فتاه لا تعرف المستحيل .. نورا عوض

٣

اسفه جدا ع التاخير
بس انا هعمل تعديل ف المواعيد هيبقى ٤ ايام ف الاسبوع ماشي ي جماعه عشان الظروف بس☺️☺️
الظابط بصدمه: انتي واعيه للي بتقوليه
هند: محاوله الثبات ايوا واعيه ومتاكده م اللي بقولو
سيد بصدمة: انتي ازاي تقولي كدا ع ابوكي
هند: بثبات اكتر ابويا مات ي استاذ سيد المحمدي ومن هنا ورايح انت ميت بنسبه ليا ويكون بعلمك ان انا وشيماء معدش لينا علاقه برجل خاين زيك ولا يشرفنا اننا نعرفك
سيد بغضب راح ضربها بالقلم وقالها وهو منفعل : فعلا انتي تربيت امك ما هو لو امك محترمه كانت علمتك ازاي تحترمي ابوكي
هند بدموع ومحاوله التماسك: وليه متقولش ان دي تربيت راجل خاين لمراتو وولاده
سيد: انا مش خاين ي هند
هند بدموع: لا خاين تتجوز ع امي تبقا خاين وتضرب امي وتشتمها وتهينها تبقا خاين تضرب بنتك تبقا خاين انت خاين ي استاذ سيد
بعد مرور وقت ف بيت المحمدي
امل قاعده ف اوضتها توضب هدومها عشان تمشي دخلت هند عليها لقتها بتعيط
هند بثبات: بتعيطي ع واحد معندوش قلب خاين ليه ميستهلش دموعك
امل بدموع: غصب عني ي هند انا بحبه اوي ي بنتي
هند بعصبيه: حب اي دا ي امي الحب اللي فيه زل ميبقاش حب قال حب قال
امل بدموع: غصب عني ي بنتي صدقيني
هند:بصي ان فكرتي مجرد تفكير بس انك ترجعي للراجل دا يبقى لا انتي امي ولا اعرفك تمام ي ست الكل ولا لا
امل بصدمة ممزوجه: هند انتي واعيه للي بتقوليه دا ابوكي ي بنتي
هند بعصبيه: ابويا مات م ساعة ما اتجوز عليكي وخانك وانا لا يمكن اقبل ان يكون ف صله بتربطني بالراجل دا دا ازاكي ي امي واهانك وبهدلك وكل بوم يضربك بدون سبب وانا مش عاوزه اعيش معاه انا مبكرهش ف حياتي قد الراجل دا انا استحملت كتير بس لحد كدا وكفايه بقا كفايه بجد حرام اللي عملو لغاية كدا وانتي م هنا ورأيح ان فتحتي سيرة الراجل دا تاني يكون بعلمك ان انا هقطع علاقتي بيكي
امل بدموع : بس ي بنتي
هند مقاطعه كلامها: مفيش حاجه اسمها بس ومن هنا ورايح انا اللي هصرف ع البيت وهدور ع شغل
امل بصدمه: طب ودراستك هتسبيها
هند مقاطعه لكلامها : لا مش هسيبها هشتغل وادرس ف نفس الوقت
امل: بس انتي مش هتلاقي شغل بسهوله ي بنتي
هند بحزم واصرار: هعمل المستحيل ي امي هعملو وهلاقي شغل يعيشنا
امل: لا انا اللي هنزل وادور واصرف عليكي أنتي واختك
هند بصرامه : قولتلك لا انا اللي هشتغل واصرف ع البيت
شيماء مقاطعه الكلام: لا انا اللي هشتغل واصرف ع البيت ودخلت ف هستريا عياط
امل بحزن: بس ي حبيبة ماما بلاش عياط ونبي
شيماء بعياط وشهقات : بابا وحش بابا مش بيحبني بابا
قاطعتها هند بقلم ع وشها وقالت بصرامه: م هنا ورايح ممنوع تقولي ان هو ابوكي ابوكي مات
امل بعصبيه: انتي ازاي تضربي اختك كدا مش عيب لما اموت ابقي ولعو ف بعض انتي بقيتي قليلة الادب علفكرا وكدا غلط
هند بصرامه ونفاذ صبر: بس يمانع الراجل دا مات بنسبه لينا
