نبراس حبيبتي نوسه باباتي اكعدي يعمري
فتحت عيوني كوه من التعب باوعت زين ركزت عالصوت صلاح
كمت من حضن سناء وشبكت صلاح حيل مثل وحده مضيعة أهلها ومضيعه نفسها وهذا الحظن الوحيد احس بي بالامان
نبراس:صلاح بابا كسرني خدعني جنت مخدوعه بي
مدا اصدك
صلاح:كاافي باباتي صيري سباعيه وتحملي
همزين ماركبج جني
من وره عزلتج
سناء:منو يكول هسه مابيها جني وهو الجاي يشبك بيك مو هيه
نبراس:يمه اسم الله
سلاما قولا من رب رحيم بيش طالبيني
ضحكوا ثنينهم
صلاح:هلا بي من جني مازال اشبك بيها خلي يركبج
غيرت الموضوع
نبراس:سناء شكرا الج ماعفتيني ولا لحظه صدك انتي اخت واكثر
سناء:يادادا صدك جذب ماعدنا كلوب نخليج بهالحاله
صلاح:يله كومي اسبحي وارتاحي عندي خبر الج ينسيج البجي كله
نبراس:شنووو كلي فدوة
صلاح:اندليت مكان اخواتج وهنه عايشات
نبراس:لا عليك الله صدك
صلاح:أي والله رحت لبيتكم وسالت كالو راحن لبيت ابو عباس الهوجي ومن شردت العالم شردن وياهم
رحت لبيت ابو عباس لكيت ولد ٢ سالتهم كتلهم اني اقاربهن
كالو راحن للناصريه يم اهالينا ولتخاف عليهن وانطوني العنوان
اخذج وامشي للناصريه نشوفهن
نبراس:فدوة لكلبك رحمة الله والديك
وشبكته
سناء:رجع جنيها من تشبكك كول جنيها اجاها
نبراس:ييوو يسناء خليني فرحانه
حشوف اخواتي اخيرا اكو شي عرفته عنهن
سناء:انشالله حبيبتي
كومي هسه اسبحي واني اجيبلج ملابس
طلعت للحمام وصلت باب الحمام ورجعت
ردت اسال صلاح شوكت انروح للناصريه
لكيت صلاح مخلي سناء بينه وبين الحايط ومخلي ادي علحايط وهيه بين ادي صايره
صلاح:البارحه ليش شردتي مني
سناء:يااا صلاح البت بين الحياة والموت همزين ماتخورست
وانت ادور هسوالف
صلاح:معليه اليوم تعوضيني ب٩ يمج أريد
سناء:خلي نبراس تعوضك صارالك يومين
تفتر ادور على اخواتها
صلاح:نبراس شنو
لشوفيها اشبك بيه
هاي مصدومه من حقيقة ابوها
ومحتاجه واحد يحتويها التجأت اليه
