ﻣﻌﻚ _ ﺧﻠﻘﺖ _ ﻣﻦ _ ﺟﺪﻱﺩ
ﺍﻟﺤﻠﻘﺔ ﺍﻟﺴﺎﺑﻌﺔ ....... .....
ﺡ ﻧﺒﺪﻭ ﺣﻠﻘﺔ ﺍﻟﻴﻮﻡ ﻣﻦ ﺻﻔﺎﺀ ﻭﺍﺣﻤﺪ ﺡ ﻧﺸﻮﻓﻮ ﻗﺪﺭ ﺍﻟﻤﻌﺎﻧﺔ ﺍﻟﻲ ﻳﻌﻴﺶ ﻓﻴﻬﺎ ﺍﺣﻤﺪ
ﺻﻔﺎﺀ : ﺍﺣﻤﺪ ﻫﻴﺎ ﺻﺒﻲ ﺍﻟﻴﻮﻡ ﻧﺒﻲ ﻧﻤﺸﻲ ﻟﻬﻠﻲ ﻫﻴﺎ ﻭﻗﺖ ﺍﻟﻌﺼﺮ ﻗﺮﻳﺐ ﻳﺄﺫﻥ ﻣﺎﺯﺍﻝ ﺗﺒﻲ ﺗﺠﻴﺒﻠﻲ ﻋﺸﺎ ﻭﺣﻠﻮ ﻭﻣﻮﺍﻟﺢ ﻭﻋﺼﺎﺋﺮ ﻭﺷﻜﻮﻻﻃﺎﺕ
ﺍﺣﻤﺪ : ﻻ ﺣﻮﻝ ﺍﻟﻠﻪ ﺗﻲ ﺍﻧﺘﻲ ﻣﺎﺗﻌﺮﻓﻴﺶ ﺗﺨﻠﻲ ﺍﻟﻮﺍﺣﺪ ﻳﺮﻗﺪ ﺷﻮﻱ ﻭﺻﺒﻴﺖ ﺩﻭﺷﺖ ﻧﺠﻲ ﻧﻠﻘﺎﻙ ﻭﺍﺗﻴﻪ
ﺻﻔﺎﺀ : ﻻ ﻻ ﻧﺒﻲ ﻧﻄﻠﻊ ﻣﻌﺎﻙ ﻣﺮﺍﺕ ﻣﺎ ﺗﺠﻴﺒﺶ ﺍﻟﻲ ﻧﺎ ﻧﺒﻴﻬﺎ ﺍﻟﻨﺎﺱ ﺍﺫﻭﺍﻕ ﻋﺪ
ﺍﺣﻤﺪ : ﺍﺣﻢ ﺻﺢ ﺍﻟﻨﺎﺱ ﺍﺫﻭﺍﻕ ﻭﻟﻼﺳﻒ ﺫﻭﻗﻲ ﻃﻠﻊ ﻳﻘﺮﻑ ﻭﻃﻠﻌﺖ ﻭﺳﻴﺒﺘﻬﺎ
ﺻﻔﺎﺀ : ﺑﺎﻫﻲ ﻋﺎﺭﻑ ﺭﻭﺣﻚ ﻭﺗﻤﻴﺖ ﻧﻮﺗﻲ ﻓﻲ ﺭﻭﺣﻲ
ﺗﻮﺍ ﻫﺬﻱ ﻏﺒﻴﺔ ﺑﺎﻟﺮﺳﻤﻲ ﻫﻮ ﻛﺎﻥ ﻗﺼﺪﻫﺎ ﻭﻗﺖ ﻗﺎﻝ ﺫﻭﻗﻲ ﻳﻘﺮﻑ
ﺍﺣﻤﺪ : ﻋﺪﻳﺖ ﺟﺒﺖ ﻃﺎﻟﺒﺎﺗﻬﺎ ﻭﺭﺩﻳﺖ ﻟﻠﻔﻴﻼ ﺭﻧﻴﺖ ﻋﻠﻴﻬﺎ ﻭﻗﺘﻠﻬﺎ ﺗﻨﺰﻝ ﺑﺎﺵ ﻧﻮﺻﻠﻬﺎ ﻟﻬﻠﻬﺎ
ﺻﻔﺎﺀ : ﺍﺳﻤﻊ ﺑﻌﺪﻳﻦ ﺑﻌﺪ ﺗﺠﻲ ﻋﻠﻰ ﺍﻟﻌﺸﺎ ﺍﻟﺒﺲ ﺣﺎﺟﺔ ﻣﺴﻘﻤﺔ ﻣﺎ ﻧﺒﻴﺶ ﺑﻨﺎﺕ ﺳﻴﺎﺩﻱ ﻳﻘﻮﻟﻮ ﻋﻠﻴﻚ ﺑﻴﺌﺔ ﻭﻣﺶ ﺳﺘﺎﻳﻞ
ﺍﺣﻤﺪ : ﺍﻟﻠﻬﻢ ﻃﻮﻟﻚ ﻳﺎﺭﻭﺡ ﺻﺒﺮﻧﻲ ﻋﻠﻴﻬﺎ ﻳﺎﺭﺑﻲ
