معك خلقت من جديد

البارت التاني عشر

ﺭﻭﺍﻳﺔ _ ﻣﻌﻚ _ ﺧﻠﻘﺖ _ ﻣﻦ _ ﺟﺪﻳﺪ
ﺍﻟﺤﻠﻘﺔ ﺍﻟﺜﺎﻧﻴﺔ ﻋﺸﺮ .......
ﺍﻧﺎ : ﻣﺤﻤﺪ ﻣﺎ ﺗﻤﺸﻴﺶ ﻭﺍﻟﻠﻪ ﻣﺎﻧﻘﺪﺭ ﻧﻌﻴﺶ ﺑﻼﻙ ﺍﻩ ﻳﺎﺭﺑﻲ ﻳﺎﺭﺑﻲ ﻳﺮﺩﻟﻲ ﻃﻴﺐ ﻳﺎﺭﺑﻲ ﻧﺠﻲ ﻟﻲ ﻳﺎﺍﺍﺍﺭﺏ ﻭﺗﻤﻴﺖ ﻧﺮﻥ ﻋﻠﻴﻪ ﺍﻟﻴﻮﻡ ﻫﻀﻪ ﻣﺎﺑﺶ ﻳﺮﺩ ﻋﻠﻲ ﺑﻜﻞ ﻭﻧﺎ ﻗﺮﻳﺐ ﻧﻤﻮﺕ ﻣﻦ ﺍﻟﺨﻮﻑ ﻋﻠﻴﻪ
ﻣﺤﻤﺪ : ﺑﻴﺸﻮ ﻛﺎﻧﺖ ﺗﺮﻥ ﻭﻣﻘﺪﺭﺗﺶ ﻧﺮﺩ ﻋﻠﻴﻬﺎ ﻋﺎﺭﻓﻬﺎ ﺡ ﺗﻘﻌﺪ ﺗﺒﻜﻲ ﻭﻧﺎ ﻣﻨﺘﺤﻤﻠﺶ ﻧﺸﻮﻓﻬﺎ ﺗﺒﻜﻲ ﺩﺯﻳﺘﻠﻬﺎ ﻣﺴﺞ ﻃﻤﻨﺘﻬﺎ
ﺍﻧﺎ : ﺣﺒﻴﺒﻲ ﺍﻧﺎ ﺗﻮﺍ ﻣﻊ ﺍﻟﺠﻤﺎﻋﺔ ﻭﻣﺶ ﺡ ﻧﻘﺪﺭ ﻧﺮﺩ ﻋﻠﻴﻚ ﺗﻮﺍ ﺑﻌﺪ ﻧﻮﺻﻞ ﻧﻜﻠﻤﻚ ﻛﻨﺖ ﻧﻘﺮﺍ ﻓﻲ ﺍﻟﻤﺴﺞ ﻭﺩﻣﻮﻋﻲ ﻳﺼﺒﻦ ﻣﺶ ﻗﺎﺩﺭﺓ ﻧﺤﺲ ﻓﻲ ﺣﺎﺟﺔ ﻃﺎﺑﻘﺔ ﻋﻠﻰ ﻗﻠﺒﻲ ﻧﺰﻟﺖ ﻟﻮﻃﻰ ﻟﻌﻤﺘﻲ ﻭﺍﻟﺒﻨﺎﺕ ﻭﻗﺘﻠﻬﺎ ﺗﺮﻥ ﻋﻠﻴﻪ ﻫﻲ ﺑﺎﻟﻚ ﻳﺮﺩ ﻭﺣﺘﻰ ﻋﻠﻰ ﻋﻤﺘﻰ ﻣﺎ ﺑﺶ ﻳﺮﺩ ﺑﺎﻟﺼﺪﻓﺔ ﺟﺎ ﺍﺣﻤﺪ ﻭﻗﺘﻠﻪ ﻳﺮﻥ ﻋﻠﻴﻪ
ﺍﺣﻤﺪ : ﻫﻮ ﻣﺎﺯﺍﻝ ﻣﺎ ﻭﺻﻞ ﺍﻛﻴﺪ ﺑﻌﺪ ﻳﻮﺻﻞ ﺡ ﻳﻜﻠﻤﻜﻢ
ﺍﻧﺎ : ﺑﺲ ﻧﺒﻲ ﻧﻄﻤﻦ ﻋﻠﻴﻪ
ﺍﺣﻤﺪ : ﺣﺎﺿﺮ . ﺍﻟﻮ ﻳﺎﺑﺎﺷﺎ ﺷﻦ ﺟﻮﻙ
ﻣﺤﻤﺪ : ﺗﻤﺎﻡ ﺍﻟﺤﻤﺪﻟﻠﻪ
ﺍﺣﻤﺪ : ﻭﺻﻠﺖ ﻭﻻ ﻣﺎﺯﺍﻝ
ﻣﺤﻤﺪ : ﻣﺎﺯﺍﻝ ﻳﺎﻣﻌﻠﻢ
ﺍﺣﻤﺪ : ﺑﺎﻩ ﻫﺎﻙ ﺑﻴﺸﻮ ﺗﺒﻲ ﺗﺤﻜﻲ ﻣﻌﺎﻙ
ﻣﺤﻤﺪ : ﺍﺳﻤﻊ
ﺍﻧﺎ : ﺍﻟﻮ ﺣﻤﺎﺩﻱ
ﻣﺤﻤﺪ : ﺍﻟﻮ ﻣﺮﺣﺒﺎ
ﺍﻧﺎ : ﺗﻤﺎﻡ
ﻣﺤﻤﺪ : ﻣﺶ ﺡ ﻧﻘﺪﺭ ﻧﺮﺩ ﻋﻠﻴﻚ ﺗﻮﺍ ﺑﻌﺪ ﻧﻮﺻﻞ ﻻﻭﻝ ﺍﺳﺘﺮﺍﺣﻪ ﺗﻮﺍ ﻧﺤﻜﻲ ﻣﻌﺎﻙ ﺗﻤﺎﻡ
ﺍﻧﺎ : ﻭﻋﺪ
ﻣﺤﻤﺪ : ﺍﻫﺎ
ﺍﻧﺎ : ﺑﺎﻫﻲ ﺭﺩ ﺑﺎﻟﻚ ﻋﻠﻰ ﺭﻭﺣﻚ ﺣﺒﻴﺒﻲ
ﻣﺤﻤﺪ : ﺗﻤﺎﻡ ﻫﻴﺎ ﺍﻭﻛﻲ
ﺍﻧﺎ : ﺍﻭﻛﻲ
ﺍﺣﻤﺪ : ﻫﺎ ﺍﻃﻤﻨﺘﻲ
ﺍﻧﺎ : ﺍﻫﺎ ﺍﻃﻤﻨﺖ ﺷﻜﺮﺁ
ﺍﺣﻤﺪ : ﺻﺢ ﻣﺤﻤﺪ ﻗﺎﻟﻲ ﻧﺸﻴﻠﻚ ﻟﻬﻠﻚ ﺍﻣﺘﻰ ﺗﺒﻲ ﺗﻤﺸﻲ ﻗﻮﻟﻲ ﺑﺎﺵ ﻧﻮﺻﻠﻚ
ﺍﻧﺎ : ﻧﺺ ﺳﺎﻋﺔ ﻫﻚ ﻭﻧﻜﻮﻥ ﻭﺍﺗﻴﺔ
ﻋﻤﺘﻰ : ﺧﻮﺫ ﻭﺍﺣﺪﻩ ﻣﻦ ﺍﻟﺒﻨﺎﺕ ﻣﻌﺎﻙ ﻣﺎ ﺗﻮﺻﻠﻬﺶ ﺑﺮﻭﺣﻚ
