معك خلقت من جديد

البارت التاني والعشرين

ﺭﻭﺍﻳﺔ _ ﻣﻌﻚ _ ﺧﻠﻘﺖ _ ﻣﻦ _ ﺟﺪﻳﺪ
ﺍﻟﺤﻠﻘﺔ ﺍﻟﺜﺎﻧﻴﺔ ﻭﺍﻟﻌﺸﺮﻭﻭﻭﻭﻭﻥ ..............
ﺡ ﻧﺒﺪﻭ ﺣﻠﻘﺘﻨﺎ ﺍﻟﻴﻮﻡ ﻣﻦ ﻋﻨﺪ ﺑﻴﺸﻮ ......
ﺍﻧﺎ : ﺻﺒﻴﻨﺎ ﻋﻠﻰ 8 ﻭﺗﻴﻨﺎ ﺍﻟﻌﺸﺎﺀ ﻭﻛﻞ ﻭﺣﺪﻩ ﺍﺩﻳﺮ ﻓﻲ ﺣﺎﺟﺔ ﻭﺍﻟﺼﻐﺎﺭ ﻣﻊ ﻣﺎﻣﺎ ﻭﺟﻮ ﺧﻮﺗﻲ ﻭﺍﻟﺠﻮ ﻛﺎﻥ ﻳﻬﺒﻞ ﺗﻌﺸﻴﻨﺎ ﻭﺑﻌﺪ ﺍﻟﻌﺸﺎﺀ ﺟﻮ ﻋﻤﺎﻣﻲ ﻃﺒﻌﺂ ﺍﺟﺘﻤﺎﻉ ﺍﻟﻘﻤﺔ
ﺍﻡ ﺑﺸﺮﻯ : ﺑﺸﺔ ﻋﻤﺎﻣﻚ ﻳﺒﻮﻙ ﻓﻲ ﺍﻟﻤﺮﺑﻮﻋﺔ
ﺍﻧﺎ : ﻣﺎﻣﺎ ﺍﻧﺎ ﻣﺎﻧﺒﻴﺶ ﻧﺤﻜﻲ ﻓﻲ ﺍﻟﻤﻮﺿﻮﻉ ﻋﻠﻰ ﺍﻻﻗﻞ ﻋﻄﻮﻧﻲ ﻳﻮﻣﻴﻦ ﻧﺘﺮﻳﺢ ﻭﺑﻌﺪﻫﺎ ﺗﻮﺍ ﻧﺤﻜﻲ ﻣﻌﺎﻫﻢ
ﺍﻡ ﺑﺸﺮﻯ : ﺑﺎﻫﻲ ﺍﻃﻠﻌﻲ ﻗﻮﻟﻴﻠﻬﻢ
ﺍﻧﺎ : ﻣﺎﻣﺎ ﻣﺎﻋﻨﺪﻳﺶ ﻧﻴﺔ ﻧﺤﻜﻲ ﻣﻊ ﺣﺪ ﻭﻻ ﻧﺸﻮﻑ ﺣﺪ ﺗﻤﺎﻡ ﻋﺪﻱ ﺍﻧﺘﻲ
ﺍﻣﻴﺮﺓ : ﺑﺎﻫﻲ ﺍﻃﻠﻌﻲ ﺳﻠﻤﻲ ﻋﻠﻴﻬﻢ ﻭﻗﻌﺪﻱ ﻣﻌﺎﻫﻢ ﺷﻮﻱ ﻭﺑﻌﺪﻫﺎ ﻗﻮﻟﻴﻠﻬﻢ ﺍﻧﻚ ﺗﺒﻲ ﺷﻮﻱ ﻭﻗﺖ ﻭﺑﻌﺪﻫﺎ ﺗﻮﺍ ﺗﺤﻜﻴﻠﻬﻢ
ﺍﻧﺠﻲ : ﻛﻼﻡ ﺍﻣﻴﺮﺓ ﺻﺢ ﻭﺍﻧﺘﻲ ﻟﻚ ﻭﺍﺟﺪ ﻣﺎ ﺣﻘﻴﺘﻬﻤﺶ
ﺍﻧﺎ : ﻃﻠﻌﺖ ﻟﻌﻤﺎﻣﻲ
ﺍﻟﺴﻼﻡ ﻋﻠﻴﻜﻢ
ﻋﻤﺎﻣﻲ : ﻭﻋﻠﻴﻜﻢ ﺍﻟﺴﻼﻡ ﻣﺮﺣﺒﺘﻴﻦ ﺑﺒﻨﺖ ﺍﻟﻐﺎﻟﻲ ﻛﻴﻒ ﺣﺎﻟﻚ ﻳﺎ ﺑﻨﺘﻲ
