،،وطوالي مشيت،،
رنيم قالت لي مالك اتاخرتي كدا،،قلتا ليها م الزفت الاسمو جاسم دا حضرت سيادتو جاني بعد حلقي اتقفل لا وكمان بقول لي حبشيه😒،،رنيم وقعدت تضحك قالت لي اصلو كدا هو م تركزي معاهو😂😂،،
#الصباح اصبحنا بقينا ننضف انا ورنيم وبنات خالاتها وخيلانها ،، م بعرفهم ولا عندي معاهم علاقه،،
قمنا اتقسمنا الشغل لانو البيت كبير،،انا نضفتا الصالون والحوش والترابيز والبيبان ،،قمتا شلتا الخرطوش عشان ارش الحوش😍❤،،
رشيتو تمامم وريحة الطيين دييكك ي سلاااامم😭💜💜❤،،
بقيت برش ف الحيط برضو عشان الريحة تثبت،،..هدومي اتبلت،،قمتا فكيت ااطرحه وربطها ف نصي ورفعتا العبايه وبقيت برش،واصلا الرجال بهناك م هنا،،بعد شوية اسمع صوت حاجه اتكسرت،،اتلفتا واري وشفتا جاسم وقّع الكبابه😒،،وانا بي منظري داكك،،قلتا ليهو الزول بقول احم ولا حاجه م بخش طوالي😒قال لي بيتي وبخش ف الحته الدايرها مالك انتي؟،،بعد مسافه قعد يعاين لي ويضحك،،قلتا ليهو تضحك بلا سنون مالك ان شاء الله خير عندك ام فريحانه؟😒قال لي لا والله بس المخلوق القدامي دا بشبه لي شي😒،،طبعا ي داب انتبهتا لي نفسي😂😂😂،،قمتا قلتا لو انا جريت ح يضحك زياده ويستفزني احسن انا استفزو،،قلتا ليهو ومالو المخلوق دا عيبو لي🐸قال لي م فيهو كلمه بس مشكلتو حبشي وعندو لماضه كمان،،قمتا شلتا الخرطوش ،،وييييي ،،،،رشيتو رششه مظبووطه🐸👌،،الولد دا وبقى يعاين لي كدا😠😡،،وانا بعاين ليهو كدا😆،،جاني وصمتني ليك كففف ،،قال لي اوعك تلعبي معاي انا م قدرك ي بت،،والزيك ديل خدم عندنا ،،الزمي حدك احسن ليكك،،عشان م اطلعك برا البيت دا واكون سبب ف قطع رزقك،،😡💔
قمتا نزلتا الخرطوش ومشيت طوالي ولا اتكلمتا،،دخلتا الغرفه وقعدتا ابكي💔💔،،م عارفه ليه انا ببكي مع انو كلامو عادي وم حار شديد،،بس انا متضايقه شديد،،بكييييت لمن دموعي جفت،،مشيت غسلتها ،،ومشيت لي رنيم ،،قلتا ليها اساعدكم بشنو تاني؟؟اتخلعت وقالت لي مالك بتبكي؟؟،،جات خالتو ايمان قالت ليها مالا؟؟،،جات وشافت وشي قالت لي سجميي مالك ي بت؟؟ف اللحظه دي جا جاسم ولابس هدوم تانيه وصاري وشو،،ولمن شاف امو جا عليها،،قال ليها (وهو م منتبه لي)،،والله ي امي عندكم حبشيه متخلفه هنا م ممكن والله رشتني بالمويه وكمان لئيمه،،المره الجاية لو لقيتها بطردا ليكم،،امو ققالت ليهو هيي م عندنا حبشيه هنا ولا جبنا حبشيه،،قال ليها لالا في والله انا متاكد،،رنيم قالت ليهو انت عارف شكلها كيف؟،،قال ليها اايي،،قامت رنيم قالت لي ارح نمشي معاهو نشوفا بتكون داخله غلط لانو ناس خالتي م بجيبو حبش،،وجاسم هنا ي دااااب انتبه لي،،قام قال ليها باااااااس دي ياها واشر علي،،خالتو ايمان اتخلعت،،قالت ليهو منو دي؟😳قال ليها القدامك دي،،قالت ليهو دي؟ (واشرت علي)،،قال ليها ااييي والله،،وكمان تاني ي هوي انا لو لقيتك ف البيت دا الاكسرو ف راسك فاهمه ولالا؟؟،،امو قالت ليهو ي ولد( بنهره)دي رنا بت عم رنيم كيف تقول عليها حبشيه؟؟بت ادب واخلاق ومستحيل اصدق انو عملت معاك كدا ساي الا اذا انت بتطول لسانك دا لانو انا بعرفك،،،بقى واقف مصدوم قال ليها قلتي شنو؟؟دي بت عم رنيم؟؟؟،،قالت ليهو اايي💜قام طلع طوالي ولا حتى كلف نفسه يعتزر ولا اي شي💔،،خالتو ايمان قالت لي ي بتي م بتشغلي بيهو اصلا هو عصبي واي شي بهيّجو م تزعلي عليك الله،،قلتا ليها الله م زعلانه عادي م حصل شي💜،،
وبديت اشتغل مع الناس وكل دقيقتين يجي جاسم ونتشاكل تاني😡💔،،
مرت الايام والعرس بكرا😍❤،،بقينا ف التجهيزات والشغل كتير زاتو،،خالتو ايمان جات وقالت امشي انتي ورنيم السوق عشان تشترو لانو الباقين اشتروا بس فضلتو انتو،،قلتا ليها خليهو بعدين لانو الشغل كتير قالت لي امشو البنات بشتغلوهو قلتا ليها طيب ومشينا السوق و اشتريت احلى فستان😍💜💜💜،،،ورنيم. برضو❤❤💞ف اثناء احنا طالعين لفتني محل هتش سلاسل وحاجات زي دي،،دخلتو وبقيت بتفرج ولفتتني ساعه مكتوب فيها كلام تحت بخط صغير❤كانت رهيييبه❤وبعدين االساعه كانت نسائيه ورجالية بتتلبس للاتنين،،قمتا اشتريتا وم لاحظتا الكلام المكتوب بس الساعه كانت حلوه❤
أنت تقرأ
وجعتي💔
Adventureدايما المساحة البنخليها بيننا و بين أي زول بنعرفو و حتى القريبين لينا بتكون زي *طوق نجاة للحاجة الممكن تحصل فيما بعد سواء كانت الحاجة دي عبارة عن* .. وداع ، فراق ،خيانة ، خذلان مع إختلاف المسميات .. المساحة دي بعدين ممكن تخلي الجرح💔 *#أقل_تأثيراً_...
