معك خلقت من جديد

البارت الخامس عشر

ﺭﻭﺍﻳﺔ _ ﻣﻌﻚ _ ﺧﻠﻘﺖ _ ﻣﻦ _ ﺟﺪﻳﺪ
ﺍﻟﺤﻠﻘﺔ ﺍﻟﺨﺎﻣﺴﺔ ﻋﺸﺮ .........
ﺍﻟﻴﻮﻡ ﺡ ﻧﺒﺪﺍﺀ ﻣﻦ ﺍﺳﻴﻞ ﺍﻥ ﺷﺎﺀ ﺍﻟﻠﻪ ﻣﻨﺴﻴﺘﻮﻫﺶ
ﺡ ﻧﺤﻜﻲ ﻋﻠﻰ ﺑﻌﺪ ﺍﻟﻔﺮﺡ ﻟﻌﻨﺪ ﺭﺩﺕ ﺑﻴﺸﻮ
ﺍﺳﺎﻣﺔ : ﻫﻴﺎ ﺳﻮﻟﻲ ﺻﺒﻲ ﻭﻗﺖ ﺍﻟﻄﻴﺎﺭﺓ ﺡ ﺗﻬﻠﺒﻨﺎ
ﺍﺳﻴﻞ : ﻧﺒﻲ ﻧﺮﻗﺪ ﺷﻮﻱ
ﺍﺳﺎﻣﺔ : ﻭﻃﻴﺎﺭﺓ ﺗﺮﻳﺢ ﻣﺘﺒﻴﺶ ﺗﻤﺸﻲ ﻟﻨﺪﻥ
ﺍﺳﻴﻞ : ﻟﻨﺪﻥ ﺗﺤﻜﻲ ﺟﺪ
ﺍﺳﺎﻣﺔ : ﺑﺎﻫﻲ ﻗﻮﻟﻲ ﺻﺒﺎﺡ ﺍﻟﺨﻴﺮ ﻗﺒﻞ
ﺍﺳﻴﻞ : ﺻﺒﺎﺡ ﺍﻟﺨﻴﺮ ﻫﻴﺎ ﺷﻮﻱ ﻭﻧﻮﺗﻰ
ﺍﺳﺎﻣﺔ : ﺑﺎﻫﻲ ﻭﺗﻲ ﺭﻭﺣﻚ ﻭﻧﺎ ﻧﺰﻝ ﺍﻟﺸﻨﺎﻃﻲ
ﺍﺳﻴﻞ : ﻋﺪﻳﺖ ﺩﺭﺕ ﺩﻭﺵ ﻭﻟﺒﺴﺖ ﻭﺩﺭﺕ ﻣﻴﻜﺎﺏ ﺧﻔﻴﻒ ﻭﺩﺭﺕ ﺗﺸﻚ ﻋﻠﻰ ﺍﻟﺸﻘﺔ ﻭﻧﺰﻟﺖ ﺳﻠﻤﺖ ﻋﻠﻰ ﻋﻤﺘﻲ ﻭﻣﺮﺍﻡ ﻭﺑﻌﺪﻫﺎ ﻃﻠﻌﻨﺎ ﺷﻮﺭ ﺍﻟﻤﻄﺎﺭ ﻭﺍﺳﺎﻣﺔ ﻛﻤﻞ ﺍﻻﺟﺮﺍﺀﺍﺕ ﻭﻃﻠﻌﻨﺎ ﻟﻠﻄﻴﺎﺭﺓ ﻭﻧﺎ ﺍﻭﻝ ﻣﺮﺓ ﻧﺮﻛﺐ ﺍﻟﻄﻴﺎﺭﺓ ﺧﺎﻳﻔﺔ
ﺍﺳﺎﻣﺔ : ﻃﻠﻌﻨﺎ ﻟﻠﻄﻴﺎﺭﺓ ﻭﻗﻌﺪﻧﺎ ﻋﻠﻰ ﻛﺮﺍﺳﻲ ﻭﺳﻮﻟﻪ ﻣﺘﺨﺰﺭﻃﺔ ﺍﻭﻝ ﻣﺮﻩ ﺗﺮﻛﺐ ﻃﻴﺎﺭﺓ
ﺣﺒﻴﺒﺘﻲ ﻣﺘﺨﻔﻴﺶ ﻧﺎ ﻣﻌﺎﻙ
ﺍﺳﻴﻞ : ﻣﺴﻚ ﻳﺪﻱ ﻭﺗﻤﺎ ﻳﺤﻜﻲ ﻣﻌﺎﻱ ﺑﻴﺶ ﻧﻨﺴﻰ ﻭﻓﻌﻼ ﻣﺎ ﺣﺴﻴﺖ ﺑﺸﻲ ﻟﻌﻨﺪ ﺗﺒﻲ ﺗﻬﺒﻂ ﺍﻟﻄﻴﺎﺭﺓ ﺍﻟﻤﻀﻴﻔﺔ ﻗﺎﻟﺖ ﺍﺭﺑﻄﻮ ﺍﻻﺣﺰﻣﺔ ﻧﺺ ﺳﺎﻋﺔ ﻭﻫﺒﻄﺖ ﺍﻟﻄﻴﺎﺭﺓ
ﺍﺳﺎﻣﺔ : ﻧﺰﻟﻨﺎ ﻣﻦ ﺍﻟﻄﻴﺎﺭﺓ ﻭﻛﻤﻠﺖ ﺍﻻﺟﺮﺍﺀﺍﺕ ﻭﺧﺬﻳﻨﺎ ﺗﻜﺴﻲ ﻭﻋﺪﻳﻨﺎ ﺷﻮﺭ ﺍﻟﻔﻨﺪﻕ ﻭﻛﻤﻠﺖ ﺍﺟﺮﺍﺀﺍﺕ ﺍﻟﺤﺠﺰ ﻭﺭﻗﻴﻨﺎ ﻟﻠﺴﻮﻳﺖ ﺍﻣﺘﺎﻋﻨﺎ ﻃﺒﻌﺂ ﻣﺠﻬﺰ ﻛﻴﻒ ﻣﺎ ﻧﺎ ﻗﺘﻠﻬﻢ ﺑﺎﻟﻀﺒﻂ