ﺍﻧﺎ : ﻭﺟﻌﺘﻨﻲ ﻭﺻﺒﻴﺖ ﺭﻗﻴﺖ ﻟﻠﺸﻘﺔ ﻧﻀﻤﺘﻬﺎ ﻭﺧﺬﻳﺖ ﺷﻮﻱ ﺩﺑﺶ ﻟﻲ ﻭﻃﻠﻌﺖ ﻋﺪﺕ ﻣﻌﺎﻱ ﻣﻮﺩﻩ
ﺍﺣﻤﺪ : ﺍﻣﻲ ﺗﻌﺰﻕ ﻓﻲ ﺣﻜﻲ ﺣﺮﻕ ﺍﻟﺪﻡ ﻗﺒﻞ ﻧﺒﻲ ﻧﻘﻮﻟﻠﻬﺎ ﺧﻠﻲ ﻋﺒﺪﺍﻟﻌﺰﻳﺰ ﻳﻮﺻﻠﻬﺎ ﺑﺲ ﺯﻣﻄﺖ ﻭﺳﻜﺘﺖ
ﺍﻧﺎ : ﻋﺪﻳﺖ ﻟﻬﻠﻲ ﻭﺗﻤﻴﺖ ﻧﺒﻜﻲ ﻭﻧﺪﻋﻲ ﻟﺮﺑﻲ ﻛﻨﺖ ﺣﺎﺳﺔ ﻓﻲ ﺣﺎﺟﺔ ﻗﺎﻋﺪﺓ ﺗﺨﻨﻖ ﻓﻲ ﻳﺎﺭﺏ ﺭﺩﻩ ﻟﻲ ﻃﻴﺐ ﻭﺍﻟﻠﻪ ﻣﺎ ﻧﻘﺪﺭ ﻧﻌﻴﺶ ﺑﻼ
ﻣﺤﻤﺪ : ﻭﺻﻠﺖ ﻟﻼﺳﺘﺮﺍﺣﺔ ﻭﻧﺰﻟﺖ ﻣﺎﻟﺴﻴﺎﺭﺓ ﺗﺒﺎﻋﺪﺕ ﻋﻠﻰ ﺍﻟﺸﺒﺎﺏ ﺷﻮﻱ ﻭﺭﻧﻴﺖ ﻋﻠﻰ ﺑﻴﺸﻮ
ﺍﻧﺎ : ﺍﻟﻮ ﺣﺒﻴﺒﻲ
ﻣﺤﻤﺪ : ﺍﺣﻼ ﺍﻟﻮ ﻧﺴﻤﻌﻬﺎ ﻓﻲ ﺣﻴﺎﺗﻲ ﺍﺳﺘﺎﺣﺸﺘﻚ
ﺍﻧﺎ : ﺣﺘﻰ ﻧﺎ ﺍﺳﺘﺎﺣﺸﺘﻚ ﻫﻠﺒﺎﺕ ﺣﺒﻴﺒﻲ
ﻣﺤﻤﺪ : ﻫﻬﻬﻬﻬﻬﻬﻬﻬﻬﻬﻬﻬﻪ
ﺍﻧﺎ : ﺣﻤﺎﺩﻱ ﺭﺩ ﻧﺒﻴﻜﺶ ﺗﻤﺸﻲ
ﻣﺤﻤﺪ : ﺑﻴﺸﻮ ﺣﺒﻴﺒﻲ ﺗﻌﺮﻓﻲ ﻧﻘﺪﺭﺵ ﻧﺮﺩ ﺗﻮﺍ ﺑﺲ ﻭﻋﺪ ﺑﻌﺪ ﻋﺸﺮ ﺍﻳﺎﻡ ﺍﻭ ﺍﻗﻞ ﻧﺮﺩ ﺍﻧﻀﻢ ﻫﻨﺎ ﻭﺑﻌﺪﻫﺎﻧﺮﺩﻟﻚ
ﺍﻧﺎ : ﺑﺎﻩ ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻋﺸﺎﻥ ﺧﺎﻃﺮﻱ
ﻣﺤﻤﺪ : ﺣﺎﺿﺮ ﻳﺎ ﻗﻠﺒﻲ ﻭﺍﻧﺘﻲ ﺭﺩﻱ ﺑﺎﻟﻚ ﻋﻠﻰ ﺭﻭﺣﻚ ﻭﻋﻠﻰ ﺑﻨﻮﺗﺎﺗﻲ
ﺍﻧﺎ : ﻫﻬﻬﻬﻬﻪ ﺣﺎﺿﺮ ﺣﻤﺎﺩﻱ ﻣﻄﻮﻟﺶ ﻋﻠﻲ ﻧﻘﺪﺭﺵ ﻧﻌﻴﺶ ﺑﻼﻙ ﻭﺍﻟﻠﻪ ﻧﻤﻮﺕ ﻣﻦ ﻏﻴﺮﻙ
ﻣﺤﻤﺪ : ﺑﻌﻴﺪ ﺍﻟﺴﻮ ﻋﻠﻴﻚ ﻳﺎﻗﻠﺒﻲ ﺍﻥ ﺷﺎﺀ ﺍﻟﻠﻪ ﺡ ﻧﺮﺩﻟﻚ ﺍﻧﺘﻲ ﺑﺲ ﺍﺩﻋﻴﻠﻲ
ﺍﻧﺎ : ﻣﻦ ﺍﻭﻝ ﻣﺎ ﻃﻠﻌﺖ ﻭﻧﺎ ﻧﺪﻋﻴﻠﻚ
ﻣﺤﻤﺪ : ﻫﻴﺎ ﺣﺒﻴﺒﻲ ﺗﻮﺍ ﺡ ﻧﺴﻜﺮ ﻧﺒﻮ ﻧﻄﻠﻌﻮ ﻭﺑﻌﺪ ﻧﻮﺻﻞ ﻧﻜﻠﻤﻚ
ﺍﻧﺎ : ﺗﻤﺎﻡ ﺣﻤﺎﺩﻱ ﻧﺤﺒﻚ ﻧﺎ
ﻣﺤﻤﺪ : ﻭﻧﺎ ﻧﻤﻮﻭﻭﻭﻭﺕ ﻓﻴﻚ
ﻫﻴﺎ ﺑﺎﻳﺎﺕ
ﺍﻧﺎ : ﺑﺎﺍﺍﺍﺍﻱ ﺭﺩ ﺑﺎﻟﻚ ﻉ ﺭﻭﺣﻚ
ﻣﺤﻤﺪ : ﻭﺍﻧﺘﻲ ﻳﺎﻗﻠﺒﻲ ﻻ ﺍﻟﻪ ﺍﻻ ﺍﻟﻠﻪ
ﺍﻧﺎ : ﻣﺤﻤﺪ ﺭﺳﻮﻝ ﺍﻟﻠﻪ
ﻋﻨﺪ ﻋﺒﺪﺍﻟﻌﺰﻳﺰ ﻭﺍﺳﻤﺎﺀ
ﻃﺒﻌﺂ ﻧﺎ ﺍﻟﺤﻠﻘﺔ ﺍﻟﻲ ﻫﻠﺒﺖ ﻛﻨﺖ ﻣﺮﻛﺰﻩ ﻋﻠﻰ ﻣﺤﻤﺪ ﻭﺑﺸﺮﻯ ﺍﻟﺤﻠﻘﺔ ﻫﺬﻱ ﺡ ﻧﺮﻛﺰ ﻋﻠﻰ ﻋﺰﻳﺰ ﻭﺳﻮﻣﻲ