امل بغضب: بعد الشر عليه حرام تقولي كدا وابوكي عايش ربنا يديه الصحة وطول العمر
هند بعصبيه: يغور ف داهيه الراجل دا مات بنسبه ليا ومستحيل انديلو بابا تاني الرجل دا خاين
أمل بصدمة م هند: انتي بقيتي قليلة الادب كدا ليه ي هند
هند: انا مش قليلة الادب انا بقول الحقيقه اللي انتي مش راضيه تقطنهي بيها
امل ضربت هند قلم جامد وقعها ع الارض: انتي بقيتي قليلة الادب ومش متربيه عاوزه مرات ابوكي تشمت ف تربيتك
هند بدموع: انا بكرهكم كلكم وطلعت تجري ع اوضتها وقعدت تعيط
ف فيلا السعدني
سالي بتكلم عبدالرحمن :شوفلك صرفه مع ابنك
عبدالرحمن: مالك بس ي حببتي ف اي
سالي: ابنك كل اما اقولو اي رايك ف البنت دي يقولي اه حلوه تنفع لسهرة النهارده ابنك هيجنني فاكر ان احنا هنختارله واحده شمال م اللي يعرفهم
عبدالرحمن: سبيه وانا هبقا اكلمه
سالي: ماشي ي عبدالرحمن اما اشوف اخرتها معاك انت وابنك
عبدالرحمن : اخرتها خير باذن الله
سالي :اما اشوف اخرتها ي عبدالرحمن صدقني هيقع ف واحده هتظبطه
عبدالرحمن: استهدي بالله كدا وان شاء الله خير ولو جه نصيبه هياخده سبيه هو يختار بنفسه
سالي بحزم وصرامه: مستحيل دا ممكن يجيبلنا واحده مش كويسه لا انا عاوزه بنت تكون طيبه محترمه ع خلق ودين كمان مش اي واحده تكون مرات ابني حبيبي
عبدالرحمن: اخرت دلعك دا اي عاوزه افهم
سالي : ملكش دعوه ابني وانا حره معاه انا حره فيه أولع فيه براحتي
عبدالرحمن رفع حاجبه: طب متطلبيش مني ادخل خالص تمام
سالي: بس انت ابوه ولازم تتصرف معاه
عبدالرحمن :انا غلبت معاكي ادخل ولا لا فهميني
سالي: ادخل وخلصني
عبدالرحمن: عاوزه راي
سالي : قول واصدمني برأيك
عبدالرحمن: خلينا ف حالنا ابنك هيعاند معانا لازم نسيبه واصبري انا هعمل معاه حركه حلوه
سالي: هتعمل اي
عبدالرحمن: مش عوزاه يتجوزه
سالي: اه ياريت النهارده قبل بكرا
عبدالرحمن: طيب
سالي رفعت حاجبها :طيب اي قول هتعمل اي
عبدالرحمن.....
سالي....
عبدالرحمن ....
ي ترى هيعملو اي😳😳🥺
عند ابراهيم ف البيت😂😂✌️
ابراهيم قاعد بيشرب القهوة ومانتخ كدا
سميره اخت ابراهيم الصغير ومتتخيرش عن اخوها😂😂😂 سميره بنت عمرها ١٢ سنه بس اي تاخد جايزة نوبل ف الرغي زي اخوها
سميره : ابراهيم
ابراهيم: ايوا عاوزه اي ي بت انتي
سميره: انا مش بت انا اسمي سميره هانم ي استاذ انت
ابراهيم: نعم يعني اي يعني مش فاهم
سميره : يعني تحترمني انا سميره احمد السيد حسن
ابراهيم : يمامي خفت انا كدا روحي العبي بعيد ي شاطره
سميره: ليه هو انا بقولك تعالى العب معايا ي فانخ انت
ابراهيم: احترمي نفسك ي سميره
سميره وقفت ع كرسي عشان تطول ابراهيم بس طبعا مطلتهوش
ابراهيم: ههههههه مهما هتعملي هتفضلي قصيره ي اوزعه
سميره اتعصبت وقعدت تدبدب ع الكرسي: انا مش أوزعه انت اللي طويل ع الفاضي
ابراهيم رفع حاجبه: دا كلو طول ع الفاضي ي بت انتي
سميره بعصبية: يووووووه بردو بيقول بت اسمي سميره
ابراهيم: اعمل اي ب اسمك ي اوزعه