ﺍﺳﻴﻞ : ﺍﻭﻝ ﻣﺎ ﺧﺸﻴﻨﺎ ﻟﻠﺴﻮﻳﺖ ﺍﻻﺭﺽ ﻛﻠﻬﺎ ﻭﺭﺩ ﻭﺷﻤﻮﻉ ﻭﺑﻠﻮﻧﺎﺕ ﻭﻣﻜﺘﻮﺏ ﻋﻠﻰ ﺍﻟﺒﻠﻮﻧﺎﺕ l love you soly ﻭﻛﺎﻥ ﻓﻲ ﺟﺎﺗﻮ ﻭﻋﻠﻴﻬﺎ ﺍﻟﺸﻌﻼﺕ ﻫﻀﻦ ﻣﺎ ﺗﺤﻘﻲ ﺍﻟﺠﺎﺗﻮ ﻣﻨﻬﺎ ﻭﻣﺴﻴﻘﻰ ﻫﺎﺩﻳﺔ ﻭﺍﻟﺤﻤﺎﻡ ﺍﻟﺒﺎﻧﻴﻮ ﻣﻌﺒﻲ ﺑﺎﻟﻮﺭﻭﺩ ﻭﺷﻤﻮﻉ ﻋﻠﻰ ﺍﻻﺭﺽ ﻭﺭﺩ ﻭﺍﻟﺒﺎﻧﻴﻮ ﺩﺍﺋﺮﻱ ﻭﺟﺎﻱ ﻧﺺ ﺍﻟﺤﻤﺎﻡ
ﺍﺳﺎﻣﺔ : ﻗﺼﻴﻨﺎ ﺍﻟﺠﺎﺗﻮ ﻣﻊ ﺑﻌﻀﻨﺎ ﻭﺍﻛﻠﺘﻪ ﻣﻨﻪ ﻭﺑﻌﺪﻫﺎ ﺭﻗﺼﻨﺎ ﺳﻠﻮ ﺳﻮﻟﺘﻲ
ﺍﺳﻴﻞ : ﻫﻤﻤﻤﻢ
ﺍﺳﺎﻣﺔ : ﻋﺠﺒﻚ ﺍﻟﺴﻮﻳﺖ
ﺍﺳﻴﻞ : ﺗﻬﺒﻠﻠﻠﻠﻠﻠﻞﻟﻠﻠﻞ
ﺍﺳﺎﻣﺔ : ﺍﻣﻤﻤﻤﻤﻢ ﺗﻬﺒﻞ
ﺍﺳﻴﻞ ..........:
ﻭﺭﺍﺣﻮ ﻓﻲ ﺧﺒﺮ ﻛﺎﻥ
ﻗﻌﺪﻭ ﻋﺸﺮ ﺍﻳﺎﻡ ﻓﻲ ﻟﻨﺪﻥ ﺩﻫﻮﺭﻩ ﻭﺟﻮ ﻣﻦ ﺍﻻﺧﺮ ﻭﺷﺮﻭ ﻫﺪﺍﻳﺎ ﻟﻠﻜﻞ ﻭﺭﻭﺣﻮ ﺍﺳﻴﻞ ﻋﺪﺕ ﻟﻬﻠﻬﺎ
ﻣﻮﺩﻩ : ﻭﻳﻦ ﺭﺍﻳﺤﻪ ﻣﺤﻠﻮﻩ ﺷﻦ ﺩﺍﻳﺮﺓ
ﺍﺳﻴﻞ : ﻣﺎ ﺩﺭﺕ ﺷﻲ ﻫﻀﻪ ﺍﻟﺤﺐ ﻳﺎ ﻋﻴﻨﻲ
ﻣﻮﺩﻩ : ﺍﻭﻭﻭﻭﻭﻭ ﺣﺐ ﻓﻲ ﺗﻄﻮﺭﺍﺕ ﻣﻦ ﺍﻟﻲ ﻛﺎﻧﺖ ﺩﻳﻤﺎ ﻣﻨﺎﻗﺮﻩ ﻣﻊ ﺍﺳﺎﻣﺔ
ﺟﻮﺭﻱ : ﻫﻬﻬﻬﻬﻬﻬﻬﻬﻪﻫﻬﻬﻪ ﺷﻜﻠﻪ ﺍﺳﺎﻣﺔ ﺩﺍﺭﻟﻬﺎ ﺍﻋﺎﺩﺓ ﻓﺮﻣﻨﺖ
ﺟﻮﻟﻴﺎ : ﻋﻴﺐ ﺗﺤﺸﻤﻦ ﺍﺣﻜﻴﻠﻲ ﺷﻦ ﺩﺍﺭﻟﻚ ﺍﺳﺎﻣﺔ
ﺍﺳﻴﻞ : ﺧﺰﻱ ﺑﺎﺭﺩﺍﺕ ﺍﻧﺎ ﺍﺻﻼ ﻏﻠﻄﺖ ﺟﻴﺖ ﻧﺤﻜﻲ ﻣﻌﺎﻛﻢ ﺗﺎ ﻧﻌﺪﻱ ﻧﺴﻬﺮﻱ ﺣﺬﺍ ﺍﻟﺼﺒﺎﻳﺎ
ﺍﻧﺎ : ﺍﻭﻭﻭ ﻋﺪ ﺗﻤﻴﺘﻲ ﻣﻦ ﺍﻟﺼﺒﺎﻳﺎ ﻭﻛﻨﻚ ﻣﺎ ﺟﻴﺘﻲ ﺗﺤﻜﻲ ﻣﻌﺎﻧﺎ ﻧﺤﻨﺎ ﺍﻟﺼﺒﺎﻳﺎ
ﻣﻮﺩﻩ : ﺭﻳﺖ ﻻﺧﺮﻯ ﺗﻌﺎﻟﻲ ﻫﻨﺎ ﺍﻧﺘﻲ ﻳﺎ ﺻﺒﺎﻳﺎ ﻭﻳﻦ ﺭﺍﺟﻠﻚ
ﺍﻧﺎ : ﻋﺪﺍ ﻟﺼﺤﺎﺑﻪ ﻳﺎﺣﻨﻪ
ﺟﻮﺭﻱ : ﻏﺮﻳﺒﻪ ﻗﺒﻞ ﺩﻳﻤﺎ ﻻﺻﻖ ﻓﻴﻚ
ﺍﻧﺎ : ﺧﺰﻱ ﻋﻠﻴﻜﻢ
ﺍﺳﻴﻞ : ﻣﻔﻴﺶ ﺍﺣﻼ ﻣﻦ ﺍﻟﺮﺍﺟﻞ ﻳﻘﻌﺪ ﺩﻳﻤﺎ ﻣﻊ ﻣﺮﺗﻪ
ﺟﻮﺭﻱ : ﻫﺬﻱ ﻣﺎﺯﺍﻝ ﺗﺤﺖ ﺗﺄﺛﻴﺮ ﺟﺮﻋﺖ ﺍﻟﻌﺴﻞ ﺍﻟﺰﺍﻳﺪ ﺍﻟﻲ ﻋﻄﺎﻫﺎ ﻟﻬﺎ ﺍﺳﺎﻣﺔ ﻋﻄﻴﻬﺎ ﻳﻮﻣﻴﻦ ﺗﺎ ﺗﻘﻌﺪ ﺗﺴﺐ ﻓﻲ
ﺍﻧﺎ : ﺣﺮﺍﺍﺍﻡ ﻋﻠﻴﻜﻢ ﻛﻨﻜﻢ ﻣﻊ ﺍﻟﺒﻨﺖ
ﺟﻮﺭﻱ : ﺗﻲ ﻫﻀﻦ ﻛﻴﻒ ﺗﻮﻡ ﺟﻴﺮﻱ ﻣﺎ ﻳﺘﻘﺎﺑﻠﻮ ﺑﻜﻞ ﻣﺴﺘﻐﺮﺑﻪ ﻛﻴﻒ ﺍﺟﻮﺯﻭ
