بـالغـرفه الواسعه المظلمه بالستاير اللي باللون الكحلي الغامق المنسدله ع الدريشه وتحتها بالتحديد ب سرير ملاصق له بجسد منهمك
بذراعه فوق راسه عقد حواجبه بانزعاج
بـنومه من كوابـيـس كانت له مثل الرفيق بغربته
حرك وجهه بخفيف بانزعاج بوسط كابوسه ب غرفه العمليات واقف قدام السرير اللي
فوقه المريض بالمصباح اللي موجه ع رأس المريض اللي مفتوح لينكشف فيه كل شي بقدره الله عز وجل
ب خلقه بلحظه وقوفه قدام هالمريض بإيده اليمين
مقبض المشرط وبإيده اليساره شفره المشرط !
بتوتـره مافي هالغرفه غيره وغير هالمريض !
حرك عيونه بربكه وشتات والخوف يسيطر ع معالم وجهه لحوله ! كان مثل الظلام الدامس مافيه اي احد غيره وغير هالمريض ! حس بهمس مثل فحيح الافعى فتح عيونه بدهشه ! حرك راسه
ببطئ للمريض وهو بوسط دعوات قلبه وتضرعه انه يكذب مسامعه هالصوت ! الا!! من طاحت عيونه
بعيون هالمريض !!! دخل فجأة في حاله صمت مرعبه ومذاق غامض من
المراره حس فيه يبتلعه بدقات قلبه اللي مثل الطبول
لاشعورياً امتلت عيونه بالدموع اللي شقت طريقها
ع خـده بحراره تحرقه بضعف اجتاح ضلوع صدره
بشفاه المريض يحركها بنبره مرعبه تشبه نضراته
لـ .... : المـ..وت ! انـا ع حـافـ..ـه المـوت بسبـ..
رجع (...) بخطوه رعب ورجفه بكل خليه بجسمه
ع ورا بنزرات عيونه اللي تتنقل بسرعه بين عيون
المريض ! بالصدى من حوله يتردد كلمات هالمريض!
ب صدره يعتلي ويهبط وكأنه يحاول يمارس
هالطريقه لتفريغ الرعب اللي بجوفه لاشعورياً
انفلتت من قبضه ايدينه مقبض المشرط وشفره المشرط
ع الارض اللي بسواد المكان حوله اعتلى بلحظتها
مثل اللحظه البطيئه لكل اللي حوله ! لتعلن فيها
فزته من السرير برعب بشهيق وزفير متسارع
بنظرات عيونه باستقامه ع السرير يرمش بسرعه متوازنه كسرعه دقات قلبه اللى م استوعب لوهله
انه كان كابوس بلحظتها اطلق تنهيده عميقه من جوف مهزوز برعب وخوف رفع ايدينه وغطى وجهه اللي بملامح التعب سادها ! بظهره اللي منحني وبكتوفه اللي منخفضه
بإستسلام وتعب ويأس استوطن بضلوع صدره وبذاكرته
المريره ! ابعد ايدينه عن وجهه حرك عيونه حول غرفته
أنت تقرأ
قوم ضمني من بعد قسوتك و أوزن ضلوعي على لحن الحياة و ضمني
Romanceرواية خليجية بقلم سلطانة تجميع @storykaligi نتمنى لكم قراءة ممتعة