سميره بدبدب اكتر: بردو بيقول بت امتى هتحترمني وتقولي سميره هانم
ابراهيم: لما تشوفي حلمة ودنك ابقا اقولهالك بس مش ف المرايه
سميره رفعت حاجبها وقالت بتحدي : هشوفها وهتقولهالي
ابراهيم: ههههه ابقي قابليني
سميره: هقبلك وهتشوف
ابراهيم : بضحكة سخرية طب وريني ي فالحه هتشوفيها ازاي ههههههههه
سميره :اصبر دقيقه
ابراهيم : بسخريه اديني صبرت ههههههههههه
بعد دقيقه جت سميره ومعاها الفون بعد ما صورت ودنها
سميره: اتفضل حلمت ودني دي ولا مش حلمت ودني
ابراهيم:هههههه والله لو عملتي مش هقولك ي هانم ابدا
سميره: انت واحد مستفز ورخم ورزل وتنح ودمك يلطش
ابراهيم رفع حاجبه : نعم الكلام دا موجه لمين
سميره بثقه: ليك ي استاذ مهزء
ابراهيم: انا مهزء ي قليلة الادب طب تعالي بقا
وقعد يجري وراها لغاية ما مسكها م التيشرت بتاعها وعلقها ف الهواء وقالها ها مين المهزء ي اوزعه
سميره :انا مش اوزعه ياض انت ونزلني بدل ما انادي ع ماما وبابا
ابراهيم: ما تنادي هتعملي اي يعني
سميره بتحدي: هعمل كتير
ابراهيم: اشجيني احب اعرف الاول
سميره بخبث: هقول لماما وبابا ع صور البنات اللي ع الفون بتاعك وأنك كل يوم بتكلم بنات
ابراهيم: انتي اي اللي خلاكي تمسكي فوني وتتصنتي عليا مش عيب كدا انا اخوكي الكبير وكدا غلط وبعدين انا حر اعمل اللي اعملو وبعد كدا ملكيش دعوه بيا انتي سامعه
سميره: بقا كدا
ابراهيم: ايوا كدا ونص وتلات اربع
سميره بصراخ: ي ماما ي بابا
ابراهيم حط ايده ع بوقها: اي انتي ما بتصدقي اهدي
احمد: اي ف اي ي سميره بتصرخي ليه
منه: ف اي ي ابراهيم معلق اختك كدا ليه نزلها
احمد ابو ابراهيم  عمره ٥٠ وصاحب عبدالرحمن السعدني وشريكه ف بعض مشروعاته
منه مامته عمرها حوالي ٤٥ سنه بس ست سكره وست بيت ممتازه والكل بيشكر فيها
ابراهيم: بتعاند فيا وقطعتني وانا بشرب قهوتي ضيعت مزاجي الله
منه: طب واي يعني
ابراهيم رفع حاجبه : واي يعني دا انا لازم اظبط مزاجي دا انا بشتغل عند عصام السعدني ولازم يبقا مزاجي رايق وحلو كمان اومال افضل معكنن طول الوقت لازم اظبط دماغي عشان اعرف استقبل العكننه بمزاج
احمد: هههههه ليه يابني هو عصام بيعمل فيكي اي
ابراهيم: ابدا ي بابا مش عتقني ورامي الشغل كله عليا كأنه اشتراني
احمد: ههههه لا دا عصام طيب بس هو بيحب يعتمد عليك لانك انت بتشتغل فيها م سنين وهو لسه مسكها قريب فا انت فاهم اكتر منو مش اكتر ي حبيبي وانت عارف عصام بيحبك قد اي ومقيدرش يستغنى عنك انتو صحاب عمر بردو
ابراهيم: عارف ي بابا وانا كمان بحبو بحترمو اوي بس طلباته كتيره اوي بصراحه
احمد بطيب خاطر: معلش ي حبيبي لازم تستحملو لحد ما يقدر يفهم الشغل ويتودك فيه ولازم نساعده عشان يقدر يحافظ ع اموال ابوه دا عبدالرحمن تعب ف الشركة دي كتير
ابراهيم: حاضر ي بابا
بعد شهر
هند قعدت تدور ع شغل بس طبعا كانو بيرفضو لصغر سنها وأنها معهاش شهاده وكدا