ﺍﺳﻤﺎﺀ : ﻛﻨﻜﻢ ﻣﻊ ﻣﺮﺕ ﺧﻮﻱ
ﺍﺳﻴﻞ : ﺗﻌﺎﻟﻲ ﺩﺍﻓﻌﻲ ﻋﻠﻲ ﺷﻮﻱ ﺩﺍﺭﻳﻦ ﺣﺰﺏ
ﺍﻧﺎ : ﻫﻴﻴﻴﻴﻴﻲ ﺍﻣﺘﻰ ﺩﺭﺕ ﺣﺰﺏ ﻧﺎ
ﺍﺳﻴﻞ : ﻣﻐﻴﺮ ﺗﻀﺤﻜﻲ ﺍﻧﺘﻲ
ﺍﺳﻤﺎﺀ : ﻻ ﺑﻴﺸﻮ ﺩﻳﻤﺎ ﺣﺎﻻ ﻓﻤﻬﺎ
ﺍﻧﺎ : ﺷﻜﻠﻜﻢ ﺗﺒﻮ ﺗﻘﻠﺒﻮ ﻋﻠﻰ ﻧﻌﺪﻱ ﺷﻮﺭ ﻋﻤﺘﻰ ﺧﻴﺮ
ﺍﺳﻴﻞ : ﺣﺘﻰ ﻧﺎ ﻧﻌﺪﻱ ﻧﺴﻬﺮﻱ ﺣﺬﺍ ﺍﻣﻲ ﺷﻮﻱ ﻭﻃﻠﻌﻨﺎ ﻗﻌﺪﻧﺎ ﻣﻊ ﺍﻣﻲ ﻭﺑﺎﺗﻲ ﺟﺎﺀ ﺳﻠﻤﺖ ﻋﻠﻴﻪ ﻭﺗﻮ ﻋﺸﺎﺀ ﻭﺟﺎﺀ ﺍﺳﺎﻣﺔ ﺗﻌﺸﻴﻨﺎ ﻭﺭﻭﺣﻨﺎ ﻭﻣﺮﻥ ﻻﻳﺎﻡ ﻟﻌﻨﺪ ﺟﺎﺀ ﻋﻠﻢ ﺧﻮﻱ ﻣﺤﻤﺪ ﻭﺍﺳﺎﻣﺔ ﺍﻟﺤﻖ ﻣﺎ ﺳﻴﺒﻨﻲ ﺑﻜﻞ ﻭﺑﻌﺪ ﻭﻓﺎﺓ ﻣﺤﻤﺪ ﻋﺮﻓﺖ ﺍﻧﻲ ﺣﺎﻣﻞ ﻭﺑﻌﺪﻫﺎ ﺑﺸﻬﺮﻳﻦ ﺍﺣﻤﺪ ﻗﺮﺍ ﻓﺘﺤﺘﻪ ﻋﻠﻰ ﺑﻴﺸﻮ ﻭﺟﺎﺑﻬﺎ ....
ﺗﻮﺍ ﻧﺒﻮ ﻧﺮﺩﻭ ﻟﻰ ﺑﻴﺸﻮ ﺑﻌﺪ ﺍﺟﻮﺯﺕ ﺍﺣﻤﺪ ﺷﻦ ﺡ ﻳﺼﻴﺮ ﻓﻴﻬﺎ
ﺍﻧﺎ : ﺭﻗﺪﺕ ﻧﺎ ﻭﺍﻟﺒﻨﺎﺕ ﻓﻲ ﺩﺍﺭﻱ ﻧﺎ ﻭﺣﻤﺎﺩﻱ ﻛﻨﺖ ﻣﺮﺍﻳﻔﻪ ﻋﻠﻴﻪ ﻭﻋﻠﻰ ﺷﻘﺘﻲ ﻭﻋﻠﻰ ﺿﺤﻜﺘﻪ ﻛﻨﺖ ﻧﺒﻲ ﻧﺤﻠﻢ ﻓﻲ ﺑﺲ ﺣﺘﻰ ﺍﻟﺤﻠﻢ ﺗﻤﻰ ﻣﺴﺘﺤﻴﻞ ﻭﻋﻴﺖ ﺛﺎﻧﻲ ﻳﻮﻡ ﻋﻠﻰ ﺻﻮﺕ ﺍﻟﺠﺮﺱ
ﻣﻮﺩﻩ : ﻭﻳﻦ ﻫﻀﻪ ﻛﻠﻪ ﻧﻮﻡ
ﺍﻧﺎ : ﺭﻗﺪﺕ ﻣﺘﺄﺧﺮ ﺗﻔﻀﻠﻲ
ﻣﻮﺩﻩ : ﺍﻱ ﺗﻔﻀﻠﻲ ﺍﻧﺰﻟﻲ ﺍﻓﻄﺮﻱ
ﺍﻧﺎ : ﺣﺎﺿﺮ ﻧﻮﺗﻲ ﺍﻟﺒﻨﺎﺕ ﺑﺲ
ﻣﻮﺩﻩ : ﻣﻌﻨﺎﺗﻪ ﻧﺴﺎﻋﺪﻙ ﺑﻴﺶ ﺗﻜﻤﻠﻲ ﺑﺴﺮﻋﺔ ﺟﻌﺎﻧﻪ
ﺍﻧﺎ : ﺑﺎﻫﻲ ﺭﺍﻙ ﺗﻜﻠﻴﻨﻲ ﺑﺲ 😂😂
ﻣﻮﺩﻩ : ﻛﺎﻥ ﻣﺎ ﻛﻤﻠﺘﻴﺶ ﺑﺴﺮﻋﺔ ﺡ ﻧﺎﻛﻠﻚ ﺍﻧﺘﻲ ﻭﺑﻨﺎﺗﻚ
ﺍﻧﺎ : ﺣﻲ ﻋﻠﻴﻨﺎ ﻫﻴﺎ ﻳﺎﻣﺎﻣﺎ ﻗﺒﻞ ﻋﻤﺘﻮ ﻣﺎ ﺗﻜﻠﻨﺎ 😂😂 ﻭﻭﺗﻴﻨﺎ ﺍﻟﺒﻨﺎﺕ ﻭﺑﺪﻟﺖ ﺩﺑﺸﻲ ﻭﻧﺰﻟﻨﺎ ﺻﺒﺤﺖ ﻋﻠﻰ ﻋﻤﺘﻰ ﻭﻓﻄﺮﻧﺎ ﻭﻟﻤﻴﻨﺎ ﺍﻟﺴﻔﺮﻩ ﺍﻧﺎ ﻭﺍﻟﺒﻨﺎﺕ ﻭﺑﻌﺪﻫﺎ ﻋﻤﺘﻰ ﻋﻴﻄﺘﻠﻲ ﻭﺍﻧﺎ ﻛﻨﺖ ﺧﺎﻳﻔﺔ ﺗﺤﻜﻲ ﻣﻌﺎﻱ ﻓﻲ ﻗﺼﺔ ﺍﺣﻤﺪ .
