أنت تقرأ

معك خلقت من جديد

Fiksi Umum

روايه ليبيه تحكي علي بنت عاشت حياة ........الروايه منقوله بين اللهجتين الشرقاويه والغرباوي

#مهم

البارت التاسع عشر

2.8K 56 2 
                                    

                                              
# ﺭﻭﺍﻳﺔ _ ﻣﻌﻚ _ ﺧﻠﻘﺖ _ ﻣﻦ _ ﺟﺪﻳﺪ
ﺍﻟﺤﻠﻘﺔ ﺍﻟﺘﺎﺳﻌﺔ ﻋﺸﺮ ............
ﺍﻧﺎ : ﺧﺸﺖ ﻋﻤﻲ ﻭﻋﻤﺘﻲ ﻭﻋﺰﻳﺰ ﻭﺍﺳﺎﻣﺔ ﻭﺍﻧﺎ ﻛﻨﺖ ﻣﺼﺒﻴﺔ ﺑﺮﺍ ﻣﻜﻨﺘﺶ ﻗﺎﺩﺭﺓ ﻧﺸﻮﻓﻠﻪ ﻭﺍﻧﺎ ﺍﻟﺴﺒﻪ ﻓﻲ ﺍﻟﻲ ﺻﺎﺭﻟﻪ
ﻋﻤﺘﻰ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻳﺎﻭﻟﺪﻱ ﺭﻋﺸﺘﻨﺎ ﻋﻠﻴﻚ
ﺍﺣﻤﺪ : ﺍﻟﻠﻪ ﻳﺴﻠﻤﻚ
ﻋﺰﻳﺰ : ﻛﻴﻒ ﺻﺎﺭ ﺍﻟﺤﺎﺩﺙ
ﻋﻤﻰ : ﻣﺶ ﻭﻗﺖ ﺍﻟﺪﻭﻩ ﻫﻴﺎ
ﻋﻤﺘﻰ : ﻭﻳﻦ ﺑﺸﺮﻯ
ﺍﺣﻤﺪ : ﻟﻴﺶ ﺑﺸﺮﻯ ﻫﻨﺎ
ﻋﻤﺘﻰ : ﻣﺎﻭ ﻫﻲ ﺍﻟﻲ ﺗﺒﺮﻋﺘﻠﻚ ﺑﺎﻟﺪﻡ
ﺍﺣﻤﺪ : ﻛﻴﻒ ﻭﻫﻲ ﺷﻦ ﺟﻴﺒﻬﺎ ﻫﻨﺎ
ﻋﻤﻰ : ﻛﺜﺮ ﺧﻴﺮﻫﺎ ﺍﻟﺒﻨﺖ ﺟﺖ ﺗﺒﺮﻋﺘﻠﻚ ﺑﺎﻟﺪﻡ
ﺍﻧﺎ : ﻋﻤﺘﻰ ﺟﺘﻨﻲ ﻭﻗﺎﻟﺘﻠﻲ ﺗﻌﺎﻟﻲ ﺧﺸﻴﺖ ﻭﻫﻮ ﻣﺶ ﻃﺎﻳﻘﻨﻲ ﻛﻨﺖ ﻧﺤﺴﺎﺏ ﻋﻠﻰ ﺧﺎﻃﺮ ﺍﻟﻘﺼﺔ ﺍﻟﻲ ﺻﺎﺭﺕ ﻧﺤﺴﺒﺶ ﺍﻧﻪ ﻣﻌﺼﺐ ﻻﻧﻲ ﺟﻴﺖ ﺍﻟﻤﺴﺘﺸﻔﻰ
ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ
ﺍﺣﻤﺪ : ﺍﻟﻠﻪ ﻳﺴﻠﻤﻚ
