ليلة سقوط بغداد
*************
الحلقه الاولى(ليله بالف سنه)
بغداد-الاعضميه-
الساعه: العاشره مساءآ
"""""
ميلاد:اندكت الباب الداخليه للبيت بشكل مخيف ومرعب واسمع صوت رجاجييل هوايه واحد يكوله اكسر
،الباب اللاخ يصيح افتح الباب عبد القاادر
طلعت اركض اني،ونبراس للصاله
لكيت ميراس مجمده ابمكانها والخوف حاويها
طلع بابا يركض بطرك الشورت والفانيله وتركض وراه زوجته وجدان وبنتها بنين
ركضت لاختي بنين وحضنتها وركضنا كولنا ختلنا جوه الدرج
طلع بابا فتحلهم الباب واذا بشخص يدفعه عالكاع ويضربه بحافة السلااااح
صرخت نبراس بابا لااااا ادبسز وخر،عن ابويه حقير
وهو ولا يسمعها
بقه يضرب بابويه ويصيح عبد القادر،اخذت مِڼـّي اعز مااملك لْـۆ احركك هسه ماارتااح وماتطفه نااري بعثي حقيير
،
واني حاضنه بنين وضامه راسه بصدري وبس الدمووع اسيل وميراس مريضه بمرض الصرع م̷ـــِْن الخووف سوت علـّۓ. نفسها ووجدان نايمه فوك بتها وتصيح ياارب ارحمنا
موووقف ماانساه وكل مااحط راسي علـّۓ. المخده يمر،هذاك الشريط امام عيني
صااحت نبراس حقراء،10 زلم اطبولكم علـّۓ. واحد وبركبته 5 نسوان متستحوون نذليين
بهااي الاثناء ابويه اغمه علي،م̷ـــِْن كد الضرب
جاوبها واحد م̷ـــِْن الواكفين
*احنه مو جبناء،بس ابوج الجبان الدخل علـّۓ، اخوي وزوجته واطفال رضع 2 وذبحهم بحجه اخوي وزوجته ينتمون لمرجعيه معينه قتل 4 اشخاص ابرود دم وماتحركت غيرته وعراقيته ابوج مجرد كلب بيد السلطه واليوم للسلطه رااحت وجاي اخذ بثار اخووي وعائلته يا ابنة البعثي
شباب منو يريد هاي،الحلوه
نبراس*انجب حيوان اكسر،ايده اليمدها عليه وخر
،وجرت نفسها واجتنا تركض ختلت ميراس بحضنها
تخربطت ميراس وبقينا نلطم ونبراس لسانها طويل ووكحه بقت اشتم وتغلط عليهم ومجلبه بابويه متقبل ياخذونه لحد ما شخص صاح اخذوها وي ابوها
صحت لٱ فدوة اروحلك اختي لٱ خليها لٱ تاخذها
نبراس اسكتي،•اللّـہ̣̥ يخليج مشكلتهم وي بابا مو ويانا واكيد راح يحلوها ويرجعونا مبينين يخافون •اللّـہ̣̥
حجيت هالحجي حتى بلكت ينكسر كلبهم علينا
بس نبراس عاندت والا ترووح وي بابا واخذهم واني الطم مااعرف شنو الاسوي ميراس واكعه ولسانها يجري دم عضته ونبراس وبابا راحو مااعرف وين
بقيت مثل الطير اليفرفح منا ومنا وافتر،وابجي والطم وارجع لميراس اشوفها
وجدان لازمه وصله ومخليتها بحلك ميراس وتحاول تفتح حلكها وبنين خاتله بسد امها
وتبجي طفله عمرها 10 سنوات متعرف شديصير وسكتت سكته محجت ولا كلمه احاجيها بس تنشغ وتبجي ردت اخذها واطلع ادك الباب علـّۓ. احد م̷ـــِْن الجيران يجي يساعدنا ننقل ميراس للمستشفى بس وجدان منعتني اخذ بنتها رحت اركض بطرك تاركي وحافيه والناس الوحيدين الرحتلهم همه بيت ابو عباس الكهوجي مااعرف لَيــِيش. همه الرحتلهم رغم بعيدين عن ببتنا
دكيت الباب واني الخوف والرعب ملازمني انفتحت الباب واذا بشخص طويل وضخم ومسلح صفن بوجهي باستغرااب وعكد حواجبه وكال (انا اخوج يم علي خير،خويه شبيج)