ﻋﻤﺘﻰ : ﺑﺸﺮﻯ ﻳﺎﺑﻨﻴﺘﻲ ﺗﻮﺍ ﺍﻧﺘﻲ ﺍﺟﻮﺯﺗﻲ ﺍﺣﻤﺪ ﻭﺗﻤﻴﺘﻲ ﻋﻠﻰ ﺫﻣﺘﻪ ﻳﻌﻨﻲ ﺍﻧﺘﻲ ﻣﺴﺆﻭﻟﻪ ﻣﻨﻪ ﻭﻫﻮ ﻛﺬﻟﻚ ﺍﻧﺘﻲ ﺗﺮﻋﻲ ﺗﺸﻮﻓﻲ ﺷﻦ ﻳﺒﻲ ﻭﺷﻦ ﻧﺎﻗﺼﺔ ﺗﻬﺘﻤﻲ ﺑﺮﺍﺟﻠﻚ ﻭﻣﺤﻤﺪ ﺍﻟﻠﻪ ﻳﺮﺣﻤﻪ ﻭﺍﻟﺤﻲ ﺍﺑﻘﺎﺀ ﻣﻦ ﺍﻟﻤﻴﺖ ﻫﻢ ﻻﺛﻨﻴﻦ ﺿﻨﺎﻱ ﺑﺲ ﺗﻮﺍ ﺍﺣﻤﺪ ﻳﺒﻲ ﻣﻦ ﻳﺼﺒﻲ ﻣﻌﺎﻩ ﻭﺍﻟﻠﻪ ﻭﻟﺪﻱ ﻣﺎ ﻋﺠﺒﻨﻲ ﺣﺎﻟﻪ ﻛﻞ ﻳﻮﻡ ﻳﺠﻴﻨﻲ ﻳﺘﻘﺎﻃﺮ ﻣﻦ ﺑﺮﻩ ﻭﻧﺼﻞ ﻭﺍﻟﺤﺰﻥ ﻣﺴﻴﻄﺮ ﻋﻠﻴﻪ
ﺍﻧﺎ : ﻭﻧﺎ ﺷﻦ ﺫﻧﺒﻲ 😭😭 ﻣﺤﻤﺪ ﻋﺪﺍ ﻭﺳﻴﺒﻨﻲ ﻭﺗﻤﻴﺖ ﻣﻌﺶ ﻋﻨﺪﻱ ﻗﺮﺍﺭﺍﺕ ﺗﺨﺺ ﺣﻴﺎﺗﻲ ﺗﻤﺎ ﺍﻟﻜﻞ ﻳﻘﺮﺭ ﻋﻨﻲ ﻟﻴﺶ 😭
ﻋﻤﺘﻰ : ﺍﻧﺎ ﻣﻘﺮﺭﺕ ﺷﻲ ﻋﻠﻴﻚ ﻭﻋﺮﻓﺘﻪ ﻭﺍﻋﺮﻩ ﺑﺲ ﻭﻟﺪﻱ ﻗﺎﻋﺪ ﻳﻀﻴﻊ ﻣﻨﻲ ﻭﺍﺣﺪ ﺭﺍﺡ ﻭﻻﺧﺮ ﻣﺎ ﻧﺒﻴﺶ ﻳﻠﺤﻘﻪ ﻗﺪﺭﻱ ﻣﻮﻗﻔﻲ ﺍﻧﺎ ﺍﻡ ﻣﺤﺮﻭﻗﻪ ﻋﻠﻰ ﺿﻨﺎﻫﺎ ﻭﺍﻧﺘﻲ ﺗﻮﺍ ﻋﻨﺪﻙ ﺑﻨﺎﺗﻚ ﻭﻓﺎﻫﻤﻪ ﻋﻠﻲ ﺷﻦ ﻧﺤﺲ
ﺍﻧﺎ : ﻭﺷﻦ ﺍﻟﻤﻄﻠﻮﺏ ﻣﻨﻲ 😢
ﻋﻤﺘﻰ : ﻭﺍﻟﻠﻪ ﻭﺍﻋﺮﻩ ﺣﺘﻰ ﻋﻠﻲ ﺑﺲ ﻫﻀﻪ ﻧﺼﻴﺐ ﻧﺒﻴﻚ ﺗﺎﺧﺬﻱ ﺑﻨﺎﺗﻚ ﻭﺩﺑﺸﻚ ﻭﺗﻌﺪﻱ ﻟﺸﻘﺔ ﺍﺣﻤﺪ ﻻﻥ ﻫﺬﻱ ﺗﻤﺖ ﺷﻘﺘﻚ
ﺍﻧﺎ : ﻻ ﻳﺎﻋﻤﺘﻰ ﻣﺎ ﻧﻘﺪﺭ 😭😭 ﻋﺎﺩﻱ ﻧﻀﻔﻠﻪ ﺍﻟﺸﻘﺔ ﻭﻧﻀﻤﻠﻪ ﺩﺑﺸﻪ ﻭﺣﺘﻰ ﻻﻭﻛﺎﻝ ﺍﻧﺪﻳﺮﻩ ﻟﻪ ﺑﺲ ﻧﻘﻌﺪ ﻓﻲ ﺷﻘﺘﻲ 😭😭
ﻋﻤﺘﻰ : ﺍﻧﺎ ﺣﻜﻴﺖ ﻫﻚ ﻋﻠﻰ ﺧﺎﻃﺮ ﺑﻨﺎﺗﻚ ﻣﺶ ﻋﻠﻰ ﺧﺎﻃﺮﻙ ﺍﻧﺘﻲ ﻭﻻ ﺍﺣﻤﺪ ﺑﻴﺶ ﻳﺘﺮﺑﻮ ﻓﻲ ﺟﻮ ﺍﺳﺮﻱ ﻭﻳﺎﺧﺬﻭ ﺣﻨﺎﻥ ﺍﻣﻬﻢ ﻭﺑﻮﻫﻢ ﻋﺎﺭﻓﻪ ﺗﻘﻮﻟﻰ ﻣﺤﻤﺪ ﻫﻮ ﺑﻮﻫﻢ ﺑﺲ ﻣﺤﻤﺪ ﺍﻟﻠﻪ ﻳﺮﺣﻤﻪ ﻭﻫﻮ ﻣﻮﺻﻲ ﺍﺣﻤﺪ ﻫﻮ ﺍﻟﻲ ﻳﺮﺑﻲ ﺑﻨﺎﺗﻪ ﻭﻧﺤﻨﺎ ﻗﺎﻋﺪﻳﻦ ﻧﻔﺬﻭ ﺍﻟﻮﺻﻴﻪ ﻣﺶ ﺗﺒﻲ ﻣﺤﻤﺪ ﻳﺘﺮﻳﺢ ﻓﻲ ﻗﺒﺮﻩ ﻣﻌﻨﺎﺗﻪ ﻧﻔﺬﻱ ﻭﺻﻴﺘﻪ