هند ف نفسها :يارب بقا انا لازم اشتغل وانتبه لمذاكرتي لازم احقق حلمي
دخلت سوبر ماركت كبير ومشهور وقالت ف سرها يارب وفقني
ودخلت عند الكاشير ممكن أقابل المدير بعد اذنك
المدير كان واقف مع عبدالرحمن السعدني لانهم اصحاب ومعارف
الكاشير : خير ي فندم عوزاه ف اي ف حاجه حصلت
هند: لا ابدا كنت عوزاه ف موضوع كدا
المدير قاطع الكلام : ف اي ي بنتي عاوزه حاجه
هند : حضرتك المدير
المدير: ايوا
هند: تمام انا اسمي هند سيد المحمدي وكنت بدور ع شغل فهل ممكن تشوفلي شغلانه
المدير : عندك كام سنه
هند:١٦ سنه
المدير: بس انتي لسه صغيره ي بنتي
هند: عارفه بس انا محتاجه الشغل ضروري
المدير :لازم يكون عمرك ع الاقل ٢٠ سنه لان دي فلوس ناس
هند: اه تمام ي فندم ومعلش ع الإزعاج
المدير: لا ولا يهمك
هند : تمام عن اذنك
المدير: استني
هند: أفندم
المدير: خدي دول ي بنتي خليهم معاكي
هند بصت للفلوس وقالتلو والدموع ف عنيها: فهمتني غلط حضرتك انا مش شحاته عن اذنك وطلعت جري تعيط
ف الشارع هند ماشيه بتعيط م الموقف اللي حصل م المدير
هند: يارب هما ليه فهمين ان انا عاوزه أشحت منهم يارب انصرني
هند قعدت تدور ف كذا محل وبردو نفس الرد
بعد ساعتين
جه شخص م وراها لو سمحت
هند: حضرتك تقصدني
.. ايوا أقصدك انتي مش حضرتك هند سيد المحمدي
هند: ايوا انا مين حضرتك
مش مهم .....
ي ترى ف اي اي🙄🙄😂
ف فيلا السعدني
سالي قاعده سرحانه وبتفكر ف فكرة عبدالرحمن
فلاش باك
عبدالرحمن :هقولك بس لازم تساعديني
سالي :قول وهساعدك
عبدالرحمن: بصي ي قلبي
سالي: هاا
عبدالرحمن: انا هجوزه غصب عنه
سالي: مش فاهمه ازاي غصب عنه وانت ازاي هتغصب ابني ع حاجه هو مش عاوزها
عبدالرحمن:بصي افهميني
سالي : مش عاوزه افهم
عبدالرحمن قاطع كلامها وقال بغضب : افهمي انا عاوز أقول اي
سالي سكتت وقالت: قول اشجيني هتعمل اي ف ابني
عبدالرحمن: اي هو انا هقتل ابنك دا انا هجوزه
سالي: انت حسستني انك عاوز تقتله مش تجوزه حرام عليك ي عبدالرحمن افهمني انا أم بردو
عبدالرحمن: الصبر م عندك يارب
سالي بحنق: اي مش مستحمل كلامي ي عبدالرحمن
عبدالرحمن بنفاذ صبر ومسك ايدها وقال: بصي ي سالي لازم نعمل اللي هقولك عليه عشان نجوز ابننا مش انتي عوزاه يتجوز ويخلف ويملى علينا البيت عيال
سالي قالت بحنان: ايوا
عبدالرحمن:يبقا تعملي اللي هقولك عليه
سالي: حاضر بس فهمني انت عاوز تعمل اي
عبدالرحمن ضغط ع ايدها ب حنان وقال: بصي ي ملكتي
ودا لقب أتعود عبدالرحمن ينادي سالي بيه
سالي بحنان وحب: بصيت
عبدالرحمن: هندور انا وانتي ع واحده مناسبه لابنك تمام وعلى خلق ودين وادب ومش مهم تكون م عيله راقيه المهم تكون فعلا ست بيت حافظ ع ابننا وتصون شرفه
سالي: بس لازم تكون م عيله م مستوانا عشان تقدر تفهمنا
عبدالرحمن: احنا اللي يهمنا انها تكون ع خلق ودين وتكون ست بيت ممتازه وتربيتها عاليه وتكون فعلا ع خلق وادب واحترام لذاتها انما تكون م عائله راقيه دي اخر اهتماماتي
