وجعتي💔

2"

شهد ي بتي ،،نعم ي امي،،فكرتي ف الموضوع؟،،ااي فكرتا،،اها قلتي شنو،،والله ي امي زي م قلتا ليك انا م بعرف عنو شي ولازم نتعرف اول حتى اقرر،،تمام ماف مشكله نعمل ليكم خطوبه عشان تتعارفو،،خلاص التشوفو،،ناس نور بكره ح يجو واذا ابوك قال خير نعمل الخطوبه طوالي،،ماف مشكله..
ي بت انتي هبله قومي سوي ليك شي ف وشك دا ومسحيهو خليك نايره قدامهم م تمشي ليهم مبشتنه كدا قومي على حيلك،،ي امي انا م بعرف ياخ😭،،كدي دقيقه ناوليني تلفوني دا،،عايزه تعملي شنو ي حجه😧،،كدي جيبي انتي مالك ومالي،،الووو ي ريم كيفك،،الحمدلله ،،اسمعيني،،والله بكره خطوبه شهد دي،،اي م تستغربي الموضوع جا فجاءه وكلمي امك وصحباتك وصحبات شهد كلهم وجيبو لي خبيره ولا اي زول عشان يمسحوها كويس،،لالا ماف عوجه خلاص تمام،،
ي حجه دا شنو دا؟،،اسكتي هسس انا بعرف بعمل ف شنو،،اها سمح انا ماشى غرفتي ارتاح😐،،طلعتا فوق وانا م فاهمه شي😂قلتا الجلبطه والمسيح دا كلو هسى لو طلع م عجبني تكون خساره قروش؟ والله دا كلام عاد الحجه ف زول بقدر يفتح خشمو معاها😂،،اها تاني يوم وانا راقده نايمه احس ليك بي مويه فيني انا قلتا بكون بلتا😂😂شويه شويه المويه زايده،،قمتا على حيلي لقيت ليك دي ريم الحيوانه ومعاها جمان وتلاته بنات كدا صحباتي جمان،،قومي ي بت نايمه ليها شنو والليله خطبوبتك عاد جنس دم هو😒خالاتك وعماتك واهلك كلهم جو قومي سريع قبل م اكشح باقي المويه دي فيك،،انا ي داب ركزتا انو المويه دي من ريم😂😂،،اها قمتا عشان ريم دي ممكن تعمل فيني جريمه ف يوم خطوبتي ،،مشيت استحميت وصليت وشربتا الشاي،،بسس مسكوني ليك من الساعه10 انتهو مني العصر😭،،قلتا ليهم لا بلاي استنو لحد المغرب ونادو العريس يجي يسوقني الصاله☺،،خطوبه بس لحد العصر😂،،المهم قالو لي البسي سريع زمن مافي،،لبستا لي فستان عنابي طويل وفيهو بالفضي،،لبستا معاهو طقم لولي وجزمه فضيه💜كنت تحفه مع المكياج والستريحه،، قعدو يحصنو فيني وامي دي قربت تقع لمن شافتني قالت لي بري انتي م بتي،،بتي شينه ومبشتنه وم مهتمه بي روحا لكن انتي ماشاء الله عليك اسمك منو ي هنايه النعرسك لي ولدي الكبير ،،قلتا ليها ولدك الكبير م معرس؟ قالت لي مالو بعرس تاني من حقو،،فكيتها ليك ضحكه😂😂😂😂ي حجه انا اتاكدتا انك م نصيحه انا بتك ياها شهد المعولقه ياها😂😂،،،قالت لي عاد ماشاء الله بتي بت الهناء والسرور حليوه كدا ربنا يحفظها لي😻❤،،اها الضيوف وصلو ونادوني  كدا قالو لي انزلي ،،نزلتا وسلمتا على امو وبستا يدها وسلمتا على ابوهو ف راسو عاد الروج انطبع ف راسو😂😂😂اها لمن عاينتا ليهو قربتا اقع سمح سماحه عجييبه💜،،قعدنا معاهم واتونسو كدا ومهند دا نظراتو لي كانت عجيبه😕كان بتفحص ف جسمي كلوو وانا الحاجه دي ضايقتني شدييد،،وانا لمن اعاين ليهو م بنزل عينو من جسمي،،غايتو اتجنبتا اعاين ليهو ،،اها قالو تلبيس الدبل،،لبسنا الدبل وهو لسى عيونو م شالا غايتو عملا واضحه،،القعده لمن انتهت امي قالت لي اها كيفو،،قلتا ليها كويس لكن لسى النشوف،،وطلعتا غرفتي مشيت استحميت وصليت وغيرتا هدومي،،قعدتا ف السرير كنت تعبانه،،فجاءه تلفوني ضرب شلتو وجاني صوتو كيفك ي مزه(اتخيلو بهذا الاسلوب وانا م بعرفو اصلا☺)قلتا ليهو بخير،،قال لي الليله طالعه تحففه بس💜قلتا ليهو من زوقك،،قال لي جبتي الجمال والجسم دا من وين؟