ﺍﻧﺎ : ﺣﺎﺿﺮ ﺑﺲ ﻋﻄﻴﻨﻲ ﺷﻮﻱ ﻭﻗﺖ ﺑﺲ 😢
ﻋﻤﺘﻰ : ﺗﻮﺍ ﻭﻻ ﺑﻌﺪﻳﻦ ﺡ ﺗﻤﺸﻲ ﻭ ﺍﻻﻓﻀﻞ ﺗﻌﺪﻱ ﻣﻦ ﺗﻮﺍ
ﺍﻧﺎ : ﻋﻠﻰ ﺍﻗﻞ ﻧﻘﻮﻟﻮ ﻻﺣﻤﺪ ﺑﻴﺶ ﻳﻘﻌﺪ ﻋﻨﺪﻩ ﺍﻟﻌﻠﻢ
ﻋﻤﺘﻰ : ﻫﻮ ﻣﺶ ﺡ ﻳﺤﻜﻲ ﻻﻥ ﻫﻀﻪ ﺍﻟﺼﺢ ﻋﺪﻱ ﺳﻠﻢ ﺑﻨﺘﻲ
ﺍﻧﺎ : ﺻﺒﻴﺖ ﺭﻗﻴﺖ ﺍﻟﺸﻘﺔ ﻭﻗﻌﺪﺕ ﻧﺒﻜﻲ ﻧﻴﻦ ﺣﺴﻴﺖ ﺭﻭﺣﻲ ﺍﺭﺗﺨﻴﺖ ﺭﻗﺪﺕ ﻭﻭﻋﻴﺖ ﺑﻌﺪﻫﺎ ﺑﺴﺎﻋﺔ ﻭﺗﻤﻴﺖ ﻧﻠﻢ ﻓﻲ ﺩﺑﺸﻲ ﻭﺩﺑﺶ ﺍﻟﺒﻨﺎﺕ ﻭﻭﺩﻋﺖ ﺷﻘﺘﻲ ﻭﻋﻤﺘﻰ ﻋﻄﺘﻨﻲ ﻣﻔﺘﺎﺡ ﺷﻘﺔ ﺍﺣﻤﺪ ﺧﺸﻴﺖ ﻟﻘﻴﺘﻬﺎ ﺣﺎﻳﺴﻪ ﻭﻣﻘﻠﻮﺑﻪ ﻋﻠﻰ ﺑﻌﻀﻬﺎ ﻗﻠﺐ ﻭﻧﺒﺪﺍ ﻧﻈﻒ ﻭﻧﺴﻴﻖ ﻭﻧﻠﻤﻊ ﻧﺰﻟﺖ ﻋﻠﻰ ﺍﻟﻌﺸﺮﺓ ﺗﻌﺸﻴﺖ ﻟﻮﻃﻰ ﻛﻨﺖ ﻣﻴﺘﻪ ﺟﻮﻉ ﺑﻄﻠﺖ ﻭﻧﺎ ﻧﻈﻒ ﻭﻋﻤﺘﻰ ﺧﺬﺕ ﻣﻨﻲ ﻣﻔﺘﺎﺡ ﺷﻘﺘﻲ ﻭﻗﺎﻟﺘﻠﻲ ﺗﻮﺍ ﺷﻘﺔ ﺍﺣﻤﺪ ﻫﻲ ﺷﻘﺘﻚ ﻓﻲ ﺧﺸﺖ ﺍﺣﻤﺪ .
ﺍﺣﻤﺪ : ﻛﻨﺖ ﺟﺎﻱ ﻣﻦ ﺍﻟﻤﺴﺘﺸﻔﻰ ﺑﺎﻃﻞ ﻭﻧﺨﺶ ﻧﺴﻤﻊ ﺍﻣﻲ ﺗﻘﻮﻝ ﻟﺒﺸﺮﻯ ﺷﻘﺔ ﺍﺣﻤﺪ ﺗﻮﺍ ﻫﻲ ﺷﻘﺘﻚ ﺣﺴﻴﺖ ﺍﻟﺪﻧﻴﺎ ﻧﺴﻮﺩﺕ ﻓﻲ ﻭﺟﻲ ﺑﺮﻣﺖ ﻻ ﺳﻠﻤﺖ ﻻ ﺣﻜﻴﺖ ﻭﺭﻗﻴﺖ ﻟﻠﺸﻘﺔ
ﺍﻧﺎ : ﺑﺎﻟﻚ ﻳﺎﻋﻤﺘﻰ ﺍﺿﺎﻳﻖ ﻭﻣﺎ ﻳﺒﻴﺶ ﻧﻘﻌﺪﻭ ﻣﻌﺎﻩ ﻗﺘﻠﻚ ﻗﻮﻟﻴﻠﻪ ﻗﺒﻞ
ﺍﺣﻤﺪ : ﺭﻗﻴﺖ ﺍﻟﺸﻘﺔ ﻛﺎﻧﺖ ﻧﻈﻴﻔﺔ ﻭﻣﻨﻈﻤﺔ ﻭﻛﺎﻥ ﻓﻲ ﺷﻨﺎﻃﻲ ﺷﻜﻠﻬﺎ ﺩﺑﺶ ﺑﺸﺮﻯ ﻭﺍﻟﺒﻨﺎﺕ ﻭﺗﻤﻴﺖ ﻧﻔﻜﺮ ﺷﻦ ﻧﺪﻳﺮ ﻭﻛﻴﻒ ﺡ ﻧﺼﺮﻑ ﻣﻌﺎﻫﻢ
ﻋﻤﺘﻰ : ﺷﻦ ﻧﺒﻲ ﻧﻘﻮﻻ ﻣﺮﺗﻚ ﺗﻘﻌﺪ ﻓﻲ ﺷﻘﺘﻚ ﻭﻻ ﻷ ﻣﺘﺼﺤﺶ ﺑﺮﻱ ﺳﻠﻢ ﺑﻨﺘﻲ ﺧﻮﺫﻱ ﺑﻨﺎﺗﻚ ﻭﺍﺭﻗﻲ ﻟﺸﻘﺘﻚ ﻭﺷﻮﻓﻲ ﺭﺍﺟﻠﻚ ﺷﻦ ﻳﺒﻲ ﻭﻛﺎﻥ ﻫﻚ ﺍﻧﺰﻟﻲ ﻭﺗﻴﻠﻪ ﻋﺸﺎﺀ ﻫﻨﺎ ﻭﺑﻜﺮﻩ ﺗﻮﺍ ﻧﻘﻮﻻ ﻳﻌﺒﻲ ﺍﻟﺸﻘﺔ ﺷﺒﻴﺰﻩ