ﺻﻔﺎﺀ : ﻛﻜﻨﻚ ﺗﺄﻓﻒ ﻣﺶ ﻋﺎﺟﺒﻚ ﺍﻟﻜﻼﻡ ﻭﻻ ﺷﻨﻮ
ﺍﺣﻤﺪ : ﺗﺒﻲ ﺍﺗﻜﻲ ﻋﺮﻛﺔ ﺍﻧﺘﻲ ﻭﻻ ﺷﻨﻮ
ﺻﻔﺎﺀ : ﻻ ﻧﺒﻴﺶ ﻧﻌﻜﺮ ﻣﺰﺍﺟﻲ ﺍﻟﻴﻮﻡ ﺑﺎﺵ ﻣﺎ ﻳﻘﻌﺪﻭﺵ ﻳﻬﺎﺯﻭ ﻋﻠﻲ
ﺍﺣﻤﺪ : ﺻﺢ ﻣﻌﻘﻮﻟﺔ ﺑﻠﺴﺘﻴﺠﻚ ﻣﺎ ﻳﺴﻤﺤﺶ ﻫﻴﺎ ﺍﻧﺰﻟﻲ ﻭﺻﻠﻨﺎ ﻭﻧﺰﻟﺖ ﺍﻟﺪﺑﺶ ﻭﺳﻠﻤﺖ ﻋﻠﻰ ﺑﺎﺗﻬﺎ ﻭﻃﻠﻌﺖ ﻟﻠﺒﺤﺮ ﺍﻛﺜﺮ ﻣﻜﺎﻥ ﻧﺘﺮﻳﺢ ﻓﻲ ﻭﻳﻦ ﻧﻜﻮﻥ ﻣﻀﺎﻳﻖ ﻭﺗﻤﻴﺖ ﺍﻧﻔﻜﺮ ﻛﻴﻒ ﻧﺒﻲ ﻧﻜﻤﻞ ﺣﻴﺎﺗﻲ ﻣﻌﺎﻫﺎ ﺍﺳﻠﻮﺑﻬﺎ ﻭﻃﺮﻳﻘﺘﻬﺎ ﻓﻲ ﻭﺻﻒ ﺍﻟﻨﺎﺱ ﻛﺄﻧﻬﻢ ﺣﺸﺮﺍﺕ ﻋﻨﺪﻫﺎ ﻟﻮﻳﻦ ﺡ ﻧﻮﺻﻠﻮ ﻳﺎﺍﺍﺍﺍﺭﺏ ﻣﺎ ﻧﺒﻴﺶ ﺍﻟﻨﺎﺱ ﺗﻀﺤﻚ ﻋﻠﻰ ﻧﺎ ﻋﺎﻧﺪﺕ ﻭﺍﺟﺪ ﻋﻠﻰ ﺧﺎﻃﺮﻫﺎ ﺍﺻﺤﺎﺑﻲ ﻧﺼﺤﻮﻧﻲ ﻭﻗﺎﻟﻮﻟﻲ ﻫﺬﻱ ﻣﺘﻨﺴﺒﻜﺶ ﺑﺲ ﻧﺎ ﻣﺎ ﻛﻨﺘﺶ ﻧﺤﻖ ﺷﻲ ﻛﻨﺖ ﻧﺤﺒﻬﺎ ﻭﻣﻨﻌﻤﻲ ﺑﺲ ﺗﻮﺍ ﺑﻌﺪ ﻋﺎﺷﺮﺗﻬﺎ ﻭﻗﻌﺪﺕ ﻣﻌﺎﻫﺎ ﻓﻲ ﺣﻮﺵ ﻭﺍﺣﺪ ﻋﺮﻓﺘﻬﺎ ﺻﺢ ﺍﻧﺴﺎﻧﻪ ﺳﻄﺤﻴﺔ ﻭﻣﻐﺮﻭﺭﻩ ﻭﻗﻌﺪﺕ ﻟﻌﻨﺪ ﺭﻧﺖ ﻋﻠﻲ
ﺻﻔﺎﺀ : ﻭﻳﻨﻚ ﻭﻗﺖ ﺍﻟﻌﺸﺎ ﻭﺍﺗﻲ ﻫﻲ ﺭﺍﻙ ﺗﻨﺴﻰ ﺗﻠﺒﺲ ﺣﺎﺟﺔ ﺗﻠﻴﻖ ﺑﻌﻴﻠﺘﻲ
ﺍﺣﻤﺪ : ﺍﻥ ﺷﺎﺀ ﺍﻟﻠﻪ ﻭﺳﻜﺮﺕ ﻣﻌﺎﻫﺎ ﻭﻃﻠﻌﺖ ﻋﻠﻰ ﺍﻟﻔﻴﻼ ﻭﺗﻴﺖ ﺭﻭﺣﻲ ﻭﻋﺪﻳﺖ ﺷﻮﺭ ﻫﻠﻬﺎ ﺍﻟﺤﻖ ﺑﺎﺗﻬﺎ ﻭﺍﻣﻬﺎ ﺫﻭﻕ ﻣﺶ ﻛﻴﻔﻬﺎ ﺑﻜﻞ ﻭﻃﻴﺒﻴﻦ ﻣﺸﻜﻠﺘﻬﻢ ﺍﻧﻬﻢ ﺩﻟﻌﻮﻫﺎ ﺯﻳﺎﺩﺓ ﻧﻴﻦ ﻓﺴﺪﻭﻫﺎ
