صدمة وراء صدمة 💔

البارت الثامن

منى : ألو
المتصل : الو
منى : من معايا ووين أحمد
المتصل : الشاب صاحب التليفون هو وصاحبه داروا حادث وتوا موجودين في مستشفى&&&&&
منى طاح من الفون ودار صوت.
الجدة : بسم الله كنك
منى : لا لا لااااااااااااا مستحيل
الجدة : شن في
منى تبكي وتعيط : يا منى دائما حادث حتى يبوا يضربوني اااااااااه يا رب يا رب ألطف بيهم ياااااااااارب
الجدة : يا ناعلي اتصلي وجدتك بسرعة
منى مسكت التليفون وترعش : الو يا جدو
الجد : ها عيون جدو
منى تبكي
الجد : شن في
الجدة خذت الفون : بسرعة تعال أحمد ومحمد دارنا حادث
الجد : لا حول ولا قوة الا بالله يستر الله هي جاي
منى تبكي : معقولة يا حني يخشوا ويسيبوا هذوم سندي لا لاااا مستحيييييييل
الجدة ضمتها لهاا : إن شاء الله خير
جا الجد وخذا منى وطلع هو وياهااا وصلوا للمستشفى
منى تجري وصلت لقت عمر مقعمز في منى واحد ايديه ع شعره
منى مشت تجري : وين وينهمم وين أحمد ومحمد
عمر رفع راسه : في الغرفة
قمعزت وقعدت تبكي وحضنهاا جدهاا : إن شاء الله خير يا بنتي ادعي بس
منى : إن شاء الله 😭
قعدوا نص ساعة وطلع الدكتور
منى مشت تجري : شن صار يا دكتور
الدكتور : الحمدلله وضعهم مستقر
منى  : باهي عادي ندخللهم
الدكتور : تفضلي بس خمس دقايق
منى : تمام ومشت تجري ولحقهاا عمر
الجد : مشكور يا دكتور
الدكتور : العفو هذا واجبي
الجد : امتى يقدروا يطلعوا
الدكتور : تقدر توقع ع أوراق الخروج من بكرا
الجد : تمام
خشت منى للغرفة عند أحمد لقاه يفتح في عيونه
منى مسكت يده وتبكي : الحمدلله ع سلامتك كنت رح نموت لو مشيت وسيبتني انت ومحمد سندي الوحيد
احمد ضحك : الحمدلله وكيف ما وعدتك مستحيل نسيبوك  انتِ أختنا الوحيدة
عمر : الحمدلله ع سلامتكم يا برو
احمد : تسلم يا غالي
منى : أحمد انا بنمشي نشوف محمد شوي باهي
احمد : عدي وطمنيني عليه
منى : تمام
مشت منى لـ محمد
خشن قمعزت جنبه ع السرير
منى حطت يدها ع راسه : محمد حمادي هي نوض احمد ناض رااه
محمد يفتح في عيونه شوي شوي : آخ شن صار
منى : درت حادث
محمد : اهااا صح وين أحمد
منى : احمد بالغرفة يلي جنبك كويس توا كنت عنده
محمد : لا انا بنشوفه بعيوني
منى : قمعز انت محتاج راحة
محمد : ساعديني بس نوقف
منى: هي بسم الله
وأستند عليهاا ومشوا لغرفة احمد
عمر وقف يجري يسند في محمد : تي كيف تطلع من غرفتك انت
محمد : خطوني
محمد دفهم ومشى لأحمد
محمد : صارلك شي
احمد : لا
محمد : في شي يوجع فيك
احمد : لا
محمد : الحمدلله سامحني أنا كنت متهور
احمد : والله ما فيا شي
عمر : خلاص فكوناا من جو الدراما
منى : اسمعوا أنتم الإثنين انا اليوم نبات هنا معاكم
عمر : لا لا لازم تروحي الحوش
منى : شدخلك مش شوري بنقعد معاهم نعش نسيبهم ولا دقيقة
عمر : باهي😐
تسريع الأحداث
مرن الأيام وطلعوا من المستشفى
منى يومياً تكلم في بوهاا وتسأل ع امها وتحاول أن تكون قويه ودارت امتحاناتها وكملت
احمد يحاول أن يقوي أخته ويقرا عشان شهادة ثانوية
محمد يمشي للجامعة ويحضر لمشروع تخرجه ويشيك ع شركة بوه وحامل هم خوته لأن أكبر منهم
الاب شايل هممم كبييير ع كتافه ويحاول أنه يكون متفائل مع أنه الدكاترة ما يعطوا فيه امل
الأم تتوقع أن تصيرلهاا اي حاجة في أي وقت وهي راضية بالي كاتبه ربي
عمر قرب من منى وحصل رقمها يحكي معاها ويفضض لهاا ويحس بشعور غريب تجاه منى