نمتا بعد تعب وقدر م حاولتا ازح الافكار دي وانوم م قدرتا واللهم اني رقدتا ساعه بس..
من اصبحتا انا قاعده ف المصلايه لا خليت دعاء ولا ايه م قريتها..اتصلت علي ريم قاالت لي بجي عليك بعد ساعه كدا،،قلتا ليها تمام..
وانا من غرفتي م طلعتا لانو عارفه امي ح تقول لي موضوع العرس وشيله وحبسه وكلام ،،
قاعده وقاعده وم لاقيه موضوع..قمتا شلتا قروش ومشيت السوبر ماركت بدون م امي تشوفني..
جبتا لي كم حاجه للفطور وبارد..
دخلتا بيهم غرفتي وبقيت مستنيه ريم..
قلتا امسك الروايه دي لحد م تجي ريم..
مسكتها وبديت اقرا"كان يَنقصنا اليقيّن ذاتهُ لا شيء آخر .♥️ ... فعسى يكوون العووض قريب 💛🚶🏻♀"
*صحيت الصباح مشيت مع رنيم الجامعه عشان يسجلوني واجرأءت كتيره..
المهم قالو انزل الاسبوع الجاي..
رنيم قالت لي ارح اوريك قاعتك ح تكون وين وافرجك على الجامعه عشان م تكوني زي الغريبه بعدين..فعلا مشينا ورتني القاعه برالمه هندسه☺..
بعدها مشينا ودتني المكاتب وورتني مكتب العميد..بعدها مشينا الكافتيريا ولقينا الشله قاعده..سلمتا عليهم..وريتهم اني ح انزل معاهم الاسبوع الجاي وكنت مبسووطه شدييد💕💗..
رغده قالت لي بعدين م تعملي ليك صحبات وتنسينا،،قلتا ليها معقوله انساكم😅،،واتونسنا كتير،،بعدها رنيم قالت عندها محاضره قلتا ليها خلاص انا بمشي،،قالت لي لا اقعدي استنيني ونمشي سوا ،،قلتا ليها طيب اصلا م بعرف المواصلات😂😂
دخلت المحاضره وديل كلهم مشوو قعدت معاي رغده بس،،قالت لي مع انو عندي محاضره بس م نفسي امشي عايزه اتونس معاك ،،قلتا ليها امشي يمكن محاضره مهمه،،قالت لي لااا م مهمه اها انتي كيف عرفيني عليك،،قلتا ليها عايزه تعرفي شنو؟،،قالت لي امممم والله ف سؤال ف بالي عايزه اسالو ليك،،قلتا ليها طوالي،،قالت لي انتي قاعده مع ناس رنيم ف البيت ولا بيتكم؟،،طبعا العبره خنقتني لكن بلعتها،،قلتا ليها معاهم ف البيت لانو ابوي وامي ف البلد وجيت اقرا الجامعه هنا ،،قالت لي بعد تنتهي ح ترجعي ليهم؟،،قلتا ليها انشاء الله☺،،قالت لي ف سؤال تاني،،انتي حصل ارتبطي؟،،قلتا ليها لاا،،اتخلعت ونططت عيونو قالت لي بعد السماحه والجسم دا م ارتبطي ولا حبيتي؟،،ف اللحظه دي اتذكرتا رامي ودموعي قرببت تنزل بس مسكتها،،قلتا ليها لا😊،،قالت لي اها تمام..