ﺻﻔﺎﺀ : ﻗﻌﺪﻧﺎ ﻭﺗﻌﺸﻴﻨﺎ ﻭﺍﻟﺒﻨﺎﺕ ﺗﻬﺒﻠﻦ ﻋﻠﻴﻪ ﻃﺒﻌﺂ ﺍﻧﺎ ﻣﻨﺨﺘﺮﺵ ﺣﻴﺎﻟﻠﻪ ﻭﺍﺣﺪ ﺣﺘﻰ ﻧﺎ ﺻﻔﺎﺀ
ﺍﺣﻤﺪ : ﻫﻴﺎ ﺻﻔﻮ ﻧﺮﻭﺣﻮ
ﺻﻔﺎﺀ : ﺍﻻﺳﻢ ﻫﻀﻪ ﻣﺘﻘﻮﻟﺶ ﻗﺪﺍﻡ ﻫﻠﻲ ﺷﻦ ﺍﻟﺒﻴﺌﺔ ﻫﻀﻪ ﻓﻲ ﺍﻟﺸﻘﺔ ﻭﻣﺎ ﻋﻠﻴﻨﺎ ﺑﺲ ﺑﺮﺍ ﻻ
ﺍﺣﻤﺪ : ﺑﺎﻩ ﻫﻴﺎ ﻣﺶ ﻋﺎﺭﻑ ﻭﻗﺘﻬﺎ ﺷﻦ ﺻﺒﺮﻧﻲ ﻭﻟﻴﺶ ﻣﺎ ﺳﻴﺒﺘﻬﺶ ﻋﻨﺪ ﻫﻠﻬﺎ ﺑﺲ ﺍﺣﺘﺮﺍﻣﺂ ﻟﺒﺎﺗﻬﺎ ﻃﻠﻌﺖ ﻭﺍﻟﻄﺮﻳﻖ ﻛﻠﻪ ﻣﺎ ﺣﻜﻴﺘﺶ ﺷﻲ ﺭﻭﺣﻨﺎ ﻭﺭﻗﺪﺕ ﺩﻏﺮﻱ ﻣﺎ ﺑﺘﺶ ﻻ ﻧﻘﻌﺪ ﻭﻻ ﻧﺤﻜﻲ ﻣﻌﺎﻫﺎ
ﻧﺠﻮ ﺗﻮﺍ ﻟﻌﺸﺎﻗﻨﺎ ﺍﻟﺤﻠﻮﻳﻦ ﻣﺤﻤﺪ ﻭﺑﻴﺸﻮ .................. ﻳﺴﺪ
ﻣﺤﻤﺪ : ﻫﻴﺎ ﺣﺒﻲ ﺻﺒﻲ ﻫﻴﺎ ﻛﺴﻮﻟﻪ
ﺍﻧﺎ : ﻧﺮﻗﺪ ﺑﺲ ﺷﻮﻱ ﺣﻤﺎﺩﻱ
ﻣﺤﻤﺪ : ﻫﻴﺎ ﺍﻱ ﺷﻮﻱ ﺍﻟﺴﺎﻋﺔ 12 ﺗﻮﺍ ﺩﻭﺑﻚ ﻧﻔﻄﺮﻭ ﻭﺗﻮﺗﻲ ﺭﻭﺣﻚ ﺑﺎﺵ ﻧﺮﻓﻌﻚ ﻟﻬﻠﻚ
ﺍﻧﺎ : ﺑﺎﻫﻲ ﻫﻴﺎ ﺻﺒﺎﺣﻮﻭﻭ ﻳﺎﺳﻤﻴﻦ ﺣﻤﺎﺩﻳﺘﻲ
ﻣﺤﻤﺪ : ﺍﻭﻳﻴﻲ ﻭﻳﻦ ﺍﻟﺪﻟﻊ ﺍﻟﺼﻘﻊ ﻫﻀﻪ
ﺍﻧﺎ : ﺑﻴﺶ ﺗﻌﺮﻑ ﺑﺲ
ﻣﺤﻤﺪ : ﻫﻴﺎ ﺑﺎﻫﻲ ﺻﺒﻲ ﻋﻠﻰ ﻣﺎﺩﺭﺕ ﺣﻤﺎﻡ ﻭﺗﻲ ﻓﻄﻮﺭ