ﻭﺡ ﻧﺤﻜﻲ ﺷﻦ ﺻﺎﺭ ﻓﻲ ﻓﺮﺡ ﺧﻮﻫﺎ ﺍﺳﺎﻣﺔ ﺍﺳﻴﻞ
ﺍﺳﻤﺎﺀ : ﻋﺰﻳﺰ ﻫﻴﺎ ﻭﻗﺖ ﻧﺒﻲ ﻧﻤﺸﻲ ﻟﻬﻠﻲ ﺍﻟﻴﻮﻡ ﺍﻟﺴﻴﺎﻕ
ﻋﺰﻳﺰ : ﺷﻮﻱ ﺑﺲ ﺣﺒﻴﺒﻲ
ﺍﺳﻤﺎﺀ : ﻧﺎ ﻗﺘﻠﻚ ﻧﺒﻲ ﻧﺒﺎﺕ ﺍﻧﺖ ﻣﺎ ﺑﺘﺶ
ﻋﺰﻳﺰ : ﻳﻌﻨﻲ ﺗﺒﻲ ﺗﺨﻠﻴﻨﻲ ﻧﻄﻠﻖ ﻗﻤﺮﻱ ﺑﻌﻴﺪ ﻋﻠﻲ
ﺍﺳﻤﺎﺀ : ﺑﺎﻫﻲ ﺣﺒﻴﺒﻲ ﺻﺒﻲ ﻭﺍﻟﻠﻪ ﻣﺮﺍﻡ ﻣﺼﺒﺢ ﺗﺮﻥ ﻧﻬﺎﺭﻱ ﺍﺣﺮﻑ
ﻋﺰﻳﺰ : ﻣﺎ ﺣﺪ ﻳﻘﺪﺭ ﻳﺤﻜﻲ ﻣﻊ ﻗﻠﺒﻲ
ﺍﺳﻤﺎﺀ : ﺭﺑﻲ ﻳﺨﻠﻴﻚ ﻟﻲ ﺑﺲ ﻫﻲ ﺻﺒﻲ
ﻋﺰﻳﺰ : ﻫﻴﺎ ﺣﺒﻴﺒﻲ ﻧﺪﻳﺮ ﺩﻭﺵ ﻋﻠﻰ ﺍﻟﺴﺮﻳﻊ ﻭﻧﻮﺻﻠﻚ
ﺍﺳﻤﺎﺀ : ﺗﻤﺎﻡ ﻭﻧﺎ ﻧﻮﺗﻴﻠﻚ ﻗﻬﻮﺗﻚ
ﻋﺰﻳﺰ : ﺩﻭﺷﺖ ﻭﺻﻠﻴﺖ ﻭﺗﻴﺖ ﺭﻭﺣﻲ ﻭﺷﺮﺑﺖ ﺍﻟﻘﻬﻮﺓ ﻭﺑﻌﺪﻫﺎ ﻭﺻﻠﺖ ﺳﻮﻣﻲ ﻟﻬﻠﻬﺎ ﻭﺑﻌﺪﻫﺎ ﺍﻣﻲ ﺩﺯﺗﻨﻲ ﻧﺠﻴﺐ ﺣﺎﺟﺎﺕ ﻣﻦ ﺑﺮﺍ ﻭﺑﻌﺪﻫﺎ ﻃﻠﻌﺖ ﻟﻠﺸﺮﻛﺔ
ﺍﺳﻤﺎﺀ : ﻋﺪﻳﺖ ﻟﻬﻠﻲ ﻭﺗﻤﻴﺖ ﻧﺴﺎﻋﺪ ﻓﻴﻬﻢ ﻭﻧﻮﺗﻲ ﻛﻨﺎ ﺟﺎﻳﺒﻴﻦ ﻣﻨﺴﻘﺔ ﺍﻟﺴﻴﺎﻕ ﻭﻃﻠﻌﺖ ﻛﻞ ﺣﺎﺟﺔ ﺗﻬﺒﻞ
ﻋﺰﻳﺰ : ﺣﺒﻴﺒﻲ ﻫﻴﺎ ﻧﺮﻭﺣﻮ ﻭﺍﻟﻠﻪ ﺗﺎﻟﻒ ﺑﻜﻞ ﻭﻧﺒﻲ ﻧﺘﻌﺸﻰ ﻭﻧﺮﻗﺪ
ﺍﺳﻤﺎﺀ : ﺣﺒﻴﺒﻲ ﺧﺶ ﻧﺤﻄﻠﻚ ﻋﺸﺎ
ﻋﺰﻳﺰ : ﻻ ﻻ ﺍﺩﻳﺮﻟﻲ ﺣﺘﻰ ﺧﻔﻴﻒ ﻓﻲ ﺍﻟﺤﻮﺵ
ﺍﺳﻤﺎﺀ : ﺣﺎﺿﺮ ﺣﺒﻲ ﻧﻠﺒﺲ ﻋﺒﺎﻳﺘﻲ ﻭﻧﺠﻲ
ﻋﺰﻳﺰ : ﻫﻴﺎ ﻧﺮﺟﻰ ﻓﻴﻚ ﻓﻲ ﺍﻟﺴﻴﺎﺭﺓ
ﺍﺳﻤﺎﺀ : ﻟﺒﺴﺖ ﻭﺭﻭﺣﻨﺎ
ﻋﺰﻳﺰ : ﺳﻮﻣﻲ ﺩﻳﺮﻱ ﺣﺘﻰ ﺍﻧﺼﺎﺹ ﻋﺎﺩﻱ
ﺍﺳﻤﺎﺀ : ﻫﻴﺎ ﻫﻲ ﺩﺭﺗﻠﻪ ﻗﻼﻳﻪ ﻭﺟﺒﺘﻠﻪ ﻣﺸﺮﻭﻭﻭﺏ ﻭﻋﺪﻳﺖ ﺩﺭﺕ ﺣﻤﺎﻡ ﻛﻨﺖ ﺗﺎﻟﻔﻪ ﻭﺛﺎﻧﻲ ﻳﻮﻡ ﻋﻨﺪﻱ ﻣﻮﺍﻝ ﺍﻟﺘﻄﺮﻳﻔﺔ ﺗﺎﻋﺖ ﺳﻮﻟﻪ
ﺣﺒﻴﺒﻲ ﺑﻜﺮﻩ ﺗﺒﻲ ﺗﺎﺧﺬﻧﻲ ﻟﻠﻜﻮﺍﻓﻴﺮ ﺭﺍ ﻛﺎﻥ ﻋﻨﺪﻙ ﻋﻤﻞ ﺍﻭ ﺷﻲ ﺣﺎﺟﺔ ﺍﺟﻠﻬﺎ
ﻋﺰﻳﺰ : ﺣﺎﺿﺮ ﺍﻧﺘﻲ ﺗﻮﺍ ﺗﻌﺎﻟﻲ ﺑﺲ ﻫﻨﺎ ﺣﺬﺍﻱ ﻭﺍﺭﻗﺪﻱ ﺗﻌﺒﺘﻲ ﻭﺍﺟﺪ ﺍﻟﻴﻮﻡ
ﺍﺳﻤﺎﺀ : ﺍﻣﻤﻤﻤﻤﻤﻢ ﺑﻜﻞ
ﻋﺰﻳﺰ : ﺣﺒﻴﺒﻲ ﻣﺶ ﻗﺘﻠﻚ ﻣﺎ ﺗﻌﺒﻴﺶ ﺭﻭﺣﻚ ﺍﻧﺘﻲ ﺣﺎﻣﻞ ﻭﻣﺶ ﻛﻮﻳﺲ ﻫﻜﻲ
ﺍﺳﻤﺎﺀ : ﺣﺒﻴﺒﻲ ﻧﺎ ﻣﺎﺩﺭﺗﺶ ﻫﺬﻙ ﺍﻟﺤﺎﺟﺔ ﺍﻟﻜﺒﻴﺮﺓ ﻓﻲ ﺧﺪﻡ ﻋﻨﺪﻧﺎ ﺑﺲ ﺍﻧﺎ ﻣﻦ ﺍﻗﻞ ﻣﺠﻬﻮﺩ ﺭﺍﻳﺤﻪ ﻧﺘﻌﺐ
