صدمة وراء صدمة 💔

البارت الأول

في صباح أحد الأيام الممطرة من مدينة بنغازي 🌧

الأم : نوضي يا منى هي الساعة 11 نوضي سلم بنيتي
منى : باهي يا ماما شوية بس خليني نرقد شوي 😴
الأم:نوضي ظهر جمعة نبو نمشوا ل عيت جدك
منى(نقزت من ع السرير ) : بالحق يا ماما نمشوا لعيت جدي ؟؟
الأم : مالا نكذب تشوفي في من عمرك 😐
منى: حشاك يا ماما بس فرحانة 😅
الأم : ههههه هي سلم بنتي نوضي غيري دبشك
منى : هي هي ثواني بس 😊

تعريف بالشخصيات:-
البطلة منى
عمرها 16 سنة تقرا أولى ثانوي شعرها طويل وحرير و أسود عيونها عسليات بشرتها بيضة قصيرة تحب تمشي لعيت جدهاا اهل امها وصديقاتها. مرام وملاك ومنار
عائلة منى :
الأم ...حنان 40 سنة عيونها عسليات وشعرها حرير بس مش طويل ومنى طالعة لأمها طبعاً اسم ع مسمى حنونة بكل

الاب.. عبدالله 48 سنة بشرته حنطاوية طيب وعصبي ومدلع منى آخر دلع

الاخ الأكبر... محمد 23 سنة عصبي بشرته كيف بشرة بوه وعيونه نفس عيون أمه وشعره ناعم وطويل و وسيم البنات كلهن يجرن وراه بس هو ما عنداش ع جو العلاقات

الأخ الاصغر ...أحمد عمره 18 يشبه ل خوه محمد بس عيونه لونهم اسود ديما يتعارك مع منى على أتفه الأشياء لكن طيب عنده على جو البنات ما فيش بنت مش ضاحك عليها

نرجعوا للرواية :

غيرت منى دبشها ولبست كيف الصورة 🌸
نزلت من دارها وخشت للمطبخ
منى : صباح الخير بابا😊💗
الأب : صباح النور يا عيون بابا 💛
الأم : هي منى قمعزي أفطري وامشي نوضي خوتك
منى : حاضر 🙂
فطرت منى ومشت لي دار محمد ..
منى : محمد حمادي مادي مودي
محمد : تي كنك ع الصبح ازح 😴
منى : نوض نوض هي نبو نمشوا لعيت جدي نوض بلا كسل😆
محمد : باهي يا سكانه
منى : مش سكانه أنا 🙄
محمد : باهي اقلبي وجك
منى : مانبيش لعند تقول لي مش سكانه
محمد : سكانه ونص 😏
منى (قعمزت ع السرير ) : مش قلت سكانه معناها مانبيش نطلع هي كان سكانه 😑
محمد ( ناض وقف قدامها و شالها وطلعها من الدار وسكر الدار وقال من ورا الباب 😂) : ما يمشي معاك إلا هك انتِ
منى : توا نوريك يا محمد حسابك معاي ☹
مشت للمطبخ خذت كباية اميه ومشت ل دار احمد لأن أحمد كسول ومستحيل ينوض الا بالطريقة هذي خشت الدار بشويش ومشت حذا راسه وكبت الميه عليه ناض يعيط
أحمد : شني شني شن في 😨
شاف منى طلعت لسانها وطلعت تجري
احمد ( طلع يجري وراها ويعيط ) : والله نوريك يا كلبه
منى : ما نقدرش توصل فيا وطلعت لسانها 👅
وصلت الصالة لقت باتها يلبس في كندرته
الأب( أول ما سمع العياط شاف وراه لقى منى تجري واحمد يجري وراها )
جت منى ورا باتها وتقول : بابا بابا يبي يضربني فكني منه
الأب : أحمد معقولة تبي تضربها
أحمد : يا باتي بزعت علي اميه🙁
الأب: صح صدقت فيك انت هكي ويا الله تنوض
منى ( طلعت لسانها ) : تستاهل مووووت قهر 😏
الأب: خلاص يا منى امشي وتي روحك نبو نطلعوا وأحمد انت ومحمد ألحقونا بسيارة محمد
احمد : حسابك معاي بعدين
مشت منى لبست وشاحها وطلعت مع أمها وباتها
وصلوا لحوش عيت جدهاا و نزلت
طقطقت الباب طولوا ما حلوا
منى : هذووم طرش وللا شني بس
ينفتح الباب ع كلمتها وانصدمت😳 لقت.....

يتبع.

Shødy SMF🍃💗 :للكاتبة