ﺍﻧﺎ : ﻫﻴﺎ ﺻﺒﻴﺖ ﻋﺪﻳﺖ ﻟﺤﻤﺎﻡ ﺍﻟﻲ ﺑﺮﺍ ﺗﻮﺿﻴﺖ ﻭﺻﻠﻴﺖ ﻭﻋﺪﻳﺖ ﻟﻠﻜﻮﺟﻴﻨﺔ ﻭﺗﻴﺖ ﻓﻄﻮﺭ ﻭﺩﺭﺕ ﻗﻬﻮﺓ ﻭﻋﻴﻄﺖ ﻟﻤﺤﻤﺪ ﺑﻴﺶ ﻧﻔﻄﺮﻭ
ﻣﺤﻤﺪ : ﻫﻴﺎ ﺣﺒﻲ ﺟﻴﺘﻚ
ﺍﻧﺎ : ﺣﻤﺎﺩﻱ ﺭﺍ ﻧﺤﻨﺎ ﻣﻮﺯﻋﻨﺶ ﺍﻟﻬﺪﺍﻳﺎ ﻟﻬﻠﻚ
ﻣﺤﻤﺪ : ﻣﻔﻴﺶ ﻣﺸﻜﻠﺔ ﺑﻌﺪ ﻧﺠﻮ ﻧﻮﺯﻋﻮﻫﻢ
ﺍﻧﺎ : ﻻﻻ ﺗﻮﺍ ﻋﻤﺘﻰ ﺗﻘﻮﻝ ﻋﻄﺖ ﻫﻠﻬﺎ ﻗﺒﻠﻲ ﻭﺩﻳﺮ ﻗﺼﻪ ﻓﻜﻨﻲ ﺑﻌﺪﻙ ﻫﻲ ﻣﻦ ﻏﺎﺩﻱ ﻣﺶ ﻃﺎﻳﻘﺘﻨﻲ ﺗﻮﺍ ﻭﻧﺤﻨﺎ ﻧﺎﺯﻟﻴﻦ ﻧﻌﻄﻮﻫﻢ
ﻣﺤﻤﺪ : ﺑﺮﺍﺣﺘﻚ ﻫﻴﺎ ﺍﻓﻄﺮﻱ
ﺍﻧﺎ : ﻫﺎ ﻗﺎﻋﺪﺓ ﻧﻔﻄﺮ ﻓﻄﺮﻧﺎ ﻭﻛﻤﻠﻨﺎ ﻭﺗﻴﺖ ﺭﻭﺣﻲ ﻟﺒﺴﺖ ﺳﺮﻭﺍﻝ ﻗﻤﺎﺵ ﺍﻟﻮﺳﻌﺎﺕ ﻭﻋﻠﻴﻪ ﻣﺎﻟﻴﻪ ﻣﻦ ﻗﺪﺍﻡ ﻋﻠﻰ ﺧﺼﺮ ﻭﻣﻦ ﺭﺍﻭﻻ ﻃﻮﻳﻠﺔ ﻭﺷﺎﺡ ﺩﺭﺗﻪ ﻧﻈﺎﻡ ﻋﺰﻗﻪ ﻭﻣﻴﻜﺎﺏ ﺳﻤﻮﻛﻲ
ﻭﺧﺬﻳﺖ ﻫﺪﺍﻳﺎ ﻋﻴﺖ ﻋﻤﻲ ﻭﻣﺤﻤﺪ ﺧﺬﺍ ﻫﺪﺍﻳﺎ ﻫﻠﻲ ﻟﻠﺴﻴﺎﺭﺓ ﻭﻧﺎ ﻧﺰﻟﺖ ﺷﻮﺭ ﻋﻴﺖ ﻋﻤﻲ ﺑﻴﺶ ﻧﺴﻠﻢ ﻋﻠﻴﻬﻢ ﻭﻧﻌﻄﻴﻬﻢ ﻫﺪﺍﻳﺎﻫﻢ ﻭﻧﺴﺘﺄﺫﻥ ﻣﻨﻬﻢ ﻗﺒﻞ ﻣﺎ ﻧﻄﻠﻊ ﺍﻟﺴﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﺍﻧﺎ : ﺷﺨﺒﺎﺭﻛﻢ ﺍﻟﻴﻮﻡ
ﺍﺳﻴﻞ : ﺗﻤﺎﻡ ﻭﺷﻦ ﺟﻮﻙ ﺑﻌﺪ ﺍﻣﺲ
ﺍﻧﺎ : ﺍﻧﺤﺮﺟﺖ ﺍﺣﻢ ﺗﻤﺎﻡ
ﻣﻮﺩﻩ : ﺣﺮﺟﺘﻲ ﺍﻟﺒﻨﺖ