ﻋﺰﻳﺰ : ﺗﻮﺍ ﺑﻌﺪ ﻗﺼﺔ ﺍﻟﻔﺮﺡ ﻫﺬﻱ ﺗﻢ ﻧﺎﺧﺬ ﻟﻠﺪﻛﺘﻮﺭﺓ ﻭﻧﺸﻮﻓﻮ ﺍﻟﻤﻮﺿﻮﻉ ﻫﻀﻪ
ﺍﺳﻤﺎﺀ : ﺍﻥ ﺷﺎﺀ ﺍﻟﻠﻪ ﻳﺎﻗﻠﺒﻲ ﻭﺭﻗﺪﻧﺎ
ﻭﻋﻴﺖ ﺛﺎﻧﻲ ﻳﻮﻡ ﺩﺭﺕ ﺣﻤﺎﻡ ﻭﺗﻴﺖ ﻗﻔﻄﺎﻧﻲ ﻭﺍﻟﺬﻫﺐ ﺗﺎﻋﻲ ﻭﺗﻴﺖ ﻋﺒﺎﻳﺘﻲ ﻭﺧﻤﺎﺭﻱ ﻭﻋﻴﺖ ﻋﺰﻳﺰ ﻭﺑﻌﺪﻫﺎ ﻧﺰﻟﺖ ﻟﻮﻃﻰ ﻧﺸﻮﻓﻬﻢ ﺷﻦ ﻳﺪﻳﺮﻭ
ﻣﻮﺩﻩ : ﺍﻭﻭﻭﻭﻭﻭﻭ ﺳﻮﻣﻲ ﺷﺮﻓﺖ ﺷﻦ ﺟﻴﺒﻚ ﻋﻨﺪﻧﺎ ﻳﺎﺧﺖ ﺍﻟﻌﺮﻳﺲ
ﺍﺳﻤﺎﺀ : ﺟﺎﻳﻪ ﻧﺪﻳﺮ ﺍﺳﺘﻄﻼﻉ
ﺟﻮﺭﻱ : ﺑﻨﺎﺕ ﺩﻳﺮﻥ ﺣﻀﺮ ﺗﻮﺍ ﺗﻌﺪﻱ ﺗﻘﻮﻟﻠﻬﻢ ﻋﻠﻰ ﺍﺑﺪﺍﻋﺘﻨﺎ
ﺍﻧﺎ : ﻫﻬﻬﻬﻬﻬﻬﻬﻬﻬﻪﻫﻪ ﺷﻦ ﻧﺰﻟﻚ ﺍﻧﺘﻲ ﺗﻮﺍ ﻋﺪﻱ ﻭﺗﻲ ﺭﻭﺣﻚ ﻭﻗﺖ
ﺍﺳﻤﺎﺀ : ﻭﻗﺖ ﻋﻠﻰ ﺷﻨﻮ
ﺍﻧﺎ : ﻻ ﺳﻼﻣﺘﻚ ﻋﺪﻱ ﺍﺭﻗﺪﻱ
ﺍﺳﻤﺎﺀ : ﺻﺢ ﻭﺍﻟﻠﻪ ﺣﺘﻰ ﻧﺎ ﺧﺎﻃﺮﻱ ﻓﻴﻬﺎ ﺍﻟﺮﻗﺪﺓ
ﺍﻧﺎ : ﺣﻲ ﺍﻟﺴﺎﻋﺔ ﻭﺍﺣﺪ ﻳﺎ ﻫﺒﻠﺔ
ﺍﺳﻤﺎﺀ : ﺣﻲ ﻭﻧﺎ ﻧﺤﺴﺎﺏ ﺭﻭﺣﻲ ﻭﺍﻋﻴﺔ ﺑﺪﺭﻱ
ﻧﻌﺪﻱ ﻧﻮﻋﻲ ﻋﺰﻳﺰ ﺑﺎﺵ ﻳﻮﺻﻠﻨﻲ
ﺍﻧﺎ : ﺣﻤﺎﺩﻱ ﺑﺮﺍ ﻛﺎﻥ ﻫﻚ ﺍﻃﻠﻌﻲ ﻣﻌﺎﻱ ﻭﺑﻌﺪﻳﻦ ﻳﺠﻲ ﻳﺎﺧﺬﻙ ﻋﺰﻳﺰ
ﺍﺳﻤﺎﺀ : ﺗﻤﺎﻡ ﻧﻌﺪﻱ ﻧﻠﺒﺲ ﻋﺒﺎﻳﺘﻲ ﻭﻧﺠﻲ
ﺍﻧﺎ : ﻧﺮﺟﻰ ﻓﻴﻚ ﺑﺮﺍ
ﺍﺳﻤﺎﺀ : ﺗﻢ ﻋﺪﻳﺖ ﻗﻠﺖ ﻟﻌﺰﻳﺰ ﻭﻟﺒﺴﺖ ﻭﻃﻠﻌﺖ ﻋﺪﻳﻨﺎ ﻟﻠﻜﻮﺍﻓﻴﺮﺓ ﻭﻋﻠﻰ ﺍﻟﺜﻼﺛﺔ ﻫﻚ ﺍﺗﺼﻠﺖ ﺑﻌﺰﻳﺰ ﺟﺎﻧﻲ
ﻋﺰﻳﺰ : ﺍﺳﺘﻐﻔﺮ ﺍﻟﻠﻪ ﺗﻮﺍ ﻧﺎ ﻧﺒﻲ ﻧﻔﻬﻢ ﻫﻀﻪ ﻟﻴﺶ ﺣﺎﻃﻄﺘﻲ ﺑﺎﺵ ﺗﻘﻌﺪﻱ ﻣﺮﻓﻌﺘﻲ ﻭﺧﻠﻖ ﺭﺑﻲ ﻳﻘﻌﺪﻭ ﻳﺸﺒﺤﻮ ﻓﻴﻜﻲ
ﺍﺳﻤﺎﺀ : ﻛﻨﻚ ﻣﺎ ﺣﻘﻴﺘﺶ ﻗﺪﺍﻣﻲ ﺗﺒﻴﻨﻲ ﻧﻄﻴﺢ ﻋﻠﻰ ﻭﺟﻲ
ﻋﺰﻳﺰ : ﻗﻮﻟﻲ ﺗﻌﺎﻝ ﺗﻮﺍ ﻧﺴﺎﻋﺪﻙ ﺗﻨﺰﻟﻲ
ﺍﺳﻤﺎﺀ : ﻋﺰﻳﺰ ﻛﻨﻚ ﺗﻌﻴﻂ ﺍﻧﺖ ﻧﺎ ﺑﺮﻭﺣﻲ ﻭﺍﺻﻠﻪ ﺣﺪﻱ
ﻋﺰﻳﺰ : ﺑﺎﻩ ﺑﺎﻩ ﺗﻤﺎﻡ
ﺍﺳﻤﺎﺀ : ﻃﻮﻝ ﺍﻟﻄﺮﻳﻖ ﻳﻬﺰﺏ ﻭﻳﻨﻔﺘﺮ ﻣﺎ ﺻﺪﻗﺖ ﺍﻣﺘﻰ ﻭﺻﻠﺖ ﺑﺎﺵ ﻧﻨﺰﻝ ﺧﺸﻴﺖ ﻟﻠﻔﻴﻼ ﻭﺭﻗﻴﺖ ﻟﻔﻮﻕ ﻟﺒﺴﺖ ﺷﻮﻱ ﻫﻚ ﻭﺟﺎ ﻳﻀﺤﻚ ﻭﻻ ﻛﺎﻧﻪ ﺩﺍﻳﺮ ﺷﻲ ﻛﻨﺖ ﻻﺑﺴﻪ ﻗﻔﻄﺎﻥ ﺍﺳﻮﺩ ﻓﻲ ﻓﺘﺤﻪ ﻣﺎﻟﺼﺪﺭ ﻭﻃﻮﻳﻞ ﻣﺠﺴﻢ ﻭﻛﻨﺖ ﺩﺍﻳﺮﻩ ﺷﻌﺮﻱ ﻛﻴﻠﺮﻱ ﻭﻣﻴﻜﺎﺏ ﺳﻤﻮﻛﻲ