ﺍﻧﺎ : ﺍﻟﺤﻤﺪﻟﻠﻪ ﻛﻴﻒ ﺣﺎﻟﻜﻢ ﻭﻛﻴﻒ ﺣﺎﻝ ﺍﻟﺸﺒﺎﺏ ﻭﺍﻟﺒﻨﺎﺕ ﻭﻋﻤﺘﻰ ﺣﻤﻴﺪﺓ ﻭﻋﻤﺘﻲ ﺻﺒﺤﻴﺔ
ﻋﻤﺎﻣﻲ : ﺍﻟﺤﻤﺪﻟﻠﻪ ﺑﺨﻴﺮ ﻳﺴﻠﻤﻮﻭﻭﻭﻭ ﻋﻠﻴﻜﻢ
ﺍﻧﺎ : ﺍﻟﻠﻪ ﻳﺴﻠﻤﻜﻢ
ﻋﻤﻰ ﻣﺤﻤﺪ : ﻫﺎ ﺷﻦ ﺗﺤﻜﻴﻠﻨﺎ
ﺍﻧﺎ : ﻋﻄﻴﻨﻲ ﻳﻮﻣﻴﻦ ﻫﻜﻲ ﻧﻬﺪﺍ ﻭﺑﻌﺪﻫﺎ ﻧﺤﻜﻲ
ﻋﻤﻰ ﻣﺤﻤﺪ : ﻣﺎ ﻓﻴﻬﺎ ﻣﺎ ﺗﻬﺪﻱ ﻳﺎ ﺑﻨﺘﻲ ﺍﻟﺮﺍﺟﻞ ﺩﺍﻳﺮ ﻣﻌﺎﻙ ﺷﻲ ﺣﺎﺟﺔ ﻗﻮﻟﻲ ﺩﺍﻳﺮ ﻛﺬﺍ ﻛﺬﺍ ﻛﺬﺍ ﻣﺶ ﺩﺍﻳﺮ ﻋﺪ ﻓﻴﻬﺎ ﻛﻼﻡ ﻭﺍﺣﺪ ﺍﺧﺮ ﻧﺤﻨﺎ ﻣﺎ ﻋﻨﺪﻧﺶ ﺑﻨﺎﺕ ﻳﻄﻠﻌﻦ ﻣﻦ ﺣﻮﺍﺷﻴﻦ ﺭﺟﺎﻟﺘﻬﻢ ﻣﻦ ﻏﻴﺮ ﻋﻠﻤﻬﻢ ﻣﺎ ﺗﻘﺼﺮﻱ ﺭﻗﺒﺘﻨﺎ ﻗﺪﺍﻡ ﺍﻟﻌﺮﺏ
ﻋﻤﻰ ﻋﺒﺪﺍﻟﻠﻪ : ﺍﺣﻜﻲ ﻛﺎﻥ ﻫﻮ ﻣﺰﻋﻠﻚ ﻣﻀﺎﻳﻘﻚ ﻏﺎﻟﻂ ﻓﻴﻚ ﻏﺎﻟﻂ ﻓﻲ ﻫﻠﻚ ﻣﺪ ﻳﺪﻩ ﻋﻠﻴﻚ ﻭﻧﺤﻨﺎ ﻫﻠﻚ ﻭﻧﺎﺧﺬﻭﻟﻚ ﺣﻘﻚ
ﺍﻧﺎ : ﻓﻲ ﺍﻟﻮﻗﺖ ﻫﻀﻪ ﺣﺴﻴﺖ ﺭﻭﺣﻲ ﻧﺴﻴﺖ ﻛﻞ ﺷﻲ ﺻﺎﺭﻟﻲ ﻭﺷﻦ ﻫﻲ ﺍﺳﺒﺎﺑﻲ ﺍﻟﻲ ﺧﻠﺘﻨﻲ ﻧﻤﺸﻲ ﻟﻬﻠﻲ ﻣﺶ ﻋﺮﻓﺘﻬﻢ ﺷﻨﻮ ﻣﻤﻜﻦ ﺧﻔﺖ ﻣﻦ ﺭﻭﺣﻲ ﻧﺤﺒﻪ ﻭﻧﺘﻌﻠﻖ ﻓﻲ ﺑﺲ ﻫﻀﻪ ﺳﺒﺐ ﻧﻘﺪﺭﺵ ﻧﻘﻮﻻ ﻻﻱ ﺣﺪ ﻣﻬﻤﺎ ﻛﺎﻥ ﻣﻦ ﻫﻮ
ﺍﻧﺎ ﻳﺎﻋﻤﻲ ﺍﻟﺼﺮﺍﺣﺔ ﻛﻨﺖ ﻣﻀﺎﻳﻘﺔ ﻭﻧﻔﺴﻴﺘﻲ ﺗﻌﺒﺎﻧﻪ ﻭﻛﻠﻤﺖ ﻋﺒﺪﺍﻟﻠﻪ ﻳﺠﻲ ﻳﺎﺧﺬﻧﻲ