سالي: طيب اللي تشوفه ي عبدو اما نشوف اخرتها بس مين دي بقا اللي هتكون مراتو وهتقبل بالوضع دا
عبدالرحمن: ملكيش دعوه انا هتصرف سيبي الباقي عليا
سالي: تمام
عوده للحاضر
سالي ف نفسها وهيا مغمضه عينها :يارب التوفيق
عصام قاطع تفكيرها
عصام بقلق: اي ي ماما مالك فيكي اي
سالي: هاه ابدا ي حبيبي عندي صداع خفيف بس
عصام رفع حاجبه وقال: متاكده ي ماما
سالي: ايوا ي قلبي
عصام :بس باين عليكي التعب
سالي: لا ي قلبي متقلقش دا مجرد صداع وهيروح لحاله اول اما انام شويه
عصام: طيب تمام ي ماما انا هروح انام شويه لاني عندي شغل بليل مهم جدا
سالي: شغل اي ي عصومه
عصام بنظرة خبث: شغل بقا ي ماما مش هتفهميه انتي
سالي: والشغل المره دي ف انهي كباريه
عصام تصنع الصدمة: نعم اي الكلام دا كباريه اي ي ماما وقال بمزاح انا اشرف م الشرف
سالي: ايوا ايوا منا واخده بالي
عصام رفع حاجبه وقال: اي ي ست الكل مش مصدقاني
سالي بخبث: لا ازاي دا انا مصدقاك اوي
عصام بقلق:مش مطمنلك الصراحه ي ابو صلاح
سالي:ليه بس ي صاصا دا انا غلبانه
عصام رفع حاجبه وقال بخبث : غلبانه اوي انتي هتقوليلي دا انا عارفك وحافظك صم
سالي: كدا ي عصومه تظلم ماما حبيبتك
عصام: انتي تعرفي عني كدا انا مش بظلمك انا متاكدا م اللي بقولو
سالي بحنق: طيب ي عصام امشي ع اوضتك بدل ما اتعصب وانت عارفني
عصام: بس بس خلاص مش ناقص
سالي رفعت حاجبها وقالت :اي مش عجبك ولا اي
عصام: اي هتلابسيني مصيبه
سالي: لا لأسمح الله
عصام: طيب يلا بقا عشان انام شويه
سالي : ماشي ي قلبي تصبح ع خير ي عمري
عصام بحب: وانتي م أهل الخير 😍
ف منزل المحمدي
امل قاعده قلقانه ع هند لانها اتاخرت جامد ودي اول مره تتاخر فيها وعمرها ما عملتها حتى الفون بتاعها مقفول ودا ذاد قلقها وقالت ف نفسها: استر م عندك يارب 💔 يارب احفظلي بنتي واحميهالي يارب تكون بخير وبدات الأفكار السوده تدخل ف دماغها بعد حوالي ساعه الباب اتفتح
امل : بخضه وغضب كنتي فين ي هند دا كلو اي ي بنتي اللي اخرك واي اللي حصل احكيلي ي بنتي
هند بحنان: متقلقيش انا بخير ي امي
امل: طيب اي اللي اخرك كدا
هند: ابدا كنت بدور ع شغل ما انتي عارفه
امل: بس انتي عمرك ما بتتاخري عن الساعه٥ اي اللي اخرك
هند: منا قولتلك كنت بدور ع شغل
امل: طيب ي بنتي ليه فونك كان مقفول قلقتيني عليكي
هند بحزم : متقلقيش انا بخير هو فصل شحن مش اكتر
امل بقلق: ف اي ي هند انتي بتكلميني كدا ليه
هند بحنق وغضب : منا طبيعيه ي امي ف اي مالك انا كويسه
امل بغضب: ف اي ي هند م امتى بتعلي صوتك ع امك ف اي بس طمنيني
هند بحنق: مفيش
امل: لا في وفي اوي كمان عاوزه اعرف اي اللي حصل طمنيني ي بنتي
هند: عاوزه تعرفي اي اللي حصلي
امل بقلق: ايوا عاوزه اعرف
هند: مش مهم هتعرفي كل حاجه ف وقتها
امل: انا مش فاهمه حاجه
هند: منا قولتلك هتعرفي كل حاجه ف وقتها
امل بغضب: لا انا عاوزه اعرف دلوقتي حالا
