صدمة وراء صدمة 💔

البارت التاسع

محمد : خير شن في يا بوي امي فيهاا شي
الاب : يا وليدي شن بنقولك
محمد : احكي احكي يا بوي
الاب: البقاء لله أمك عطاتك عمرها عارفها يا وليدي صعبة حتى أنا مازلت ما أستوعبت صبر أختك يا وليدي ورد بالك منهاا وانا بكرا نروح
محمد ماسك التليفون وما حكى شي قعد ساكت ويسمع لعند ما نزلت دموعه : لا حول ولا قوة الا بالله وسكر الخط
خش عليه عمر : محمد بنمشوا....
عمر: كنك تبكي شن صاار
محمد ساكت
عمر : احكي شن في خالتي صارلهااا شي أحكي
محمد : أمي عطاتك عمرها
عمر عيونه دمعن: لا حول ولا قوة الا بالله لا حول ولا قوة الا بالله توا بتقوللهم ولا كيف
محمد يبكي : لازم نقوللهم
عمر : باهي تمام توا هدي روحك شوي عارفهااا صعبة اقسم بالله بس عشان أختك وخوك يلي أصغر منك
محمد تنهد : باهي هياا
خش محمد لقاهم مقعمزين في دار المعيشة كلهم إلا منار ومنى
عمر : وين منى
الجدة : برا مع منار وملاك
خالتهم فاطمة : خير إن شاء الله كنهم عيونكم حمر
محمد : يا حني
عمر قاطعه : يا حني البقاء لله خالتي حنان عطاتك عمرها
الجدة انهارت : لا يا وليدي ما تقولهاش لا لا بنتي يا ربي وانهارت وتبكي
خالتهم فاطمة قعدت تبكي وتعيط: يا نا عليااا يا أختي مستحيييل لا
منى ومنار وملاك سمعوا صوت عياط خشوا يجروا وكان معاهم مروان وأحمد
منى لقتهم يبكوا نعش فهمت شي : شن في
أحمد شاف لمحمد لقاه يبكي وعمر يصبر فيه : محمد شن فييييي شن في
منى: شن في احكووووووووو احكووووو
ضمتها الجدة : يا نا علياا يا بنيتي راحت امككك راحت يا ناعلياااا مازلتي صغيرة
منى: شن تقولي شن تقولي مستحيييييل مستحيل مستحيل ماماا قالت إنها ح تتعافى مستحيييل ....مسكت محمد احكي قووول قووول أنك تكذب هيااا محمد قول الله يربحككك
محمد يبكي وحضنهاا ويمسح ع شعرهاا: سلم وخيتي بالله عليكك اصبري
أحمد يعيط : ههه انت كذااااااااب وأكبر كذاب مستحيييل مستحيييل امي يصير لهاا شي مستحيييييل
محمد : ما تزيدهاششش
منى : لااااااا يا ماما عليش مشيتي وسيبتني عليييييش عليشش يا ماما مازلت صغيرة لمن بنحكي ونفضفض لييش اااااااه يااااربي
محمد حضنهاا : اصبري يا خيتي اصبري
أحمد يعيط : مستحيييل شنو تصبر كذب امي ما ماتتش كذب الكلااام هذا كذب وطلع
محمد : أحمد أحمد
عمر : خليكك مع اختك محتاجتلك توا نلحقه انا