ﻋﻤﻰ ﻣﺤﻤﺪ : ﻳﻌﻨﻲ ﺭﺍﺟﻠﻚ ﻣﺎ ﺩﻳﺮﻟﻚ ﺷﻲ ﻭﺍﻧﺘﻲ ﺟﻴﺘﻲ ﻻﻧﻚ ﻣﻀﺎﻳﻘﺔ
ﺍﻧﺎ : ﺍﻫﺎ ﻫﻀﻪ ﺍﻟﻲ ﺻﺎﺭ
ﻋﻤﻰ ﻋﺒﺪﺍﻟﻠﻪ : ﻭﺍﻟﻲ ﻧﻔﺴﻴﺘﻪ ﻣﻀﺎﻳﻘﺔ ﺗﺠﻲ ﺑﻼ ﻋﻠﻢ ﺭﺍﺟﻠﻬﺎ
ﺍﻧﺎ : ﺗﻤﻴﺖ ﻧﺒﻜﻲ ﺍﺻﻼ ﻣﺎ ﺣﺪ ﺣﺎﺱ ﺑﻲ ﺍﻟﻰ ﺻﺎﺭ ﻣﻌﺎﻱ ﺍﻛﺒﺮ ﻣﻦ ﺍﻧﻲ ﻧﺘﺤﻤﻠﻪ ﺍﻧﺎ ﺑﺸﺮ ﻛﻞ ﻳﺒﻲ ﻳﻤﺸﻴﻨﻲ ﻋﻠﻰ ﻛﻴﻔﻪ ﻳﻤﺸﻴﻨﻲ ﺍﻧﺎ ﺗﻌﺒﺖ
ﺍﻣﻴﺮ : ﻓﻜﻴﻨﺎ ﻣﻦ ﺍﻟﺘﻔﻘﻔﻖ ﻭﺍﻧﺘﻲ ﺑﻌﺪ ﺗﻌﺮﻓﻲ ﺭﻭﺣﻚ ﻏﺎﻟﻄﺔ ﺗﺒﺪﻱ ﻓﻲ ﺩﻣﻮﻉ ﺍﻟﺘﻤﺎﺳﻴﺢ
ﻋﻤﻲ ﻣﺤﻤﺪ : ﺍﻣﻴﺮ ﻣﻌﺶ ﺗﺤﻜﻲ ﻣﻊ ﺍﺧﺘﻚ ﺑﺎﻟﻄﺮﻳﻘﺔ ﻫﺬﻱ ﻭﻫﻲ ﺍﺗﺼﻞ ﺑﺄﺣﻤﺪ ﻗﻮﻻ ﻳﺠﻲ
ﺍﻧﺎ : ﻻﻻ ﺍﻟﻠﻪ ﻳﺮﺑﺤﻚ ﻳﺎﻋﻤﻲ ﻣﺎ ﺗﻜﻠﻤﺔ ﺗﻮﺍ ﻳﺎﺧﺬ ﺑﻨﺎﺗﻲ ﻣﻨﻲ ﻭﺍﻟﻠﻪ ﻣﺎ ﻧﻘﺪﺭ ﻧﻌﻴﺶ ﺑﻼﻫﻢ
ﻋﻤﻰ ﻣﺤﻤﺪ : ﻣﺎﺣﺪ ﻳﻘﺪﺭ ﻳﺎﺧﺬ ﺑﻨﺎﺗﻚ ﻣﻨﻚ ﻭﻧﺎ ﻋﺎﻳﺶ ﻭﻓﻲ ﻧﻔﺲ ﻭﺑﻼ ﻣﺎ ﻧﻄﻮﻟﻮﻫﺎ ﻭﻫﻲ ﻗﺼﻴﺮ
ﺍﻣﻴﺮ : ﺍﻟﻮ ﻣﺮﺣﺒﺎ ﻗﺘﻠﻚ ﺗﺠﻲ
ﺍﺣﻤﺪ : ﻫﻼ ﻭﻳﻦ ﺍﻧﺠﻲ
ﺍﻣﻴﺮ : ﻋﻨﺪﻧﺎ ﻓﻲ ﺍﻟﺤﻮﺵ
ﺍﺣﻤﺪ : ﺗﻤﺎﻡ ﻋﻄﻴﻨﻲ ﺭﺑﻊ ﺳﺎﻋﺔ ﻭﻧﻜﻮﻥ ﻋﻨﺪﻛﻢ ﻭﺳﻜﺮﺕ ﻣﻌﺎﻩ ﻭﺗﻤﻴﺖ ﻧﻔﻜﺮ ﺷﻦ ﻣﻤﻜﻦ ﺗﻜﻮﻥ ﺣﻜﺖ ﻟﻬﻠﻬﺎ