ﺩﻛﺘﻮﺭﻩ ﺳﻠﻤﻰ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻳﺎﺣﻤﻴﺪﺓ ﺷﻐﻠﺘﻨﺎ ﻋﻠﻴﻚ
ﺍﺣﻤﺪ : ﺍﻟﻠﻪ ﻳﺴﻠﻤﻚ
ﺍﻧﺎ : ﻛﻨﻬﺎ ﻫﺬﻱ ﺗﺠﻌﻮﻥ ﻗﻬﺮﺗﻨﻲ ﻭﻃﺮﻳﻘﺔ ﻛﻼﻣﻬﺎ ﺍﻟﻤﺴﺘﻔﺰﻩ ﺗﻮﺍ ﻫﻲ ﺷﻦ ﺩﺧﻠﻬﺎ ﺗﻨﺸﻐﻞ ﻭﻻ ﺗﻨﺤﺮﻕ ﺗﻌﺼﺒﺖ ﻭﻫﻮ ﻃﺒﻌﺎ ﻳﺤﻜﻲ ﻭﻳﻀﺤﻚ ﻣﻌﺎﻫﺎ ﻭﻻ ﻛﺄﻧﻲ ﻗﺎﻋﺪﺓ ﺍﻧﻘﻬﺮﺕ ﻋﻤﺘﻰ ﻧﺒﻲ ﻧﺮﻭﺡ ﺍﻟﺤﻤﺪﻟﻠﻪ ﻫﻮ ﻣﺎﻓﻲ ﺷﻲ ﻭﻧﺎ ﻧﺒﻲ ﻧﻤﺸﻲ ﻻﻥ ﻟﺼﻐﺎﺭ ﻣﺶ ﺡ ﻳﺮﻳﺤﻦ ﺍﻟﺒﻨﺎﺕ
ﺍﺣﻤﺪ : ﺣﺘﻰ ﺍﻧﺘﻲ ﺭﻭﺣﻲ ﻳﺎﻣﻲ ﺍﻧﺎ ﺍﻟﺤﻤﺪﻟﻠﻪ ﺗﻤﺎﻡ
ﺩﻛﺘﻮﺭﻩ ﺳﻠﻤﻰ : ﻣﺎﺗﺨﻔﻴﺶ ﻋﻠﻴﻪ ﺗﻮﺍ ﻧﻘﻌﺪ ﻣﻌﺎﻩ ﻧﺎ
ﺍﻧﺎ : ﺍﻭﻝ ﻣﺎ ﻗﺎﻟﺖ ﻫﻚ ﺷﺎﻃﺖ ﻓﻲ ﺍﻟﻨﺎﺭ ﺍﻳﻦ ﻳﻜﻦ ﻫﻮ ﺭﺍﺟﻠﻲ ﻃﻠﻌﺖ ﻭﺍﻧﺎ ﻣﺶ ﻃﺎﻳﻘﺔ ﺭﻭﺣﻲ ﺭﻭﺣﺖ ﻭﺧﺬﻳﺖ ﺍﻟﺒﻨﺎﺕ ﻭﺭﻗﻴﺖ ﻟﻠﺸﻘﺔ ﺭﻗﺪﺗﻬﻢ ﻭﺑﻌﺪﻫﺎ ﻣﻌﺶ ﻋﺮﻓﺖ ﻧﺮﻗﺪ ﺗﻮﺍ ﻧﺎ ﺷﻦ ﺩﺧﻠﻨﻲ ﻳﻨﺤﻖ ﻫﻮ ﻭﻳﺎﻫﺎ ﺑﺲ ﻋﻠﻰ ﺍﻻﻗﻞ ﻳﺤﺘﺮﻣﻨﻲ ﻣﻮﺵ ﻳﺮﻓﻊ ﺧﺸﻤﻪ ﻋﻠﻲ ﺍﻭﻭﻭﻭﻭﻑ ﻧﺮﻗﺪ ﺧﻴﺮﻟﻲ ﻭﺗﻤﻴﺖ ﻧﺘﻘﻠﺐ
ﺍﺳﻴﻞ : ﻭﻋﻴﺖ ﻛﻨﺖ ﺭﺍﻗﺪﺓ ﻋﻨﺪ ﻫﻠﻲ ﺭﻗﻴﺖ ﻟﻰ ﺑﻴﺸﻮ ﻧﻄﻤﻦ ﻋﻠﻴﻬﺎ
ﺍﻧﺎ : ﺣﻠﻴﺖ ﺍﻟﺒﺎﺏ ﻭﻧﺎ ﻣﻐﻤﺔ ﻋﻴﻮﻧﻲ
ﺍﺳﻴﻞ : ﻓﻲ ﻭﺍﺣﺪﻩ ﺭﺍﺟﻠﻬﺎ ﻓﻲ ﺍﻟﻤﺴﺘﺸﻔﻰ ﻭﺭﺍﻗﺪﺓ ﻟﺘﻮﺍ
ﺍﻧﺎ : ﻭﻧﺒﻲ ﻓﻜﻴﻨﻲ ﺧﻮﻙ ﻣﺶ ﻓﺎﺿﻴﻠﻲ ﺯﺍﻳﻂ ﺗﻮﺍ ﻣﻊ ﺳﻠﻤﻰ
ﺍﺳﻴﻞ : ﻫﺬﻱ ﻏﻴﺮﻩ ﻣﺜﻼ ﻭﻻ ﺷﻨﻮ
