[7/11, 1:57 PM] +234 803 696 0742: 🎾🎾🎾🎾🎾🎾🎾🎾🎾🎾🎾
*NI DA YAYA AL'AMEEN*
🎾🎾🎾🎾🎾🎾🎾🎾🎾🎾🎾
*STORY AND WRITING*
BY
*RAHEENAT M ABBAKAR*
_(Heenat)_
*BISMILLAHIR RAHAMANIN RAHEEM*
*DUKKAN GODIYA DA YABO SUN TABBATA GA ALLAH SUBHANAHU WATA'ALA DA YA BANI IKON DAWOWA CIKIN WANI SABON LITTAFIN, TSIRA DA AMINCI SU K'ARA TABBATA GA ANNIBINMU FARKON K'AGA K'ARSHEN AIKA WATO ANNABI MUHAMMDU S.A.W*.
*WANNAN LABARIN K'IRK'IRARRAN LABARINE BANYISHI DAN WATA KO WANI BA, DAN HAKA A KIYAYE JUYA MIN LABARI TA KO WANI IRIN SIGA*
'''WANNAN LITTAFIN SADAUKARWA CE GAREKU MASOYAN K'WARAI, FAUZIYYA MUHAMMAD WAKILI, SHAFA'ATU BALA BABA, AISHA NICHOI, MAMAN LABYB MAMIENMU, ADAMA TANIMU A BIYE, HAK'IK'I KUNA NUNAWA RAHEENAT SOYAYYA, DAN HAKA LITTAFIN NAKU NE.'''
*🇸🇦ZAMAN AMANA WRITER'S*
*(Z.A W)*
'''(Gidan zaman lafiya da amana insha Allah)🤜🤛'''
Page 1
Tafe suke a mota sai rusan kuka takeyi kamar wanda aka ce mata mahaifiyarta ta mutu, yanda na lura da kukan nata harda na shagwab'a ma, shi ko duk da kasancewar yana jin kukan nata har k'asan ransa bai saka ya daina tuk'in nasa ba ko kuma yayi yunk'urin rarrashinta, dan abinda ya sakata kukan shi nashi b'angaren farin ciki ya saka shi.
Jin kukan nata bana k'are bane yasa ya taka wani mahaukacin birki wanda sai da *Meenat* wanda take kuka ta hantsila sannan ta dawo ta zauna a mazauninta, take kuma kukan da take ya tsaya cak ta zaro manyan idanunta waje saboda tsananin tsoro.
Ganin yanda ta firgita yasa *Al'ameen* fashewa da dariya yace "ya kika bar kukan kuma, ai da kin ci gaba da kukanki tinda Abbie ne ya mutu. "
Wani kukan ta fashe dashi tana kai masa bugu, shi ko me zaiyi in ba dariya ba, dariya yakeyi yana fad'in "dukeni *Meenat* indai zai saka kiji sanyi a ranki. "
Sai da taji hannunta ya fara zafi sannan tabar dukanshi tare da jingina kanta a kafad'arsa tana sakin ajiyar zuciya, a hankali ta bud'e baki tace "yah *Al'ameen* wai baka tausayi na ne.?"
Ajiyar zuciya ya sauke ya d'ago da kanta ya kalli cikin idanunta sannan yace " *Meenat* me yasa zanji tausayinki bayan kina kuka ne akan abinda ya kamata kiyi farin ciki. "
*Meenat* tace "farin ciki?!! Farin ciki fa kake cewa inyi yah *Al'ameen*, ta yaya zanyi farin ciki bayan wanda nake so ya bar ni, wanda nake so ne fa aka rabamu dashi, shine kake cewa nayi farin ciki, shine kake cewa kar nayi kuka.?"
Murmushi *Al'ameen* yayi yace "to gani nayi fa mahaifiyarshi ce tace bata sonshi dake, k'iri-k'iri ta nuna miki k'iyayya, to dan yanzu ya kiraki yace an saka masa ranar aure da y'ar uwarsa sai ya zama abin kuka ? Ni zatona kuka ba naki bane, saboda ko aurensa kikayi ba zakiyi farin ciki ba, ni wallahi murna ma nayi miki, gara yaje can ya auri 'yar uwarsan, uwarsa kuwa taje ta bak'in halinta badai k'anwata ba. "
Shagwab'e fuska *Meenat* tayi tace "to amma ai shi yana sona ni ma ina sonsa."
Cike da jin haushi *Al'ameen* ya tayar da motan yana fad'in "to ai sai kije ki auresa, kuma wallahi kika k'ara cika min kunni da kukanki sai na tsayar da motar a ajiyeki sai dai ki nemi taxi ya k'araso dake gida. "
Turo baki tayi gaba cike da shagab'a tace "yah *Al'ameen* kai baka san soyayya bane shi yasa. "
*Al'ameen* bai san sanda ya k'ara taka wani Burkina ba ya kalleta yace "bansan soyayya ba kika ce *Meenat*,? To kallo ni nan. "