ﺍﻧﺎ : ﻫﻀﻦ ﺍﻟﻬﺪﺍﻳﺎ ﺟﺒﻨﺎﻫﻢ ﻣﻌﺎﻧﺎ ﻣﻦ ﺑﺎﺭﻳﺲ ﺗﻔﻀﻠﻲ ﻳﺎﻋﻤﺘﻲ ﺍﻥ ﺷﺎﺀ ﺍﻟﻠﻪ ﺗﻌﺠﺒﻚ
ﻋﻤﺘﻰ : ﻭﺍﻧﺘﻲ ﺗﺠﻴﺒﻲ ﺣﺎﺟﺔ ﻣﺴﻘﻤﺔ ﻭﺑﻌﺪﻙ ﻓﻴﺶ ﻛﻨﺘﻲ ﺗﺮﺍﺟﻲ ﻟﻚ ﻳﻮﻣﻴﻦ ﻭﻻ ﺛﻼﺛﺔ ﻣﺮﻭﺣﺔ ﺗﻮﺍ ﻏﻴﺮ ﺍﺫﻛﺮﺗﻲ
ﺍﻧﺎ : ﺳﺎﻣﺤﻴﻨﻲ ﺍﻧﺸﻐﻠﺖ ﻣﻊ ﺍﻟﺒﻨﺎﺕ ﻭﻧﺴﻴﺖ
ﻋﻤﺘﻰ : ﻧﺴﻴﺘﻲ ﻭﻻ ﻣﺎ ﻛﻨﺘﻴﺶ ﺗﺒﻲ ﺗﻌﻄﻲ ﻭﻣﺤﻤﺪ ﻫﺰﺑﻚ
ﻣﺤﻤﺪ : ﻭﻧﺎ ﺧﺎﺵ ﻧﺴﻤﻊ ﻓﻲ ﺍﻣﻲ ﻗﺎﻋﺪﺓ ﺗﻌﺰﻕ ﻓﻲ ﻛﻼﻡ ﺍﺣﻢ ﺍﻟﺴﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﻣﺤﻤﺪ : ﺍﺣﻢ ﺑﻴﺸﻮ ﻫﻴﺎ ﻧﻤﺸﻮ
ﺍﻧﺎ : ﻫﻴﺎ ﻧﺴﺘﺄﺫﻥ ﻣﻨﻜﻢ ﻧﺒﻲ ﻧﻤﺸﻲ ﻟﻬﻠﻲ
ﻋﻤﺘﻰ : ﻭﻟﻴﺶ ﻣﺎ ﻧﺰﻟﺘﻲ ﺍﻟﺼﺒﺢ ﺗﺴﺘﺄﺫﻧﻲ ﺗﻮﺍ ﻏﻴﺮ ﺍﺫﻛﺮﺗﻲ
ﻣﺤﻤﺪ : ﻭﻟﻴﺶ ﺗﻨﺰﻝ ﺗﺴﺘﺄﺫﻥ ﻭﻻ ﻣﺘﺤﻘﻴﺶ ﻓﻲ ﺭﺍﺟﻞ ﻗﺪﺍﻡ
ﻋﻤﺘﻰ : ﻣﺎﻫﻲ ﺍﻟﻲ ﺩﺍﻳﺮﻩ ﻃﺮﻭﺡ ﻭﻧﺘﺴﺘﺄﺫﻥ
ﻣﺤﻤﺪ : ﺗﻜﺒﺮ ﻓﻲ ﻗﺪﺭﻙ ﺑﺲ ﻳﺄﻣﻲ
ﻋﻤﺘﻰ : ﻗﺪﺭﻱ ﻛﺒﻴﺮ ﺑﻼﻫﺎ
ﻣﺤﻤﺪ : ﻻ ﺣﻮﻝ ﺍﻟﻠﻪ ﻫﻴﺎ ﺑﻴﺸﻮ
ﺍﻧﺎ : ﻃﻠﻌﺖ ﺑﺪﻭﻥ ﻣﺎ ﻧﺤﻜﻲ ﻭﻻ ﺣﺮﻑ ﺭﻛﺒﻨﺎ ﺍﻟﺴﻴﺎﺭﺓ ﻭﻃﻠﻌﻨﺎ
ﻣﺤﻤﺪ : ﺑﻴﺸﻮ ﺣﺒﻴﺒﺘﻲ ﻣﺘﺰﻋﻠﻴﺶ ﺍﻣﻲ ﻣﺶ ﻗﺼﺪﻫﺎ ﻫﻲ ﻣﺎ ﺗﻌﺮﻓﺶ ﺗﻌﺒﺮ
ﺍﻧﺎ : ﻻ ﻋﺎﺩﻱ ﻣﺰﻋﻠﺘﺶ ﻫﻲ ﻛﻴﻒ ﺍﻣﻲ