ﺍﻧﺎ : ﺍﻱ ﻏﻴﺮﻩ ﺍﻧﺘﻲ ﻻ ﺧﺮﻯ ﺍﻧﺎ ﻧﺤﺐ ﻣﺤﻤﺪ ﻭ ﻣﺴﺘﺤﻴﻞ ﻧﻐﺎﺭ ﻋﻠﻰ ﻏﻴﺮﺓ ﺗﻔﻬﻤﻲ
ﺍﺳﻴﻞ : ﻭﻟﻴﺶ ﻣﻌﺼﺒﺔ ﻧﺒﺼﺮ ﻣﻌﺎﻙ
ﺍﻧﺎ : ﻧﺤﺒﺶ ﻻﺑﺼﺎﺭﺓ ﻫﺬﻱ
ﺍﺳﻴﻞ : ﺗﻤﺎﻡ ﻳﺎﺣﻈﻲ ﻛﻠﻴﺘﻨﻲ ﺑﻘﺸﻮﺭﻱ ﻭﻳﻦ ﺍﻣﻴﺮﺍﺗﻲ ﻟﺼﻐﺎﺭ
ﺍﻧﺎ : ﻳﻄﺨﻮ ﻓﻲ ﻧﻮﻡ ﺍﻣﻴﺮﺍﺗﻚ
ﺗﻌﺎﻟﻲ ﻧﻮﺗﻮ ﻓﻄﻮﺭ ﻭﻧﺤﻜﻮ ﺷﻮﻱ ﻟﻲ ﺯﻣﺎﻥ ﻣﺎ ﺣﻜﻴﺖ ﻣﻌﺎﻙ
ﺍﺳﻴﻞ : ﺍﻟﺠﻤﻠﻪ ﻫﺬﻱ ﻣﻌﻨﺎﺗﻪ ﺗﺒﻲ ﺗﻘﺼﻘﺼﻲ
ﺍﻧﺎ : ﺣﻴﻮﺍﻧﻪ ﻫﻴﺎ
ﺍﺳﻴﻞ : ﻧﺎ ﺷﻦ ﺭﻗﺎﻧﻲ
ﺍﻧﺎ : ﺭﺍﻗﻴﻪ ﺗﻘﺼﻘﺼﻲ ﺣﺘﻰ ﺍﻧﺘﻲ ﻭﻗﻌﺪﻧﺎ ﺣﻜﻴﺎﺕ ﺗﺴﺄﻟﻨﻲ ﻭﻧﺴﺄﻟﻬﺎ ﻭﺟﻮﻱ ﺭﺍﻕ ﺷﻮﻱ ﺑﻌﺪﻫﺎ ﻋﻤﺘﻰ ﺩﺯﺕ ﻣﻮﺩﻩ
ﻣﻮﺩﻩ : ﺍﻧﺘﻦ ﻗﺎﻋﺪﺍﺕ ﻭﺟﻮﻛﻢ ﺭﺍﻳﻖ ﻭﺗﺸﺮﺑﻦ ﻓﻲ ﻗﻬﻮﺓ ﻭﺍﻧﺎ ﻗﺎﻋﺪﺓ ﺣﺬﺍ ﺍﻣﻲ ﺗﻨﻖ ﻋﻠﻰ ﻣﻦ ﺍﻟﺼﺒﺢ
ﺍﻧﺎ : ﺗﻌﺎﻟﻲ ﺍﺷﺮﺑﻲ ﻗﻬﻮﺓ
ﻣﻮﺩﻩ : ﻻﻻ ﻣﺎﻣﺎ ﻗﺎﻟﺘﻜﻢ ﺍﻧﺰﻟﻮ ﺍﻟﻐﺪﺍ ﻟﻮﻃﻰ ﺍﻟﻴﻮﻡ ﻣﺎﺯﺍﻝ ﻧﺒﻲ ﻧﺮﻗﻰ ﻟﺴﻮﻣﻲ
ﺍﺳﻴﻞ : ﻻ ﺣﻤﺎﺗﻲ ﺗﺎ ﻧﺮﻗﺎﻟﻬﺎ ﻧﺎ
ﻣﻮﺩﻩ : ﺍﺭﻗﻲ ﻳﺎﺣﻈﻲ ﻣﺎ ﺣﺪ ﻣﺎﺳﻜﻚ
ﺍﻧﺎ : ﺗﻤﺎﻡ ﺍﻧﺎ ﻧﻮﺗﻲ ﻟﺼﻐﺎﺭ ﻭﻧﻨﺰﻝ
ﻣﻮﺩﻩ : ﺑﺲ ﺩﺯﻳﺶ ﻋﻠﻲ ﺗﻮﻟﻲ ﺷﻴﻠﻲ ﻣﻼﻙ ﺧﻠﻰ ﺍﻟﻰ ﻛﺎﻧﺖ ﺗﺸﺮﺏ ﻣﻌﺎﻙ ﻓﻲ ﺍﻟﻘﻬﻮﺓ ﺗﻨﺰﻝ ﻣﻌﺎﻙ
ﺍﺳﻴﻞ : ﺧﻼﺹ ﻧﺎ ﻧﺮﻗﻰ ﻟﺴﻮﻣﻲ ﻭﻧﺎ ﻧﺎﺯﻟﻪ ﻧﺘﻜﻲ ﻧﺎﺧﺬ ﻣﻼﻙ
ﺍﻧﺎ : ﺗﻢ ﻭﻋﺪﻳﺖ ﻭﻋﻴﺘﻬﻢ ﻭﺭﺿﻌﺘﻬﻢ ﻭﺩﺭﺗﻠﻬﻢ ﺣﻤﺎﻣﺎﺕ ﻭﺟﺘﻨﻲ ﺍﺳﻴﻞ ﻭﻧﺰﻟﻨﺎ
ﻋﻤﺘﻰ : ﺍﺗﺼﻠﺘﻲ ﺍﻃﻤﻨﺘﻲ ﻋﻠﻰ ﺭﺍﺟﻠﻚ
ﺍﻧﺎ : ﻻﻻ ﻣﺎﺯﺍﻝ
