فتاه لا تعرف المستحيل .. نورا عوض

٤

امل بصدمة: انت
عبدالرحمن بثبات: ايوا انا اي اتصدمتي
امل بصدمة: ايوا اصل مكنتش متوقعه اني اشوفك بعد ١٧ سنه ي عبدالرحمن
عبدالرحمن: مفاجاه غير متوقعه صح
امل بتصنع الثبات: ايوا بصراحه مكنتش متوقعه اني اشوفك تاني وبدات عنيها تلمع بالدموع
عبدالرحمن: انا عارف طريقك بقالي سنين بس موضتش اوصلك عشان متقوليش عليا بدخل ف حياتك مع ان المفروض اول واحد يكون ف حياتك ويساعدك بالرغم م اللي عملتيه زمان
امل بدموع:انا اللي عملته لمصلحتك زمان والست مرتك سوزان هيا اللي فرقت بينا زمان
عبدالرحمن رفع حاجبه وتنهد: انا طلقت سوزان واتجوزت واحده تانيه
امل بصدمة : ازاي دا انت كنت بتحبها واخترتها وسبتني عشانها سبت اختك الصغيره عشانها اللي ملهاش غيرك
عبدالرحمن: شيطان ودخل بينا
امل بغضب: شيطان اي دا اللي يخليك ترمي اختك لواحد قعد ١٧ سنه يهين فيا ويبهدلني ولما جيت استنجد بيك سوزان هانم طردتني م بيت ابويا بعت اختك عشان واحده زي دي
عبدالرحمن بحزن: خلاص بقا ي امل حصل خير دا شيطان ي قلبي
امل بحزن ودموع: انت مش عارف اي اللي حصلي بعد ما سبتني وقعدت تعيط بقهر
عبدالرحمن بحنان ووقف قدامها وحط ايده ع وشها وقال بحنان: خلاص ي قلب بودي بلاش عياط انتي عارفه ان دموعك غاليه عليا
امل ومازلت بتعيط: انت كداب لو كانت دموعي غاليه عليك مكنتش سبتني السنين دي كلها محتجالك وسيد بيبهدلني
عبدالرحمن بحنان وعطف وهو بيمسح دموعها خلاص ي قلبي بقا ولما سيد يجي هكلمه واخليه يحترمك بعد كدا
امل قعدت تعيط جامد
هند قاطعته وقالت: يجي فين بس هو مستحيل يجي هنا ولو جه انا هطلبلو البوليس
عبدالرحمن بصدمة م هند وطريقتها : انتي ازاي بتقولي كدا ع ابوكي ي هند
هند بثبات: دا راجل خاين ومتسلط وكداب وغشاش
عبدالرحمن بصدمة اكبر: اي ليه بتقولي كدا فهميني ما تتكلمي ي امل فهميني اي اللي حصل
امل بدموع وقهر: سيد اتجوز عليا وطلقني ودخلت ف هستريا عياط دون توقف
عبدالرحمن بصدمة : اي مستحيل ازاي وامتى وليه
هند : ابقا اساله انت بقا
عبدالرحمن بصدمة : ازاي يعني اي طب الفلوس اللي كنت ببعتهالك كان بيدهالك
امل بصدمة ووشها اتغير : اي فلوس اي سيد مجبليش سيره ان هو اخد فلوس منك
عبدالرحمن بصدمة اكبر: اي ازاي دا يعني كان بياخد الفلوس اللي بعتهالك ويصرفها ع الحريم ولا عمل فيها اي بظبط
هند بسخريه: فلوس اي اللي كنت بتبعتها دا كان بيسيب الف جنيه مصاريف البيت وبيشتري ليا ولاختي كل واحده طقم ف السنه بحجه قلت الفلوس وكان بيخلي امي تشتغل وتصرف هيا ع البيت وأوقات كان بياخد الفلوس منها
عبدالرحمن اتصدم م كلام هند: اي انتي بتقولي اي دا انا كنت ببعت لأمل ٢٥ الف كل شهر عشان تعيش ف احسن مستوى
امل بسخريه: دا احسن مستوى عشت فيه ي اخويا مفيش اجمل م كدا
عبدالرحمن بغضب: ازاي هو انتو بيعتو بيتكم اللي ف التجمع
امل بسخريه اكبر: بيتنا دا احنا معشناش ف التجمع اساسا مرحناش هناك غير مره واحده وهيا كان يوم طلاقي
عبدالرحمن بصدمة: ازاي دا انا روحتلك هناك مره و
امل قاطعت كلامه وقالت: رحتلي هناك ازاي