ﺍﻧﺎ : ﺧﺸﻴﺖ ﺟﻮﺍ ﻋﻨﺪﻫﻢ ﻭﻗﺘﻠﻬﻢ ﻗﺘﻠﻜﻢ ﻧﺒﻴﺶ ﻧﻄﻠﻊ ﻛﻼ ﻣﻨﻜﻢ ﻭﺍﻟﻠﻪ ﻛﺎﻥ ﺧﺬﺍ ﻣﻨﻲ ﺑﻨﺎﺗﻲ ﻧﻘﺘﻞ ﺭﻭﺣﻲ ﺷﻮﻱ ﻫﻚ ﻭﻳﺮﻥ ﺍﻟﺠﺮﺱ ﻭﻃﻠﻊ ﻫﻮ ﺍﺣﻤﺪ ﺧﺶ ﻗﻌﺪ ﻭﺳﻤﻌﻨﺎ ﺻﻮﺕ ﺍﺻﻮﺍﺗﻬﻢ ﻋﺎﻟﻴﻪ ﻭﺍﻭﻝ ﻣﺎ ﺧﺶ ﺍﻣﻴﺮ ﻣﺴﻜﺖ ﺑﻨﺎﺗﻲ ﻭﺗﻤﻴﺖ ﻧﺒﻜﻲ ﻻﻻ ﻣﺶ ﺡ ﺗﺨﺬﻭﻫﻢ ﻣﻨﻲ ﻫﻀﻦ ﺑﻨﺎﺗﻲ ﻧﺎ ﻣﺎ ﺣﺪ ﻳﻘﺪﺭ ﻳﺎﺧﺬﻫﻢ ﻣﻨﻲ
ﺍﻣﻴﺮ : ﻛﻨﻬﺎ ﻫﺬﻱ ﻣﺎ ﺣﺪ ﻳﺒﻲ ﻳﺎﺧﺬ ﻣﻨﻚ ﺑﻨﺎﺗﻚ ﻋﻤﺎﻣﻲ ﻳﺒﻮﻙ ﺑﺮﺍ ﺍﻃﻠﻌﻲ
ﺍﻧﺎ : ﺻﺒﻴﺖ ﻭﻧﺎ ﻧﺮﺟﻒ ﻭﺣﺎﻟﺘﻲ ﺣﺎﻟﻪ ﺧﺸﻴﺖ ﻋﻠﻴﻬﻢ ﻛﺎﻥ ﻣﻘﻌﻤﺰ ﻭﻋﺮﻭﻕ ﻭﺟﻬﻪ ﻛﻠﻪ ﻃﺎﻟﻌﺎﺕ
ﻋﻤﻰ ﻣﺤﻤﺪ : ﺗﻌﺎﻟﻲ ﺑﺸﺮﻯ
ﺍﻧﺎ : ﻧﻌﻢ ﻭﺍﺣﻤﺪ ﻳﺨﺰ ﻓﻲ ﺧﺰﻩ ﺟﻤﺪﺕ ﻓﻲ ﺍﺭﺿﻲ ﻣﻨﻬﺎ
ﻋﻤﻰ ﻣﺤﻤﺪ : ﻫﻴﺎ ﺍﻋﺘﺬﺭﻱ ﻟﻰ ﺭﺍﺟﻠﻚ
ﺍﻧﺎ : ﺑﺤﺘﺖ ﻓﻲ ﻋﻤﻲ ﻧﻈﺎﻡ ﻟﻴﺶ ﻧﻌﺘﺬﺭ
ﻋﻤﻰ ﻣﺤﻤﺪ : ﻫﻴﺎ ﺍﻋﺘﺬﺭﻱ ﻭﺑﻌﺪ ﺍﻟﻤﺮﻩ ﻣﻌﺶ ﺗﻄﻠﻌﻲ ﺑﺪﻭﻥ ﺍﺫﻥ ﺭﺍﺟﻠﻚ ﻭﺍﻟﻐﻠﻄﺔ ﻫﺬﻱ ﻣﻌﺶ ﺗﻜﺮﺭ ﻫﻮ ﺍﻟﻠﻪ ﻳﺮﺑﺤﻪ ﻛﺒﺮ ﺷﺎﻧﺎ ﻭﺳﺎﻣﺢ ﺍﻟﻤﺮﻩ ﻫﺬ
ﺍﻧﺎ : ﻛﻨﺖ ﻗﺎﻋﺪﺓ ﻧﻐﻠﻲ ﺑﺲ ﺧﻔﺖ ﻣﺎ ﻧﺒﺶ ﻳﺎﺧﺬ ﺍﻟﺒﻨﺎﺕ ﻣﻨﻲ ﻃﺒﺴﺖ ﺭﺍﺳﻲ ﻭﻗﻠﺖ ﺑﺼﻮﺕ ﻭﺍﻃﻲ ﺩﻭﺑﻪ ﻳﻨﺴﻤﻊ ﺍﻧﺎ ﺍﺳﻔﺔ
ﻋﻤﻰ ﻣﺤﻤﺪ : ﻋﻠﻲ ﺻﻮﺗﻚ ﻳﺎ ﺑﺎﺑﺎ .
