فتاه لا تعرف المستحيل .. نورا عوض

14

اعذروني لعدم النشر بس مضغوطه عندي افراح الدنيا وفرح اختي الايام دي ومش عارفه اكتب

سالي: انا لو شفتهم هولع فيهم
امل: جيتي للحق هما الاتنين عاوزين الضرب
عبدالرحمن كان هيتكلم بس جه اتصال م عصام
عبدالرحمن: شوفي الأستاذ لسه فاكر يرن
سالي: رد هزقه
عبدالرحمن : الو ي بيه ي متربي
عصام رفع حاجبه: اي ي بودي الطريقة النشفه دي
عبدالرحمن: لسه فاكر ترن علينا ي بيه دا احنا قاعدين ع اخرنا وعاوزين نطمن وانت ولا انت هنا انت والست هند
عصام حط ايده ع هند: معلش ي بابا بقا اتشغلنا اصل قابلنا عم هند واتشغلنا معاه
عبدالرحمن: نعم عم هند قابلتو عمها مين
امل بصدمه: هاتو
عبدالرحمن: خدي
امل: ايوا ي عصام انت قابلت ايمن بجد
عصام: ايوا ي ماما قابلتو امبارح واحنا معذومين عنده ع الغدا النهارده
امل: طيب ونبي لما تقابله رن عليا عاوزه اكلمه بليز
عصام: حاضر
امل: اديني هند عاوزه اطمن عليها
عصام: حاضر خدي ي هند
هند: ايوا ي ماما ازيك وحشتيني اوي
امل بدموع: وانتي كمان ي هند اخبارك اي ي حبيبة ماما
هند: الحمدلله والله وحشاني اوي
امل: شفتي ايمن
هند بدموع: ايوا ي ماما شفتو واتجوز ي ماما
امل: ايمن اتجوز بجد
هند: ايوا وخلف ٣ بنات هند ودارين ولليان
امل: بجد اللهم بارك ونبي خليه ينزل مصر عاوزه اشوفه اوي وحشني
هند: حاضر ي ماما هقولو
امل: لا رني عليا اقولو انا
هند: حاضر
عند ايمن
ايمن: منورين بيتي ي جماعه
عصام : بنورك ي ايمن بيه
ايمن: بيه اي ي عصام دا احنا نسايب بلاش القاب
عصام : تمام ي ايمن
ايمن نده ع مراته: ي اسيل تعالي
اسيل: اهلا بيكم نورتونا
هند: دا نورك ي اسيل
اسيل: هند مستحيل وحشتيني موت
هنذ: وانتي كمان ي قلبي والله وحشتيني جامد كدا ي سيلا تتجوزو ومتقولوش ليا
اسيل: معلش ي قلبي كان لازم نعمل كدا انتي عارفه اهلي كانو رافضين الجوازه دي ومكنوش حبين ايمن اعمل اي بس هما رضو ف الاخر لما شافو الانجاز اللي حققه ايمن ف وقت قصير وعيشين ف مستوى كويس ومخلفين فا سمحوني منا بنتهم الوحيده
هند: ربنا يسعدكم يارب ويفرح قلبكم
اسيل: يارب ي هند
هند: اه صحيح ي ايمن ف حد عاوز يكلمك
ايمن: مين
هند: ماما
ايمن: امل انتي قولتيلها انك شفتيني
هند: ايوا وطلبت تكلمك ضروري
ايمن: طيب اديني رقمها
هند: اكتب عند
وبعد ما هند اداتو الرقم ايمن اتصل بيها
ايمن: هالو مدام امل
امل: ايوا مين
ايمن: معاكي ايمن المحمدي
امل:ايمن ازيك ي ايمن عامل اي
ايمن: الحمدلله ي امل اخبارك اي
امل بدموع: كويسه ي ايمن والله وحشتني
ايمن: وانتي كمان والله ي امل
امل بعتاب: كدا ي ايمن تسافر ومتسالش عليا هونت عليك دا انا اللي ربيتك
ايمن: والله غصب عني كنت مضغوط اوي بس الحمدلله انا بقيت م اشهر المهندسين ف باريس