ﻋﺰﻳﺰ : ﺷﻦ ﺍﻟﺴﻤﺎﺣﺔ ﻫﺬﻱ
ﺍﺳﻤﺎﺀ : ﺗﺤﻜﻴﺶ ﻣﻌﺎﻱ
ﻋﺰﻳﺰ : ﺣﺒﻴﺒﻲ ﺯﻋﻼﻥ ﻣﻨﻲ
ﺍﺳﻤﺎﺀ : ﺗﻮﺍ ﺣﺒﻴﺒﻚ ﻭﺑﺪﺭﻱ ﺗﻬﺰﺏ ﻭﺗﻨﺖ
ﻋﺰﻳﺰ : ﻧﻐﺎﺭ ﺷﻦ ﻧﺪﻳﺮ ﻭﺍﺣﺪ ﻳﻘﻌﺪ ﻋﻨﺪﻩ ﻗﻤﺮ ﻛﻴﻔﻚ ﻭﻣﺎ ﻳﻐﺮﺵ
ﺍﺳﻤﺎﺀ : ﻋﺰﻳﺰ ﺣﺒﻴﺒﻲ ﺍﻟﻲ ﻓﻲ ﺭﺍﺳﻚ ﻃﻠﻌﺔ ﻻﻧﻲ ﺗﻮﺍ ﻧﺒﻲ ﻧﻤﺸﻲ ﻟﻠﺼﺎﻟﺔ ﻭﻗﺖ
ﻋﺰﻳﺰ : ﺍﻣﻤﻤﻤﻢ ﻣﻔﻴﺶ ﺣﺘﻰ ﺗﺼﺒﻴﺮﻩ
ﺍﺳﻤﺎﺀ : ﻫﻬﻬﻬﻬﻬﻬﻪ ﻻ ﻻ ﻭﻫﻲ ﻭﺗﻲ ﺭﻭﺣﻚ ﺑﺴﺮﻋﺔ ﺍﻟﺒﻨﺎﺕ ﻳﺮﺟﻦ ﻓﻲ
ﻋﺰﻳﺰ : ﺷﻦ ﻫﻀﻪ ﻣﺮﻩ ﻣﺮﺍﻡ ﻭﻣﺮﻩ ﺍﻟﺒﻨﺎﺕ ﺍﻣﺘﻰ ﺗﺒﻲ ﺗﻔﻀﻴﻠﻲ ﻧﺎ
ﺍﺳﻤﺎﺀ : ﺑﻌﺪ ﺍﻟﻔﺮﺡ ﺗﻮﺍ ﻧﻔﻀﺎﻟﻚ
ﻋﺰﻳﺰ : ﺍﻣﺘﻰ ﻳﺘﻢ ﺍﻟﻔﺮﺡ ﻫﻀﻪ
ﺍﺳﻤﺎﺀ : ﺑﺎﻩ ﻋﺪﻱ
ﻭﻃﻠﻌﻨﺎ ﻟﻠﺼﺎﻟﺔ ﻭﻛﺎﻥ ﺟﻮ ﻫﻴﺎﺟﺔ ﻭﺭﻗﺺ ﻭﻛﻞ ﺷﻮﻱ ﻋﺰﻳﺰ ﻳﺘﺼﻞ ﺑﺎﺵ ﻳﻄﻤﻦ ﺍﻧﻲ ﻣﺎ ﺻﺒﻴﺘﺶ ﻧﺮﻗﺺ ﻭﻛﻞ ﺷﻮﻱ ﻳﻘﻮﻟﻲ ﻫﻲ ﻧﺮﻭﺣﻮ ﺟﻨﻨﻲ
ﻃﻠﻌﻨﺎ ﻣﺎﻟﺼﺎﻟﺔ ﺭﻛﺒﺖ ﻓﻲ ﺍﻟﺴﻴﺎﺭﺓ ﻭﻃﻠﻊ ﻃﻮﻝ ﻋﺰﻳﺰ ﻣﺎﺯﺍﻝ ﺍﻟﺒﻨﺎﺕ
ﻋﺰﻳﺰ : ﻧﺎ ﺧﺎﻃﻔﻚ
ﺍﺳﻤﺎﺀ : ﻋﺰﻳﺰ ﺍﻟﺒﻨﺎﺕ ﻣﻦ ﻳﺒﻲ ﻳﺮﻭﺣﻬﻢ
ﻋﺰﻳﺰ : ﺍﻟﺴﻴﺎﺭﺍﺕ ﻭﺍﺟﺪ
ﺍﺳﻤﺎﺀ : ﺣﺒﻴﺒﻲ ﺷﻦ ﻳﺒﻦ ﻳﻘﻮﻟﻦ ﻋﻠﻲ
ﻋﺰﻳﺰ : ﻣﺎ ﻧﺎ ﺧﺬﻳﺘﻚ ﺑﺎﺵ ﻣﺎ ﻳﺨﺬﻭﻛﺶ ﻣﻨﻲ
ﺍﺳﻤﺎﺀ : ﻫﻬﻬﻬﻬﻬﻬﻬﻪﻫﻬﻬﻪ ﺻﺎﻳﻊ
ﻋﺰﻳﺰ : ﻣﺎﺯﺍﻝ ﻣﺎ ﺭﻳﺘﻲ ﺷﻲ
ﻃﺒﻌﺂ ﺍﻟﻌﻘﺎﺏ ﻣﺶ ﺷﻮﺭﻧﺎ ........
ﺗﻮﺍ ﻧﺤﻜﻮ ﻋﻠﻰ ﺍﻟﻌﺮﺳﺎﻥ ﺍﺳﻴﻞ ﻭﺍﺳﺎﻣﺔ
ﺍﺳﺎﻣﺔ ﻛﺎﻥ ﻳﺤﺐ ﺍﺳﻴﻞ ﻭﻣﻦ ﻭﻫﻢ ﺻﻐﺎﺭ ﻭﻣﺎ ﺑﺶ ﻳﺤﻜﻲ ﻓﻲ ﺍﻟﻤﻮﺿﻮﻉ ﻗﺒﻞ ﻣﺎ ﻳﻜﻮﻥ ﺭﻭﺣﻪ
ﺍﺳﻴﻞ : ﻛﻨﺖ ﻣﺘﻮﺗﺮﺓ ﺑﻜﻞ ﻭﺧﺎﻳﻔﺔ ﻭﺣﺎﻟﺘﻲ ﺣﺎﻟﻪ
ﺍﺳﺎﻣﺔ : ﺍﺣﻢ ﺷﻦ ﺭﺍﻳﻚ ﻓﻲ ﺍﻟﺸﻘﺔ
ﺍﺳﻴﻞ : ﺣﻠﻮﻩ ﺫﻭﻗﻚ ﺣﻠﻮ
ﺍﺳﺎﻣﺔ : ﺍﻛﻴﺪ ﺫﻭﻗﻲ ﺣﻠﻮ ﻻﻧﻲ ﺍﺧﺘﺮﺗﻚ ﺍﻧﺘﻲ
ﺍﺳﻴﻞ : ﺗﺴﻠﻢ
ﺍﺳﺎﻣﺔ : ﺳﻮﻟﻲ
ﺍﺳﻴﻞ : ﻧﻌﻢ
ﺍﺳﺎﻣﺔ : ﺍﺣﻼ ﻧﻌﻢ ﻧﺴﻤﻌﻬﺎ ﻓﻲ ﺣﻴﺎﺗﻲ