هند: قولتلك كل حاجه ف وقتها
امل بغضب : لا دلوقتي ف اي
هند: ف انك كدبتي عليا
امل بصدمة: انا كدبت عليكي
هند بدموع : ايوا كدبتي عليا
امل بصدمة اكبر: امتى وفي اي
هند مسحت دموعها وقالت: بكرا الساعه ٣العصر هتعرفي كل حاجه بنفسك وهترفي انتي كدبتي عليا ف اي
ي ترى هند مضايقه م مامتها ليه واي الموضوع اللي كدبت ع هند فيه 🙄😃
بليل ف كباريه الالماظه
عصام قاعد بيشرب نبيز ومبسوط ع الاخر وقاعد يضحك مع كل واحده شويه لان هو بيستغل الفرص وكل ليله مع واحده شكل وخصوصا ميرنا مقضي معظم وقته معاها ودي بقا بتعشق ثروة عصام وعاوزه تتجوزه عشان تاخد ثروته ليها لوحدها طبعا صام مندمج مع البنات وجت ميرنا ووقفت حطت ايدها ع وسطها وقالت: اي ي صاصا شكلك مبسوط معاهم
عصام بنظرة سخرية: ازاي ي قلبي دا انا بظبط مزاجي لحد ما تيجي ي عمري
ميرنا بمشية دلع وحطت ايدها ع كتفه ونزلت لمستواه وقالت بدلع: لا ثبتني ي قلبي تصدق اني هقع م طولي م اثر الصدمة ف الكلام
عصام بخبث: لا اسم الله عليكي حاسبي لا تقعي رجلك تنكسر
ميرنا: اي ي عصومه مالك بتكلمني كدا ليه
عصام : اي مش بنبهك الا تقعي
ميرنا بحنق : لا متخفش انا مش هقع
عصام : وارد تقعي افرضي رجلك انكسرت مين اللي هيرقصلي ويدلعني
ميرنا بدلع: لا متقلقش انا سليمه وهرقصلك وادلعك احلى دلع كمان
عصام: طب ما تيلا ع الشقه
ميرنا بضحكة رنت ف الكباريه وغمزت لعصام وقالت: يلا
عصام بنظرة شهوه وضحكة خباثه: يلا ي قلبي بس لازم تدلعيني
ميرنا بدلع: عيوني ي قلبي بس كدا دا اقل حاجه ممكن اعملها عشان خاطر عيونك ي عمري بس كلو بسعر
عصام باشمئزاز : عارف ي قلبي بس كدا دا م العين دي قبل العين دي
ميرنا ضحكة دلع وقالت: طب يلا بقا
وراحو ع الشقه
نسيبهم بقا الا دول ناس قليلة الادب ملناش دعوه بيهم😂😂
تاني يوم ف منزل المحمدي
الساعه ٢
امل : يلا ي هند فهميني ف اي بقا
هند بصت ع الساعه وقالت: فاضل ساعه وهتعرفي كل حاجه بنفسك وهتفهمي كل حاجه وتفهميني ليه كدبتي عليا
امل بحنق: اي ي هند ف اي فهميني انا معدتش مستحمله فهميني ف اي
هند بنظرة حزن :قولت بعد ساعه بظبط هتعرفي
امل بغضب: لا عاوزه اعرف دلوقتي حالا
هند: بعد ساعه هتعرفي
امل: لا مش قادره استحمل انا لازم اعرف دلوقتي ف اي
هند: اللي خلاكي تستحملي الوقت دا هيخليكي تستحملي الساعه دي ي امي
امل بحنق: اما اشوف اخرتها ي هند ي بنت بطني
هند: اخرتها خير ي امي صدقيني وكل حاجه هتبقى ع المكشوف
امل حست ان قلبها اتقبض م كلام هند وحست بالخوف ولأول مره تحس بيه م طريقة بنتها وقالت ف سرها : الستر م عندك يارب
بعد ساعه
امل : ها ي هند الساعه بقت ٣ ف اي
هند: اصبري وانتي هتعرفي حالا الصبر حلو ي امي
امل امتلكها الغضب: ف اي ي هند ما تقولي وفجاه الجرس الباب رن
هند: هتعرفي دلوقتي بس هروح افتح الباب
امل :اما نشوف اخرتها
هند راحت فتحت الباب ودخلت ومعاها شخص
امل بصدمة: انت...
ي ترى ف اي
بتمنى يعجبكم
نورا عوض😍