ﺍﻧﺎ : ﺍﻟﻠﻪ ﺍﻟﻜﻠﻤﺔ ﻫﺬﻱ ﻗﺪﺍﺵ ﻟﻲ ﻣﺶ ﺳﻤﻌﺘﻬﺎ ﻭﻧﻘﻌﺪ ﻧﺒﻜﻲ ﺑﻌﺒﺮﺗﻲ ﻋﺒﺪﺍﻟﻠﻪ ﺧﻮﻱ ﻓﻬﻢ ﻋﻠﻲ ﻟﻴﺶ ﻧﺒﻜﻲ ﻭﺟﺎ ﺗﻤﺎ ﻳﻬﺪﻱ ﻓﻲ
ﻋﺒﺪﺍﻟﻠﻪ : ﺍﺷﺸﺶ ﺧﻼﺹ ﺗﻘﻌﺪﻳﺶ ﻫﺒﻠﺔ ﻫﻮ ﺗﻮﺍ ﻗﺎﻋﺪ ﻳﺸﻮﻓﻨﺎ ﻭﺗﻌﺮﻓﻲ ﻣﺎ ﻳﺘﺤﻤﻞ ﺑﻜﺎﻙ ﻭﻛﺎﻥ ﺑﻜﻴﺘﻲ ﻛﺎﻥ ﻳﻘﻠﺐ ﺍﻟﺪﻧﻴﺎ ﻋﻠﻴﻨﺎ ﺧﻼﺹ ﺑﺸﺔ ﻣﺎ ﺗﺒﻴﺶ ﺗﺰﻋﻠﻲ ﺍﻧﺘﻲ ﺻﺢ
ﺍﻧﺎ : ﺭﺍﻳﻔﺘﻠﻪ ﻳﺎ ﻋﺒﺪﺍﻟﻠﻪ ﻧﺎ ﺭﺍﻳﻔﺘﻠﻪ ﻟﻴﺶ ﺳﻴﺒﻨﻲ
ﻋﺒﺪﺍﻟﻠﻪ : ﺧﻼﺹ ﺑﺸﺔ ﻣﻌﻘﻮﻟﺔ ﻫﻜﻲ ﺗﺒﻜﻲ ﻛﻴﻒ ﻋﻮﻳﻞ ﻟﺼﻐﺎﺭ ﻣﻦ ﺟﺪﻙ ﻫﻴﺎ ﻋﺪ ﻛﺎﻥ ﺳﻜﺘﻲ ﺡ ﻧﺠﻴﺒﻠﻚ ﺍﻟﺸﻜﻮﻻﻃﺔ ﺍﻟﻲ ﺗﺒﻴﻬﺎ
ﺍﻧﺎ : ﻛﺬﺍﺏ
ﻋﺒﺪﺍﻟﻠﻪ : ﻻﻻ ﺗﻮﺍ ﻫﺬ ﻧﻌﺪﻱ ﻧﺠﻴﺐ ﺍﺣﻼ ﺷﻜﻮﻻﻃﺔ ﻻﺣﻠﻰ ﺑﺸﺔ
ﺍﻧﺎ : ﻧﺒﻲ ﺳﻨﻴﻜﺮﺱ ﻭﻛﻨﺪﺭ ﺑﻮﺍﻧﺘﻲ
ﻋﺒﺪﺍﻟﻠﻪ : ﻃﻤﻌﺘﻲ ﻋﺪ
ﺍﻧﺎ : ﺧﻼﺹ ﺡ ﻧﺮﺩ ﻧﺒﻜﻲ
