ميلاد
فزيت على صوت عرك وصياح وصوت جاي من الباب فتحت عيوني باوعت ملكيت احد بالغرفه
اووو البنات كاعدات وعايفاتني ونازلت هسه شينزلني وحدي والله استحي.....
شنو هالصوت شكوو...........
رحت اتمشى لباب الغرفه فتحته وطلعت لكيت الغرفه المقابيل الغرفه الكاعدين بيها صوت رجال ومره يجادلون بالكلام و بصوت عالي ويداهرون بينهم
بقيت واكفه اباب الغرفه واسمع حجيهم مااكدر اجمدت بمكاني لا اكدر ارجع ولا اكدر امشي
&هنده شتردين مني ترى صدك تعبتيني انتي تخبلتي بويه
*يوسف انت الخبلتني مااكدر اعيش هنا تعرف شنو مااكدر حس بيه الله يخليك
&هنده الهندي حجيته واني مو ابو حجايتين وجلمتي ماثني طلعه من بيت ابووي ماكو ومااطلع من كاعي وناسي واعيش ابغداد هاي ماصايره عدنا انتي تردين اصخمين راسي ولج انتي مو تكولين احبك واريدنك اليحب ويريد يعيش وين ماجان وي حبيبه انتي تحبين بس نفسج انتي انانيه
*يوسف اني هم الهندي حجيته عيشه هنا مااكدر مااعرف اعيش الا ابغداد مااكدر تعرف شنو مااكدر مااعرف كوه هيه
&شنو المتعرفينه فهميني شووو شغل متشتغلين طب مطبخين طلعه وي نساوينا مطلعين وحاسبتهن مو اوادم مثلج وتلعب روحج منهن وهنه بنات الشيخ والهيبه والشخصية الهن وعافنج على راحتج واحترمنج يخدمنج ويوكلن ومرة الشيخ من يحاجنج حتى امي من اخذتج لليوم مصاحتج هنده كله مرة الشيخ واطلعين واطبين وتلبسين اليعجبج بعد شنهووو الفرق عن عيشة اهلج ولج مو زلمه اليروح يم أهل مرتة مو زلمه هذا بعدين شلون ترديني اعوف بيت ابووي واني الشيخه إليه عمره طويل انتي ليش متقدرين ضروفي
*اهاااااااا هنا الحجي هنا الرباط اني مااريدك اصير شيخ وماريدهن يصحلي مرة الشيخ مااحب الشيووخ ماارتاحلهم كلهم باطل وخبث ويحثون عالقتل والسلاح والدمار شحصلنا من الشيخه
&احترمي نفسج ولج اجاوزتي هواااي يعجبج اهلا وسهلا ميعجبج الله ومحمد وعلي وياج الجابج يجيب غيرج الف وحده
اوك بس وكلبي الج ادوسه برجلي
بعدين انتي حبيتيني هذا اني ماتغيرت وقنعتي بيه ليش الحجي هسه تغير
*ماادري عيشتكم هييج ماادري عبالي عايشين مثل الاوادم طلعتو مثل الحيوانات
&انجبي ادبسز اجاوزتي حدودج حيوانه
ميلاد
سمعته ضربها راشدي وكام يضرب بيها ركضت دخلت لغرفتهم لكيته موكعها على الكاع ويرفس بيها برجلي
ذبيت نفسي فوكاها وصحت
*دخيلك ودخيلة بختك لا كاافي عوفها الله يخليك
ابتعد عنها وطلع
ميلاد:هااا هذا دم يجري حلكج
هنده:صيحلي عمتي الله يخليج
ميلاد:منيه عمتج شسمها
هنده:أم يوسف
ميلاد؛دقايق
رحت اركض نزلت جوه البيت فارغ مابي ولا طير طلعت من الصاله باب على حديقه شفت من بعد ١٠٠ متر جهال يلعبون ونسوان كاعدات ملتمات بالبستان رحت امشي بهروله وصلتلهن لكيتهن كلهن موجودات ووياهن نبراس ووفاء وسوالف وضحك