ﺍﻧﺎ : ﺣﺎﺿﺮ ﻣﻮﺩﻩ ﻣﻌﻠﺶ ﻧﺘﻌﺒﻚ ﺷﻴﻠﻲ ﺍﻳﺎﺕ ﻭﺍﻧﺎ ﻧﺎﺧﺬ ﻣﻼﻙ
ﻣﻮﺩﻩ : ﻫﻴﺎ ﺗﻌﺎﻟﻲ ﺣﺒﻴﺒﺖ ﻋﻤﻴﻤﺔ ﺍﺯﻙ ﻟﻲ ﻃﺸﻮﻧﻪ
ﺍﻧﺎ : ﺭﻗﻴﺖ ﻭﻧﺎ ﻧﺮﻋﺶ ﻭﺧﺎﻳﻔﺔ ﺷﻦ ﺭﺍﻳﻚ ﻧﺮﻧﻮ ﺍﻟﺠﺮﺱ ﻣﺮﺍﺕ ﻳﻀﻴﻖ ﻛﺎﻥ ﺣﻠﻴﻨﺎ
ﻣﻮﺩﻩ : ﺗﻲ ﺣﻠﻲ ﺍﻱ ﻳﻀﺎﻳﻖ
ﺍﻧﺎ : ﻻﻻ ﻫﺎﻛﻲ ﺣﻠﻲ ﺍﻧﺘﻲ ﺍﺧﺘﻪ ﻓﻴﻬﺎ ﻣﺎ ﻓﻴﻬﺎ ﻟﻜﻦ ﻧﺎ
ﻣﻮﺩﻩ : ﺍﻧﺘﻲ ﻣﺮﺗﻪ ﻛﻨﻚ ﻳﺎﺑﻴﺸﻮ
ﺍﻧﺎ : ﻣﻮﺩﻩ ﺍﻟﻠﻪ ﻳﺮﺑﺤﻚ ﻣﺎ ﺗﺒﺪﻳﺶ ﺣﺘﻰ ﺍﻧﺘﻲ
ﻣﻮﺩﻩ : ﺗﻤﺎﻡ ﻫﻴﺎ ﺟﻴﺒﻲ ﻫﺎ ﺍﻟﻤﻔﺘﺎﺡ
ﺍﻧﺎ : ﻛﻨﺖ ﺧﺎﻳﻔﺔ ﻭﻧﺮﻋﺪ ﺗﻘﻮﻝ ﻭﺍﺣﺪ ﻛﺎﺑﺲ ﻋﻠﻰ ﻣﻊ ﺻﺎﺣﺒﻲ 😂😂 ﺣﻠﺖ ﻣﻮﺩﻩ ﻭﺧﺸﺖ ﺣﻜﺖ ﺷﻮﻱ ﻣﻊ ﺍﺣﻤﺪ ﻭﺑﻌﺪﻫﺎ ﻧﺰﻟﺖ ﻭﻧﺎ ﺗﻤﻴﺖ ﻧﺪﻭﺭ ﻛﻴﻒ ﺍﻟﻲ ﺭﺍﻳﺤﺔ ﻣﻨﻲ ﺷﻲ ﺣﺎﺟﺔ ﻭﻫﻮ ﻻ ﺣﻴﺎﺓ ﻟﻤﻦ ﺗﻨﺎﺩﻱ ﻣﻌﺶ ﻓﻴﻬﺎ ﺿﺮﻭﺭﻱ ﻧﺤﻜﻲ
ﺍﺣﻢ ﺍﺣﻤﺪ ﻧﺒﻲ ﻧﺴﺎﻟﻚ ﻭﻳﻦ ﺡ ﻧﻘﻌﺪ ﻧﺎ ﻭﺍﻟﺒﻨﺎﺕ
ﺍﺣﻤﺪ : ﻛﻨﺖ ﻧﺤﻖ ﻓﻴﻬﺎ ﻛﻴﻒ ﻣﺘﻮﺗﺮﺓ ﻭﻫﻲ ﺑﺮﻭﺣﻬﺎ ﻣﻀﺎﻳﻘﺔ ﺿﺎﻕ ﻋﻠﻤﻲ ﺑﺎﻟﺰﺍﻳﺪ ﻭﺑﻌﺪﻫﺎ ﺳﺄﻟﺘﻨﻲ ﻭﻳﻦ ﻳﺮﻗﺪﻭ ﺍﺣﻢ ﻓﻲ ﺍﻟﺪﺍﺭ
ﺍﻧﺎ : ﺍﻫﺎ ﺍﻳﻦ ﺩﺍﺭ
ﺍﺣﻤﺪ : ﺍﻟﺪﺍﺭ ﺍﻟﻲ ﺗﻌﺠﺒﻚ
ﺍﻧﺎ : ﻣﺎﻭ ﺍﻛﻴﺪ ﻓﻲ ﺩﺍﺭ ﻟﻚ ﺑﻴﺶ ﻧﺒﻲ ﻧﻈﻢ ﺩﺑﺶ ﺍﻟﺒﻨﺎﺕ ﻭﺩﺑﺸﻲ
ﺍﺣﻤﺪ : ﺍﻟﺠﻨﺎﺡ ﻫﻀﻪ ﻣﺴﺘﻌﻤﻠﺘﺶ ﺗﻘﺪﺭﻱ ﺗﺎﺧﺬﻱ ﺭﺍﺣﺘﻚ ﻓﻲ
ﺍﻧﺎ : ﻋﺪﻳﺖ ﺷﻮﺭ ﺍﻟﺠﻨﺎﺡ ﻧﻈﻤﺖ ﺍﻟﺪﺑﺶ ﻭﺭﻗﺪﺕ ﺍﻟﺒﻨﺎﺕ ﻭﺑﻌﺪﻫﺎ ﻗﻠﺖ ﻧﻌﺪﻱ ﻧﺸﻮﻑ ﻣﺮﺍﺕ ﻳﺒﻲ ﻳﺘﻌﺸﺎ
ﺍﺣﻤﺪ ﻧﺪﻳﺮﻟﻚ ﻋﺸﺎ