ﻋﻤﻰ ﻣﺤﻤﺪ : ﺭﻳﺖ ﺍﻻﺳﺘﻐﻼﻟﻴﺔ
ﺍﺣﻤﺪ : ﻭﻋﺘﻨﻲ ﺑﻌﺪ ﺑﻜﺖ ﻭﻋﺮﻓﺖ ﺍﻧﻬﺎ ﺗﺒﻜﻲ ﻋﻠﻰ ﺑﺎﺗﻬﺎ ﻣﻜﻨﺘﺶ ﻧﻌﺮﻑ ﺍﻧﻬﺎ ﻛﻴﻒ ﺍﻻﻃﻔﺎﻝ ﺑﻌﺪ ﺗﺰﻋﻞ ﺗﺮﺿﻰ ﺑﺸﻜﻮﻻﻃﺔ ﻃﻔﻠﻪ ﺻﺎﺍﺍﺡ ﻭﻧﺴﻴﺖ ﺍﺻﻼ ﻫﻲ ﺷﻦ ﺩﺍﻳﺮﺓ
ﻋﻤﻰ ﻋﺒﺪﺍﻟﻠﻪ : ﻫﻴﺎ ﺻﺒﻲ ﻭﺗﻲ ﺭﻭﺣﻚ ﻭﺗﻲ ﺑﻨﺎﺗﻚ ﻋﻨﺪﻧﺶ ﺑﻨﺎﺕ ﻳﺒﺎﺗﻦ ﺣﺮﺟﺎﻧﺎﺕ ﺑﺮﺍ ﺣﻮﺍﺷﻴﻨﻬﻢ ﻭﻛﻴﻒ ﻣﺎ ﻗﻠﻨﺎ ﻳﺎﻋﻤﻮ ﻣﻌﺶ ﺍﺩﻳﺮﻱ ﻫﻚ ﺍﺧﺮﻯ ﺍﻳﺶ ﻣﺎ ﻳﺼﻴﺮ
ﺍﻧﺎ : ﺣﺎﺿﺮ ﻭﺻﺒﻴﺖ ﺧﺸﻴﺖ ﺟﻮﺍ ﻭﺣﻜﻴﺖ ﻟﻠﺒﻨﺎﺕ ﻭﻣﺎﻣﺎ ﻋﻠﻰ ﺻﺎﺭ ﻭﻛﺴﺪﻧﺎ ﻋﻠﻰ 12 ﻫﻚ ﻋﺒﺪﺍﻟﻠﻪ ﻗﺎﻟﻲ ﻫﻴﺎ ﺍﻃﻠﻌﻰ ﺭﺍﺟﻠﻚ ﻗﺎﻟﻚ ﻫﻴﺎ ﻋﺒﺪﺍﻟﻠﻪ ﺧﺬﺍﻟﻪ ﻟﺼﻐﺎﺭ ﻭﺑﻌﺪﻫﺎ ﻧﺎ ﻃﻠﻌﺖ ﺭﻭﺣﻨﺎ ﻭﻧﺎ ﺍﻟﻄﺮﻳﻖ ﻛﻠﻪ ﺳﺎﻛﺘﻪ ﻭﺧﺎﻳﻔﺔ ﻭﻗﻠﺒﻲ ﻗﺮﻳﺐ ﻳﻮﻗﻒ ﻣﻦ ﺍﻟﺨﻮﻑ
ﻋﻨﺪ ﻫﻞ ﺍﺣﻤﺪ .........