ملاك ومنار يبكوا ويعيطوا
جا الجد : شن في شن صاير
جاته منى تجري وضماته : يا نا علييااااا يا جدو راااحت راااااااااااحت ماما راااحت
الجد هبط عنده الضغط : شن شن تقولي يا بنتي
منى تبكي وتشهق : ماما ماتتتت ماتتت
طاح الجد ومسكت محمد وقعدت يخبط ع وجه : جدي جدي !
ورفعه للمستشفى
منى : يا ماما ليش رحتي ليييش كنتِ تضحكتي وتلعبي معاناا ما كانش فيككك شي شن صاار يا ربييييييي يا ربيييي نبي ماما نبي ماما راااحت مع من بنحكي طوول الليل من يلي بينصحني من يلي يساعدني في قرايتي من بتكون صاحبتي واختي وامي وكللللل شي وينكككك يا ماما
___________
عند أحمد
كان يجري بالسيارة قريب قلبهاا درس ع اليمين
وقعد يخبط في شباككك السيارة ويعيط : ااااااخ وينككككك يا أمي وينككك لييش رحتي وسيبتينااااا ليييييش ليش ليششش (ويبخط لعند كسر الشباككك وقعدت يده دم )
عمر : أحمد ربي يصبرككك عارفهااا واعرة عليككك لكن أصبر أصبر
أحمد : تي امي هذي عارف شن معنى امي أمي ما فيييشششش ححد يقدر يعوضني عليهاااااااا
عمر : اصبر عشاان أختك مازالك أختك راااه محتاجة من يصبرهااا توا لأن هذي أصعب فترة تمر بيهاااااا أختك يلي ما عندهااش لا خوات لا شي يعني امك كانت لهااا الان والأخت والصديقة
أحمد: انا نبي أمي محتاجهاااا نبيهاااا
عمر : هذا ابتلاء من الله ولازم ترضى بما قدر الله خلاص تعال اركب معايا نداويلك يدك
أحمد قعد يمشي وساكت والدموع ينزلن
_____________
8:50
الدكتور : بكرا تقدر تاخذ الجثمان
الاب تنهد : شكرا يا دكتور
الدكتور : هذا واجبي
____________
في المستشفى
نزل عمر وماسك معاه احمد وخشوا
أحمد خش للدكتور عشا يداويله الجرح
اما عمر قعد في منى وشاف لقى محمد
عمر : من قالك ع احمد
محمد : شن فيهههه احمد
عمر : ما فيه شي كسر شباك السيارة بيده وجوي نداويله فيهاا
محمد : باه
عمر : عليش جاي للمستشفى مالا كان مش عشان احمد
محمد تنهد : جدي طاح عليناا وهبط عنده الضغط
عمر : طلع الدكتور ولا لا
محمد: مازال ما طلع من الكشف
قعدوا شويه ويطلع الدكتور
محمد : شن صار يا دكتور جدي كويسس؟
الدكتور : والله شن بنقولك بسس الحاج جاته جلطه في الدماغ وإن شاء الله خير
عمر حط ايديه ع راسه : ياربييييي
محمد : باهي توا شن حالته
الدكتور : حالته مستقله ونقولوا الحمدلله الجلطة مش قوية يعني متوسطة
محمد : الحمدلله ع كل حال
طلع احمد لفين له يده ومجلس راسه ويمشي
محمد: هاا يدكك كويسه
أحمد: انا انكسرت
عمر : شنو
احمد قعمز في الممر ويبكي : انا انكسرت امي كسرتلي ظهري انا نبي نمووت نمووت ارحم يا ربببب لا إعتراض على حكمك يا ربب صبرني يا ريبي
عمر مسك احمد : هياا معاياا للحوش
أحمد يمشي والدموع في عيونه
اما محمد لما شاف خوه بالحاله هذي ابوه مسافر واخته يلي مش مستوعبه وتعيط وجده يلي فجأة تجيه جلطه تراكمت عليه الهموم وحس بمسؤوليه كبيييره وساكت وحس بغصه في قلبه لكن مضطر يمسك روحه لأنه في الوقت هذا يعتبر  سندهم الوحيد
خش ع جده : ها جدي شن تحس كويس
جده قعد يبكي ومش قادر يحكي
محمد تنهد : قدر الله وما شاء فعل يا جدي عارفها واعرة انا أمي هذي امي ولازم نصبر لازم
___________
في حوش جدهم ألتموا الجيران والأقارب ويلي يبكي ويلي متشمت ويلي ويلي ويلي
الجدة الدموع ينزلن وتبكي بحرقه
وفاطمة تبكي اختهاا صعبة علينااا فراقهاا
وملاك ومنا ر بكوا واجدد وبعدين سكتوا عشا يصبروا امهم ومنى منى يلي بكت بكت بكت وعيط لعند صوتها رااح وسكتت سكتت ومش راضيه تحكي مع حد ولا تحرك من مكان مقعمزة وساكته ويلي يجب بيبكي معاها دفن وتقوله كذب ماما مازالت عايشة
اما احمد يبكي بحرقه ع أمه ومش مستوعب وعيط وكسر كل شي يجي قدامه
عمر خذاه لحوشه
ورفعه لدار : تريح شوي وارقد
أحمد يخبط في الساس : كيف تبيني نرقد ونهدا مستحيييل مستحيييل انا نصدق أن امي ماتتت لييين نشوفهاا بعيوني
عمر طلع وسيبه في دار عشان يبيه يقعد بروحه ويهدا وبدت يساعد في محمد يجيبوا في الخيمة وكل شي
_______
اليوم الثاني
طبعاً ما فيش حد رقد من ليله أمس وكل واحد يهدي في الآخر
وصل الاب لـِ ليبيا ووصل بالجثمان العزاء
محمد شاف باته مشى يجري وحضنه
الاب يبكي : كنت نقول توا نروح بيهاا كويسة ليبيا ما نحساب روحي نجيبهاا ميته يا وليدي
محمد عيونه دمعن : ربي يصبرناا يا بوي والله فراقهاا واعر
الاب : وين أختك إن شاء الله كويسة ووين أحمد
محمد تنهد : أختي بكتت وبكت وبكت لييين تعبت وسكتت مرة وحدة معش تكلمت بكل ومازالت مش مستوعبه انهاا ماتت وتقول كذب اما احمد كسر وخبط وعيط ويقول كذب وبكى ليييين تعب وحذاه عمر لحوشناا وتوا قاعد مقعمز في الجنان مش مستوعب
الاب : لا حول ولا قوة الا بالله ربي يصبرنااا
خش الاب للجنان لقى أحمد..........
يتبع

الكاتبه : Shødy SMF