ﻣﺤﻤﺪ : ﻧﺠﻴﻬﺎﻟﻲ ﺍﻟﻲ ﻋﻘﻠﻬﺎ ﻛﺒﻴﺮ ﻭﺑﺴﺖ ﻳﺪﻫﺎ
ﺍﻧﺎ : ﻣﺤﻤﺪ ﻋﻴﺐ ﻧﺤﻨﺎ ﻓﻲ ﺍﻟﺸﺎﺭﻉ
ﻣﺤﻤﺪ : ﻣﺮﺗﻲ ﺣﻼﻟﻲ ﺍﻧﺪﻳﺮ ﺍﻟﻲ ﻧﺒﻴﻬﺎ ﻣﻌﺎﻫﺎ
ﺍﻧﺎ : ﻣﺶ ﻫﻨﺎ ﻓﻲ ﺍﻟﺸﻘﺔ ﺍﻟﻌﺮﺏ ﺷﻦ ﻳﺤﻜﻮ
ﻣﺤﻤﺪ : ﺧﻠﻬﻢ ﻳﺤﻜﻮ ﻭﻧﺎ ﻧﻘﺺ ﻟﺴﺎﻧﻬﻢ
ﺍﻧﺎ : ﺑﺎﻫﻲ ﻭﻳﻦ ﻣﺎﺷﻲ ﻫﻠﻲ ﻣﺶ ﻣﻦ ﻫﻨﺎ
ﻣﺤﻤﺪ : ﺧﺎﻃﻔﻚ
ﺍﻧﺎ : ﺣﻤﺎﺩﻱ ﻋﺪ ﻫﻴﺎ ﻗﻮﻝ
ﻣﺤﻤﺪ : ﻧﺒﻲ ﻧﺠﻴﺐ ﺳﻘﻴﻄﺔ ﻭﺧﻀﺮﺗﻬﺎ ﻭﺣﻠﻮ ﻭﻣﺎﻟﺢ ﻭﻣﺸﺮﻭﺏ
ﺍﻧﺎ : ﻻﻻ ﻣﻔﻴﺶ ﺩﺍﻋﻲ ﻫﻀﻪ ﻛﻠﻪ ﺣﺘﻰ ﻃﺒﻖ ﺣﻠﻮﻳﺎﺕ ﻋﺎﺩﻱ ﻳﺴﺪ
ﻣﺤﻤﺪ : ﻻﻻ ﻋﻴﺐ ﻭﻣﻔﻴﺶ ﺣﺎﺟﺔ ﺗﻐﻼ ﻋﻠﻰ ﻫﻞ ﻣﺮﺗﻰ ﺣﺒﻴﺒﺘﻲ
ﺍﻧﺎ : ﺷﻜﺮﺍً
ﻣﺤﻤﺪ : ﻣﺎ ﺗﺸﻜﺮﻳﻨﻴﺶ ﺍﻧﺎ ﺍﻟﻤﻔﺮﻭﺽ ﻧﺸﻜﺮﻙ ﻟﻴﻞ ﻧﻬﺎﺭ ﺍﻧﻚ ﻭﺍﻓﻘﺘﻲ ﻋﻠﻲ
ﺍﻧﺎ : ﻧﺎ ﺍﻟﻲ ﻧﺤﻤﺪ ﺭﺑﻲ ﺍﻧﻚ ﺍﻧﺖ ﺭﺍﺟﻠﻲ
ﻣﺤﻤﺪ : ﻻ ﻫﻚ ﻳﺴﻴﺮ ﻓﻴﻬﺎ ﻛﻼﻡ ﺍﺧﺮﻯ
ﺍﻧﺎ : ﺻﺎﻳﻊ ﻫﻴﺎ ﺑﺴﺮﻋﺔ ﻣﺮﺍﻳﻔﺔ ﻋﻠﻰ ﻫﻠﻲ
ﻣﺤﻤﺪ : ﺣﺘﻰ ﻧﺎ ﻣﺴﺘﺎﺣﺸﻚ
ﺍﻧﺎ : ﺣﻤﺎﺩﻱ ﻋﺪ
ﻣﺤﻤﺪ : ﻫﻬﻬﻬﻬﻬﻬﻬﻬﻪ ﺧﻼﺹ ﻫﻲ ﻭﺗﻜﻴﻨﺎ ﺷﺮﻳﺖ ﺍﻟﺪﺑﺶ ﻭﺧﺬﻳﺘﻬﺎ ﻟﻬﻠﻬﺎ ﻧﺰﻟﺘﻬﺎ ﻭﻧﺰﻟﺖ ﺍﻟﺪﺑﺶ ﻭﺳﻠﻤﺖ ﻋﻠﻰ ﺍﻣﻬﺎ ﻭﺍﻣﻴﺮ ﻣﺎ ﻛﻨﺘﺶ ﻏﺎﺩﻱ ﻋﺪﻳﺖ ﺷﻮﺭ ﺍﻟﺸﺒﺎﺏ