امل: الحمدلله بس ع الاقل كنت انزل وطمني عليك او حتى اتصل بيا
ايمن: مقدرتش انزل بسبب سيد واللي عملو فيا ولا نسيتي
امل بحزن: هو دي حاجه تتنسي
فلاش باك
سيد بغضب: انت ي استاذ ايمن ي محترم تعالى هنا دلوقتي وقعد ينادي بصوت عالي
امل: ف اي ي سيد اي اللي حصل بتزعق ليه
سيد بغضب: ملكيش دعوه انتي هو فين المتربي المحترم
امل: نايم ي سيد جه تعبان م الشغل
سيد ب استهزاء: شغل اي دا اللي تعب منو هو فين انت ي زفت ياللي اسمك ايمن وفتح الباب بتاع الاوضه جامد لقاه نايم وراح ماسك ازازة المايه وكباها ف وشه
ايمن بفزع: اي ف اي
سيد: قوم ي خويا قوم ي متربي
ايمن: اي ف حد يصحي حد كدا
سيد ضربه: اه انا قوم ي محترم ي متربي
ايمن: بتضرب ليه ف اي
سيد بغضب: مش عارف ف اي ي محترم ي متربي وبدا يضرب فيه انا اقولك ف اي ف انك مش محترم وهتعرنا وماشي مع بنات الناس وبتلعب بيهم وقاعد تحب ف بنات الناس
ايمن: انا لا يمكن اعركم
سيد ضربه بالقلم ع وشه: لا ونبي ومشيك مع اسيل الشرقاوي دا تسميه اي
ايمن: عندك اسيل محترمه وانا بحبها وهتجوزها
سيد: ع جثتي لو دا حصل
ايمن: هيحصل اسيل محترمه ومؤدبه
سيد:محترمه اوي هيا لو محترمه مكنتش كلمتك ولا مشيت معاك
ايمن:اسيل بتحبني جامد وانا وهيا هنتجوز
سيد: ع جثتي ان دا حصل ي ايمن وبدا يضربه
امل: ينهارد اسود سيب الواد ي سيد سيبه هيموت ف ايدك
سيد:اوعي انتي ما كلو منك انتي
امل:مني انا ليه
سيد:دلعك فيه هو اللي بوظه
امل: لا مش بوظه ايمن راجل
سيد بسخريه: اه ما هو واضح الرجوله اوي بيلعب ببنات الناس
ايمن بغضب: انا مبلعبش بحد انا هتجوز اسيل
سيد:عند امك ي روح امك
ايمن بحزن وغضب: متغلطش ف امي الله يرحمها هيا لو كانت عايشه مكنتش سمحتلك ان انت تهين فيا او تمد ايدك عليا مهما كان
سيد: ي ماما خوفتني امك لو كانت عايشه مكنتش سمحتلك تلعب ببنات الناس ي روح امك
امل: عيب كدا ي سيد كفايه اهانه ف ماما
سيد: غوري م وشي ي ست انتي ولا مش هيحصلك كويس
امل بشجاعه: هتعمل اي
سيد بغضب: عاوزه تعرفي هعمل اي
امل بشجاعه: ايوا
سيد مسكها م شعرها وبدا يضربها جامد: تحبي تعرفي كمان ي بنت ال****
ايمن: سيبها ي مجنون انت بتعمل اي
سيد ضربه ب القلم: بقا بتقول لاخوك الكبير ي مجنون صحيح ماللي ربتك ست مش محترمه وكمل ضرب ف امل وامل قاعده تصرخ
هند بدموع: بس ي بابا كفايا ضرب ف ماما
سيد بغضب: امشي اطلعي برا وخرجها وقفل الباب وبدا ضرب ف امل وايمن بيحوش عنها وكل شويه يضربه
امل بصراخ وعياط :حرام عليك سبني اتقي الله سبني
سيد مش مهتم وبدا يضرب فيها وايمن زقه جامد ومسك الحزام وضربه ضرب جامد ما هو المظلوم لما بيغضب مبيشوفش قدامه والضعيف هيجي ف لحظه يقوى وبدا يضرب فيه
سيد: انت اتجننت تمد ايدك ع اخوك الكبير وراح متمكن منو واخد الحزام وضربه وشده جامد اتفضل برا بيتي