،،طبعا انا بقيت مصدوومه وطوالي قفلتا الخط ف وشو،،قلتت بري بري دا م ينفع معاي من اول يوم لينا عايز يقل ادبو عاد بعدين يعمل شنو؟،،لالا م ينفع،،مشيت اتوضيت وصليت ودعيت ربنا كتيييير انو لو فيهو خير لي يجمعني ليهو ولو فيهو شر يبعدني عنو،،مسكتا كتابي يمكن يخفف عني شويه،،وبديت اقرا"
*وماذنبي انا اذا وقعت ف فخ حبك؟💔
...بقينا انا ورامي على تواصل دائم بالجد مع الايام حسيت اني بحبو ،،م بحبو بس بعشقو لانو ف كل موقف يثبت لي انو راجل بالجد،،اها بعد تلاته شهور وانا خلاص اتعودتا عليهو اتفق مع ابوي واخوي انو العقد بعد اسبوع والعرس اسبوعين لانو راجع الخرطوم م عندو طريقه تاني،،اها بدينا ف التجهيزات والكستر الفي وش والمخاليط وحاجات كتيره وكنت مبسووطه شديد وكل يوم يضرب لي يتونس معاي ويحكي لي يومو وانا كذلك💜..
اها خلاص باقي للعقد يومين،،وانا كنت متوتره ومتحمسه ف نفس الوقت،،وامي وخالاتي وجاراتنا م قصرو معاي عملو اللازم كلو،،وجا يوم العقد وسمعنا صوت سلاح (اي عندنا سلاح م جاهلين للدرجه دي)،،وانا قلبي وقع خلاص وبقيت ببكي وامي تبكي وخالاتي وجاراتنا وعماتي وكلهم يقولو لي مبروك ومبروك وانا الفرحه م سايعاني بالجد ربنا بحبني الف الحمدلله ي رب💜،،
بعد العقد مباشره اتصل علي ولقاني ببكي وهو زاتو قعد يبكي وقال لي مبروك لينا واتاكدي اني ح اسعدك وم ح اخليك تحتاحي حاجه💜،،قلتا ليهو وانا ربنا يقدرني اسعدك برضو زي م اسعدتني💜،،اها بدينا ف العرس واصلا عرسنا نلبس البلدي ويزفو بينا ف الحله وخلاص بس عشان يكون جهرا واعلناهو،،وقعدوني ف الدخان وديك ي الدلكه والحاجات،،المهم فاضل للعرس تلاته ايام،،،يلا انا بليل كنت عايزه امشي البقاله اجيب لي رصيد،،شلتا عبايتي ولبستا جونتيات ونقاب عشان الدخان وطلعتا،،اثناء م انا ماشى لاقاني واحد شماسي م اشتغلتا بيهو لانو عادي اتعودتا،، قال لي الله ريحه الدخان تلبش،،انا خفتا شديييد قلتا دا شماها كيف هسى،،تابعتا المشي وم احس ليك الا بي واحد ماسكني من يدي اتلفتا لقيتو دا هو طوالي اديتو كف لمن يدي وجعتي،،رجع لي ورا وقال لي تديني انا كف؟بوريك الليله وساقني من يدي وانا بقيت بكورك وهو مغتي خشمي بي يدو،،مشينا حته كدا زي الخلا،،وانا خلاص جسمي هبط بقيت بشوف عشره عشره،،قلتت ليهو بي خوف خليني عليك الله،،قال لي شنو شنو؟ وينا يدك القبل شويه دي؟ قلتا ليها معليش والله م اكررها تاني عليك الله خليني ياخ ابوس رجلك انا مره متزوجه،،قال لي احسن شي انك متزوجه عشان اخرب بينك وبين راجلك،،وبقى بقرب مني وانا ازح منو واصرخ ،،قال لي هنا ماف زول بسمعك صرخي زي م عايزه،،بقى بقرب انا لزيتو مسكني من يدي وزحا النقاب قال لي انا مازن ماف زول بقدر يمد يدو علي و طلع لي الجونتيات بقيت بخربشو بي ضفوري خليني عليك الله انت م بتخاف الله ف البتعملو دا والله بعدين يبقى ليك حار خاف الله فيني انت م عندك اخوات ولا م عندك بنات اهل😭😭طبعا لا حياة لمن تنادي لحد م حصل الحصل💔،،وانا اغمى علي،،صحيت الصباح بصوت كواريك امي فتحتا عيوني لقيت نفسي بي هيئه كعبه وابوي اول م شافني وقع من طولو وامي دي اغمى عليها وجو نسوان ستروني وشالوني البيت وانا م واعيه لي اي شي،،بتذكر ليله امبارح وابكي💔شويه كدا جابو لي خبر وفاة ابوي وامي رقدت ف المستشفى 15 يوم واخوي كل يوم يشلت فيني ويدقني وهو م راضي يسمع الحقيقه💔ف النهايه طردني برا البيت قال لي م بعرفك انا امشي محل م تمشي وخلاني وفات،،انا مشيت المستشفى وي داب استوعبتا ابوي اتوفى بسببي😭💔💔💔واااااي اميييي واااااي ي ابوووي لييي خليتونييي والله دا م مني والله براهو العمل لي كدا والله بس كنت عايزه ادافع عن نفسي لي قلتو دي اناا براي💔💔💔ابوووووي لي مات وم راضي عني😭💔💔ابووووي ي حليلك ي ابوي ي حليل سندك لي ي ابوي انا تاني ابقى لمنو😭💔💔
*مجتمعنا اي حاجه غلط برموها للبت ودايما يقولو البنات بجيبو العار،،ف مجتمعنا الراجل هو الصاح والمره الخطاء و الراجل هو الصادق والمره الكاذبه والراجل فضل والمره عار،،مجتمع غريب بالجد،،البنات بطبعهم رقيقات ولطيفات ف الرجال خبيثين وبخدعوهم بسهوله ،،وف بنات قاسيات ومحافظين على نفسهم بس مجرد زول يعدتي عليهم بدافعو عن نفسهم ويبقو هم غلطانين عشان دافعو عن نفسهم💔"
انا بقيت ف حاله تانيه وبقيت قاعده م قادره امشي ويبكي بس فجاءه ظهر لي زول قدامي لقيتو دا رامي،،جاني بوش ملان غضب واداني كف حسيت عيوني ح تتقلع💔قال لي هسى انا يقولو علي شنو؟ مرتك خانتك؟ ولا يقولو مرتك م مربيه لي عملتي فيني كدا ؟ غلطان انا القلتا عليك بت ناس لكن للاسف طلعني كلام ساي،،وابوك دا الحمدلله المات عشان الله م يوريهو ح تعملي شنو تاني انتي هسى كدا مرتاحه؟ ابوك مات وم راضي عنك تفتكري ممكن تنجحي ف حياتك؟،، قلتا ليهو انت حاول افهم مني خليني اشرح م تحكم علي ساي انت ظننت  فيني سوء،،اداني كف تاني وقال لي وليك عين تتكلمي كمان اسمعي هنا ي رنا انتي طالق بالتلاته وتاني م عندي ليك شي وورقتك بكره بتصلك،،انا البكى غلبني ودموعي م نزلت لانو كملت خلاص💔بالجد قلبي موجوع لي كدا بحصل معاي؟ بعد م قلتا خلاص حياتي بقت حلوه وح ابقى سعيده يحصل معاي كدا لي ي رب 💔💔يعني انا عشان دافعتا عن نفسي يبقوني غلطانه وكمان م عايزين يسمعو لي؟ لا وكمان اخوي يطردني💔،،،دخلتا المستشفى وامي خلاص مخرجنها بقت كويسه بس م بتتكلم معاي،،طلعتها معاي بره وقلتا ليها يمه انا عارفاك زعلانه مني بس اسمعييني اول بعداك احكمي،،سكتت م رد وقبلت  على الجهه التانيه،،حكيت ليها القصه كلها من البدايه بعد انتهيت عاينت لي بصدمه وحضنتني وقعدتا ابكي وهي زاتا بكت وقالت لي عارفاك م بتغطي راسي وانتي م غلطانه وي رب العمل فيك كدا يلقى اسوا عقاب من ربنا ورامي دا زاتو م راجل وم بلزمنا وانتي م عليك عده لانو م دخل فيك عشان كدا تقعدي عادي،،بعد كلامي مع امي حسيت اني مرتاحه حبه،،قلتا ليها عايزه منك خدمه،،قالت قولي،،قلتا ليها م عايزه زول يعرف الحقيقه،،،قالت لي لي م يعرفو عايزاهم يقولو عليك شنو؟ قلتا ليها يمه عليك الله بس اوعديني م تكلمي زول لانو بالجد العايز يعرف بجيني وبسالني م يسمع اشاعات وخلاص،،بعد تعب ومحاوله اقناع حتى رضت رجعتها البيت وقلتا ليها م بقدر اقعد جوه معاك لانو اخوي قاعد،،قالت لي طيب،،قلتا ليها يمه اعفي لي وارضي عني كفايه ابوي م رضى عني،،قالت لي عافيه منك وراضيه عليك وربنا يوفقك ويديك ولد الحلال وتتهني ف حياتك وابوك لو كان عارف الحقيقه كان رضا عنك💜 وربنا يظهر الحقيقه ي بتي وم تتبشتني❤الله فب وعالم الغيب🎵بستا راسها ودخلتها جوه،،
مشيت تحت شجره وقعدتا فيها وبقيت ببكي ابوي مات م راضي عني💔مات وم عارف الحقيقه💔ي رب الحقيقه تظهر💔بس لي هم ظلموني💔لي ماف زول وقف معاي💔حتى حتى راجلي اتخلى عني وطلقني بالتلاته يعني تاني ماف رجوع💔ي رب انا م استاهل دا كلو لي بس💔تاني يوم صحيت لقيت كميه من الناس جمب بيتنا مشيت دافرتا وخشيت لقيت جايبين جنازه مشيت جري عليها ولقيتها منو؟ اتخيلو💔لقيتها امي💔
انا وقعنا من طولي وودوني المستشفى وعاملين لي درب ،،لمن صحيت اتمنيت يكون دا حلم💔لكن للاسف كان حقيقه وحتى ف المستشفى بس ختوني وفاتو ماف زول قعد معاي💔😭بالجد الدنيا دي غريبه الناس كلها اتخلت عني وم دايرين يفهمو الحاصل والامل الوحيد اللقيتو ف امي وياها فارقتني لي كدا ي ربي💔💔،،"

قاطع قراءتها صوت امها "شهد انتي لسى صاحيه؟،، م ردت،،مالك ي بت بتبكي ف حاجه واجعاك؟ م عايزه مهند دا نخليهو خلاص م تبكي💔اترميت ف حضنها وقلتا ليها لي مجتمعنا دا قاسي كدا💔
قالت لي بتتكلمي عن شنو؟ قلتا ليها يمه البت صحي هي عار؟،،امي طبطبت على ضهري وقالت لي البت نصف المجتمع وبتربي النص التاني ف رايك كيف تكون عار؟،،قلتا ليها ي امي البنات عشان بطبعهم مسكين والرجال بستغلو الحته دي وبعزبوهم واي حاجه لازم بالجُبُر ،،تصدقي ي امي ف ناس بجبروك على العرس ؟ لا وكمان عادي ممكن ابوك يبيعك لي واحد اكبر منو بسبب القروش بس م براعي لي مشاعرهم وم براعي لي حياتهم ح تكون كيف💔لي المجتمع دا كدا لي جاهل بالطريقه دي؟ لا وكمان بعد تحبي ليك زول ووقت الشده يتخلى عنك وم يحاول يفهم الحقيقه كانو كان مستنى فرصه فيك💔امي قالت لي احسن حاجه كسره ف القلب تفقدك الذاكره ☺❤،،م فهمتا كلام امي لانو الكسره ف الراس او الضربه ف الراس بتفقد الذاكره لكن ف القلب دي شنو؟،،قالت لي نومي وحياتك هي مسطره ومكتوبه م بتغيريها انتي وادعي ربنا يسعدك ي بتي💜وفاتت وخلتني بكفر ف الجمله دي
#كسره ف القلب تفقدك الذاكره💕

ملحوظه:"انا هنا م قاصده كل الرجال واحد..لا بالعكس ف رجال ماشاء الله عليهم لكن زي م بقولو الشر يعُم والخير يخص♥🌚"

*نتلاقى...