ﺍﺳﻴﻞ ..........:
ﺍﺳﺎﻣﺔ : ﻣﻤﻜﻦ ﻧﺤﻜﻮ ﺷﻮﻱ
ﺍﺳﻴﻞ : ﺍﻭﻝ ﻣﺎ ﻗﺎﻝ ﻫﻚ ﻗﻠﺒﻲ ﻭﻗﻒ ﻃﺒﻌﺂ ﻧﺎ ﻋﻘﻠﻲ ﻣﺴﻮﺱ ﻣﺎ ﺟﺎﺏ ﺍﻟﻲ ﻫﺬﻙ ﺍﻟﺤﺎﺟﺔ
ﺍﺳﺎﻣﺔ : ﻧﺒﻲ ﻧﻌﺘﺮﻓﻠﻚ ﺑﺤﺎﺟﺔ
ﺍﺳﻴﻞ : ﺗﻌﺘﺮﻓﻠﻲ ﺑﺸﻨﻮ 😯
ﺍﺳﺎﻣﺔ : ﺍﻧﻲ ﺍﻧﺤﺒﻚ ﻭﻣﻦ ﻭﻧﺤﻨﺎ ﺻﻐﺎﺭ ﻭﻛﻨﺎ ﻧﻠﻌﺒﻮ ﻣﻊ ﺑﻌﻀﻨﺎ ﻛﻨﺖ ﻧﺤﻠﻢ ﺑﺎﻟﻴﻮﻡ ﺍﻟﻲ ﺗﻜﻮﻧﻲ ﻣﺮﺗﻲ ﻭﺣﻼﻟﻲ ﻭﻛﻞ ﺍﻟﺴﻨﻴﻦ ﻫﻀﻦ ﻭﻧﺎ ﻧﻮﺗﻲ ﻓﻲ ﺭﻭﺣﻲ ﺑﺎﺵ ﻧﻜﻮﻥ ﻣﻌﺎﻙ
ﺍﺳﻴﻞ :☺
ﺍﺳﺎﻣﺔ : ﺷﻜﺮﺁ ﺍﻧﻚ ﻗﺒﻠﺘﻲ ﺗﻜﻮﻧﻲ ﻣﺮﺗﻲ ﺗﺤﻘﻘﻲ ﻟﻲ ﺣﻠﻤﻲ
ﺍﺳﻴﻞ : ﺗﻤﺖ ﻋﻴﻮﻧﻲ ﺩﻣﻮﻉ 😭😭
ﺍﺳﺎﻣﺔ : ﻟﻴﺶ ﺗﺒﻜﻲ ﺍﻧﺎ ﺿﺎﻳﻘﺘﻚ ﺑﺸﻲ
ﺍﺳﻴﻞ : ﻻﻻ ﺑﺲ ﻛﻨﺘﺶ ﻧﻌﺮﻑ ﺍﻧﻚ ﺗﺤﺒﻨﻲ ﻟﻠﺪﺭﺟﺔ ﻫﺬﻱ ﻫﻮ ﺻﺢ ﻧﺎ ﻣﺎ ﺟﺮﺑﺘﺶ ﺍﺣﺴﺎﺱ ﺍﻟﺤﺐ ﺑﺲ ﻭﺍﺿﺢ ﺍﻧﻪ ﺣﻠﻮ ﻭﺭﺑﻲ ﻳﻘﺪﺭﻧﻲ ﻭﻧﻘﺪﺭ ﻧﺴﻌﺪﻙ
ﺍﺳﺎﻣﺔ : ﻭﺟﻮﺩﻙ ﻣﻌﺎﻱ ﺑﺲ ﻫﻮ ﺳﻌﺎﺩﺓ ﺑﺎﻟﻨﺴﺒﺔ ﻟﻲ ﻫﻀﻪ ﻳﻜﻔﻴﻨﻲ
ﺍﺳﻴﻞ : ﻭﺍﻧﺎ ﺡ ﻧﻌﻴﺶ ﺣﻴﺎﺗﻲ ﻛﻠﻬﺎ ﻣﻌﺎﻙ ﺍﻧﺖ
ﺍﺳﺎﻣﺔ : ﺍﻣﻤﻤﻤﻤﻢ ﺟﻌﺘﻲ
ﺍﺳﻴﻞ : ﺑﻜﻞ 😂😂
ﺍﺳﺎﻣﺔ 😂😂😂: ﺑﺎﻫﻲ ﻫﺬﻱ ﺍﻟﺪﺍﺭ ﻋﺪﻱ ﺑﺪﻟﻲ ﻭﺗﻌﺎﻟﻲ ﺗﻌﺸﻲ
ﺍﺳﻴﻞ : ﺗﻤﺎﻡ ☺ ﻋﺪﻳﺖ ﻟﻠﺪﺍﺭ ﻛﻨﺖ ﻧﺤﺲ ﻓﻲ ﻗﻠﺒﻲ ﻗﺎﻋﺪ ﻳﻨﻘﺰ ﻣﺎﻟﺴﻌﺎﺩﺓ ﺑﺪﻟﺖ ﻭﻟﺒﺴﺖ ﺑﺠﺎﻣﺔ ﺳﺘﺎﻥ ﻭﺧﻔﻔﺖ ﺍﻟﻤﻴﻜﺎﺏ ﻭﻟﻤﻴﺖ ﺷﻌﺮﻱ ﺑﺸﻜﻞ ﻋﺸﻮﺍﺋﻲ ﻭﻃﻠﻌﺖ
ﺍﺳﺎﻣﺔ : ﻛﻨﺖ ﻗﺮﻳﺐ ﻧﻄﻴﺮ ﻣﻦ ﺍﻟﺴﻌﺎﺩﺓ
ﺍﺳﻴﻞ : ﺗﻌﺸﻴﻨﺎ ﻭﺑﻌﺪﻫﺎ ﻗﺎﻟﻲ ﻫﻴﺎ ﺗﻌﺎﻟﻲ ﻧﺼﻠﻮ ﻧﺎ ﻗﻠﺒﻲ ﻛﺎﻥ ﻗﺮﻳﺐ ﻭﻳﻮﻗﻒ ﺻﻠﻴﻨﺎ ﻭﻗﺎﻝ ﺍﻟﺪﻋﺎﺀ ﻭﺑﻌﺪﻫﺎ ﺻﻠﻰ ﺭﻛﻌﺘﻴﻦ ﺷﻜﺮ ﻟﻠﻪ ﻭﻧﺎ ﻗﺎﻋﺪﺓ ﻧﺒﺤﺖ ﻓﻲ ﻛﻴﻒ ﻳﺼﻠﻲ ﻭﻛﻴﻒ ﺧﺎﺷﻊ ﻓﻲ ﺻﻼﺗﻪ
ﺍﺳﺎﻣﺔ : ﺍﻣﻤﻤﻤﻤﻢ ﺗﺒﻲ ﺗﻘﻌﺪﻱ ﺗﺒﺤﺘﻲ ﻓﻲ ﻭﺍﺟﺪ
ﺍﺳﻴﻞ 😳😳: ﻻﻻ ﻣﺶ ﻫﻚ ﻧﺎ ﻛﻨﺖ ﺳﺎﺭﺣﻪ ﺑﺲ
ﺍﺳﺎﻣﺔ 😂😂😂: ﺑﺎﻩ ﺗﻌﺎﻟﻲ ﻧﺒﻴﻚ ﻓﻲ ﻣﻮﺿﻮﻉ ﻓﻲ ﺍﻟﺪﺍﺭ
ﺍﻟﻌﻘﺎﺏ ﻣﺶ ﺷﻮﺭﻧﺎ ﻋﺮﺳﺎﻥ ﻭﻫﻢ ﻭﺟﻮﻫﻢ
ﻧﺮﺩﻭ ﻟﻰ ﺑﻴﺸﻮ ﻭﻣﺤﻤﺪ ......
