ليلة سقوط بغداد
&&&&&&&&&&
الحلقه السادسه
*************
فريت نفسي من جهة لجهة الثانيه فتحت عيوني كوه من التعب كوة ركزت على فراش ميراس لكيته فارغ كعدت على حيلي لميت شعري انتبهت الغرفه فارغه بس اني بيها ودرورت على حجابي لكيته مشمور على جها لفيته على راسي فتحت باب الغرفه شويه شويه ودكيته استحي اطلع تلكتني وحده من البنات
&هلا خيه صبباح الخير
*صبااح النور
عفيه أريد الحمام
&أي روحي جدامج فارغ
*تسلمين حبيبتي
رحت للحمام غسلت وجهي ورجعت التفتت للمطبخ البنيه تشتغل بي
*اكلج عفيه اختي وين
&بالديوانيه صاحها الزلمه
*هااا خوش رايحتلهم
رحت للاستقبال دخلت لكيت لطيف كاعد يفرك بسبحته وفاااير ناار وميراس يمه مخليه راسها بين اركبها ومدنكه
*صبااح الخير
&صبااح النور
ميلاد:هااا خير شبيكم وجوهكم متبشر
ميراس:افلوسنا وذهبنا نباكن
صرخت بوجها
هاااااا شنووو شلون منوو الجنطه مو عند لطيف
لطيف:على كيفج ميلاد يرجعن انشالله ارجعهن وروح عمي بس خلنا انكوم انروح لهاليتنا
ميلاد:مااروح الا جنطتي وياي لطيف صدك تحجي وين راحت
طب علينا الولد ابو البيت
*خويه جنطتج ابيتنا راحت والله والله اطلعها الج بس انطيني مهله يومين
ميلاد:لا يومين ولا ساعتين جنطتي اريدها هسه مو حاجه وحاجتين هاي ذهب وفلوس لم مال عمر بليله ويوم يروح مني ماكو هجي حجي جنطتي هسه اطلعولياها
ميراس:يااا ميلاد على كيفج كلج الولد اجيبها ولطيف وعدج يطلعها اصبري
ميلاد:شنو كلي يجيبها هيه عدمن ووين غير اعرف منو اخذها
&خويه مرة اخوي لاكيتها وطمعانه بيها هيه واخوي وماخذينهن وشاردين ومانندل مجانهم وكتلج عليه يمين اجيبهن الج اجيبهن
ميلاد:مااعرف اني مااتحرك خطوة من هالبيت الا وجنطتي وياي فتهمتووو
خليت وطلعت محترك كلبي وابدي الزمهم اكطعهم بسنوني هو البقانا بهدنيا بس هالذهبات والفلوس ولحكونا عليهن والله مااتحرك شبر منا الا يرجعولي جنطتي امشي وادردم تلكتني بصاله بتهم
ميلاد:اكلج هاي البت الجانت وياج شتعودلج
&مرة حمااي
*شسمها
&فطيمه
*وينها هسه
&ماادري
*تتوقعينها وين راحت ماتدرين شنو اهلها وين
&هنانا يمنا اهلها بالشارع الورانا
رجعت للاستقبال دفعت الباب وحبيت
لطييف كوم انروح لهلها هاي البنيه
لطيف:ميلاد كولي يالله مو عد اهلها هيه راح أركان ملكاهم
ميلاد:معليه اني ودوني لهلها أكيد يعرفون بتهم وين
اركان:خويه والله كتلج اني اجيبها الج
التفتت عليه
يله رووح جيبلياها روح دورهم كتلكم مااطلع منا الا جنطتي تجيني