ايمن: مش طالع دا بيتي زي ما هو بيتك
سيد: ملكش مكان ف البيت دا اتفضل برا يلا
ايمن: مش طالع
سيد: لا هتطلع يلا برا ي ابن ال*** يلا برا وطرده وقفل الشقه بالمفتاح
ايمن: مش هرحمك ي سيد دا بيتي زي ما هو بيتك
سيد بغضب: الواد دا ان دخل البيت اعتبري نفسك طالق ب التلاته
امل بدموع: انت بتهزر صح
سيد بغضب: مش بهزر قسما بالله لو دخل البيت يبقا انتي طالق ب التلاته
امل بدموع: حرام عليك ي سيد حرام بجد وراحة نحية الباب
سيد: اياكي تفكري تروحي وراه لو خرجتي وراه يبقا انتي طالق
امل وقفت مكانها متسمره م الصدمه
بعدها ب يومين ف السوق
ايمن واقف مخنوق
امل: ايمن انت كويس
ايمن: امل انا مخنوق اوي
امل: معلش ي حبيبي انت قاعد فين دلوقتي
ايمن :ماجر اوضه ع سطح ف بيت واحد صحبي
امل:فين دي
ايمن: شايفه البيت اللي هناك دا
امل: ايوا شيفاه
ايمن: قاعد فيه
امل: تمام هبعتلك الاكل والبس كل يوم
ايمن: ابعتيلي لبسي عشان مسافر
امل بصدمه: اي مسافر فين
ايمن: فرنسا هسافر اشتغل هناك واحقق ذاتي
امل: هتسبني انا وبناتي واسيل لوحدنا
ايمن: هاخد اسيل معايا
امل : ازاي واهل اسيل رفضينك
ايمن: هتهرب معايا
امل:لا ي ايمن انا مربتكش ع كدا
ايمن:معلش مفيش غير الحل دا هتجوزها ونسافر سوا
امل: هتتجوزها امتى
ايمن: بكرا اهلها هيخرجو عند ناس قريبها عاوزين يجوزوها عريس قريبها وهيا رافضه وهما قالولها هتستني هنا ف البيت ومش هتخرجي غير ع يوم الخطوبه وانا قولتلها تبين موفقتها عشان تعرف تخرج
امل: وبعدين
ايمن: وبعدين هتيجي ونكتب الكتاب
امل: طيب مش السفر دا محتاج جواز سفر وكدا
ايمن: هيا عندها جواز سفر هتجيبه وتيجي
امل: طيب والتقشيره
ايمن: واحد صحبي هيجبهالي
امل: طيب دا محتاج فلوس ف البنك ميقلش عن ١٠٠ الف
ايمن: اسيل ف حسابها نص مليون هنعمل التقشيره عليها ونسافر سوا
امل: طيب هتسكنو فين
ايمن: هنقعد ف فندق ف باريس يومين لحد ما الامور تتحل
امل: طيب خد بالك م نفسك
ايمن: حاضر بس متنسيش تيجي كتب الكتاب
امل: هو امتى
ايمن :بكرا العصر
امل: الف مبروك ي حبيبي
ايمن: الله يبارك فيكي
عوده للحاضر
امل: دا اكتر حاجه مقدرتش انساها دا انا وبناتي اتعذبنا بعد ما انت مشيت
ايمن: حقك عليا ي امل
امل: مش مسمحاك
ايمن: عشان خاطري
امل: ماشي بس بشرط
ايمن: اي هو
امل : تنزل مصر عشان اشوفك
ايمن: بس كدا حاضر ف اقرب فرصه ان شاء الله
امل: ماشي ي حبيبي اسيبك دلوقتي واكلمك بعدين
ايمن:ماشي خدي بالك م نفسك
امل: حاضر لا اله الا الله
ايمن:سيدنا محمد رسول الله
بتمنى يعجبكم انا عارفه ان هو قصير بس فرح اختي النهارده عقبالكم
وبعتذر انا هقصر الفتره اللي جايه عشان عندي فرحين غير دا فرح خالي وفرح اخويا يعني ضغط م كل حته
نورا عوض