فتاه لا تعرف المستحيل .. نورا عوض

16

بعد مرور زمن
عصام : هند انتي طالق مش عاوز اشوف وشك لا انتي ولا بنتك تاني انتي سامعه
هند بدموع قهر: حاضر
ف فيلا السعدني
عبدالرحمن: ي ابني لازم تكون عاقل ليه طلقتها بس فهمنا اللي حصل
عصام بغضب: قولت محدش ليه دعوه بيا انا حر
سالي: يعني اي حر تطلق البنيه وتقول حر وترميها هيا وبنتك ف الشارع وبنتك لسه مكملتش السنه
عصام : بصي ي ماما انا مش عاوز حد يتكلم ف الموضوع دا تاني انا خلاص طلقتها
سالي: يعني اي طلقتها اتفضل روح دلوقتي ورجها حالا
عصام: انا لايمكن ارجع الاشكال دي بيتي بنت الفقراء دي
سالي: هيا بقت كدا ي عصام
عصام: ايوا ودا اللي عندي
سالي: طب يكون بعلمك لو مرجعتهاش يبقا تقطع علاقتك بيا وملكش علاقه ب البيت دا
عصام بنظرة غضب لسالي وسابها وخرج برا البيت ومرجعش للبيت تاني
تفتكرو اي اللي حصل بين هند وعصام
عند هند بقا
هند كانت ماشيه بليل ببنتها ودموعها ع خدها فاجاه عربيه جايه كانت هتخبطها هند م الخضه وقعت ع الارض طلع حازم م العربيه وجرى عليها
حازم: انتي كويسه
هند بخوف: ايوا
حازم: تعالي اوديكي المستشفى نطمن عليكي
هند: لا لا مفيش داعي
حازم: ازاي مفيش داعي لا ف لازم اطمن عليكي انتي و النونو
هند بحزن بصت لبنتها وقالتلو: ماشي بعد تفكير طويل
حازم : اتفضلي وفتحلها الباب بتاع العربيه وبعدها دخل العربيه
هند: شكرا
حازم :العفو دا واجبي وراح مشغل العربيه
هند فضلت تبص لبنتها وتعيط وتحضنها ع الاخر
حازم استغرب م حالها والفضول فضل ياكل فيه هيموت ويعرف هيا مالها وهو حس براحه نحيتها وحس ان هيا مظلومه وان ف حد ظلمها كتير واتكسرت فاجاه حازم وقف العربيه قدام مستشفى خاص
حازم : اتفضلي انزلي ي مدام هو انتي اسمك اي
هند حمحمة: اسمي هند سيد المحمدي
حازم بصدمه لما سمع الاسم: هو انتي بنت سيد المحمدي اللي اتقتل ف ظروف غامضه
هند بجمود: ايوا لي ف حاجه
حازم: اصل انا الظابط حازم اللي ماسك القضيه دي
هند بصدمه: انت اللي مسكها طب ليه مجبتش قاتل بابا
حازم: القضيه دي صعبه مش سهله مش م يوم وليله تجيبي قاتل وغير كدا ان القضيه دي متعلقه ب قضية مافيا
هند: يعني اي قضيه مافيا
حازم قهقه: الله يجازيكي خير المافيا دول ناس خطرين
هند: ازاي
حازم: لا دا محتاج قعده طويله اوي
هند باستفهاام: قعده طويله اشمعنى اي السبب
حازم: نطمن عليكي انتي والنونو واوصلك بيتك وبكرا الصبح لينا قاعده سوا
هند بجزن : انا مليش بيت
حازم باستغراب: ازاي ملكيش بيت
هند بدموع: جوزي طلقني ورماني ف الشارع انا وبنته
حازم بصدم: اي الهبل دا ف اب يرمي بنته ف الشارع مهما كانت المشاكل بينكم كان لازم يستحمل عشان بنته ولازم تتفاهمو
هند بدموع: هو مسمعنيش ومصدقش كلامي وضربني وطلقني واخد حتى بيت ابويا مني
حازم: بجد معندوش دم
هند بدموع :حسبنا الله ونعم الوكيل
حازم: ولا يهمك انا همري ما هسيبك تباتي ف الشارع مهما كان السبب
هند: كتر خيرك بس انا هتصرف
حازم: مستحيل تعالي ندخل المستشفى ونطمن عليكم وبعدها نروح البيت متخفيش مش هاذيكي ولا اعمل حاجه تضرك
هند:بس
حازم:ف عيونك تردد وقلق انك تيجي معايا بس متخفيش انا مش عايش لوحدي معايا بابا وماما هيحبوكي اوي وغير كدا ف خدم ف البيت يعني هيبقا ف ناس حواليكي وكمان هقعدك ف جناح خاص بيكي انتي وبنوتك
هند: مستحيل اقبل بالوضع دا انا هروح ادورلي ع اوضه اسكن فيها انا وبنتي
حازم: ليه شيفاني عيل اني اسيبك ف الشارع ف نص الليل لا مش هقبل وبلاش عند عشان مزعلش منك انا بقولك اهو انا زي اخوكي الكبير
بعد ما دخلو اطمنو ع هند والبنوته راحو ركبو وطلعو ع بيت حازم
ف قصر الشرقاوي
حازم داخل بعربيته م بوابة القصر وهند تنحت م جمال القصر طبعا قصر بشوات بجد
حازم بصلها وشاف علمات الانبهار ع وشها: اي عجبك
هند برد سريع بدون تفكير: دا جنان بجد ماشاء الله
حازم: الحمدلله انو عجبك
