نبراس
شويه واندك باب الحمام سناء جايبتلي ملابس داخليه
اخذتهم منها واشكرتها وبدلت وطلعت لبست الدشداشه المخيطتلياها تخبل طلعت عليه
طلعت من الحمام وانشف بشعري تلكتني سناء
سناء:تعاي تعاي لغرفة روزه
نزلنه لغرفه روزه
مكيجتني واطتني عطر وجابتلي ذهب
سناء:هاج البسي
نبراس:هاي شنو سناء
سناء:ذهب شنو يعني
نبراس:مال منو مااريده ليش البسه
سناء:دادا هذا ذهبج اشتراه صلاح الج مني
نبراس:شنووووو لا مااخذه
سناء:ولج هذا مهرج شبيج انتي
نبراس؛عوود صدك صلاح اخذه اليه وهالكد
سناء:أي والله البسي دادا واسكتي
لبست الكلاده قرأن كلش جبير وزنجيله ضخم
وتراجي امهات الدمعه يسموهن
وحجل ليرات
ومحبسين وحلقه
وسوار همه معضد يسمونه
شكله مبالغ بي جبير وضخم
لبستهن وطلعت كلش حلوة
شلت شعري ذيل احصان
وطلعت اني وسناء للمطبخ
حضرنا الاكل وفرشن سفره بصاله الجوه
سناء:روحي كعدي صلاح للغده
نبراس:صاار
صعدت لصلاح
لكيته نايم على وجها بس بالبجامه بلا قميص
نبراس:صلاح صلاااااح اكعد تغده
باوعلي بتك عين ويمدد بجسمه ويثااوب
دار على ضهره
باوعلي شطالعه تموتين والذهب ميلوك بس للذهب
نبراس:عيونك الحلوة بس ليش هالكد مشتري ذهب
صلاح"تستاهلين حبيبي
هسه مجازيني بشي على هالهديه
نبراس:ابوسك بطرف شفايفك بس خووش
صلاح:خوووش
تقربت على بسته بطرف شفايفه
وجرني حيل لحضنه
وكام فتح الباب ومد رأسه وصاح
سناااء اني ونبراس منريد غده ضميلنا انريد اناام
سناء:صااار تدلل خويه
نبراس:هااااي شنو من مره سناء متغاار عليك
صلاح:كاافي عوفي الحجي هسه......
وحدث مايحدث 😁😁😁
************************************
ميلاد
اشترينا شغلات هواي اني والبنات وام يوسف دفعت افلوسنا كلنا
وراحت الدلاله اخذت رزقها وتوكلت
أم يوسف:هاجن يمه هذني قطع اقماش الجن
والعصر تجيجن الخياطه تأخذ قياسات وفصالت وتروح فكرن شتخيطنهن
ميراس:ياااا خاله صدك جذب ليش هيج ازحمين نفسج
ميلاد:خاله فدوة لكلبج ميحتاج هجي
أم يوسف:خاله ماعدجن ملابس شتلبسن متكللي
اسكتن يله وكومن اتغدن