ﺍﺳﻴﻞ : ﻋﻠﻰ ﺍﻟﺨﻤﺴﺔ ﻋﺪﻳﺖ ﻧﺎ ﻭﻋﻤﺘﻲ ﻭﻣﺮﺍﻡ ﻟﻬﻠﻲ ﻭﻗﺎﻟﻮ ﻋﻠﻰ ﻗﺼﺔ ﺑﺸﺮﻯ ﺍﻧﺎ ﻧﻌﺮﻓﻬﺎ ﺑﺸﺮﻯ ﻣﺎ ﺩﻳﺮﺵ ﻫﻚ ﺍﻻ ﻭﻫﻲ ﺻﺎﻳﺮﻩ ﻣﻌﺎﻫﺎ ﺷﻲ ﺣﺎﺟﺔ
ﻣﺮﺍﻡ : ﺍﺣﺴﻦ ﻣﺎ ﻓﺘﻜﻴﺘﻮ ﺍﻻ ﻣﻨﻬﺎ
ﺍﺳﻤﺎﺀ : ﻣﺮﺍﻡ ﺗﻌﺎﻟﻲ ﻧﺒﻴﻚ ﺷﻮﻱ
ﻣﺮﺍﻡ : ﺷﻦ ﺗﺒﻲ
ﺍﺳﻤﺎﺀ : ﺍﻧﺘﻲ ﺷﻦ ﻗﺼﺘﻚ ﻧﺎ ﻣﺶ ﻗﺘﻠﻚ ﻃﻠﻌﻲ ﻣﻦ ﺭﺍﺳﻚ
ﻣﺮﺍﻡ : ﺑﺲ ﻫﻮ ﻣﺎ ﻳﺤﺒﻬﺶ
ﺍﺳﻤﺎﺀ : ﻻ ﻳﺤﺒﻬﺎ
ﻣﺮﺍﻡ : ﻭﺍﻧﺘﻲ ﺷﻦ ﻋﺮﻓﻚ
ﺍﺳﻤﺎﺀ : ﻣﺶ ﺷﻮﺭﻙ ﺍﻟﻤﻬﻢ ﻫﻮ ﻳﺤﺒﻬﺎ ﻭﺍﻧﺘﻲ ﺍﻟﻤﻮﺿﻮﻉ ﻫﻀﻪ ﺍﻧﺴﻲ ﺧﻴﺮ ﻭﺍﻟﻠﻪ ﻧﻌﺪﻱ ﻭﻧﻘﻮﻟﻬﺎ ﻟﻰ ﺍﺳﺎﻣﺔ ﺑﻴﺶ ﻳﻌﺮﻑ ﻛﻴﻒ ﻳﺼﺮﻑ ﻣﻌﺎﻙ
ﻣﺮﺍﻡ : ﻃﻠﻌﺖ ﻭﻗﻠﺖ ﻻﻣﻰ ﻧﺒﻲ ﻧﺮﻭﺡ
ﺍﺳﻴﻞ : ﻭﺳﻌﻲ ﺑﺎﻟﻚ ﺗﻮﺍ ﻏﻴﺮ ﺟﻴﻨﺎ
ﻣﺮﺍﻡ : ﻧﺎ ﻧﺒﻲ ﻧﺮﻭﺡ
ﺍﻡ ﺍﺳﻤﺎﺀ : ﻫﻴﺎ ﺑﺎﻫﻲ ﻭﺍﻧﺘﻲ ﻳﺎ ﺍﺳﻴﻞ ﺭﺍﺟﻲ ﻧﻴﻦ ﻳﺠﻴﻚ ﺍﺳﺎﻣﺔ
ﺍﺳﻴﻞ : ﺣﺎﺿﺮ ﻳﺎﻋﻤﺘﻲ ﻭﺍﻧﺘﻲ ﻳﺎﻣﺮﺍﻡ ﻛﺎﻥ ﺭﺑﻲ ﻫﺪﻳﻚ ﻛﻨﻚ
ﻣﺮﺍﻡ : ﺭﺍﺳﻲ ﻣﺼﺪﻉ ﺷﻮﻱ
ﻣﻮﺩﻩ : ﻛﻨﻚ ﺗﻮﺍ ﻛﻨﺘﻰ ﺗﻀﺤﻜﻲ
ﺟﻮﺭﻱ : ﺣﺎﻟﻪ ﻭﺍﻟﻠﻪ
ﺍﺳﻴﻞ : ﺧﺎﻃﻮ ﺍﻟﺒﻨﺖ
ﻣﺮﺍﻡ : ﻫﻴﺎ ﺗﺼﺒﺤﻮ ﻋﻠﻰ ﺧﻴﺮ