بعدها قعدنا نص ساعه بدون كلام لحد م طلعت رنيم..قالت لي يلاا،،طوالي قمتا قلتا ليها يلا،،ودعتا رغده وطلعنا..وصلنا البيت دخلتا استحميت بعدها نادتني حبوبه اجي اتغدا،،قعدنا كلنا بي خاالتو سهى نتغدا وخالتو سهى تلوي ف خشمها ساااي،،حبوبه قالت لي اها ي بتي شعورك شنو وانتي ح تستمري ف قرايتك ..اهو شفتي الحياة م بتقيف❤،،اديتها ابتسامه بس اصلا م كنت قادره اتكلم،،بعد اتغدينا لميت مع رنيم الصينيه ،،سويت الشاي وجبتو ختيتو قدام حبوبه عشان نشرب كلنا،،بديت اكب ليهم واحد واحد،،رنيم قالت لي امشي جيبي كبايه تانيه ف وحده ناقصه خليني انا بتم االباقي،،مشيت المطبخ اجيبها واجي بس م عرفتا محل الكبابي وين قلتا امشي انادي رنيم توريني ليهم لمن وصلتهم سمعت مرت عمي بتقول"هسى ف داعي ي حبوبه تسجليها ف جامعه؟ م كفايه الفضيحه العملتها لي اهلها ،،ولا ناويه توديها لي الجامعه وتجي ماده لي كرشها مترين؟،،اسمعي هنا ي رنيم انا البت دي م مسؤله منها ومن البتعملو عشان بعدين لمن ابوك يجي ويعمل قومه وقعده انا تطلعوني،،موش انتي وحبوبتك قررتو تقعدوها هنا ،،بس بعدين ابوك لمن يجي انا بقعدو ليكم ف نصكم وتزحوني بعييد،،
وانا زاتي والله لو م الانسانيه الفيني كان رفضتا قعادها هنا،،وخايفه على بتي منها،،عشان يوم تعمل عملتها دي تبقى الجامعه كلها تتكلم فينا وفي ابوها المات وم عرفو يربوها مع إنهم م عندهم ذنب وغير كدا يقولو انو بتي بتبقى ليها تاني زول يسلم عليها مافي دا اذا م رفدوها،،بري بري بري والله انا م بقدر على المصائب دي وانا ف غنا عنها ،،حبوبه قالت ليها والله ي سهى كان حصلتك بقوم اديك كف ف وشك دا تغير ليك جغرافيتو احسن ليك لمي نفسك،،وبعدين انتي بتتهمي ساي؟ هسى انتي يوم واحد البت دي قلتي هي بت اخو راجلي ويتيمه اقعد افهم منها الحاصل،،انشاء الله لو الحاصل دا طلع الفي بالك مالو اسمعيها،،مالو لو واسيتيها ،،بتكسبي اجر على الاقل ،،وبعدين وييينا الانسانيه الفيك؟،،
البت دي يمكن هسى حصل ليها ظرف او حادث وانتي عارفه انو دي تربيتها ولا تربيه زول تاني،،بت ماشاء الله عليها ف اخلاقها ووشها دا يقول للفرح زح لي انا بجي بدق للناس الباب،،وانتي اقعدي لي لي سمعتّي وقالو ف بيتي وقالو ف بتي،،بتك بجيها شنو؟،،هدي ليها اساليها قولي ليها حصل شفتي شي ولو صغير منها،،البت عندها ظرف وحصل ليها حادث يوم كانت طالعه ماشى تجيب ليها رصيد تتكلم مع راجلها وحصل الحصل والحمدلله نقول كان لخير،،حسني النيه ي سهى❤،،خالتي سهى قالت ليها "يختي البخليها تطلع نص الليل شنو لا وكمان متدخنه وتقول ماشى تجيب رصيد😏الضمنك شنو؟يمكن لقتها خدعه عشان تغشكم بيها بس انتو طلعتو اغبياء،،وبعدين زي م قلتا ليك ماف بت ناس بتطلع انصاص الليالي وهي عارفه حلتهم دي فيها شماسه سبب واحد يخليها تطلع وهي متدخنه مافي،،
غايتو بسس انا وريتككم لو حصل شي انا م لي دعوه وبرفع مسؤلتي منها،،عشان ناس الحله م يجيبو لي سمعه ولي بتي،،وبتي زاتا لسه ف عمر الزهور مالا عايزه تشوه سمعتها اريتا م بت عمها ،،هي كان نافعه كان اخوها مسكها هو اولى بيها "
دا كلوو وانا سامعاهو ودموعي عشره عشره من اول كلمه قالتها💔،،والغريبه انو رنيم ولا كلمه م قالتها كأنو الوضع عاجبها💔،،
أنت تقرأ
وجعتي💔
Adventureدايما المساحة البنخليها بيننا و بين أي زول بنعرفو و حتى القريبين لينا بتكون زي *طوق نجاة للحاجة الممكن تحصل فيما بعد سواء كانت الحاجة دي عبارة عن* .. وداع ، فراق ،خيانة ، خذلان مع إختلاف المسميات .. المساحة دي بعدين ممكن تخلي الجرح💔 *#أقل_تأثيراً_...