ﺍﻧﺎ : ﻭﻋﻴﺖ ﺍﻟﺼﺒﺢ ﻭﺭﻧﻴﺖ ﻋﻠﻴﻪ ﻣﺎﺭﺩﺵ ﻗﻠﺒﻲ ﻗﺮﻳﺐ ﻭﻗﻒ ﻭﻗﻌﺪﺕ ﻧﺒﻜﻲ ﻭﻧﺪﻋﻲ ﻭﻣﻀﺎﻳﻘﺔ ﻭﺑﻌﺪﻫﺎ ﺑﺸﻲ ﺳﺎﻋﺘﻴﻦ ﺭﻥ ﻋﻠﻲ ﺣﺴﻴﺖ ﺭﻭﺣﻲ ﺭﺩﺗﻠﻲ
ﻣﺤﻤﺪ : ﻫﻼ ﺣﺒﻲ
ﺍﻧﺎ : ﺣﺒﻴﺒﻲ ﻭﻳﻨﻚ ﺷﻐﻠﺘﻨﻲ
ﻣﺤﻤﺪ : ﻏﻔﻴﺖ ﻣﺎ ﺳﻤﻌﺘﺶ ﺍﻟﻔﻮﻥ ﻧﺤﻨﺎ ﻭﺻﻠﻨﺎ ﻋﻠﻰ ﺗﺴﻌﺔ ﻫﻚ
ﺍﻧﺎ : ﻭﺷﻦ ﻭﺿﻌﻚ ﺗﻮﺍ ﺗﻤﺎﻡ
ﻣﺤﻤﺪ : ﺍﻟﺤﻤﺪﻟﻠﻪ ﻭﺗﻮﺍ ﺑﻌﺪ ﺳﻤﻌﺖ ﺻﻮﺗﻚ ﺗﻤﻴﺖ ﺍﺣﺴﻦ
ﺍﻧﺎ : ﻣﺤﻤﺪ ﺗﻘﻌﺪﺵ ﻋﻨﺪ ﺍﻟﻀﺮﺏ ﻭﻛﻞ ﺷﻮﻱ ﻃﻤﻨﻲ ﺣﺘﻰ ﺑﻤﺴﺞ
ﻣﺤﻤﺪ : ﺣﺎﺿﺮ ﻳﺎﻋﻤﺮﻱ ﺍﻧﺘﻲ ﺗﻮﺍ ﻋﻨﺪ ﻫﻠﻚ
ﺍﻧﺎ : ﻫﺎﺍ ﺍﻣﺲ ﺍﺣﻤﺪ ﻭﻣﻮﺩﻩ ﺟﺎﺑﻮﻧﻲ ﻫﻨﺎ
ﻣﺤﻤﺪ : ﺑﺎﻫﻲ ﺑﺎﺵ ﺗﻤﺮﻱ ﻋﻠﻰ ﺍﻟﺸﻘﺔ ﻣﺮﻩ ﻣﺮﻩ ﻣﺶ ﺩﻳﻤﺎ ﻋﻨﺪ ﻫﻠﻚ
ﺍﻧﺎ : ﺣﺎﺿﺮ ﺣﺒﻴﺒﻲ ﺑﺲ ﺍﻧﺖ ﻗﻠﺖ ﻣﺶ ﻣﻄﻮﻝ
ﻣﺤﻤﺪ : ﻣﺶ ﻣﻄﻮﻝ ﺍﻥ ﺷﺎﺀ ﺍﻟﻠﻪ ﻳﺎﻋﻤﺮﻱ ﺑﺲ ﺍﻧﺘﻲ ﻛﻞ ﻳﻮﻣﻴﻦ ﺍﺑﺮﻣﻲ ﻋﻠﻰ ﺍﻟﺸﻘﺔ ﻫﻚ ﻟﻔﻪ ﻳﻌﻨﻲ
ﺍﻧﺎ : ﺣﺎﺿﺮ ﻳﺎﻗﻠﺒﻲ
ﻣﺤﻤﺪ : ﺣﺒﻴﺒﻲ ﻣﺶ ﺡ ﻧﻘﺪﺭ ﻧﻄﻮﻝ ﻣﻌﺎﻙ ﻻﻥ ﻧﻀﻤﻮ ﺗﻮﺍ
ﺍﻧﺎ : ﺑﺎﻩ ﺣﺒﻲ ﺍﻭﻋﺪﻧﻲ ﺗﺮﺩ ﺑﺎﻟﻚ ﻋﻠﻰ ﺭﻭﺣﻚ
ﻣﺤﻤﺪ : ﻣﻦ ﻋﻴﻮﻧﻲ ﻳﺎ ﻋﻴﻮﻧﻲ ﻧﺤﺒﻚ ﺑﺸﺘﻲ
ﺍﻧﺎ : ﺟﺪﻳﺪﺓ ﻫﺬﻱ 😂😂
ﻣﺤﻤﺪ : ﻫﻬﻬﻬﻬﻬﻬﻪ ﺍﺣﻠﻰ ﺿﺤﻜﻪ ﺍﺳﺘﺎﺣﺸﺘﻚ ﻳﺎﻗﻠﺒﻲ ﻧﺎ
ﺍﻧﺎ : ﺣﺘﻰ ﻧﺎ ﺍﺳﺘﺎﺣﺸﺘﻚ ﻳﺎﻛﻠﻲ
ﻣﺤﻤﺪ : ﺑﺎﻩ ﻫﻴﺎ ﺳﻜﺮﻱ ﻭﻧﺤﺒﻚ
ﺍﻧﺎ : ﻭﻧﺎ ﻧﻌﺸﻘﻚ ﺑﺎﻳﺎﺕ ﻭﺳﻜﺮﻧﺎ ﻗﻌﺪﺕ ﻧﺤﻜﻲ ﻣﻌﺎﻩ ﻛﻞ ﻳﻮﻡ ﻭﻛﻞ ﻣﺎ ﻳﻔﻀﻰ ﻳﺪﺯﻟﻲ ﻣﺴﺞ ﻳﻄﻤﻨﻲ ﻭﺭﺍﺑﻊ ﻳﻮﻡ
ﻗﺒﻞ ﺍﺳﺘﺸﻬﺎﺩ ﻣﺤﻤﺪ ﺑﻨﺺ ﺳﺎﻋﺔ
ﻣﺤﻤﺪ : ﺍﻟﻀﺮﺏ ﻗﻮﻱ ﺑﻜﻞ ﻧﺒﻮ ﺍﻣﺪﺍﺩﺍﺕ
ﺍﻟﻌﻘﻴﺪ : ﻣﺤﻤﺪ ﻣﻔﻴﺶ ﻣﻔﺮ ﺳﻠﻤﻬﺎ ﻟﺮﺑﻚ
ﻣﺤﻤﺪ : ﻻ ﺍﻟﻪ ﺍﻻ ﺍﻟﻠﻪ ﻣﺤﻤﺪ ﺭﺳﻮﻝ ﺍﻟﻠﻪ
ﺍﺫﻛﺮﺕ ﺑﻴﺸﻮ ﻧﺒﻲ ﻧﺴﻤﻊ ﺻﻮﺗﻬﺎ ﻗﺒﻞ ﻣﺎ ﻧﻤﻮﺕ
ﺍﻧﺎ : ﻛﻨﺖ ﻗﺎﻋﺪﺓ ﻧﻘﺮﺍ ﻗﺮﺍﻥ ﻭﻧﺪﻋﻲ ﻭﻗﻠﺒﻲ ﻗﺎﻋﺪ ﻳﻐﻠﻲ ﻭﻓﻮﻧﻲ ﻳﺮﻥ ﺣﻤﺎﺩﻱ ﺣﺒﻴﺒﻲ
ﻣﺤﻤﺪ : ﻋﻤﺮﻩ ﺷﻦ ﺩﺍﻳﺮﻩ
ﺍﻧﺎ : ﺗﻌﺒﺎﻧﻪ ﺑﻼﻙ ﺣﺒﻴﺒﻲ ﺍﻣﺘﻰ ﺗﺒﻲ ﺗﺠﻲ
ﻣﺤﻤﺪ : ﻗﺮﻳﺐ ﻳﺎﻋﻤﺮﻱ ﻗﺮﻳﺐ