ﺭﻭﺣﺖ ﻣﺮﺍﻡ ﻭﺍﻟﺒﻨﺎﺕ ﺗﻤﺎ ﺟﻮﻫﻢ ﺭﺍﻳﻖ ﻭﺿﺤﻚ ﻭﻣﻘﺎﻟﺐ ﻭﺍﺳﻤﺎﺀ ﺭﻗﺖ ﻟﺸﻘﺘﻬﺎ ﻻﻧﻬﺎ ﻣﻀﺎﻳﻘﺔ ﻋﻠﻰ ﺍﺧﺘﻬﺎ ﻣﺎ ﺗﺒﻴﻬﺶ ﺗﻌﺬﺏ ﻻﻥ ﺍﺣﻤﺪ ﻣﺎ ﻳﺤﺒﻬﺶ ﻭﻳﺤﺐ ﺑﺸﺮﻯ ﻭﻣﺘﺒﻴﺶ ﺑﺸﺮﻯ ﺗﺨﺮﺏ ﺣﻴﺎﺗﻬﺎ ﻣﺮﺍﻡ ﻣﺰﺍﻟﺖ ﺻﻐﻴﺮﺓ ﻭﻓﻲ ﻗﺪﺍﻣﻬﺎ ﻭﺍﺟﺪ ﺑﺲ ﺑﺸﺮﻯ ﺣﻴﺎﺗﻬﺎ ﺍﻧﻘﻠﺒﺖ ﻗﻠﺐ ﻭﻫﻲ ﻣﺎﺯﺍﻝ ﻓﻲ ﺑﺪﺍﻳﺔ ﻋﻤﺮﻫﺎ ﻭﻣﺶ ﻧﻘﺼﺘﻬﺎ ﺻﺪﻣﻪ ﺟﺪﻳﺪﺓ
ﺍﺳﻴﻞ : ﻗﻌﺪﺕ ﻋﻨﺪ ﻫﻠﻲ ﻟﻌﻨﺪ 10 ﻭﺟﺎﺀ ﺍﺳﺎﻣﺔ ﺗﻌﺸﺎﺀ ﻣﻊ ﺑﺎﺗﻲ ﻭﺑﻌﺪﻫﺎ ﺭﻭﺣﻨﺎ
ﺍﺣﻤﺪ : ﻛﺎﻧﺖ ﺍﻟﻄﺮﻳﻖ ﻛﻠﻪ ﻫﺎﺩﻳﺔ ﻭﺳﺎﻛﺘﻪ ﻭﻣﺤﻜﺘﺶ ﻭﺣﺴﻴﺘﻬﺎ ﺧﺎﻳﻔﺔ ﺭﻭﺣﻨﺎ ﻛﺎﻧﻮ ﻛﻠﻬﻢ ﻣﺮﻗﺪﻳﻦ ﺭﻗﻴﻨﺎ ﻟﻠﺸﻘﺔ
ﺍﻧﺎ : ﺍﻭﻝ ﻣﺎﺣﻞ ﺑﺎﺏ ﺍﻟﺸﻘﺔ ﻛﺎﻧﺖ ﻣﻌﺎﻱ ﻣﻼﻙ ﺧﺬﻳﺘﻬﺎ ﻭﺩﻏﺮﻱ ﻟﻠﺪﺍﺭ ﻭﻗﺎﻋﺪﻩ ﻧﻔﻜﺮ ﻛﻴﻒ ﻧﺎﺧﺬ ﺍﻳﺎﺕ ﺷﻮﻱ ﻫﻮ ﺟﺎﺑﻬﺎ
ﺍﺣﻤﺪ : ﺑﺸﺮﻯ ﻧﺒﻲ ﻧﺤﻜﻲ ﻣﻌﺎﻙ
ﺍﻧﺎ : ﺍﻭﻝ ﻣﺎ ﻗﺎﻝ ﻫﻚ ﺗﻤﻴﺖ ﻧﺮﺟﻒ ﻣﻊ ﺑﻌﻀﻲ ﺟﺪ ﻛﻨﺖ ﺧﺎﻳﻔﺔ ﻣﻨﻪ ﻣﺶ ﻋﺎﺭﻓﺔ ﺍﻟﺴﺒﺐ ﺑﺲ ﻫﻮ ﺍﻣﺲ ﺧﻮﻓﻨﻲ ﺑﻜﻞ ﻣﻤﻜﻦ ﻫﻀﻪ ﺳﺒﺐ ﺧﻮﻓﻲ ﻣﻨﻪ
ﺍﺣﻤﺪ : ﻛﺎﻧﺖ ﺧﺎﻳﻔﺔ ﻭﺍﺿﺢ ﻋﻠﻴﻬﺎ ﺍﻟﺨﻮﻑ ﻣﺎﺣﺴﻴﺘﺶ ﺑﺮﻭﺣﻲ ﺍﻻ ﻭﺍﻧﺎ .......
ﺍﻛﻴﺪ ﺗﺒﻮ ﺗﻌﺮﻓﻮ ﺷﻦ ﺍﻟﻲ ﺻﺎﺭ ﺑﺲ ﻓﻲ ﺣﻠﻘﺔ ﻗﺎﺩﻣﺔ ......