ﺍﺣﻤﺪ : ﻻ ﺷﻜﺮﺍ ﻧﺎ ﻃﺎﻟﻊ ﺗﻮﺍ
ﺍﻧﺎ : ﺗﻤﺎﻡ ﺗﺼﺒﺢ ﻋﻠﻰ ﺧﻴﺮ ﻭﻋﺪﻳﺖ ﻟﻠﺪﺍﺭ ﻭﻣﻌﺮﻓﺘﺶ ﻧﺮﻗﺪ ﺍﻟﻠﻴﻞ ﻛﻠﻪ ﻭﻧﺎ ﻭﺍﻋﻴﻪ ﻭﻋﻠﻰ ﺍﻟﻔﺠﺮ ﻫﻮ ﺭﻭﺡ ﺑﺤﺘﺖ ﻣﻦ ﺭﻭﺷﻦ ﺍﻟﺪﺍﺭ ﻟﻘﻴﺘﻪ ﻧﺎﺯﻝ ﻣﻦ ﺍﻟﺴﻴﺎﺭﺓ ﻳﺘﻘﺎﻃﺮ ﻻ ﺣﻮﻝ ﺍﻟﻠﻪ ﺍﻟﺠﻮ ﻣﺴﻘﻊ ﻣﻦ ﺟﺪﻩ ﻫﻀﻪ ﺷﺨﺺ ﻣﺶ ﻣﺴﺆﻭﻝ ﺑﻜﻞ 😡
ﺍﺣﻤﺪ : ﻃﻠﻌﺖ ﻣﻦ ﺍﻟﺸﻘﺔ ﻟﻠﺒﺤﺮ ﻋﻤﺖ ﻧﻴﻦ ﺑﻄﻠﺖ ﻭﺑﻌﺪﻫﺎ ﺭﻭﺣﺖ ﻋﻠﻰ ﺍﻟﻔﺠﺮ ﺭﻗﻴﺖ ﻟﻠﺸﻘﺔ ﻭﺩﺭﺕ ﺣﻤﺎﻡ ﺳﺎﺧﻦ ﻭﺑﻌﺪﻫﺎ ﺭﻗﺪﺕ ﻭﻋﻴﺖ ﻋﻠﻰ ﺍﻟﺜﻤﺎﻧﻴﺔ ﻋﺪﻳﺖ ﻟﻠﻤﺴﺘﺸﻔﻰ ﻗﻌﺪﺕ ﺍﺳﺒﻮﻉ ﻧﻔﺲ ﺍﻟﻨﻈﺎﻡ
ﺍﻧﺎ : ﺛﺎﻧﻲ ﻳﻮﻡ ﻭﻋﻴﺖ ﺳﺒﺤﺖ ﺍﻟﺒﻨﺎﺕ ﻭﺑﺪﻟﺖ ﺩﺑﺸﻲ ﻭﻃﻠﻌﺖ ﻣﻦ ﺍﻟﺪﺍﺭ ﺗﻤﻴﺖ ﻧﺪﻭﺭ ﺷﻮﻱ ﺧﻔﺖ ﻳﻜﻮﻥ ﻣﺎﺯﺍﻝ ﻓﻲ ﺍﻟﺸﻘﺔ ﺗﻤﻴﺖ ﻧﻤﺸﻲ ﺑﺸﻮﻱ ﻭﻋﺪﻳﺖ ﻟﻠﺪﺍﺭ ﺣﻠﻴﺖ ﺍﻟﺒﺎﺏ ﻛﺎﻧﺖ ﻓﺎﺿﻴﺔ ﻧﻈﻔﺘﻬﺎ ﻭﺑﻌﺪﻫﺎ ﻋﻴﻄﺖ ﻟﻰ ﻣﻮﺩﻩ ﺗﺎﺧﺬ ﻭﺍﺣﺪﻩ ﻣﻦ ﺍﻟﺒﻨﺎﺕ ﻭﻧﺰﻟﻨﺎ ﻗﻌﺪﻧﺎ ﺍﻟﻴﻮﻡ ﻛﻠﻪ ﻭﻗﻌﺪﻧﺎ ﺍﺳﺒﻮﻉ ﻋﻠﻰ ﻧﻔﺲ ﺍﻟﻨﻈﺎﻡ ﻭﻋﻤﺘﻰ ﻣﻐﻴﺮ ﺗﺤﻦ ﻋﻠﻰ ﺭﺍﺳﻲ ﻗﻠﺖ ﺧﻼﺹ ﻣﻌﺶ ﻓﻴﻬﺎ ﺗﻮﺍ ﻧﺮﺟﺎ ﻟﻌﻨﺪ ﻳﺠﻲ ﻭﻧﺤﻜﻲ ﻣﻌﺎﻩ ﻭﻧﻔﺲ ﺍﻟﻘﺼﺔ ﺟﺎﺀ ﻋﻠﻰ ﺍﻟﻔﺠﺮ
ﺍﺣﻤﺪ : ﺍﻭﻝ ﻣﺎ ﺧﺸﻴﺖ ﻟﻘﻴﺖ ﺑﻴﺸﻮ ﻗﺎﻋﺪﺓ ﻓﻲ ﺍﻟﺼﺎﻟﺔ ﻭﺷﻜﻠﻬﺎ ﻛﺎﻧﺖ ﺗﺮﺟﻰ ﻓﻲ
ﺍﻧﺎ : ﺍﺣﻤﺪ ﻧﺒﻲ ﻧﺤﻜﻲ ﻣﻌﺎﻙ ﺑﺲ ﺍﻻﻭﻝ ﻋﺪﻱ ﺑﺪﻝ ﺩﺑﺸﻚ ﺍﻟﻲ ﻗﺎﻋﺪ ﻳﺘﻘﺎﻃﺮ
ﺍﺣﻤﺪ : ﺗﺮﻳﺤﻲ ﺗﻮﺍ ﻭﺑﻜﺮﻩ ﻧﺤﻜﻮ
ﺍﻧﺎ : ﺑﻜﺮﻩ ﺍﻣﺘﻰ ﻋﻠﻰ ﺍﻟﻔﺠﺮ ﻧﻔﺲ ﺍﻟﻴﻮﻡ ﻭﺑﻌﺪﻙ ﻧﺎ ﻣﺶ ﻗﺎﻋﺪﺓ ﻧﺮﺟﻰ ﻫﻀﻪ ﻛﻠﻪ ﻭﻓﻲ ﻻﺧﻴﺮ ﺗﻘﻮﻟﻲ ﺑﻜﺮﻩ ﻭﻛﻨﺖ ﻧﺤﻜﻲ ﻭﻧﺎ ﻣﻌﺼﺒﺔ