ﻋﻤﺘﻰ : ﻓﻴﺶ ﺗﺮﺍﺟﻲ
ﺍﻧﺎ : ﻓﻮﻧﻲ ﻣﻔﻴﺶ ﺭﺻﻴﺪ ﻭﻃﺒﻌﺂ ﻫﺬﻱ ﻛﺬﺑﻪ ﺍﻧﺎ ﻧﺒﻴﺶ ﻧﺤﻜﻲ ﻣﻌﺎﻩ ﺑﻌﺪ ﺍﻟﻤﻮﻗﻒ ﺍﻟﻲ ﺩﺍﺭﻩ ﺍﻣﺲ
ﻋﻤﺘﻰ : ﻫﺎﻛﻲ ﺍﺣﻜﻲ ﻣﻦ ﻋﻨﺪﻱ
ﺍﻧﺎ : ﺣﺎﺿﺮ ﻭﻓﻲ ﻋﻘﻠﻲ ﻣﺶ ﻫﻮ ﻭﻟﺪﻙ ﺍﺣﻜﻲ ﻣﻌﺎﻩ ﺍﻧﺘﻲ ﻭﺭﻧﻴﺖ ﻋﻠﻴﻪ ﻭﻧﺪﻋﻰ ﻣﺎ ﻳﺮﺩﺵ ﺑﺲ ﺣﻈﻲ ﺍﺷﻜﻞ ﻋﺎﺭﻓﺘﻪ
ﺍﺣﻤﺪ : ﻣﺮﺣﺒﺎ ﻳﺎﺣﺎﺟﺔ
ﺍﻧﺎ : ﺍﺣﻢ ﻫﺬﻱ ﺍﻧﺎ ﺑﺸﺮﻯ ﺻﺒﺎﺡ ﺍﻟﺨﻴﺮ
ﺍﺣﻤﺪ : ﺻﺒﺎﺡ ﺍﻟﻨﻮﺭ
ﺍﻧﺎ : ﺷﻦ ﺩﺍﻳﺮ ﺗﻮﺍ ﺗﻤﺎﻡ
ﺍﺣﻤﺪ : ﺗﻤﺎﻡ ﺍﻟﺤﻤﺪﻟﻠﻪ
ﺍﻧﺎ : ﻛﻨﺖ ﻧﺒﻲ ﻧﺴﺄﻟﻪ ﺍﻣﺘﻰ ﺗﺒﻲ ﺗﻄﻠﻊ ﺑﺲ ﺳﻤﻌﺖ ﺻﻮﺕ ﻫﺬﻙ ﺍﻟﻲ ﻧﻘﺎﻟﻬﺎ ﺳﻠﻤﻰ ﻗﺘﻠﻪ ﻋﻤﺘﻰ ﺗﺒﻴﻚ ﻭﻋﻄﻴﺖ ﺍﻟﻔﻮﻥ ﻟﻌﻤﺘﻰ ﻭﻋﺪﻳﺖ ﺷﻮﺭ ﺍﻟﺒﻨﺎﺕ ﻭﻛﺎﻥ ﻭﺍﺿﺢ ﻋﻠﻰ ﻧﺒﻲ ﻧﻄﺮﺑﻖ
ﺟﻮﺭﻱ : ﻛﻨﻚ ﺑﺴﻢ ﺍﻟﻠﻪ
ﺍﻧﺎ : ﻧﺎ ﻧﺒﻲ ﻧﻔﻬﻢ ﻟﻴﺶ ﻗﺎﻋﺪﺓ ﻣﻌﺎﻩ ﺍﻟﺒﺎﺭﺩﺓ ﻫﺬﻱ ﺍﻩ ﻟﻴﺶ
ﻣﻮﺩﻩ : ﻣﻦ ﻫﺬﻱ ﻭﺧﻴﺮﻙ ﻣﻌﺼﺒﻪ
ﺍﻧﺎ : ﺍﻟﺪﻛﺘﻮﺭﺓ ﺳﻠﻤﻰ ﻣﻌﻨﺪﻫﺶ ﻣﺮﺿﻰ ﻣﺜﻼ ﻣﻠﺼﻘﺔ ﻓﻲ
ﺟﻮﻟﻴﺎ : ﻭﺍﻧﺘﻲ ﻏﺎﻳﺮﺓ ﻣﺜﻼ
ﺍﻧﺎ : ﺟﻮﻟﻴﺎ ﺍﻭﻭﻭﻭﻭﻭﻑ ﺍﻧﺎ ﻏﻠﻄﺎﻧﺔ ﺍﺻﻼ ﺍﻧﻲ ﺣﻜﻴﺖ
ﺍﺳﻴﻞ : ﻛﻨﻜﻢ ﺷﻦ ﻓﻲ
ﺍﻧﺎ : ﺷﻰ
ﺍﺳﻴﻞ : ﻫﻠﻚ ﺟﻮ ﻭﻳﺒﻮﻙ
ﺍﻧﺎ : ﻃﻠﻌﺖ ﺳﻠﻤﺖ ﻋﻠﻰ ﻣﺎﻣﺎ ﻭﻣﺮﺕ ﺍﻣﻴﺮ ﻭﺣﻤﺪﻥ ﺳﻼﻣﺔ ﺍﺣﻤﺪ ﻭﻣﻄﻠﻮﻟﻮﺵ ﻃﻠﻌﻮ ﻃﻮﻝ ﻭﻧﺎ ﺑﻌﺪ ﻋﺪﻭ ﻫﻠﻲ ﺭﻗﻴﺖ ﻟﻠﺸﻘﺔ ﻭﺗﻤﻴﺖ ﻧﺴﺄﻝ ﺭﻭﺣﻲ ﻣﻴﺖ ﺳﺆﺍﻝ ﺗﻮﺍ ﺍﺻﻼ ﺍﻧﺎ ﻭﺍﺣﻤﺪ ﻣﺶ ﻣﺘﻔﺎﻫﻤﻴﻦ ﻳﻌﻨﻲ ﻣﺶ ﺡ ﻧﺤﺒﻪ ﺑﺲ ﻣﻌﺶ ﻋﺮﻓﺖ ﻗﺼﺔ ﻛﺮﺍﻣﺔ ﻛﺒﺮﻳﺎﺀ ﺑﺲ ﻗﺮﺭﺕ ﻣﻌﺶ ﻧﻌﺪﻝ ﻋﻠﻴﻪ ﻧﻬﺎﺋﻴﺂ
