سناء:روح انت للبيت واني انطيها ملابس مني
رحنا اني وسناء صعدنا لغرفتها
انطتني كوستم حلوو
لونه اسود مذهب وحذاء كعب سوده
وجنطه سوده
سناء:يله البسيهن وتعاي انزلي طلعت وسدت الباب وراها
لبستهن
وفتحت شعري
وتمكيجت خفيف
ونزلت
لكيت صلاح وسناء بصاله
سناء:يمه فدوة تخبلين
نبراس:هنا كاعدين عبالي هناك منتضريني
صلاح:يله باباتي امشي منريد نتاخر
رحت صعدت بسياره بصدر،
وصعد صلاح
اباوع للمنطقه عرب وبساتين وجهال تلعب
طلعنا من هااي المنطقه
صعدنا شارع عام سريع
مشينا مسافه دخلنا مدخل بغداد
اعرف مناطق بغداد
اتجه عل جهة الزعفرانيه دخل للزعفرانيه
باوعتله شنو هنا صارت المحكمه
صلاح:لا بس اكو قاضي هنا بلكت يفيدني
طبك على بيت
صلاح:ابقي هنا بسياره هسه اجيج
راح دك الباب
طلعله رجال جبير بالعمر تسلامو بينهم
التفتلي صالح انزلي تعاي
دخلنا الرجال لبيته وضيفنا
صلاح:ابو سرمد جايك بشغله وماريدك تردني
ابوسرمد:ابشر عمي انشالله ماتردون
صلاح:هاي البنيه ازوجتها قبل مده
واريد اعقد وتعرف دوائرنا راحت أمريكا ماخلت شي ولا ام حكومه
بلكت شي منا منا نعقد
ابو سرمد:عمي رحمة لهلك شلون تعقد وحكومة ماكو ميصير بابا
انتضر تتشكل حكومه واعقد
صلاح:يعني ماكو حل
ابو سرمد:هههه عمي حليش متكلي كل حل ماكو وهسه انتو متوازين عالعقد
صلاح:أي عمي كلش متوازين
ابو سرمد:هههه تشكل حكومه واعقدووو
صلاح:رحمة الله والديك عمي تعبناك
يله كومينا
طلعنا وصعدنا السياره
نبراس:صدك انت شلون تريد تعقد بهالوضع
صلاح:ادري ميصير بس جبتج حتى اسمعين باذنج هالحجي
خاف اكلج ميصير وتكليلي جذاب متريد تعقد عليه