ﺍﻧﺎ : ﺣﻤﺎﺩﻱ ﺷﻦ ﺍﻟﺼﻮﺕ ﻫﻀﻪ ﺿﺮﺏ ﻣﺎ
ﻣﺤﻤﺪ : ﺍﻫﺎ ﺿﺮﺏ
ﺍﻧﺎ : ﺣﺒﻴﺒﻲ ﺑﺎﻋﺪ ﻣﻦ ﻋﻠﻴﻪ ﻣﺎ ﺗﺮﻋﺸﻨﻴﺶ
ﻣﺤﻤﺪ : ﻋﻴﻮﻧﻲ ﺩﻣﻌﻦ ﻣﺎ ﺗﺨﻔﻴﺶ ﺣﺒﻴﺒﺘﻲ ﺍﻧﺎ ﺑﻌﻴﺪ ﻧﺒﻲ ﻧﻘﻮﻟﻚ
ﺍﻧﺎ : ﺍﻣﻤﻤﻤﻢ
ﻣﺤﻤﺪ : ﺍﻧﺎ ﺟﻲ ﺑﻜﺮﻩ
ﺍﻧﺎ : ﺻﺢ ﺍﺣﻼ ﺣﺎﺟﺔ ﺳﻤﻌﺘﻬﺎ ﺍﻟﻴﻮﻡ
ﻣﺤﻤﺪ : ﻧﺒﻴﻚ ﺗﺮﺩﻱ ﺑﺎﻟﻚ ﻋﻠﻰ ﺭﻭﺣﻚ ﻭﻋﻠﻰ ﺍﻳﺎﺕ ﻭﻣﻼﻙ ﻭﺗﻜﻮﻧﻲ ﻗﻮﻳﺔ ﻭﻧﺒﻴﻚ ﺩﻳﻤﺎ ﺗﻀﺤﻜﻲ ﻭﻧﺒﻴﻚ ﺗﻌﻴﺸﻲ ﺣﻴﺎﺗﻚ ﻭﺗﺮﺑﻲ ﺑﻨﺎﺗﻲ ﺍﻧﺘﻲ ﻭﺍﺣﻤﺪ ﺧﻮﻱ ﻳﺴﺘﺤﻖ ﺍﻟﺤﺐ ﻳﺎ ﺑﻴﺸﻮ ﺗﻌﺐ ﻭﺍﺟﺪ
ﺍﻧﺎ : ﻣﺤﻤﺪ ﺍﻧﺖ ﻓﻴﺶ ﺗﺨﺮﻁ 😭😭 ﻣﺤﻤﺪ ﻛﻨﻚ ﺍﻧﺖ ﺷﻦ ﺻﺎﻳﺮ ﻣﻌﺎﻙ ﻭﺍﻟﻠﻪ ﻧﻤﻮﺕ ﺑﻼﻙ ﺍﺻﺤﻚ ﺗﺴﻴﺒﻨﻲ ﻭﺍﻟﻠﻪ ﻧﻤﻮﺕ ﺣﺒﻴﺒﻲ ﻧﺤﻨﺎ ﺡ ﻧﺮﺑﻮ ﺑﻨﺎﺗﻨﺎ ﻣﻊ ﺑﻌﻀﻨﺎ ﻭﺡ ﻳﻜﻮﻥ ﻋﻨﺪﻧﺎ ﻋﻮﻳﻞ ﻭﺍﺟﺪ ﻣﺶ ﺍﻧﺖ ﺗﺒﻲ ﻫﻜﻲ
ﻣﺤﻤﺪ : ﻧﺒﻴﻚ ﺗﻌﺮﻓﻲ ﺍﻧﻲ ﻻﺧﺮ ﻧﻔﺲ ﻓﻲ ﺡ ﻧﺤﺒﻚ ﻭﻛﺎﻥ ﺍﻧﺘﻲ ﺗﺤﺒﻴﻨﻲ ﺗﻘﺒﻠﻲ ﺑﺎﻟﻲ ﻛﺘﺒﺘﻪ ﻟﻚ ﻓﻲ ﺍﻟﺮﺳﺎﻟﻪ
ﺍﻧﺎ : ﺍﻱ ﺭﺳﺎﻟﺔ
ﻣﺤﻤﺪ : ﺍﻟﻲ ﺳﻴﺒﺘﻬﺎ ﻟﻚ ﻓﻲ ﺩﺭﺝ ﺍﻟﻲ ﺣﺬﺍ ﺍﻟﺴﺮﻳﺮ
ﺍﻧﺎ : ﻣﺤﻤﺪ ﺣﺒﻴﺒﻲ ﺑﺎﻋﺪ ﻣﻦ ﻋﻨﺪﻙ ﺗﻌﺎﻝ ﻳﺎﺭﻭﺣﻲ ﻧﺎ ﻧﺮﺟﻰ ﻓﻴﻚ
ﻣﺤﻤﺪ : ﻭﻧﺎ ﺟﺎﻳﻚ ﻳﺎﻗﻠﺒﻲ ﺭﻭﺣﻲ ﺍﻟﻴﻮﻡ ﻟﻠﺸﻘﺔ ﻭﺍﺟﻴﻨﻲ ﺍﻟﺼﺒﺢ ﻧﻜﻮﻥ ﻋﻨﺪﻙ
ﺍﻧﺎ : ﺣﺎﺿﺮ ﺍﻧﺤﺒﻚ ﻳﺎﻗﻠﺒﻲ
ﻣﺤﻤﺪ : ﻧﺤﺒﻚ ﻳﺎ ﺑﻌﺪ ﻗﻠﺒﻲ ﻭﺭﻭﺣﻲ ﻭﻋﻤﺮﻱ ﻧﺤﺒﻚ ﻭﺍﻟﻠﻪ ﺍﻟﻌﻈﻴﻢ ﺍﻧﺤﺒﻚ
ﺍﻧﺎ : ﺳﻜﺮﺕ ﻣﻌﺎﻩ ﻭﻗﻠﺒﻲ ﺣﺴﻴﺘﻪ ﺣﺎﺟﺔ ﻋﺼﺮﺍﺗﻪ ﺗﻤﻴﺖ ﻧﺒﻜﻲ ﻭﺑﻌﺪﻫﺎ ﻗﻠﺖ ﻟﺨﻮﻱ ﻳﺮﻭﺣﻨﻲ ﻻﻥ ﻣﺤﻤﺪ ﻳﺒﻲ ﻳﺠﻲ ﺑﺪﺭﻱ ﺭﻭﺣﺖ ﻗﻌﺪﺕ ﻣﻊ ﻋﻤﺘﻲ ﻭﺍﻟﺒﻨﺎﺕ ﻭﻧﺤﻨﺎ ﻧﺤﻜﻮ
ﻋﻤﺘﻲ : ﻛﻨﻚ ﺟﺎﻳﺔ ﻓﻲ ﺍﻟﻮﻗﺖ ﻫﻀﻪ
ﺍﻧﺎ : ﺣﻤﺎﺩﻱ ﻗﺎﻟﻲ ﺭﻭﺣﻲ ﻳﺒﻲ ﻳﺠﻲ ﺑﻜﺮﻩ ﺍﻟﺼﺒﺢ ﻭﻳﺒﻴﻨﻲ ﻧﻜﻮﻥ ﻫﻨﺎ
ﻋﻤﺘﻰ : ﺑﺎﻩ ﺍﻟﺤﻤﺪﻟﻠﻪ
ﺍﻧﺎ : ﻛﻨﺖ ﺣﺎﺳﻪ ﺑﻐﺼﻪ ﻭﻗﺎﻋﺪﺓ ﻧﻘﻮﻝ ﻟﻌﻤﺘﻰ ﻧﺤﺲ ﺭﻭﺣﻲ ﻣﺨﻨﻮﻗﺔ ﻭﻫﻲ ﺗﻘﻮﻟﻲ ﻧﻔﺲ ﺍﻟﺸﻲ ﻣﻔﻴﺶ ﺭﺑﻊ ﺳﺎﻋﺔ ﻭﻳﺠﻲ ﻋﺒﺪﺍﻟﻌﺰﻳﺰ ﻭﻋﻴﻮﻧﻪ ﺣﻤﺮ
ﺡ ﻧﻜﻤﻞ ﺑﻜﺮﻩ ﻻﻥ ﻣﻌﺶ ﻗﺪﺭﺕ ﻧﻜﻤﻞ ﺍﻟﻴﻮﻡ