بعد الليله الطويلة والمتعبه يلي مرت بيها منى
جا تاني يوم 12 ظهرا
الأم: منى منى نوضي بنتي هيا لين توا راقده غريبه
منى: بالله عليك يا ماما خليني نرقد
الأم: كنك يا منى مش عاجبتني
منى: لالا شوي تعب
الأم: خلاص تريحي
منى تذكرت يلي صار أمس عيونها دمعن بعدها مشت قمعزت معاهم في الغدا
الأب: بعيد الشر ع بنتي كنك مريضة
منى: واااك يا ماما درتي قصة وقلتي لبابا عشان رقدت وتعبانة بس
الأم: ماه غريبة عليك
منى: خلاص معش نبيكم تنشغلوا علي ولا تشفوني كني أنا هك قبل الإمتحانات
و رقت لدارها(أستغفر الله يا ربي شن ندير يا ربي صبرني ليش هكي يصير فيا ليش😭)
مشى اليوم بشكل عادي منى ما قرت شي ونفسيتها0
اليوم التاني
منى ناضت ع صوت المنبه : اوووف مش وقته بنرقد شن هذا ياربي 😤
بدلت ومشت للمدرسة
منار: يا بقرة كنك أمس لا حس لا مس
منى: خطيني يا منار تعبانه
منار : هيييي لا باس عليك يا حبي كنك واضح أنه حد مزعلك
منى : أي في حد وأنا بنموووووووت خلاص كرهت الدنيا وكرهت القرايه وكرهت الناس
منار : ليش الكلام هذا شن في
منى : أ.......
الابلة: هيا يا طالبة انتِ وياها امشن للطابور
منار : تي شن الابلة هذي دراه ع الصبح
منى : خلاص رااه تسمعك اديرلك قصة
.................
عند بات منى في الشركة
اب منى : اوووو اهلين نورت الشركة
...:منورة بأهلها
اب منى : تفضل تفضل قمعز
.....: تسلم يا غالي ....والله أنا جايك اليوم في الشركة نبي نحكي معاك ع موضوع
اب منى: تفضل إن شاء الله خير
................
عند منى
منار : منى منى اوووي
منى : أ ااه شني
منار : لا شي سلامتك ...تي ليا ساعة نعيطلك وين عقلك انتِ اليوم
منى : دمعن عيونها ومسحتهم
منار : هييييي حي علي كنك شن قلت من شني زعلانه يا حبي قولي كنك شن في
منى : شي شي خلاص خطيني
منار : معقولة يا منى أنا ما تحكيليش ع كل يلي يصير معاك
منى : منار بعد ما نرتاح شوي توا نحكيلك
منار : تم ما نبيش نضغط عليك لكن مش ناسيته الموضوع راااه
منى : باهي خلاص وانتِ سكنتي لأمي الزف
مر الوقت وروحت منى للحوش
منى : اهلين يا ماما
الأم : اهلا شن الجوو
منى : كويس
الأم: هيا أمشي بدلي علي ما حطيت الغدا
مشت منى بدلت وتوضت وصلت ونزلت عشان تتغدا
منى : اوووف عليك قصة وين ماما
ماماااا مااامااا اكيد عند أحمد فوق لا بس احمد مازال في الثانوية وبعدين قال ماشي لمعهد الإنجليزي
وبابا مازال ما جا أصلا باهي نعدي نشوف في دار محمد بالكي غادي مشت فتحت الباب ما فيش حد
شوي نزلت لقت أمها طايحة في الجنان
منى : ماااااامااااااا 😢
منى مشت تجري لأمها: ماما ماما بالله عليك ردي عليا بالله عليك يا ماما😭
نمشي نتصل ب بابا
منى رقت تجري للدار خذت الهاتف
الأب: أيوه هاا يا بابا
منى : بابا ماما طاحت في الجنان بسرعة تعال بالله عليك 😭
الأب: شنوووووووووو هيا خمس دقايق ونكون عندك
وصل الأب ولقى منى مع أمها وطايحة ومنى تبكي
الأب: امشي بسرعة جيبي العباية وتعالي هياااااا
منى : هي هي
لبسوها عبايتها وصاروخ للمستشفى
وصلوا للمستشفى خشوها للعناية
منى : خايفة عليها يا بابا
الأب حضنها: خلاص إن شاء الله خير
جا احمد ومحمد كانوا مع بعض واتصل بيهم بوهم وجا
معاهم عمر
احمد : شنوو في يا بوي
الأب: أمك طاحت وإن شاء الله خير
محمد : يستر الله
احمد : بوي أنا بنمشي للسيارة نجيب هاتفي
محمد : اصبر خليني نمشي معاك نبي ميه
احمد : هي
مشوا احمد ومحمد
طلع الدكتور من العناية
الأب: إن شاء الله خير يا دكتور شن فيها
الدكتور : شن نبي نقولك
جت منى تجري
منى : شن في أحكي ماما شن فيها
الدكتور ............
أنت تقرأ
صدمة وراء صدمة 💔
Fantastikرواية خيالية باللهجة الليبية تحكي على فتاة صُدمت مرة وراء مرة إلى أن حدثت صدفة في حياتها غيرت حياتها كلياً💛 .. تابعوني