ﺍﻧﺎ : ﻣﻦ ﺍﻭﻝ ﻣﺎ ﺧﺸﻴﺖ ﺳﻠﻤﺖ ﻋﻠﻰ ﻣﺎﻣﺎ ﻭﺧﻮﺍﺗﻲ ﻛﺎﻧﻦ ﻏﺎﺩﻱ ﺍﻭﻝ ﻣﺎ ﺣﻤﺎﺩﻱ ﻗﺎﻟﻲ ﻳﺒﻲ ﻳﺎﺧﺬﻧﻲ ﻛﻠﻤﺘﻬﻢ ﻭﻗﺘﻠﻬﻢ ﻳﺴﺒﻘﻮﻧﻲ ﻏﺎﺩﻱ ﻧﺴﻠﻢ ﻭﻧﺒﻜﻲ
ﺍﻣﻴﺮﺓ : ﻫﺒﻠﺔ ﺍﻧﺘﻲ ﻟﻴﺶ ﺗﺒﻜﻲ
ﺍﻧﺎ : ﺭﺍﻳﻔﺘﻠﻜﻢ
ﺍﻧﺠﻲ : ﺣﺘﻰ ﻧﺤﻨﺎ ﺭﺍﻳﻔﻨﺎ ﻋﻠﻴﻚ ﺑﺲ ﻣﺶ ﻟﺪﺭﺟﺔ ﻟﺒﻜﺎ
ﻫﺎﺟﺮ ﻭﻫﺪﻳﻞ : ﺗﻲ ﻣﺎ ﺻﺪﻗﻨﺎ ﻓﺘﻜﻴﻨﺎ ﻣﻨﻚ ﺑﻴﺶ ﻧﺎﺧﺬﻭ ﺩﺍﺭﻙ ﻭﺩﺑﺸﻚ
ﺍﻧﺎ : ﺧﺰﻱ ﺑﺎﺭﺩﺍﺕ ﺍﻛﻴﺪ ﻣﺎﻣﺎ ﺭﺍﻳﻔﺖ ﻋﻠﻲ
ﺍﻡ ﺑﺸﺮﻯ : ﻻ ﺍﻓﺘﻜﻴﺖ ﻣﻦ ﺯﻧﻴﻨﻚ 😂😂
ﺍﻧﺎ : ﻫﻴﻴﻴﻴﻴﻴﻲ ﻛﻠﻜﻢ ﺧﻼﺹ ﺗﻮﺍ ﻧﺮﻥ ﻋﻠﻰ ﻣﺤﻤﺪ ﺑﻴﺶ ﻳﺮﺩ ﻳﺎﺧﺬﻧﻲ
ﺍﻟﻜﻞ : ﺗﻲ ﻧﺒﺼﺮﻭ ﻣﻌﺎﻙ ﺗﻌﺎﻟﻲ ﻫﻨﺎ 😂😂
ﺍﻧﺎ : ﺍﻳﻮﺍ ﻫﻚ 😂😂
ﺍﻡ ﺑﺸﺮﻯ : ﻣﺎﺷﺎﺀ ﺍﻟﻠﻪ ﺭﺍﺟﻠﻚ ﻣﺶ ﻣﻌﻘﺐ ﺷﻲ ﻓﻲ ﺍﻟﺴﻮﻕ
ﺍﻧﺎ : ﻗﺘﻠﻪ ﺑﺲ ﻫﻮ ﻗﺎﻝ ﻫﻀﻪ ﺍﻗﻞ ﺷﻲ ﻭﻣﻦ ﻫﺎ ﺍﻟﺤﺮﻛﺎﺕ 😂😂
ﺍﻟﺒﻨﺎﺕ : ﻋﻦ ﺩﺍ ﻣﺎ ﺗﻮﺑﻴﺶ ﺍﻧﺘﻲ ﺿﺮﻭﺭﻱ ﺗﺴﻔﺘﺮﻱ 😂😂
ﺍﻡ ﺑﺸﺮﻯ : ﺗﻌﺎﻟﻲ ﺣﺬﺍﻱ ﻫﻨﺎ ﻳﺎ ﺑﺸﺔ
ﺍﻧﺎ : ﺍﻓﻄﻨﻦ ﻣﺎﻣﺎ ﻭﺍﺟﻮﺍﺀ ﺍﻻﻃﻤﺌﻨﺎﻥ ﺍﺣﻢ ﻫﻴﺎ ﺟﻴﺖ
ﺍﻡ ﺑﺸﺮﻯ : ﺍﺣﻜﻴﻠﻲ ﻣﺘﺮﻳﺤﺔ ﻣﻊ ﺭﺍﺟﻠﻚ
ﺍﻧﺎ : ﺍﻟﺤﻤﺪﻟﻠﻪ ﺩﻭﺑﻚ ﺃﺳﺒﻮﻉ ﻣﺎﺯﺍﻝ ﻣﺎ ﺷﻔﺖ ﺷﻲ 😂
ﺍﻡ ﺑﺸﺮﻯ : ﻭﻫﻠﻪ ﻛﻮﻳﺴﻴﻦ ﻣﻌﺎﻙ