ﺍﺣﻤﺪ : ﺑﻌﺪ ﺳﻜﺮﺕ ﻣﻌﺎﻫﺎ ﻣﺶ ﻋﺎﺭﻑ ﻟﻴﺶ ﺗﻤﻴﺖ ﻧﻔﻜﺮ ﻓﻴﻬﺎ ﻋﺎﺭﻑ ﺭﻭﺣﻲ ﻣﻌﺎﻣﻠﺘﻲ ﻣﻌﺎﻫﺎ ﻣﺶ ﺗﻤﺎﻡ ﺑﺲ ﻻﻧﻲ ﻧﺒﻴﺶ ﻧﺘﻌﻠﻖ ﺑﻴﻬﺎ ﻭ ﻟﻼﺳﻒ ﻧﺎ ﺗﻌﻠﻘﺖ ﺑﻴﻬﺎ ﻫﻲ ﻣﺎ ﺩﺍﺭﺕ ﺷﻲ ﻳﻌﻨﻲ ﺗﺼﺮﻓﺎﺗﻬﺎ ﻛﺎﻧﺖ ﻃﺒﻴﻌﻴﺔ ﺑﺲ ﻣﻦ ﻃﺒﻴﻌﺘﻬﺎ ﻫﺬﻱ ﺍﻧﺎ ﺗﻌﻠﻘﺖ ﺑﻴﻬﺎ ﻭﻧﺒﻲ ﻧﻄﻠﻌﻬﺎ ﻣﻦ ﺭﺍﺳﻲ ﻋﻠﻰ ﺧﺎﻃﺮ ﻫﻚ ﻗﺎﻋﺪ ﻧﻘﺴﻰ ﻋﻠﻴﻬﺎ ﻧﺒﻴﻬﺎ ﺗﻜﺮﻫﻨﻲ ﺑﺲ ﺑﻌﺪ ﻗﺎﻟﺘﻠﻲ ﺍﻧﺖ ﻣﺶ ﻣﺤﻤﺪ ﺣﺴﻴﺖ ﻗﻠﺒﻲ ﻳﻮﺟﻊ ﻓﻲ
ﺍﺳﻴﻞ : ﺭﻗﻴﺖ ﻟﻰ ﺑﻴﺸﻮ ﺑﻌﺪ ﺍﻟﺒﻨﺎﺕ ﺣﻜﻨﻠﻲ ﻣﺎ ﺣﺒﻴﺘﺶ ﻧﻀﻐﻂ ﻋﻠﻴﻬﺎ ﻭﻧﺰﻟﺘﻬﺎ ﺑﻴﺶ ﺗﻐﺪﺍ
ﺍﻧﺎ : ﺑﻌﺪ ﺍﻟﻐﺪﺍ ﻋﻤﺘﻰ ﻗﺎﻟﺘﻠﻲ ﻋﺪﻱ ﻣﻊ ﻋﻤﻚ ﻻﺣﻤﺪ ﻛﻨﺘﺶ ﻧﺒﻲ ﻧﻤﺸﻲ ﺑﺲ ﻛﺎﻥ ﻗﻠﺖ ﻻ ﺗﻮﺍ ﺩﻳﺮﻟﻲ ﻓﻴﻠﻢ ﻫﻨﺪﻱ
ﻋﻤﻰ : ﻣﻦ ﻳﺒﻲ ﻳﻤﺸﻲ
ﻣﻮﺩﻩ : ﺍﻧﺎ ﻭﺟﻮﺭﻱ ﻭﺍﺳﻴﻞ ﻭﺑﺸﺮﻯ
ﻋﻤﻰ : ﺑﺎﻫﻲ ﻫﻴﺎ
ﺍﻧﺎ : ﺳﻮﻣﻲ ﺭﺩﻱ ﺑﺎﻟﻚ ﻋﻠﻰ ﺻﻐﺎﺭ ﻣﺶ ﺡ ﻧﻄﻮﻝ
ﺍﺳﻤﺎﺀ : ﺗﻤﺎﻡ
ﺍﻧﺎ : ﻋﺪﻳﻨﺎ ﻟﻠﻤﺴﺘﺸﻔﻰ ﻭﻧﻔﺲ ﺍﻟﻘﺼﺔ ﻗﺎﻟﺐ ﻭﺟﺎ ﻗﻠﺖ ﻓﻲ ﻋﻘﻠﻲ ﻛﺎﻥ ﻫﺬﻱ ﻣﻌﺎﻙ ﻣﻌﻨﺎﺗﻪ ﻟﻴﺶ ﻣﺎ ﺗﻘﻠﺒﻪ ﻭﺟﻚ ﻭﻣﺎ ﺣﻮﻟﺖ ﻋﻴﻮﻧﻲ ﻣﻦ ﻋﻠﻴﻬﺎ
ﺍﺣﻤﺪ : ﻛﻨﺖ ﻧﺒﺤﺖ ﻓﻴﻬﺎ ﻭﺧﺎﻳﻒ ﺗﻔﻄﻨﻠﻲ ﺑﺲ ﻫﻰ ﻻ ﺣﻴﺎﺓ ﻟﻤﻦ ﺗﻨﺎﺩﻱ ﻛﺎﻧﺖ ﺗﺒﺤﺖ ﻓﻲ ﺳﻠﻤﻰ ﻗﺮﻳﺐ ﺗﻜﻠﻬﺎ ﺑﻌﻴﻮﻧﻬﺎ
