صدمة وراء صدمة 💔

البارت السادس

الاب : شن صار يا دكتور
الدكتور : للأسف المرض منتشر فيهاا وما نقدروش نديروا شي
الاب : لا حول ولا قوة الا بالله لا حول ولا قوة الا بالله
الدكتور : آسف
الاب : مشكور يا دكتور تعبناك
الدكتور : هذا واجبي
الاب : مع سلامه
طلع من المستشفى ودموعه ينزلوا كيف بيقوللها وصغاره ح تيتموا
_____________

احمد : منى منى نوضي هي بنمشوا لحوش جدي
منى : ما نبيش ما نبيش خطوتي خلوني في حالي 😭
محمد جا خش عليها لقاها تبكي
قعمز جنبها : منى ليش تبكي بدال ما تدعي لامك إن الله ربي يشفيها قاعدة تبكي؟؟؟ تبكي يا منى وانا كنت نقول أختي قويه وتقدر تقاوم مصاعب الحياة من أول طيحة تجي تقعدي تبكي وتستسلمي
منى : بس ماما منتشر فيها و
محمد قاطعهاا : خلي إيمانك بربي قوي وإن شاء الله امي ح ترد انتِ ادعيها وهي نوضي خليها نمشوا لحوش جدي ههياا
منى حضناته هو وأحمد : ربي ما يحرمني منكم يا سند ظهري
احمد : هياا عاد فكوني من الجو واطلعوا
محمد : باهي وانت شايطة فيكك النار
منى دفتهم : هي أطلع انت وياه خلوني نبدل
احمد : باهي وانتِ دفي
خشت منى بدلت ومشت لحوش جدهاا
من أول ما خشت طول حضنتهاا منار : ربي يصبركك حبيبتي
منى معش تحملت وحضنتهاا بالقوة وتبكي
جا جدهم فكهم : توا يا فرخة منار ما قدرتي ما ديري إلا أنك تبيكهاا
منار : يا جدو أن
الجد : اسكتي ولا كلمه
منار قعدت تقول بصوت واطي : أنتم الواحد يدير حاجة لازم طلعوه غلطان
الجد : شنو
منار : شي سلامتك يا جدو
_____________

الام : شن صار شفت التحاليل؟
الاب : اي شفتهم
الام : كنه وجكك أصفر
الاب : يا حنان بنقولك ع شي وانتِ إنسانة مؤمنه بقضاء الله وقدره
الام: ونعم بالله بس شن في
الاب : آخ حنان انتِ عندكك السرطان
الام : يا ناعلي!
الاب : معليش يا حنان هذا حكم من ربي ولازم نرضوا بيه
وإن شاء الله خير
الام : باهي امتى نبدا العلاج وامتى نشوف الدكتور
الاب : للأسف المرض منتشر ونزلن دموعه😭
الام ابتسمت وحطت ايدها على كتفه : ما صار هكِ إلا لحكمه من عند الله ويا عبدالله كان صارت فيا شي نبي نوصيك على صغاري حطهم في عيونكك وإذا بتتزوج عادي مسامحتك و رد بالك من منى....منى فرحتي بيهاا كبيرة لما جت ع الدنيا وفرحتي بيها توا لما كبرت وبنجاحاتهاا واصرارها وعزيمتها وأحمد رد بالك منه احمد طايش وكل شي يشوفه يبيه وهو توا شهادة ثانوية ما تخليهش من زعله يهمل قرايته واما محمد...محمد وليدي عاقل وما شاء الله عليه يعني ما تخافش عليه ونبيكك ديرله حفله عشان تخرجه ولما يشتغل خليه يخطب يلي يبيها
الاب والدموع في عيونه : ليش تقولي في الككلام هذا توا انا ح نبرم بيكك العالم كله عشان نعالجكك ح نلقى المكان المناسب ونلقى حل ويعالجوك وتردي زي قبل وأحسن ون..
الام قاطعاته : خلاص يا عبدالله ارضى بحكم ربي
الاب : مستحيل مستحيل خلاص أسس ولا كلمه
وطلع وسكر الباب
_______________
8:30 م
منى تشوف للسماء وراقدة ع العشب في الجنان : آخ يا ماما ان شاء الله تردي كويسة يا ماما محتاجتلك انا تعبانه تعبت من هالحياة تعبت
.
ملاحظة : بنغلي دور سامي في الرواية ويكون بذلك خالتها فاطمة عندها 3 اولاد وسيم 25 سنه وعمر 23 سنه ومروان 18 وبنتين ملاك توأم مروان ومنار 16

.