ﺍﺣﻤﺪ : ﺍﻭﻻ ﺑﻌﺪ ﺗﺤﻜﻲ ﻣﻌﺎﻱ ﻣﺘﻌﻠﻴﺶ ﺻﻮﺗﻚ ﻭﺛﺎﻧﻴﺎ ﻛﻨﺘﻲ ﻛﻠﻤﺘﻲ ﻭﻗﻠﺘﻲ ﺗﺒﻲ ﺗﺤﻜﻲ ﻛﻨﺖ ﺟﻴﺖ ﺑﺪﺭﻱ
ﺍﻧﺎ : ﻋﻴﻮﻧﻲ ﺑﺪﻭ ﻳﺪﻣﻌﻮ ﻣﺶ ﺍﻧﺖ ﺑﺲ ﺍﻟﻤﺠﺒﻮﺭ ﻋﻠﻰ ﺍﻟﻤﻮﺿﻮﻉ ﻫﻀﻪ ﺣﺘﻰ ﻧﺎ ﻛﻴﻔﻚ ﺑﺲ ﻧﺎ ﻋﻠﻰ ﺍﻻﻗﻞ ﻗﺎﻋﺪﺓ ﻧﺤﺎﻭﻝ ﻧﺪﻳﺮ ﺍﻟﻲ ﻳﺒﻲ ﻣﺤﻤﺪ ﺍﻧﺖ ﺷﻦ ﺩﺭﺕ ﺍﻩ ﺣﺘﻰ ﺑﻨﺎﺕ ﺧﻮﻙ ﺑﺎﻟﻜﺬﺏ ﻣﺎ ﺑﺤﺘﺖ ﻓﻴﻬﻢ ﻭﻛﻞ ﻳﻮﻡ ﺗﻌﺪﻱ ﻟﻠﺒﺤﺮ ﻭﺗﺮﺩ ﻋﻠﻰ ﺍﻟﻔﺠﺮ ﻭﺍﻧﺖ ﺗﻘﺎﻃﺮ ﺷﻦ ﺗﺒﻲ ﺗﺜﺒﺖ ﻟﺮﻭﺣﻚ ﺍﻩ
ﺍﺣﻤﺪ : ﺍﻧﺘﻲ ﺷﻦ ﺗﺒﻲ ﺑﻀﺒﻂ ﺍﻩ ﺷﻦ ﺗﺒﻲ 😡
ﺍﻧﺎ : ﺑﺪﻳﺖ ﻧﻌﻠﻲ ﻓﻲ ﺻﻮﺗﻲ ﻭﻧﻔﺠﺮﺕ ﻓﻲ ﺍﻧﺎ ﻣﺎﻧﺒﻲ ﻣﻨﻚ ﺷﻲ ﺑﺲ ﻧﻔﺬ ﺍﻟﻮﺻﻴﺔ ﻭﻻ ﻫﻲ ﻣﺎ ﺗﻨﻔﺬ ﺍﻻ ﻋﻠﻰ ﺭﺍﺳﻲ ﻧﺎ ﻛﻞ ﻳﻮﻡ ﻋﻤﺘﻰ ﺗﻘﻌﺪ ﺗﺤﻦ ﻋﻠﻰ ﺍﻧﺎ ﺷﻦ ﺫﻧﺒﻲ ﺣﺘﻰ ﻧﺎ ﺍﻧﺴﺎﻧﺔ ﻣﺶ ﻟﻌﺒﺔ ﺗﺤﻜﻮ ﻓﻴﻬﺎ ﻛﻴﻒ ﻣﺎ ﺗﺒﻮ
ﺍﺣﻤﺪ : ﺍﻧﺎ ﻭﺍﺻﻠﻪ ﻣﻌﺎﻱ ﻟﻬﻨﺎ 😡
ﺍﻧﺎ : ﻛﺎﻥ ﻣﺶ ﻗﺎﺩﺭ ﺗﺤﻤﻞ ﻣﺴﺆﻭﻟﺔ ﺑﻨﺎﺗﻲ ﻧﺎ ﻧﻤﺸﻲ ﻟﻬﻠﻲ ﻧﻌﺮﻑ ﻧﺮﺑﻴﻬﻢ ﺑﺮﻭﺣﻲ ﻣﺶ ﻣﺤﺘﺎﺟﺔ ﺍﻱ ﺣﺪ ﻳﺴﺎﻋﺪﻧﻲ
ﺍﺣﻤﺪ : ﺑﺸﺮﻯ 😡 ﺧﻼﺹ ﻗﻠﻨﺎ ﺷﻦ ﺗﺒﻲ
ﺍﻧﺎ : ﺷﻦ ﻧﺒﻲ 😭😭 ﺍﻟﺸﻘﺔ ﺍﻟﻔﺎﺿﻴﺔ ﻫﺬﻱ ﻣﺎ ﻓﻴﻬﺎ ﺣﺘﻰ ﻛﺒﺎﻳﺖ ﻋﺼﻴﺮ ﻭﺍﻟﺒﻨﺎﺕ ﻳﺒﻮ ﺣﻠﻴﺐ ﻭﺑﺎﻣﺒﺮﺯ ﺍﺻﻼ ﺷﻦ ﻫﻮ ﺍﻟﻲ ﻓﻲ ﻫﻦ ﻋﻠﻰ ﺍﺳﺎﺱ ﺗﺒﻲ ﺗﺤﻤﻞ ﻣﺴﺆﻭﻟﻴﺔ ﺍﻧﺖ ﻣﺶ ﺷﺎﻃﺮ ﻏﻴﺮ ﻓﻲ ﺍﻟﻌﻮﺍﻣﻪ ﻭﻋﺪﻳﺖ ﻭﺳﻴﺒﺘﻪ ﺧﺸﻴﺖ ﺩﺍﺭ ﺗﻤﻴﺖ ﻧﺒﻜﻲ ﻟﻌﻨﺪ ﻧﻴﻦ ﺭﻗﺪﺕ
ﺷﻦ ﺡ ﻳﺼﻴﺮ ﺍﺣﻤﺪ ﺷﻦ ﺡ ﻳﺪﻳﺮ ﻫﻀﻪ ﺍﻟﻲ ﺡ ﻧﻌﺮﻓﻮ ﻓﻲ ﺍﻟﺤﻠﻘﺔ ﺍﻟﻘﺎﺍﺍﺍﺍﺩﻣﺔ
ﺑﻠﻴﻴﻴﻴﻴﻴﺰ ﻻﻳﻚ ﻭﺗﻌﻠﻴﻖ 😉