ﺳﻠﻤﻰ ﻣﻌﻠﺶ ﻧﺘﻌﺒﻚ ﻧﺒﻲ ﻧﺸﺮﺏ ﺍﻣﻴﺎﻩ
ﺍﻧﺎ : ﻛﻨﺖ ﻗﺎﻋﺪﺓ ﻧﺸﻴﻂ ﺧﺬﻳﺖ ﻛﺒﺎﻳﺔ ﺍﻣﻴﺎﺓ ﻭﻋﻄﻴﺘﻬﺎ ﻟﻪ ﻫﺎﻙ ﺍﺷﺮﺏ ﻭﻓﻲ ﻋﻘﻠﻲ ﺳﻤﺴﺎﻡ
ﺍﺣﻤﺪ : ﺯﺭﺗﻨﻲ ﺍﻟﻀﺤﻜﻪ ﻋﻠﻰ ﺣﺮﻛﺎﺗﻬﺎ ﻭﻣﻮﺵ ﻋﺎﺭﻑ ﻟﻴﺶ ﺩﺭﺕ ﻫﻚ ﻭﻓﺮﺣﺖ ﺣﺴﻴﺘﻬﺎ ﻏﺎﺭﺕ ﻭﻓﻲ ﻧﻔﺲ ﺍﻟﻮﻗﺖ ﺍﺿﺎﻳﻘﺖ ﻧﺒﻴﺶ ﻧﺘﻌﻠﻖ ﺑﻴﻬﺎ ﻫﻲ ﻣﺮﺕ ﺧﻮﻱ ﻭﺿﺮﻭﺭﻱ ﻧﺤﻂ ﺣﺪﻭﺩ ﺑﻴﺶ ﻣﻌﺶ ﻧﺘﻤﺎﺩﻯ ﻓﻲ ﻣﺸﺎﻋﺮﻱ
ﺍﻧﺎ : ﺑﺤﺘﺖ ﻛﺎﻥ ﺍﻟﻜﻞ ﻳﺒﺤﺖ ﻓﻲ ﻋﺮﻓﺖ ﺭﻭﺣﻲ ﻣﻔﻠﻤﻪ ﺍﺣﻢ ﻧﺎ ﻧﺒﻲ ﻧﺮﻭﺡ ﺍﻛﻴﺪ ﻟﺼﻐﺎﺭ ﺗﻌﺒﻦ ﺳﻮﻣﻲ
ﺍﺣﻤﺪ : ﻣﻌﺶ ﺗﺠﻲ ﻫﻨﺎ ﺍﺧﺮﻯ
ﺍﻧﺎ : ﻛﻨﺖ ﻧﺒﻲ ﺍﻻﺭﺽ ﺗﻨﺸﻖ ﻭﻧﺨﺘﻔﻲ ﺍﻧﺤﺮﺟﺖ ﺣﺴﻴﺖ ﺭﻭﺣﻲ ﻛﻴﻒ ﺍﻟﻲ ﻋﺎﺯﻗﻪ ﺭﻭﺣﻬﺎ ﻋﻠﻴﻪ ﻭﻋﻴﻮﻧﻲ ﺗﻌﺒﻦ ﺩﻣﻮﻉ ﻭﻃﻠﻌﺖ
ﺍﺳﻴﻞ : ﻣﻮﺵ ﻫﻚ ﺭﺍﻩ ﻛﻨﺖ ﺗﻘﺪﺭ ﺗﺤﻜﻲ ﺑﻴﻨﻚ ﺑﻴﻨﻬﺎ ﻣﻮﺵ ﻗﺪﺍﻣﻨﺎ ﺣﺮﺟﺘﻬﺎ 😠 ﻭﻃﻠﻌﺖ ﻧﺪﻭﺭ ﻓﻴﻬﺎ
ﺍﻧﺎ : ﻭﻧﺎ ﻃﺎﻟﻌﻪ ﺗﻼﻗﻴﺖ ﻣﻊ ﺳﺮﺍﺝ ﻭﻟﺪ ﻋﻤﺘﻰ
ﺳﺮﺍﺝ : ﺍﻭﻭﻭﻭﻱ ﻛﻨﻚ ﻣﻌﺶ ﺗﺤﻘﻲ ﻗﺪﺍﻣﻚ
ﺍﻧﺎ : ﺳﻮﺟﻲ ﻛﻴﻒ ﺣﺎﻟﻚ ☺
ﺳﺮﺍﺝ : ﺗﻤﺎﻡ ﻓﻴﺶ ﺍﺩﻳﺮﻱ ﻫﻨﺎ
ﺍﻧﺎ : ﺍﺣﻤﺪ ﺩﺍﻳﺮ ﺣﺎﺩﺙ
ﺳﺮﺍﺝ : ﺍﻫﺎ ﻻﺑﺎﺱ ﻋﻠﻴﻪ
ﺍﻧﺎ : ﻭﻳﻨﻚ ﻣﺨﺘﻔﻰ ﻻ ﺗﺴﺄﻝ ﻻ ﺷﻲ
ﺳﺮﺍﺝ : ﺍﻫﻮ ﺣﺎﻝ ﺍﻟﻤﺴﺘﺸﻔﻰ ﻣﺎ ﻧﻄﻠﻊ ﻣﻨﻬﺎ ﻏﻴﺮ ﻧﺺ ﺍﻟﻴﻞ
ﺩﻛﺘﻮﺭﺓ ﺳﻠﻤﻰ : ﺩﻛﺘﻮﺭ ﺳﺮﺍﺝ ﺗﺠﻲ ﺗﺸﻮﻑ ﺍﺣﻤﺪ ﺭﺍﺳﻪ ﺗﻮﺟﻊ ﻓﻲ ﻣﻜﺎﻥ ﺍﻟﺠﺮﺡ
ﺍﻧﺎ : ﺍﻧﺘﻲ ﻛﺎﻥ ﺭﺑﻲ ﻳﺎﺧﺬﻙ