عبدالرحمن بصدمة: ايوا رحتلك واللي استقبلتني الشغاله ولما سالت سيد عليكي قالي انك مسافره مع البنات تقدو يومين ف الجونه عشان تغيري جو وبعد ما تيجي م الجونه هتروحي تعملي عمره لانك نفسك فيها وقالي ان هو بيجمع فلوس عشان يحجزلك ف فندق ٥ نجوم ف مكة وبعدها اديته شيك ب٢٠٠ الف جنيه مقبول الدفع عشان تروحي تعملي اللي نفسك فيه وقولتلو ياخد باله منك
امل بصدمة ممزوجه بالدموع: محصلش حاجه م دي خالص انا م يوم ما اتجوزته وانا عايشه ف البيت دا حتى باع الشقه اللي كنا عايشين فيها وعيشني ف دي عشان قالي ان هو مديون ومحتاج يسد ديونه
عبدالرحمن بصدمة: ازاي دا حصل طب ليه مقولتليش ما انتي بتكلميني كل يوم تقريبا
امل نزل الكلام دا زي الصاعقه: اي انا بكلمك انا م يوم ما حصلت المشكله وانا قطعت الكلام معاك ودي اول مره اكلمك بعد ١٧ سنه
عبدالرحمن بصدمة كبيره: ازاي دا انتي بترني عليا كل يوم
امل بصدمة: محصلش والله ما حصل
عبدالرحمن بصدمة : ازاي مش دا رقمك
امل بصت ع الفون بتاعه وقالت بدموع: لا دا مش رقمي
عبدالرحمن بصدمة ممزوجه بالغضب: اه ي ابن ال*** ان ما ربيتك ي كلب السكك
هند واقفه مصدومة م ابوها واللي عملو
وبعد شويه جت شيماء
شيماء : مامي انا جعانه اوي اعمليلي طبق بطاطس كبيييير اوي اوي
امل مسحت دموعها وقالت بحنان: حاضر ي قلبي بس روحي صلي وهنتغدى كلنا سوا
شيماء: ماشي ي مامي وبصت ع عبدالرحمن ببراءه اهلا بيك ي عمو ف بيتنا انت هتتغدى معانا بطاطس صح
عبدالرحمن: ههههههههه صح ي قلبي ونزل لمستواها انتي اسمك اي بقا
شيماء: انا اسمي شيماء وبيدلعوني ويقولولي ي شوشو او ي شوشتي
عبدالرحمن بحنان :اممم طب انتي عارفه انا مين
شيماء هزت راسها نافيه وقالت: انا اول مره اشوفك انت مين ي حلو انت
عبدالرحمن بضحكة:هههههههه حلو اي دا انتي اللي حلو انا بقا ي ست البنات ابقا اخو ماما امل يعني خالو م هنا ورايح تقوليلي ي خالو
شيماء: بس ماما ملهاش اخوات
عبدالرحمن بحزن: لا ليها انا بس انا كنت مسافر ولسه راجع
شيماء بفرح :اي دا بجد حمدلله ع سلامتك ي خالو وباسته م خده انت عسول علفكرا
عبدالرحمن بحنان وضمها ليه: ي قلبي انا
بعد شويه امل سالت هند: انتي قبلتي عبدالرحمن فين ولا وصلك ازاي
عبدالرحمن : اقولك
امل :قول
عبدالرحمن : امبارح لما كنت ف هايبر ماركت بتاع صحبي
فلاش باك
هند: تمام انا اسمي هند سيد المحمدي وكنت بدور ع شغل فهل ممكن تشوفلي شغلانه
المدير : عندك كام سنه
هند:١٦ سنه
المدير: بس انتي لسه صغيره ي بنتي
هند: عارفه بس انا محتاجه الشغل ضروري
المدير :لازم يكون عمرك ع الاقل ٢٠ سنه لان دي فلوس ناس
هند: اه تمام ي فندم ومعلش ع الإزعاج
المدير: لا ولا يهمك
هند : تمام عن اذنك
المدير: استني
هند: أفندم
المدير: خدي دول ي بنتي خليهم معاكي
هند بصت للفلوس وقالتلو والدموع ف عنيها: فهمتني غلط حضرتك انا مش شحاته عن اذنك وطلعت جري تعيط
عوده للحاضر
بعدها خليت ناس تبعي يتأكدوا اذا كانت بنتك ولا لا ولما اتاكدت انها بنتك
فلاش باك
راح ليها الحارس بتاعي وكلمها لو سمحت
هند: حضرتك تقصدني
الحارس :ايوا أقصدك انتي مش حضرتك هند سيد المحمدي
هند: ايوا انا مين حضرتك
الحارس:مش مهم
هند: يعني اي مش مهم مش انت ندتلي عاوز مني اي
الحارس: هتعرفي كل حاجه دلوقتي بس ممكن تتفضلي معايا بس دقيقه