ﺍﻧﺎ : ﺗﻤﺎﻡ ﻛﻮﻳﺴﻴﻦ ☺
ﺍﻟﺒﻨﺎﺕ : ﺑﻴﺸﻮ ﺍﺩﻳﺮ ﻓﻲ ﺣﺮﻛﺎﺕ ﻭﻧﺤﻨﺎ ﻣﻌﺶ ﻗﺪﺭﻧﺎ ﻃﺮﺑﻘﻨﺎ ﺿﺤﻚ 😂😂
ﺍﻡ ﺑﺸﺮﻯ : ﻫﺎﺑﺎ ﻣﻨﻜﻢ ﺍﻧﺘﻮ 😊
ﺍﻧﺎ : ﺻﺒﻦ ﺍﻟﺒﻨﺎﺕ ﻭﻧﺎ ﻣﻌﺎﻫﻢ ﻭﺑﺪﻳﻨﺎ ﻧﺪﻳﺮﻭ ﻓﻲ ﺣﺮﻛﺎﺕ ﻟﻠﻌﺸﺎ ﻭﺩﺭﻧﺎ ﻏﺪﺍ ﺧﻔﻴﻒ ﻃﺒﻌﺂ ﻭﻧﺰﻟﻦ ﺍﻟﺼﺒﺎﻳﺎ ﻭﺗﻤﻦ ﻳﺴﺎﻋﺪﻥ ﻓﻴﻨﺎ ﻭﻗﺒﻞ ﺍﻟﻌﺸﺎ ﺑﺸﻮﻱ ﺟﺎﺀ ﺣﻤﺎﺩﻱ ﻭﻗﻌﺪﻧﺎ ﺗﻌﺸﻴﻨﺎ ﻭﺑﻌﺪ ﺍﻟﻌﺸﺎ ﺷﺮﺑﻨﺎ ﺍﻟﺸﺎﻱ ﻭﺭﻭﺣﻨﺎ ﻭﻃﺒﻌﺂ ﻣﺎﻣﺎ ﻋﻄﺘﻨﻲ ﻋﺸﺎ ﻟﻬﻞ ﺩﺍﺭﻱ ﺭﻭﺣﻨﺎ ﻭﻋﻄﻴﺘﻪ ﻟﻬﻢ ﻭﻃﺒﻌﺂ ﻋﻤﺘﻰ ﺗﻤﺖ ﺗﺠﻘﺐ ﺷﻮﻱ ﻭﺑﻌﺪﻫﺎ ﺭﻗﻴﻨﺎ ﻟﻠﺸﻘﺔ ﻭﻛﻨﺖ ﺗﺎﻟﻔﻪ ﺍﻟﺒﻨﺎﺕ ﻛﺴﺮﻧﻲ ﻓﻲ ﻏﺴﻞ ﺍﻟﻌﻮﺍﻳﺰ ﺍﻟﺤﻘﺮﺍﺀ ﺍﻻ ﻣﺎ ﻧﺮﺩﻫﺎ ﻟﻬﻢ 😂😂 ﺩﺭﺕ ﺣﻤﺎﻡ ﻭﺭﻗﺪﺕ
ﻣﺤﻤﺪ : ﺍﻣﻲ ﻃﺒﻌﺎ ﻗﻌﺪﺕ ﺗﺤﻜﻲ ﻣﻌﺎﻱ ﻭﺗﺸﻜﺎ ﻣﻦ ﺑﻴﺸﻮ ﻗﺮﻳﺐ ﺳﺎﻋﺔ ﻭﺑﻌﺪﻫﺎ ﺭﻗﻴﺖ ﻟﻠﺸﻘﺔ ﻟﻘﻴﺘﻬﺎ ﻣﻈﻠﻤﺔ ﻋﺪﻳﺖ ﺷﻮﺭ ﺍﻟﺪﺍﺭ ﻟﻘﻴﺘﻬﺎ ﺭﺍﻗﺪﻩ ﻛﻴﻒ ﺍﻟﻤﻼﺋﻜﺔ ﺑﺪﻟﺖ ﺩﺑﺸﻲ ﻭﺭﻗﺪﺕ
أنت تقرأ
معك خلقت من جديد
Ficción Generalروايه ليبيه تحكي علي بنت عاشت حياة ........الروايه منقوله بين اللهجتين الشرقاويه والغرباوي