ﺳﺮﺍﺝ : ﻫﻴﺎ ﺗﻌﺎﻟﻲ ﺑﻴﺸﻮ
ﺍﻧﺎ : ﻋﺪﻳﺖ ﻣﻌﺎﻩ ﻭﺗﻠﻘﻴﺖ ﻣﻊ ﺍﺳﻴﻞ ﻛﺎﻧﺖ ﺍﺩﻭﺭ ﻓﻲ
ﺳﺮﺍﺝ : ﺩﻛﺘﻮﺭ ﺍﺣﻤﺪ ﻛﻴﻒ ﺣﺎﻟﻚ ﺍﻟﻴﻮﻡ
ﺍﺣﻤﺪ : ﺗﻤﺎ ﻳﺒﺤﺖ ﻓﻲ ﺷﻦ ﺭﺩﻙ ﻳﻌﻨﻲ
ﺍﺣﻢ ﺍﻟﺤﻤﺪﻟﻠﻪ ﺑﺨﻴﺮ
ﺳﺮﺍﺝ : ﻭﺍﻧﺎ ﻧﻌﺎﻳﻦ ﻓﻲ ﻓﻮﻧﻲ ﺭﻥ ﻗﻠﺖ ﻟﺒﻴﺸﻮ ﺍﻃﻠﻌﻪ ﻟﻲ
ﺍﻧﺎ : ﻫﻴﺎ ﻭﻳﻦ
ﺳﺮﺍﺝ ﻓﻲ ﺟﻴﺐ ﻫﻀﻪ
ﺍﻧﺎ : ﺧﺬﻳﺖ ﺍﻟﻔﻮﻥ ﻭﺍﻟﻜﻞ ﻳﺒﺤﺖ ﻓﻲ ﻭﻣﺴﺘﻐﺮﺏ ﻭﺍﺣﻤﺪ ﻗﺮﻳﺐ ﻳﺎﻛﻠﻨﻲ ﺑﻌﻴﻮﻧﻪ ﻫﺬﻱ ﻋﻤﺘﻰ
ﺳﺮﺍﺝ : ﺭﺩﻱ ﻋﻠﻴﻬﺎ ﻭﻧﺎ ﺑﻌﺪ ﻧﻔﻀﻰ ﺗﻮﺍ ﻧﺤﻜﻲ ﻣﻌﺎﻫﺎ
ﺍﻧﺎ : ﺍﻛﻴﺪ ﺗﺒﻲ ﺗﺴﺎﻟﻚ ﻟﻴﺶ ﻃﻮﻟﺖ ﺍﻟﻮ ﻋﻤﻴﻤﺔ
ﻋﻤﺘﻰ ﺳﻠﻮﻯ : ﺍﻟﻮ ﻣﻦ ﻣﻌﺎﻱ
ﺍﻧﺎ : ﻛﻴﻒ ﻣﻌﻘﻮﻟﺔ ﻧﺴﻴﺘﻴﻨﻲ
ﻋﻤﺘﻰ ﺳﻠﻮﻯ : ﺑﺸﻪ ﻛﻴﻒ ﻧﺎ ﺭﻧﻴﺖ ﻋﻠﻴﻚ ﺑﺎﻟﻐﻠﻂ
ﺍﻧﺎ : ﻻﻻ ﻫﻀﻪ ﻓﻮﻥ ﺳﺮﺍﺝ ﻭﺍﻧﺎ ﻓﻲ ﺍﻟﻤﺴﺘﺸﻔﻰ ﺗﻮﺍ ﻣﻌﺎﻩ
ﻋﻤﺘﻰ ﺳﻠﻮﻯ : ﻛﻨﻚ ﻓﻴﺶ ﺗﺤﺴﻲ ﻣﺮﻳﻀﺔ
ﺍﻧﺎ : ﻭﺳﻌﻲ ﺑﺎﻟﻚ ﻳﺎﻋﻤﻴﻤﺔ ﻣﺎ ﻓﻴﺎ ﺷﻲ ﻣﻐﻴﺮ ﺍﺣﻤﺪ ﺩﺍﺭ ﺣﺎﺩﺙ ﺍﻣﺲ
ﻋﻤﺘﻰ ﺳﻠﻮﻯ : ﻻﺑﺎﺱ ﻋﻠﻴﻪ ﻭﻫﻮ ﻛﻴﻒ ﺣﺎﻟﻪ
ﺍﻧﺎ : ﺍﻟﺤﻤﺪ ﻟﻠﻪ ﺗﻤﺎﻡ
ﻋﻤﺘﻰ ﺳﻠﻮﻱ : ﺑﺎﻩ ﻭﺳﺮﺍﺝ ﻭﻳﻨﻪ
ﺍﻧﺎ : ﻗﺎﻋﺪ ﻳﻌﺎﻳﻦ ﻓﻲ ﺍﺣﻤﺪ
ﻋﻤﺘﻰ ﺳﻠﻮﻯ : ﻣﻄﻮﻝ ﻫﻮ ﻋﻨﺪﻙ
ﺍﻧﺎ : ﺳﻮﺟﻲ ﻋﻤﺘﻰ ﻗﺎﻟﺘﻠﻚ ﻣﻄﻮﻝ ﻫﻨﺎ
ﺳﺮﺍﺝ : ﺍﻫﺎ ﻗﻮﻟﻴﻠﻬﺎ ﻣﺮﻭﺡ ﻋﻠﻰ ﻋﺸﺮﺓ
ﺍﻧﺎ : ﻋﻤﺘﻰ ﻗﺎﻟﻚ ﻣﺮﻭﺡ ﻋﻠﻰ ﻋﺸﺮﺓ ﺗﺒﻲ ﻓﻲ ﺷﻲ ﺍﻧﺘﻲ