هند بدات تتوتر: اتفضل فين انت مجنون
الحارس بغضب ومسكها م ايدها: بلاش قلت ادب وتعالي معايا بالزوق الباشا عاوزك
هند بغضب: انت مجنون ازاي تتجرا وتمسك ايدي انت مين وعاوز اي
الحارس بغضب: قولتلك احترمي نفسك واتكلمي ب ادب احسن ليكي بدل والله ابهدلك
عبدالرحمن قاطع الكلام : بس ي محمد عيب تتعامل كدا
محمد: ي باشا دي لسانها طويل وعاوزه تتربى
هند: انا لساني معزول انت اللي قليل الادب ومجنون سيب ايدي ي حيوان
محمد بغضب: بت احترمي نفسك
هند بغضب:انا محترمه غصب عنك
محمد كان هيضربها بس عبدالرحمن وقفه
عبدالرحمن: اي ي محمد ف اي ممكن تسيبها وانا هتكلم معاها اتفضل انت
محمد : بس ي باشا
عبدالرحمن مقاطع الكلام: انا قولت اي سبني معاها لوحدنا
محمد: امرك ي باشا
بعد ما محمد مشي
عبدالرحمن بحنان: تعالي ي بنتي
هند: انت مين وعاوز اي
عبدالرحمن: هتعرفي كل حاجه دلوقتي بس تعالي معايا نقعد ف الفيلا نتكلم واعرفك ع المدام بتاعتي
هند بقلق: اي فيلا وحست بالخوف لا انا مش جايه ف حته
عبدالرحمن بنفاذ صبر : الصبر م عندك يارب متخفييش ي هند مش هعمل حاجه تاذيكي مش انتي بتدوري ع شغل
هند بعدم تصديق وخوف: ايو
عبدالرحمن بحنان:خلاص انا هشغلك ف الشركة بتاعتي
هند بفرحه: بجد طب ازاي وانا لسه ف ٢ث
عبدالرحمن بجبر خاطر: كل دا مش مهم هتاخدي كورس وادربك ف شهر وهتبقي جاهزه ولما تخلصي كليه باذن الله هتفضلي معايا
هند بفرحه: بجد انا مش مصدقه
عبدالرحمن بحنان: لا صدقي ويلا بقا تعالي معايا
هند راحت معاه بعد ما اقنعها بصعوبة
ف فيلا السعدني
عبدالرحمن دخل ومعاه هند طبعا هند كانت مبهوره بالفيلا لانها اول مره تدخل فيلا ف حياتها
هند سمت ف سرها وقالت: ماشاء الله اللهم بارك فيها ي عبدالرحمن بيه
عبدالرحمن بفرحه:تسلمي ي قمر
اتفضلي اقعدي
هند بتردد : حاضر
عبدالرحمن : ي سالي
منى : ايوا ي بيه سالي هانم ف الجنينه الخلفيه
عبدالرحمن: ممكن تناديلها وتقوليلها كلمي عبدالرحمن وهاتي عصير لهند بعد اذنك
منى: حاضر ي بيه
هند: ملوش لزوم ممكن افهم ف اي ي بيه
عبدالرحمن : اصبري لحد ما مراتي تيجي واعرفك عليها
هند: حاضر
بعد شويه سالي جت
سالي: ايوا ي عبدالرحمن ف اي اي اللي رجعك بدري مش عادتك
عبدالرحمن: سلمي ع هند ي سالي
سالي بصت لهند باستغراب وقالت: اهلا ي بنتي ازيك
هند بتوتر: انا الحمدلله ي هانم انتي اخبارك اي
سالي : انا الحمدلله وبعدها بصت لعبدالرحمن مين دي ي عبدو وفي اي فهمني
عبدالرحمن: اقعدي بس
سالي: أدي قعده مين دي
عبدالرحمن بص لهند وبعين سالي وقال لسالي: اعرفك ب هند سيد المحمدي بنت اختي امل السعدني
سالي بصدمه ممزوجه بفرحه : اي بنت امل
عبدالرحمن: ايوا
سالي : ي قلبي انتي هاتي حضن ي بنت الغاليه
هند م الصدمه مش قادره تتكلم وبعد شويه بدات تفوق م الصدمة :انا مش فاهمه حاجه
عبدالرحمن: افهمك مش انتي مامتك اسمها امل السعدني
هند بتوتر: ايوا
عبدالرحمن بفرحه:انا بقا اخو امل الكبير عبدالرحمن
هند: بس ماما عمرها ما ذكرت ان ليها اخوات
عبدالرحمن: عارف ف ظروف حصلت زمان وانفصلنا انا وهيا ع العموم انا فرحان اني شفتك
وبدا يشرح لهند كل حاجه ويفهمها وهيا فهمتو احوالهم
عوده للحاضر
عبدالرحمن: هو دا كل الموضوع