هند:بجد حلو اوي
حازم: دا قصر م ايام المماليك والاتراك وجد جد جدي م الاتراك
هند بصدمه: اي دا انت اصلك تركي
حازم: ايوا اي رايك
هند: بجد بجد بجد مصدومه اه عشان كدا بقولك عليك شبه الاجانب مش مصري
حازم:ههههههههههههه يااه للدرجة
هند بضحكة عفويه: طبعا هي دي فيها كلام
حازم اتاثر م ضحكتها وبسطتها: الا قوليلي ي هند بنتك اسمها اي
هند: دارين
حازم: اممم اسم جميل اوي زي صحبتها
هند: بجد
حازم: ايوا تعرفي ان الاسم دا تركي
هند: ايوا عارفه
حازم:طب الحمدلله احنا ربنا يباركلك فيها
هند: يارب
حازم :وصلنا يلا انزلي
هند بتردد: انا خايفه
حازم :متخفيش انا معاكي
هند: بس
حازم: مفيش بس متقلقيش
هند: طيب ونزلت م العربيه
حازم قفل العربيه ومشى معاها بخطوات ثابته وفتح باب القصر الخدم
حازم: مساء الخير ي عم محمد
عم محمد: مساء الجمال ع عيونك ي حازم بيه حمدلله ع سلامتك نورت بيتك
حازم: الله يسلمك ي عم محمد
هند بتساؤل: هو انت كنت مسافر
حازم: ايوا كان عندي ماموريه مهمه
هند: اه تمام
حازم: هات الشنط م العربيه ي عم محمد
عم محمد: حاضر ي حازم بيع
حازم: يلا ي هند اتفضلي
هند بتردد: ح-حاضر
حازم: ي داده هناء
الداده هناء: ايوا ي حازم بيه حمدلله ع سلامتك يابني
حازم: الله يسلمك ي داداه اومال ماما وبابا فين
الداده هناء: ف التراس ي ابني
حازم: هما مش هيبطلو قعدت التراس بعد العشا
الداده هناء: دا لسه متعشوش ي ابني
حازم رفع حاجبه: ازاي دادعمرها ما حصلت
الداده هناء: شكلهم كانو حسين انك جاي
حازم: باين كدا اتفضلي ي هند اه صحيح ي داده نسيت اعرفك بهند
الداده هناء: اي دا انت اتجوزت وخلفت م ورانا لا لا كدا ازعل بجد انا زعلانه منك
حازم:ههههه مش لدرجه دي واحده معرفتي هتقعد معانا فتره كدا ع ما جوزها يرجع م السفر لان جوزها صحبي واهل جوزها طردوها لما جوزها سافر وكلمتني وانا قولتلها تعالي عندي لحد ما جوزك يجي بس
الداده هناء: اه اهلا بيكي ي بنتي نورتي البيت
هند بصدمه م رد حازم: اهلا بيكي ي داده
الداده هناء:هروح احضرلكم العشا زمانكم جعانين
حازم: ماشي ي داده
بعد ما مشيت الداده
هند: انت ازاي تكدب عليها وتقولها كدا
حازم: بصي ي هند انا لسه معرفش عنك حاجه ولا اي حكايتك وكان لازم اعمل كدا وهعرف حكايتك سواء حكيتيلي او لا هعرف كل حاجه عنك بطريقتي تعالي اعرفك ب بابا وماما
هند: طيب
ف التراس
والد حازم وولدته
مامت حازم: حازم حبيبي انت جيت انا قلبي كان حاسس انك هتيجي وحضنتو جامد
حازم: وحشتيني اوي ي ماما
مامت حازم: وانتي كمان ي ماما
والد حازم: طب سبيني اسلم عليه وحشتني يابني حمدلله ع سلامتك
حازم : الله يسلمك ي بابا
مامت حازم شافت هند واستغربت: مين دي ي حازم
حازم :دي هند مرات واحد صحبي وهو مسافر واهل جوزها طردوها وانا جبتها هنا لان ملهاش حد
مامت حازم: ي حرام ي بنتي والله الناس دي معندهمش دم يرمو بنوتك زيك كدا
هند بتردد: اهو اللي حصل بقا ي طنط
مامت حازم: عندك كام سنه ي هند
هند:١٩ سنه ي طنط
مامت حازم: العمر كلو ليكي دا ابنك
هند: ايو بنتي دارين
مامت حازم: يتربى ف عزك ي بنتي اعتبريني م النهارده مامتك وقوليلي ي ماما انا حبيتك اوي واستريحتلك
هند: حاضر ي طنط
مامت حازم: طنط اي بقا قوليلي ي ماما
هند: حاضر ي ماما
والد حازم: اهلا بيكي ف بيتي ي بنتي نورتينا
هند: دا نورك ي عمو
والد حازم: بقا تقولي لمراتي ي ماما وتقوليلي ي عمو دا عيب ف حقي حتى
هند بضحكة عفويه: معلش بقا ي بابا
والد حازم: ايوا كدا وريني القموره اللي معاكي دي
هند: اتفضل
والد حازم: بسم الله ماشاء الله اللهم بارك ربنا يحفظهالك يارب
هند: يارب
...
سؤال مهم اي سبب طلاق عصام وهند اتحفوني ووروني خيالكم جاب اللي ف دماغي ولا لا
عارفه ان الفصل قصير وبتمنى يعجبكم متفهموش اني واكله الاحداث لا انا البي عملت كدا قصد وكل حاجه هتبان ف الحلقات الجايه
نورا عوض