عمر قعمز حذاهاا : من شن تعبتي ؟.
منى التفتت عليه ونزلت منها دمعة ومستحها بسرعة : تعبت من إن الشخص يلي نحبه يمشي ويسيبني
عمر شافلهاا : آخ صح نقانهاا واعره يا منى اسألي مجرب...ربي يصبركك 💔
منى : ليش شن صاير معااك
عمر : ح نحكيلك عشان انتِ بذات نعتبر فيكك أختي
الكلمة خشت في قلب منى زي الموس
عمر : حبيت وحدة وحكيت معاهاا فترة وتعلقت بيهاا لدرجة بالدقيقة لازم نطمن عليهاا لكن هي باعتني بالرخيص
منى : ليش شن دارت
عمر : أول شخص جاها بفلوس مشت وسيبتني
فجأة
منار مسكتهم من شعرهم وخبطت روسهم : شن تحكوا من وراي؟؟
عمر برم عليها ضربها ع راسهاا : انتِ شكلك تبي طريحة
منار : آه يا بارد..... ننننن تبي طريحة وهربت
عمر جا يبي يصبي يجري وراهااا مسكاته منى من يده : حررام خليها ههي هبله وطيبه
عمر شافلها وبعدين شاف لِ ايدها
حولت يدهاا بسرعة : ا ا آسفة
عمر : هههه عاادي عادي
حنهم تنادي من داخل : هيااا تعالوا تعشوا
منى صبت : هيا يا حني هي
وجت بتمشي مسكلهاا عمر ايدهاا
عمر : شكراً لأنك سمعتيني
منى : في أي وقت تكون مضايق تعال ......ومشت خشت لداخل
مسكتهاا منار : تعالي هناا شن حكيتوا
منى : مش شورك
منار : باهي منوش قوليلي
منى : تي هداريز عاديه وانتِ كل طبيخة لازم تغطزي فيهاا صبعككك
منار : اهاا لازم
الخالة فاطمة : هيا يا بنت انتِ وياهاا
منار : هيااااا يا ماما
تعشوا وغسلوا المواعين وجا الوقت يلي بتروح فيه الخالة فاطمة
منار: الله يربحك يا ماما الله يربحك خليني نبات مع منوش
فاطمة : لا يعني لا ما تريحينش روحاكن
ملاك : يا ماما خلينا نباتو بااهي
حنهم : خلي البنات يباتو حوش جدهم
فاطمة : مش هكِ يا أمي بس
حنهم : لا بس ولا شي هي اربحي
عمر : امي حتى انا بايت
فاطمة : ومن قعد وسيم ومروان؟
وسيم : لا انا طالع بايت برا مع الجماعة
فاطمة : باللهِ عليكم ؟
مروان : خلاص حتى انا بايت أصلا السهرة ما تحلى إلا بياا😂
فاطمة : توا من جدكم تحكوا أنتم الحوش فاضي قعد
مروان : لا من جدتنا😂
كلهم : 😂😂😂😂😂😂😂
فاطمة : انت يا تافه هي قدامي انت وياهاا
منى : يا خويلة بالله عليك خليهم يباتو
مروان : بيش يفضالك الجو مع الشايب وغمزلها
فاطمة وجهها قعد الوان وضرباته ع راسه : امشي يا كلب
كلهم : 😂😂😂😂😂😂😂😂😂
مروان : آه يا امي والله راااه
مسكتهاا الجدة ع جنب : خليهم يباتو عشان يغيروا نفسية منى
فاطمة : خلاص باتو
منار : نموت ونعرف شن قالتلك حني لعند قلباتك
فاطمة : مش شورك ورااك تعبو حنكم...هي مع السلامة
كلهم : مع السلامه
مروان : طريقك خضرة 😂
وسيم : هي طالع انا
مروان: مربوحة
ملاك : عموري بالله عليكك جيبلناا حاجات نكسدوا عليهن
منار : اي اي بالله عليك
عمر : لا انا تعبان
منى : بالله عليكك بالله عليكك
عمر : باااهي
مروان : هيا هيا يا ست الحسن والدلال انتِ وياهاا خشن نضمن النور علي ما جاب الحاجات عمووووررري ( بصوت بنات )
عمر : هههههه يصير منك بنت
طلع عمر يجيب في حاجات للسهرة ومروان خش قعمز نكسد ع النت اما البنات خشن يوتن
طقطق الباب الخارجي .......

للكاتبة : 💕Shødy SMF