ﻋﻤﺘﻰ ﺳﻠﻮﻯ : ﻻﻻ ﻣﻐﻴﺮ ﻃﻮﻝ ﺍﻟﻴﻮﻡ ﻭﻫﻮ ﻛﻞ ﻳﻮﻡ ﻳﺠﻲ ﻋﻠﻰ 2
ﺍﻧﺎ : ﺍﻫﺎ ﺗﻤﺎﻡ ﺍﻟﻴﻮﻡ ﻋﻨﺪﻩ ﺣﺎﻻﺕ ﻭﺍﺟﺪ ﻣﺶ ﺡ ﻳﻘﺪﺭ ﻳﺮﻭﺡ ﺑﺪﺭﻱ
ﺻﺎﺍﺍﺡ ﺳﻮﺟﻲ
ﺳﺮﺍﺝ : ﺧﺬﻳﺖ ﻣﻨﻬﺎ ﺍﻟﻔﻮﻥ ﻭﻗﺘﻠﻬﺎ ﺗﻮﺍ ﻧﺤﻜﻲ ﻣﻌﺎﻙ ﺑﻌﺪﻳﻦ
ﺗﻌﺎﻟﻲ ﺑﻴﺸﻮ ﻧﺒﻴﻚ ﺷﻮﻱ
ﺍﺣﻤﺪ : ﻓﻴﺶ ﺗﺒﻴﻬﺎ 😠
ﺍﻧﺎ : ﻧﺴﻴﺖ ﻧﻌﺮﻓﻜﻢ ﺳﺮﺍﺝ ﻭﻟﺪ ﻋﻤﺘﻰ
ﻋﻤﻰ : ﻣﺮﺣﺒﺘﻴﻦ ﻳﺎﻭﻟﺪﻱ
ﺳﺮﺍﺝ : ﺍﻟﻠﻪ ﻳﺴﻠﻤﻚ ﻭﺍﻟﺤﻤﺪﻟﻠﻪ ﻋﻠﻰ ﺳﻼﻣﺔ ﺩﻛﺘﻮﺭ ﺍﺣﻤﺪ
ﻋﻤﻲ : ﺍﻟﻠﻪ ﻳﺴﻠﻤﻚ
ﺍﻧﺎ : ﻫﻢ ﺳﻮﺟﻲ ﺷﻦ ﻛﻨﺖ ﺗﺒﻲ
ﺳﺮﺍﺝ : ﻧﺤﻜﻮ ﺑﺮﺍ
ﺍﻧﺎ : ﺗﻤﺎﻡ ﻃﻠﻌﻨﺎ ﻭﻫﻮ ﺗﻤﺎ ﻳﺘﻌﺬﺭ ﻭﻗﺎﻝ ﻛﻨﺘﺶ ﻧﺒﻲ ﻧﻀﺎﻳﻘﻚ
ﺳﺮﺍﺝ ﻣﻌﻘﻮﻟﻪ ﺗﻔﻜﺮ ﻫﻚ ﺍﻧﺎ ﺑﺸﺮﻯ ﻛﻨﺖ ﻧﺤﺴﺎﺑﻚ ﺡ ﺗﺴﺄﻝ ﻋﻠﻲ ﺑﻌﺪ ﺍﻟﻲ ﺻﺎﺭﻟﻲ ﺗﻌﺰﻳﻨﻲ ﺷﻦ ﻛﻨﺎ ﻧﺤﻨﺎ ﻗﺮﺍﺏ ﺩﻳﻤﺎ ﻧﺴﺄﻟﻮ ﻋﻠﻰ ﺑﻌﻀﻨﺎ
ﺳﺮﺍﺝ : ﺑﻴﺸﻮ ﻋﻨﺪﻱ ﺷﻮﻱ ﻇﺮﻭﻑ ﻫﻲ ﺍﻟﻲ ﻣﺒﻌﺪﺗﻨﻲ
ﺍﻧﺎ : ﺷﻦ ﻇﺮﻭﻓﻚ ﺍﻩ ﺷﻦ ﻫﻦ
ﺳﺮﺍﺝ : ﺟﻴﺖ ﻧﺒﻲ ﻧﺤﻜﻲ ﺟﺖ ﺣﻤﺎﺗﻪ ﻭﻗﺎﻟﺘﻠﻬﺎ ﻳﺒﻴﻚ ﺍﺣﻤﺪ ﺍﻧﻘﻬﺮﺕ ﻫﺬﻱ ﺣﺒﻴﺒﺘﻲ ﻭﺗﻮﺍ ﺍﻧﺎ ﻣﻌﻨﺪﻳﺶ ﺍﻱ ﺍﺣﻘﻴﻪ ﻓﻴﻬﺎ
ﺍﺣﻢ ﺗﻮﺍ ﻧﺤﻜﻮ ﺑﻌﺪﻳﻦ ﺗﻮﺍ ﻋﺪﻱ ﻟﻰ ﺭﺍﺟﻠﻚ
ﺍﻧﺎ : ﺗﻤﺎﻡ ﻭﻋﺪﻳﺖ ﻻﺣﻤﺪ
ﺍﺣﻤﺪ : ﻣﻌﻠﺶ ﺳﻴﺒﻮﻧﺎ ﺑﺮﻭﺍﺣﻨﺎ ﺷﻮﻱ
ﺗﺒﻮ ﺗﻌﺮﻓﻮ ﺷﻦ ﺻﺎﺭ ﻓﻲ ﺍﻟﺤﻠﻘﺔ ﺍﻟﻘﺎﺩﻣﺔ
ﺍﻧﺘﻈﺮﻭﻭﻭﻭﻧﻲ
ﺗﻨﺴﻮﺵ ﻻﻳﻚ + ﻛﻮﻣﻨﺖ
معك خلقت من جديدحيث تعيش القصص. اكتشف الآن